عرين الغضنفر
لاتنسون التصويت ومتابعة الحساب والتعليق ع كل الفقرات❤❤
اسراء الجنابي....
.........................................................
كعدت من النوم ماجان موجود بلغرفه اسمع صوت بلحديقه فتحت البرده جان نجم وعمي يدخلون بغراض العزيمه وياهم هواي ولد يمكن من اقاربهم سديت البرده.
تقرب الحور وقسور كعدتهم وطلعنه اني وياهم للحمام حتى يغسلون عمتي من شافتهم طلعوا سوه واحد لازم ايد الثاني ابتسم ع منظرهم. صبحت عليها واخذتهم غسلوا وطلعنه.
الماسه:-عمه لعد سبع وين؟
تغريد:-يمه يجيب الحجيه ويجي.
خجلت منها ودنكت راسي.
الماسه:-عمه اني كلش خجلانه والله راح نثقل عليكم هواي.
تقربت وحضنت وجهي بكفوف اديها وحجت بكل لطف.
تغريد:-هنيالو ابني بيج الماسه انتي اذا أطلبتي الكمر وسبع ماجابو احنه نجيب الج بسببج راح يعمر دارنه من بعد سنين عجاف.
وكلشي يتطلب سلامتج نوفرو الج واحنه الممنونين.
كلامها جن مثل البلسم بست راسها.
الماسه:-عمه انتي ماكو منج وهنيالي ع هيج عمه.
قاطعه صوت قسور.
قسور:-ماما وين لازرك؟
فتحت عيني بصدمه وفشلانه منه عمه ضحكت بصوت عالي.
الماسه:-عزززا بعينك عيب ماما. لايسمعك عمو كول.
نجم:-ترا سمعت يول ومامجذب الطفل صدك ازرك عمي غير هو جنه العافيه.
نجم اخذ قسور وطلع بره كملنه الريوك وكعدنه نتريك كله.
وكل العاده محد خلاني اساعد بلبيت عمي ونجم طلعوا يجهزون للعزيمه تقريب 12 دخل سبع وياه بيبي.
بيبي جميله كلش بلرغم عمرها الكبير بس مهتمه بروحها كلش يعني اني عمري 21 وما مهتمه بنفسي مثله .
تقربت عليها حضنتها بكل قوتي وهيه تضحك.
زهرة:-يروحي يجده مشتاگتلج وعلي.
الماسه:-امي انتي.
تلكتها عمتي والبنات سلمن عليها قسور طار من شافها يحضن بيها ويبوس بيبي مو بس عوض الي حتى لبني هم جانت عوض.
دخلوا عمي ونجم سلموا عليها نجم كعد بصفها يباوعلها ويباوعلي ويباوع القسور.
نجم:-عمي طلع الانتاج من المعمل اصلي. اذا البيبي هيج شلون ما تطلع الاحفاد تطك بلكاع.
سبع:-لاتحسدهم يول.
نجم:-انت منشنش ضامن ابنك مثلهم.
