" في حروب الارواح مالقيت الا انتِ يالروح الندية "

البارت التاسع والثلاثين

صوتها وهي تدف امير عنها وتتنفس بسرعة هائلة
جُمان بحقد : كتمتني الله يكتمك !!!
امير بسخرية : وين كتمتك لهدرجة قربي لك موتركك !!
جُمان بكره الدنيا له : الله ياخذ ثقتك اللي اعميتنا بها
امير : هيي تراك ممممم قاطعه صوت الجد جابر وهو منصدم من وقوفهم مع بعض !!!
الجد جابر : اياا السرابيت يالمخفة يالكلابههه قم انت وياها قامت قيامتكم !!!
جُمان : اااءء جدي وربي مو مثل اللي انت شايفه اصبرر افهمكككك !!
الجد جابر بحدة : ولا كلمه وانتِ والكلب ذا شغلكم عندي بيجي الملاك اليوم وتملكون على بعض هذا كبري والشيب مغطيني والقى احفادي مجتمعين
امير بسخرية وهو مصدوم : ياجدي زوجني اي احد الا هالمجنونة !!
رفعت يدها وهي ناويه تصفقه لكن تسارع وهو يشد على قبضتها ويحطها ورا ظهرها تكلم بحدة : اخررررر مرهه ترفععين يدتتس عشان لا اقطعها للكلاب فاهمههه !!!!!
الجد جابر : وكسر يكسرك فكها وانقلعوا لاتشوفكم عيني الملاك جاي يعني جاي !
سحبت يدها منه وهي تمسح دموعها وتطلع
التفتت لأمير اللي يناظرها اقترب وهو بيطلع لكن الجمها رفعة عصا جده وهو يضربه على ظهره
امير بتألم : احححححححح جدد !!!!
الجد جابر : اذلف عن عيني ولاتشوفك عيني !

دخلت غرفتها وهي تبكي
افنان وهي تشيل الخيار عن عينها فزت وهي تشد على روبها الوردي : جيجي !!؟
جُمان بعصبيه : سكري الباب !
افنان وهي تجلس بعد ماسكرت الباب ضحكت بسخرية :
جمونننن تبكي ما اصدق !!
سحبت المخدة وهي ترميه عليها بحدة
وسعت عيونها بصدمه وهي منقهرة : جيجي ووجع لفافاتيييي !!
ضحكت بسخرية وكأنها مُتناسيه سبب غضبها  : من زين لفافاتك عاد
افنان وهي تبتسم : اهم شي ضحكتك ، عاد قولي لي شمزعلك ؟
ابتدت جمان بالبكاء وهي منقهرة : جدي
افنان : شفيه ؟
جمان : بيزوجني امير !
جلست وهي منصدمة : كيففف ؟!!!
جمان : انا رفله ولا سنعة ؟
استغربت من سؤالها : شدخل ذا بذا الحين !
جمان بحدة : جاوبيي!
افنان بصراحة : رفله
جمان : الله ياخذني يوم قلت بصير سنعة واسوي الفطور
افنان : ليش شصاير بتس ؟
جمان وهي تسرد لها الحكاية من الالف الى الياء
عجزت تكبح ضحكتها وهي تقهقه بقوة
جمان بغضب : ضحكتي من سرك بلاء !
افنان : عاد انتِ وياه كوبل ولا اروع من ناحية قلة الحياء
والهواش اوهههههه صدق عرف لكم جدي
قامت جمان وهي منضغطه منها : الشرهه على اللي جايك يالحيوانه سحبت المخدة وهي ترميه عليها مره ثانيه

دخل امير غرفته وهو متضايق وبنفس الوقت مبسوط
يحس نفسه بلا احساس مو عارف مشاعره المتبلدة
اللي جالس يحس فيها
فصخ تيشيرته وهو ينغمس بالنوم
-
استنفر البيت من سماعهم لخبر ملكة
( امير & جمان )
مناهل وهي تصفق الباب بالجدار التفتت له وهو نايم : ياللي ماتستحي قم الملاك بيوصل !!
امير : طيب قايم الحين
قام بتذمر وهو حاس مشاعرة متلخبطه مابين برود وتبلد وفرح
سحب منشفته وهو يدخل لدورة المياة " يُكرم القارئ "
-
" عند جمان "
وهم يجهزونها للشوفة
جمان وهي تبعد يد امها عنها : يمه خلاصص عيني عورتني من كثر ماتكحلينها !
الهنوف : حشى مدخله ملقاط بعينك كحله تراها كحله !
حورية : ياحبيبتي مدري شفيتس متضايقه من زواجتس انت بك شي ؟
جمان وهي تصد : لا بس مابيه ما ابلعه ما اطيقه ماينبلع هالمغرور !
الهنوف : بتبلعينه وتحبينه وهو نفس الشي ترا مو عشان اننا تزوجنا زواج تقليدي يعني نكره بعض فيه عشره وعيال وحب ومع الوقت بتحبون بعض
حورية بحزن : تصدقين كأني اشوف نفسي بدالك وانا لابسه فستاني بالغصب عشاني متزوجته اجبار بس والله مع الوقت حبيته وحبني وصرنا نشوف بعض كلشي بس خذاه من يديني يالله عسى ان ترحمه برحمته ياحي ياقيوم
رفعوا يدينهم وهم يدعون له بالرحمة الواسعة
ادعموني بنجمه 💙🌟🤏🏻
اذا تبون تشوفون ملكة امير & جمان اكتبوا بالكومنتات عشان اشوف تفاعلكم واتحمس 😭😭
استودعتكم الله 🫡