قصة حياتنا

P.13

ليان ببعض الخوف و الحزن علي خالتها : عمو يامان .... يعرف واحدة عليكي .. و .. و بيحبها ...

في مكان آخر تحديدا في منزل جميلة و سفيان و هو يلم زينة العيد ميلاد ....
سفيان : ها سميتي الكلب ايه ....

جميلة بحب وهي تنظر للكلب : هسميه سيمبا
هي تعشق فلم ( The lion king) ...

سفيان : حلو الاسم دة .... طيب قومي ساعديني في لم الزينة ...

جميلة و هي تتثاوب بتمثيل : كان نفسي والله بس مش قادرة خالص .... يلا يا سيمبا نروح ننام ...

ثم اخذت الكلب و رحلت من أمام امين المصدوم منها .... و بعد أن رحلت ظل يضحك علي فعلها هذا ...

في مكان آخر في منزل يازجي التي لم تنطق كلمة واحدة بعد ما قالته ليان ...

يازجي بغضب : ايه اللي انتي بتقوليه دة .... مستحيل يامان يعمل كده ... انتي اكيد بتكدبي عليا ...

ليان : يا خالتو هكدب عليكي ليه ... انا سمعته بنفسي و هو بيكلمها في التلفون ...

يازجي بغضب و صوت عالي و هي تقوم من مكانها : انا بجد مش مصدقة انك تقولي الكلام دة علي يامان اللي قعدك في بيته و رضي عادي انك تقعدي فيه .... بجد انا مكنتش مصدقة ...

ليان و هي تقوم من مكانها هي الاخري : يا خالتو ارجوكي صدقيني ... انا اكيد مش هكدب عليكي
خرج يامان الذي كان في الغرفة بعد ان عاد من المشفي و كان يبدل ملابسه .... و خرجت ديانا علي صوت يازجي أيضا ....

يامان باستغراب : في ايه يا يازجي .... صوتك عالي ليه ...

يازجي بغضب كبير : تعالي شوف اللي قعدناها في بيتنا ... و كانت بتاكل و بتشرب و تنام معانا .... تعالي شوف بتقول عليك ايه ...

ديانا باستغراب : قولتي ايه يا ليان ...

يازجي بعصبية : انا هقولك ... كانت بتقول ان يامان بيخوني و عارف واحدة عليا و بيحبها ...

صدم يامان للغاية من كلام يازجي و تأكد أن ليان سمعت مكالمته ...

ديانا بغضب هي الاخري فهي تحب ابيها للغاية : ليان الكلام دة بجد ...

بدأت ليان في البكاء و لم تنطق بكلمة ...

ديانا بغضب اكتر : يعني صح ... انا كنت حاسه ... من ساعة ما بابا رجع من السفر و انتي متغيرة ... مكنتش عارفة ليه ... دلوقتي عرفت انك كنتي بتخططي عشان تفرقي عيلتنا زي ما حصل معاكي ...

نظرت لها ليان بصدمة كبيرة و بعيون مليئة بالدموع ... فلم تتوقع هذا الكلام من ابنة خالتها ... و صديقتها منذ الطفولة ....

يامان بخبث : انا بجد مكنتش مصدق ان البنت اللي اعتبرتها زي بنتي و صرفت عليها من فلوسي و قعدتها في بيتي ... تقول عليا كده ...