عرين الغضنفر...
لاتنسون التصويت ومتابعة الحساب والتعليق ع كل الفقرات❤❤
اسراء الجنابي🦅🪐
.....................................................
فتحت عيوني الشمس داخله للغرفه واني نايمه بحضنه رفعت ايده وكمت ع كيف ماحسيت غير انجريت ونشمرت ع الجربايه.
سبع:-وين تردين تشردين.
الماسه:-اريد انزل بلغرفه الجوه قبل لا يكعدون عيب.
سبع:-منين عيب يول.
الماسه:-عيب من الكل هسه شيكولون.
سبع:-يول حرمتي انتي حرمتي مو صاحبتي ولا ناهبج حتى عيب.
الماسه:-سبع وخر يا الله راح ننفضح.
سبع:-يول مگموعه يافضيحه.
الماسه:-ترا انت الي غصبتني ابقى يمك اني معليه.
سبع:-يول بربوگ منو تسرسحت بحضني البارحه من اول بوسه.
الماسه:-يووو راح يلزمها عليه.
دفعته وكمت ونزلت ع كيفي بعدهم نايمين دخلت للغرفه اخذت ملابس وسبحت من طلعت من الحمام جانت ورود وعمه واكفات باب الحمام يضحكن استغربت من وكفتهن.
الماسه:-صباح الخير.
ورود:-صباح العسل والعافية والسرور والسعاده.
الماسه:-بعد اكو كلمات نسيتي تكوليهن.
ورود:-هاي شنو الزراك الي بركبتج خاف تحسس گاب عندج.
عرفتها تقصد الاثار الي بوجهي وركبتي عفتها ومشيت للغرفه واني احجي.
الماسه:-اكيد الحسن كعد من النوم راح اروح اشوفه.
ورود:-من عفتيه ونمتي بحضن الغضنفر ما كلتي خطيه يكعد بليل يبجي عليه .
الماسه:-ورود تحجين عدل لا اكسر سنونج ولي عن وجهي.
ورود:-اي اكيد تكسرين سنوني رجعتي بحماية سبع اكيد نخاف من تهديدج.
الماسه:-صايره ادب سزز لازم من تجي بيبي اخليها تربيج من جديد.
ورود:-امممممم ام الحضونه تالي اليل.
عفتها ودخلت للغرفه كعدت الجهال بدلتلهم وطلعنه كاعد نتريگ نزل سبع صبح ع الكل وباسني بخدي كدامهم من الصدمه ضليت فاتحه عيوني عمتي طگتها بهلهوله وعمي مدنك راسه ويضحك
ونجم يغامز السبع ويصيح.
نجم:-يله خويه ابنك كبر خاويه.
سبع:-يول التوأم بلطريق ان شاءالله انتظر شهر وشوف.
من المستحه بدي ادخل بهدومي وهمه مستمرين بينهم.
مصعب:-الله يصفي گلوبكم ويبعد كل حاسد عنكم ولا يفرقكم والله يترس حضنكم بأطفال ويسعدكم بحق محمد.
