Unicode
အချိန်ကား ညနေ၄နာရီခွဲခန့်ရှိပြီဖြစ်သည်
မနက်ခင်းတွင်မိုးတောက်လျှောက်ရွာနေခဲ့ပါသော်လည်း နေ့လယ်၂နာရီခန့်ကစ၍ငြိမ်သက်သွားချေသည်။
သို့သော် ထက်အာကာတစ်ခွင်ကကြည်စင်နေသည်မဟုတ် မိုးတိမ်တို့ဖြင့် အဖြူရောင်လွင်ပြင်သဖွယ်ဖြစ်နေလေသောကြောင့် မိုးဖြူမစဲ မိုးမည်းမရွာဆိုသကဲ့သို့ နောက်တစ်ကြိမ်ထပ်မံရွာသွန်းဖြိုးမည့်အနေအထားတွင်ရှိပေသည်
လေနုအေးတို့က တိုးဝှေ့တိုက်ခတ်လျက်၊ မန္တလေးကျုံးနံဘေးတွင် လူအများကလှုပ်ရှားသွားလာလျက် ထိုလူများထဲတွင် အမျိုးသားနှစ်ဦးကို စက်ဘီးတစ်စီးနှင့်အတူတွေ့ရပေမည်။
နှစ်ဦးသားအနက် အရပ်ပိုရှည်ကာ မျက်ဆံပြာပြာတို့ကိုပိုင်ဆိုင်ထားသောအမျိုးသားက စက်ဘီးလေးကိုတွန်းလျက်ရှိသည်။
Fredတို့နှစ်ယောက် ၃နာရီထိုးခါနီးတွင် နန်းတော်ဆီသို့ထွက်လာခြင်းဖြစ်ကာ အပြန်တွင် ကျုံးဘေးတလျှောက်လမ်းလျှောက်ပြီးပြန်မည်ဟုဆိုကာ ယခုကျုံးနံဘေးတွင်ချစ်သူနှင့်အတူ စကားပြောရင်းတလှမ်းချင်းလျှောက်လှမ်းနေခြင်းပင်။
" လင်္ကာ ခဏ ခဏ ကျွန်တော်ဓာတ်ပုံရိုက်ချင်လို့"
ဓာတ်ပုံရိုက်ရန်အတော်လေးအဆင်ပြေလှသည့်နေရာပေမို့ ချစ်ရသူကို ဓာတ်ပုံရိုက်ပေးလိုသောဆန္ဒကြောင့် လမ်းလျှောက်နေခြင်းကိုရပ်ကာ စက်ဘီးကိုပါ အနီးရှိအပင်ကိုမှီကာရပ်လိုက်လေသည်
" လင်္ကာ လာဒီနေရာမှာရပ်"
" မင်းဓာတ်ပုံရိုက်ဖို့မဟုတ်ဘူးလား ပေးလေကိုယ်ရိုက်ပေးမယ်"
" မဟုတ်ဘူး လင်္ကာ့ကိုရိုက်ပေးမလို့"
" ဟင် ကိုယ့်ကိုလား"
" အင်းလေ လာပါဗျာ"
အူကြောင်ကြားလေးကို လက်မောင်းမှဆွဲကာ ကိုယ်တိုင်နေရာချပေးမိလေသည်
" Fred ကိုယ်မရိုက်တော့ဘူးလို့"
" မရဘူး ရိုက်ရမယ် လုပ်ပါဗျာ လင်္ကာကငြိုငြင်တာလား"
YOU ARE READING
My Beloved Tourist Guide (Complete)
Romanceမောင့်လင်္ကာက သိပ်ကိုတော်တဲ့ ဧည့်လမ်းညွှန်တစ်ယောက်မို့ ဘဝဆိုတဲ့ခရီးရှည်မှာရော လင်္ကာကမောင့်အတွက် ဘဝလမ်းညွှန်လေးဖြစ်ပေးနိုင်မလား *Fredrik Eden (ပြည်ချစ်မောင်)*
