عرين الغضنفر......
لاتنسون التصويت ومتابعة الحساب والتعليق ع كل الفقرات❤❤
اسراء الجنابي......
.....
.......................................................
تاج:-منو هاي؟
عمار:-هاي توأمك الماسه.
تاج:-شبيك بابا؟
عمار:-اكعد خلي اسولفلك..
بده يسولفله ع كلشي من يوم الي فرقنه بيه جده لحد ما وصل بلي مريت بيه ويه ضياء اختنكت احس هذا الموضوع عقده سببلي كمت اريد اطلع لزم ايدي. وهو يتفحص وجهي.لان مبين عليه الغضب.
عمار:-شبيج بابا ليش هيج تغيرت ملامحج؟
الماسه:-الله يخليكم الماضي لا تفتحوا والله اكره نفسي كل ما ينفتح.
حسين:-ياحبيبي بدت الدراما.
احس الشرار يطلع من عيوني.
الماسه:-حقك موانت الي جدك ضحه بيه ولا انت الي عشت ويه عائله 21 وانت مو ابنهم ولا شفت انواع العذاب ومحد حرك ساكن.
حسين:-هسه شتردين تكسبين تعاطف ابوي حتى يكتبلج كم فلس لاتخافين ابوي كلبه رهيف وهسه يكتبلج كل املاكه مادامج بنت حرير.
حسن:-حســــــــــين اوزن كلامك.
حسين:-وها ونسيت حسن هم وتاج هم وياه.
بارق:-شبيك حسين تخبلت.
وكف ع حيله وصلح بصوت.
حسين:-ماتخبلـــت عدكم عقول واحكموا ليش من جدي حول نص املاكه لبوي يله طلعت هاااا.
عمار:-حســـــين نفس واحد بعد اتصرف تصرف مايعجبك.
جنت اباوع عليهم وماحسيت ايدي نجرت عيونه حمر دم مبين بلكوه حابس الدمعه لا تنزل من عينه وجها احمر دم هسه يله ركزت ع عيونه نفس لو عيوني.
بده يحجي ويرجف.
تاج:-منو يكول انت اختي ها وليش طلعتي هسه مثل ما كال حسين .
جان ضاغط ع ايدي بقوة عطت من الالم.
الماسه:-اااااه ايدي.
اجه حسن يركض يجر ايدي من ايده بس جان منبت اضافره احس روحي بدت تطلع من الالم ركض عمار وجره من كل قوته يله عاف ايدي من الالم
بجيت بعالي صوتي الدم ينزل من ايدي حسن جرني لحضنه يحاول يهديني وبارق رگض جاب سعافات.
ويعقم بيدي من هدئت سمعت صوت تاج يتعارك ويصيح ليش هسه طلعت جنت اباوع المصدر الصوت حسن جر وجهي ضمه بصده ويمسح ع راسي بهدوء شويه وحسيت شي ينغز بشرت ايدي وخرت راسي من حضن حسن جان بارق يبوس بيدي.
