عرين الغضنفر...
لاتنسون التصويت ومتابعة الحساب والتعليق ع كل الفقرات❤❤
اسراء الجنابي🪐🦅
......................................................... .......
الماسه:-اجوز تنصدمين اذا اكلج من كثر ضيمي احس بجبل ثليجي بصدري وماحس بحراره.
سبع:-ادفيج بحرك روحي اذا ردتي.
جمدت من سمعت صوته كمت اريد اعوفهم لوحدهم جانت تباوعلي بنضرات ترجي تريدني ما عوفها غمزت الها ودخلت اضحك صارت بوجهي ايناس طلعت من غرفتها ترگض للحمام سدت الباب وكفت يم الباب واسمعها تتقيئ.
ورود:-عزا بس لا حامل.
ركضت لغرفة عمه دكيت الباب طلعتلي جريتها للممر.
تغريد:-شبيج يمه شصاير.
ورود:-عمه مصيبه.
تغريد:-دخيلك يااللهي شكو؟.
ورود:-ايناس يمكن حامل.
تغريد:-يمه دخيلك ربي شمدريج.؟
:-طبت للحمام وكامت تتقيئ.
عافتني وراحت الغرفته لكتها نايمه جان وجها شاحب واصفر.
تغريد:-شبيج.
أيناس:-ليش عمه يهمج امري.
تغريد:-لا وعساج بلموت.
عافتها عمه ورادت تطلع من الغرفه وصلت للباب صاحت ايناس.
أيناس:-عمه اني حامل.
تغريد:-ابني ما وصلج من ذيج اليله شلون حملتي؟
أيناس:-هو اني حامل من اول ليله.
طلعت وسدت الباب الغرفه طلعت تدور ع سبع الي كاعد وره الماسه ويجر بخصلات شعرها ويشم بيهن.
تغريد:-سبع يمه من تدخل اريدك تجي يم عندي شغله وياك....
...............................................
الماسه.
مشتاقتله مشتاقه الكلشي بيه من يوم الي عرفت بيه متزوج تبعدت عنه
كعد يم رجليه وجر ايدي وباسه وخلها ع خده.
سبع:-صيري بمكاني بيوم واحد خسرت كلشي بنتي وصحت مرتي صدكي ما مرتاح واني اشوف حالتج هيج حتى بنتي ماحزنت عليها لان مكضي الوكت خايف لا اخسرج انتي هم.
الماسه:-خسرتني من يوم الي تزوجتها.
سبع:-مو بيدي.
الماسه:-مايفيدك العتب بعد كلشي يبس داخلي.
سبع:-يجي يوم وتفهميني.
هزيت راسي بدون ما اجاوبه كعد ع كرسي وراي جر الشال من راسي وضل يلعب بخصلات شعري طلعت عمتي وجها مخطوف صاحتله عافني وكام.
