عرين الغضنفر....
لاتنسون التصويت ومتابعة الحساب والتعليق ع كل الفقرات❤❤
اسراء الجنابي
_____________________________________♡
ضياء: منتضرج مستقبل باهر وياي اوووف يالماسه لوتعرفين دماغي شضاملج اله اخليج انتي تجين تطلبين مني الموت
ردت احجي دخلت ياقوت من شافت ضياء حاضني ضلت صافنه جرت نفس وحجت
:-اجت الدوريه بابا يكول خلي يجون
ضياء: الماسه الي كتلج عليه اتكوليه واي كلمه صدكيني انتي الي تخسرين اول وتالي مؤمن راح يأذه حيل راح تصيرين الي
الماسه: مااريدك ليش ماتفهم
ضياء: هاي الكلمه افرك حلكج عليها بسيطه يله راح اطلع واذا صاحولج تجين ونفس كلامي اي تغير متلومين نفسج
عافني وطلع واني ع وكفتي طبت امي ترگض لزمت ايدي ونضراتها كلها توسل وخوف بس من حجت عرف روحي انكسرت محد راح يدافعلي ويكون الي سند كلها تخلت عني صرت جسد بدون روح
ام مؤتمن: الماسه وافقي يمه تره تعبنه من المشاكل وهذا نصيبج من الدنيا
:-شبيج يمه شنو اوافق تره حبل نجاتي بره هسه راح اخلص من كلشي راح اخلص من ابن اخوج
:-ماراح تخلصين ولد اخوي وعرفهم ليش جنت اضمج عنهم لان ادري بيهم مخابيل واذا رادو شي ياخذوه
وافقي يمه اجوز وره الزواج تحبيه وحياتكم تتغير وترتاحين
:-شنو غيرج يوم؟
:-مؤمن بخطر ماكدر اخلي ابني بخطر والله سمعت ضياء ومؤتمن يخططون يذبوه بتهمه اذا انتي شتكيتي يمه اخيج خطيه لا تكسرينه
احس فطرت كلبي انسمعت من قوتها شهكت وجريت النفس بكل قوه عندي حسيت ريتي فرغت من الهوى وحجيت بحزن
الماسه: واني عادي تذبوني بنص الخطر
ام مؤتمن: والله يصعب عليه اشوفج هيج لوتنطبك السما ع الارض ضياء ماراح يعوفج صدكيني لو هسه رفضنه وشتكينه عليه راح يلكه فرصه ويغتصبج وشمرج بتهمه عاد تتزوجي وتصيرين بذمته احسن وربج رحيم ويدري بضعفج وحالتج ويسخره الج ويطلع حليبه طاهر
دخل ابوي ومؤتمن للغرفه وتقرب ابوي عليه وباس راسي وكال
ابو مؤتمن: بابا هذا قدرج وانتي صرتي ع ذمت رجال لازم تمشي وراه احنه مادايمين الج واخوتج الهم يوم ويتزوجون وينسوج ومحد يبقالج اقبلي بقسمتج ومشي حياتج واذا ع مؤمن يزعل اسبوع ويرجع يرضه
ام مؤتمن: اي يمه خلصينه من هاي المعمعه
من شفت كلام امي وابوي حسيت بلكسره نزلن دموعي شلال وميلت راسي وكلت بيت شعر بحزن وصوتي بلكوه يطلع حسيت هذا البيت جاي عليه تفصال
