عرين الغضنفر.......
لاتنسون التصويت ومتابعة الحساب والتعليق ع كل الفقرات❤❤
اسراء الجنابي......
................................................................
قرب راسه يم وجهي وحجه بهدوء وكال.
:-لا تخافين اني سبع.....
جريت نفس ونزلنه سلمت ع ام امير وابو امير طلعنه الطارمه ردت البس العباء والبوشيه.
شفت سبع صافن عليه..
سبع:-ليش هيج مدمره عيونج.؟
الماسه:-مابيه شي.
هز راسه بعدم تصديق وضل يتشكر من جيرانه ع ما لبست البوشيه العباءة جان لابس دشداشه وجراويه
ولابس نضارات.
طلعنه ركبنه بلسيارة اول ماصعد دك جهازه فتح السماعه وحجه ويه المقابل.
سبع:-ها حسن؟
حسن:-دير بالك سبع تره اكو سيارة واكفه بداية الفرع وحده يم اهل البنيه.
سبع:-شنو نوع السيارة؟
حسن:-هيونداي سانتا سوده.
:-من يمته واكفه هنا؟
:-تقريب صارلها ساعه.
:-حسن تأمن حمايه للبيت ودير بالك وخلو عيونكم عشره عشره.
:-تدلل سبع الغربيه.....
قفل الخط وجر باكيت الجكاير واخذ جگارة تقريب الساعتين وهو يفتر مناطق بغداد جنت مركزه بكل خطوه وكل تصرف منه.
وكف يم بيت بنائه بمنطقه شعبيه جانت منطقه حلوه بيوتها نزل من السياره نزلت وياه ودخلت للبيت جان البيت مرتب.
نزعت العبايه والبوشيه كعدت ع التخم وصفت بلفراغ وطولت بصفنتي هواي مجنت حاسه بل حواليه و نسيته لسبع.
نزيت من خله كوب القهوة كدامي وكعد مسافه عني.
سبع:-لا تخافين محد راح يوصلج.
:-ليش اني؟
:-شنو ليش انتي.؟
:-قصدي ليش الباشا مستقتل عليه.ولا تكلي لان نطيتكم اوصافه مگاعد تدخل براسي.
:-ماعرف والله مثلج دايخ.
:-ولشوكت راح ابقه هيج.؟
:-ادعي نلزمه بقرب وقت.. حضرتلج الغرفه الفوك روحي رتاحي بيها.
عفته وكمت شلت جنطتي وهو ع كعدته صعدت اول بايتين جان يصح بسمي.
شبع:-ماسه..
الماسه:-نعم
:-ماشايفتني قبل؟
ستغربت من سؤاله..
