عرين الغضنفر........
لاتنسون التصويت ومتابعة الحساب والتعليق ع كل الفقرات❤❤
اسراء الجنابي🦅🪐
....................................... ....
ورود
جان يضرب بلباب بكل قوته وصيح يريدها تفتح الباب بس صوت بواجيها مسموع وهو ونجم مستمرين بكيرون بلباب اخر دفره للباب جانت من نجم الي اول مره اشوفها بهل الحال
دخلو للغرفه أثينهم دخلنه وراهم سبع يريد ياكل أيناس بس نجم لازمه عنها.
سبع:-وينهم احجي وحگ محمد اذبحج ومايرفلي جفن اذا ماحجيتي.
أيناس:-ماعرف والله ماعرف.
سبع:-شلون ماتعرفين وانتي بأيدج تسلميهم .
أيناس:-والله هي طلبيت مني اساعدها حتى تشرد.
هنا سبع ماتحمل ودفع نجم وهجم عليه.
سبع:-أيناس وينهم احجـــــــــــــــي.
جانت تهز براسها وتردد مااعرف جرها من شعرها يعت بيها.
سبع:-احجي كولي منو اخذهم شو زلمكم كلها بلسجن هذوله منو .؟
اخر شي نطقت.
أيناس:-هذوله ولد خالي.
نجم:-وين اخذوهم؟
أيناس:-ماعرف؟
سبع:-هم كالت ماعرف.
صار يضرب بيها راشديات واحد وره الثاني وجها نكلب گلاب لحد ما وكعدت بلكاع مغمي عليها طلع جهازه وايده ترجف اتصل بحسن.
سبع:- حسن احتاجك تعال لبيتي.
سكت ثواني منتضر حسن يكمل كلامه .
سبع:-ما لكدر اكلك هسه اله تجي ولافضل لا تكول لبوك تعال وحدك.
اسمع صوت حسن وهو يصيح يريد يعرف شكو سبع ما كمل كلامه سده بوجها رجع رفع أيناس يصحي بيها فتحت عيونها تون العجيب محد تقرب عليها لا عمي ولا عمتي.
:-اخر مره وينهم احجـــــــــــــــي.
أيناس:-راح احجي بس لا تضرب حباب.
سبع:-يله ماضرب سولفي.
:-هي طلبت مني اساعدها تشرد منا.
صفگ بيده وكام وهو يصيح.
:-هم كالت هي طلبت مني ولج مو صبري نفـــــــــــــذ.
نجم:-خلي تكمل ياخوي.
أيناس:-واني طلبت من ولد خالي.
نجم:-شنو اسمائهم.؟
سبع:-لا تتصل عليهم هسه.
دور ع جهازها وجابه الها فتحت الخط ومن الخوف تباوع بعيونه كلنه دكت ع واحد ما جاوب رجعت ع الثاني دكت اكثر من مره يله جاوب.
