" في حروب الارواح مالقيت الا انتِ يالروح الندية "

البارت الثاني عشر

الرّيم : يمه ترا بطلع
سكرت الباب وهي تمشي قابلت صديقتها نسرين
نسرين : ريوم
الرّيم : هلا كيفك
نسرين : بخير وانتِ
الرّيم :  يالظالمة ثلاث شهور ماشوفك
تنهدت نسرين وقالت : شسوي انتِ تعرفين باللي امر فيه
الرّيم : للحين
نسرين : الله يعين تعالي نمشي ابي افضفض لك
نايف من وراهم : الرّيم التفت الرّيم : نايف ؟
تقدم نايف : الرّيم شلونك
الرّيم وهي شايلة بخاطرها عليه : بخير
نايف : ابي أكلمك بموضوع
نسرين وهي تطق كتف الرّيم : حركات حبيب واذا ماعرفتك
قرصتها الريم بخصرها عشان تسكت
نسرين صرخت بألم : اييي خلاص بروح ياعصافير الحُب راحت وهي تضحك
الرّيم بإحراج : نعم نايف
نايف بضحكة : ينعم الله عليك انا يابنت الحلال جايك عشان ا
ماكمل كلامه إلا وصوت السيارة
الرّيم بصراخ : نسريييين
ركضت الرّيم وهي تطبطب على وجهها وهي تبكي : نسرين تكفين اصحي تكفين
نايف مسك راسه يوم شاف سليمان نزل من السيارة ومعه امه والعنود
توجه اهم وهو يفتح السيارة ويطلع سليمان : سليمان شسويت
سليمان وهو يناظر نسرين ودمها مغطيها : ماتت
العنود بصراخ  : سلييماااااان 
نزلت سعاد : وهي تلمسها تكفين يارّيم لاتقولين انها ماتت
العنود نزلت وهي تبكي : ماتت صح ياقردك قرداه يالوليدي ياقردك قرداه
قامت سعاد وهي تصفق العنود : اصص اصص لاتفاولين عليه
العنود وهي تضم سعاد : تكفون لاتقولون انها بتموت تكفوون
سليمان : يعني انا مجرم
تجمعت الناس حوالينهم وهم يشوفون نسرين طايحة
الرّيم بصراخ : دقو على الاسعافف
سليمان وهو يضحك ويبكي: نايف انا مجرم 
نايف صفق سليمان : سليماان قدر الله وماشاء فعل ادع لها
توجه نايف ناحيتها وهو يفصخ شماغه ويغطيها
العنود بصراخ : ماتتتتتتتتتت
سعاد : ان لله وإنا اليه راجعون
اغمى على الرّيم ومسكها نايف وهو يردد: ان لله وإنا اليه راجعون
-
بيت ابو راشد
نجود وهي تستشور شعر هند : راح اطلعك مزه اليوم راح اخلي سلطان ينهبل يستعجل على الزواج
هند وهي تطقها : وجع تكلمي بإحترام
سُلاف : بنات امي مارجعت للحين بصراحة خايفه عليهم احس صاير شي
نجود : يابنت تلقينهم متطاقين بالسيارة ومتوهق فيهم سليمان
قعدوا يضحكون دخل عليهم ابو راشد : عسى دوم هالضحكة
هند : تدوم لنا
سُلاف : هلا يبه
ابو راشد : نجود تعالي ابيك
نجود : انا
ابو راشد : اي الحقيني
هند مسكت نجود : نجود شمسويه
نجود هزت كتفها بعدم معرفة
: هلا يبه
ابو راشد بتردد : بكلمك بموضوع يخصني
نجود : عسى خير
أبو راشد : خير خير ان شاء الله
نجود : يبه امي فيها شي
ابو راشد : لالا حريمي حياة يرزقن
ضحكت نجود : طيب كمل
ابو راشد : بتزوج
نجود فزت بصراخ : هااااااااه
ابو راشد : وجع اقصري  حسك
نجود : الله ياخذني يبه والله كنت امزح معك وقتها
ابو راشد : تزوجيني
نجود : عشان حريمك ينحروني لا يبه خلك على حريمك انت ثنتين مو متحمل هالمرة بتجيب الثالثة
ابو راشد : تراني توني شاب برجع شبابي
نجود بهمس : وين ترجع شبابك وانت بعصاك
ابو راشد : شقلتي
نجود : يبه معليش بس وين شباب
ابو راشد : ياللي ماتستحين تزوجيني ولا
نجود : لا
ابو راشد : ماتبين قروش ماتبين ١٩٧٥
نجود وهي تكبر عينها : قاعد تغريني
ابو راشد : خلاص بدور غيرك يزوجني
نجود : انتظر
-
في السوق انتشرت اخبار وشائعات ان سليمان ذبح نسرين آم سلطان وهي تمشي بالسوق وتسمع اقوالهم : انت وش تقول
الرجال : يقولون ان سليمان ولد ابو راشد ذبح بنت ناصر
ام سلطان : لا لا ابد انت منتب صاحي
-
في المستشفى
دخلوا نسرين غرفة العمليات
سليمان وهو يفكر لو ماتت اتجه لأمه وهو يجلس عند قدميها : يمههه يعني انا قاتل
بكت العنود على حال ولدها : لا يامك منتب قاتل هذا ربك كاتبه قل الحمدلله وادع لها
جلس سليمان يبكي بشكل هستيري : انا ذبحتها ذبحتها افهميني ذبحتهااا
ركض نحوه نايف بعد ماتطمن على الرّيم : سليمان قم قم وانا اخوك قم صل لك ركعتين وادع لها
جلست العنود تبكي وهي ضامه سعاد
-
بيت ابو نسرين
جلس ابو نسرين يقرأ القران الكريم بخشوع قطع قرأته طرقات الباب المتتالية توجه نحو الباب وهو يسمي : جايك جايك
الولد وهو يلهث : ياعم الحق الحق على بنتك
ابو نسرين : وششوو شفيها نسرين
الولد : واحد صدمها والحين هي بالمستشفى
ابو نسرين ركض للمستشفى وهو خايف يفقد بنته قمراه
-
بيت ابو راشد
وقف ابو راشد
نجود : مقابل كم ؟!
ابو راشد : ١٩٧٥
نجود وهي تضحك بشر : زيدهم
ابو راشد : ولا﷼
نجود : اجل مابه عرس
ابو راشد : اجل بدور غيرك يستاهل الفلوس
نجود : خلاص طيب بس ماتقول لأحد
ابو راشد : ابد ماحدً داري