عرين الغضنفر.......
لاتنسون التصويت ومتابعة الحساب والتعليق ع كل الفقرات❤❤
اسراء الجنابي
...................................................
واحنه توجهنا لبيته اول مدخلت للبيت تلك
الحيه ياقوت وهيه تضحك.
ياقوت:-جم ضابط نام وياج
الماسه:-اني مو ياقوت حتى تدنه نفسي ع كل الزلم
ضحكت بضحكه قويه بحيث ردت اتقيئ من قباحت ضحكتها وحجت.
ياقوت: غير سوكي معلك شسوي ياحبي
الماسه:-الج يوم وينفضح وصخج
:-اني بظهرها ماينفضح شي.
درت وجهي جان ضياء واكف ومخلي اديه بجيوبه وعاكد حواجبه وحجه
:-شنو جنتي تسوين بلمركز بليل
الماسه:اعتقد هذا الشي ميخصك
:-الماسه عدلي سلوبج وياي لو وحدك زينب اخليج تبجين دم
: شتريد تسوي سوي متخوف جلابي مو الماسه القديمه اني حته اخاف منك
تقرب مني وصار مايفصلنه شي اجذب روحي اذا اكول ماخفت بس تمالك نفسي ودفعته من صدره وطبيت للغرفه من التعب رأسن نمت حته ماسألت ع جيت ضياء بهل اليل حضنت قسور وغطيت بنومي....
..............
في مكان اخر.
سرحت بفكاري واني اتذكر جمالها الفريد تحس لو عيونها كزاز وعجيب البرئه الي بشكلها صدك ربي حار بصنعها بس رغم كل هذا اكو حزن وقوه بنظرات عيونها تعوذت من الشيطان ونفضت افكاري من راسي وكمت صليت
خلصت صلتي وكعدت ع المكتب اراجع ملفات دكت باب المكتب
:- تفضل
:-سيدي مقدم زيد بلمكتب يريدك
:-صاير شي
:-والله سيدي ماعرف بس اجه عصبي كلش وطلبك رأسن
:-اجتنه المشاكل...
رحت للمكتب دكيت الباب سمحلي بلدخول جان شكله مبين عليه ضايج كلش
مقدم زيد: تفضل
:-زاد فضلك سيدي
زيد:-شنو القضيه السايق الي مضروب
سبع:-سيدي محاول يخطف بنات ثنين والدوريه لازمته وجابوه
زيد:-زين ليش هيج ضاربيه
حكيت راسي احاول اخفي ابتسامتي.
سبع:-سيدي هنا البنات ضارباته هيج
فتح عيونه بصدمه وهز راسه ناكر كلامي
زيد:-لا لا مامعقوله بنات يكتلن واحد بكد الثور
