ပစ်မှတ်က ငါသူ့ကိုကြိုက်တယ်ပဲ ထင်နေတယ် / ပစ္မွတ္က ငါသူ႔ကိုႀကိဳက္တယ္ပဲ ထင္ေနတယ္

16

ဖက်ဒရေးရှင်းရဲ့ အဆင့်မြင့်တိုက်ခိုက်ရေးSystemဖြစ်တာနဲ့အညီ၊ System009က ဇာတ်လိုက်ကိုတန်ပြန်တိုက်ဖို့ တိုက်ပွဲတွင်းပစ်ဝင်ရင်း ကုတ်တွေရေးကူသည်။ ဒီလိုအထောက်အပံ့နဲ့လုဇယ်က ကျားကိုအတောင်တပ်ပေးလိုက်သလို၊ ပို၍အားကောင်းလာသည်။ အချိန်တိုအတွင်း ပြဿနာကို ဖြေရှင်းနိုင်လိုက်ရုံအက၊ ဗိုင်းရပ်စ်ရဲ့ အရင်းအမြစ်ကိုပါ ရှာတွေ့ခဲ့သည်။

နာရီဝက်အကြာမှာ၊ 'လုရှီး'ဂရုအတွင်း ရဲတွေဝင်ရောက်စီးနင်းတာခံရတော့သည်။ လုရှီး၏ လက်ရှိတာဝန်ခံ ဒုဥက္ကဌ လုဟိုင်မှာ အစစ်ဆေးခံရဖို့ ရဲစခန်းကို တခါတည်းပါသွားရတော့သည်။

တစ်ချိန်ထဲမှာပဲ ချန်ရှောင်ဖုန်းက စောင့်ကြည့်ကင်မရာမှတ်တမ်းတစ်ခုကို သက်သေအနေဖြင့် ရဲလက်သို့ အပ်လိုက်သည်။

နည်းပညာဌာနအတွင်းရှိလူတွေအားလုံး မင်သက်ကုန်ရသည်။ စွင်းရှုယာပုံမှာလည်းဖြူဖျော့လို့ ဖြစ်သွားတာတွေကို မယုံနိုင်စွာ။ လုဇယ်ကိုကြည့်ပြီး ပြောလာတဲ့အသံမှာ တုန်ယီစွာ၊ "ငါ့ကို သံသယဝင်နေခဲ့တာပေါ့?"

"မင်းပုံစံကိုက မြင်သာလွန်းနေတာပါ.." လုဇယ် စိတ်အေးသက်သာပဲ အကြည့်လွှဲသွားသည်။

"မဟုတ်ဘူး.. ဒီလိုမဟုတ်ဘူး.. ဒီလိုဖြစ်ရမှာ မဟုတ်ဘူးလေ.." စွင်းရှုယာတစ်ယောက် ခေါင်းကိုတွင်တွင်ရမ်းလို့ လုဇယ်ကိုပဲ စိုက်ကြည့်နေခဲ့သည်။ သူမယုံနိုင်၊ "မင်းက ငါ့ကိုကြိုက်ရမှာလေ.. ဘာလို့ အကုန်လွဲကုန်တာလဲ?"

ဘေးကပရိတ်သတ်မှာ တစ်ယောက်ကိုတစ်ယောက် အကြည့်ချင်းဖလှယ်မိကြပြီး လုဇယ်ဆီ ဆက်ပြုံကြည့်ကြပြန်သည်။

လုဇယ် စိတ်အနှောက်အယှက်ဖြစ်သွားရသည်၊ "မင်းဘာတွေနေလဲဆိုတာ ငါနားမလည်တော့ဘူး"

ပြောပြီး၊ အယောင်ယောင်အမှားမှားနဲ့ ရှန့်ဟန်လက်ကို လှမ်းဆွဲလို့ စိတ်ရှုပ်ထွေးနေတဲ့မျက်နှာပေးလေး လုပ်ပြသည်။ ဒါကိုစွင်းရှုယာမြင်တော့ မလိုမုန်းထားမှုတွေ၊ စိတ်ပျက်ခြင်းတွေ သူ့မျက်လုံးမှာ ထင်ဟပ်လာသည်။

ရှန့်ဟန်လည်း ကြောင်အသွားပြီး Systemကိုလှမ်းမေးသည်၊ [ရှောင်ကျုံ၊ အခြေအနေက ပြောထားတာနဲ့ သိပ်မတူတော့သလိုပဲ]