عرين الغضنفر.
لاتنسون التصويت ومتابعة الحساب والتعليق ع كل الفقرات❤❤
اسراء الجنابي🪐🦅
..........................................................
نفتحت باب الغرفه بقوة دخل سبع يلهث من تزوجت لليوم ما دك باب غرفتي ابد واذا يريد شي مني يدزلي رساله استغربنه من شكله بلكوه يجر النفس رفع راسه وعيونه تجي دموع وصاح بصوت مبحوح
سبع:-لك نجــــــــم لكيت الماسه والجهال.
نجم:-ويـن؟
سبع:-بلطريق افهمك.
اول ماطلعو اتصلت ب الماسه جهازها مغلق رجعت اتصل ب مؤمن هم مغلق كمت اكل بروحي اذا عرف سبع الماسه برضاتها طلعت منا يتخبل.
يومين واحنه متخبلين نتصل بولد محد يجاوب والماسه ماكاعد اكدر احصلها جنت اموت واعرف شنو صار جو البيت متگهرب محد يعرف شي عنهم.
يوم الثالث انفتحت الباب ودخلت سيارة سبع الكل طلع يرگض والصدمه جانت الماسه كاعده بلصدر والحسن بحضنها...........................
..........................................
الماسه.
اربع اشهر جانت كافيات ترجعني الماسه القديمه ع العلاج الطبيعي رجعت امشي واحسن من قبل مؤمن ما عافني ابد قسور متعلق بيه من زمان وهسه الحسن يموت عليه.
مانكر فراگ سبع يأذيني حيل وارجع احن اله بس اتذكر الي سواه وياي ارجع احقد عليه قررت بنهاية هذا الشهر ارجع وارفع دعوة طلاق وشي صير خلي يصير.
جان نهاية شهر التاسع الجو بده يبرد بليل اخذت الجهال لمدينة العاب خابرت مؤمن كتله راح اطلعهم هو جان بغداد فطلعنه وحيدنه رجعت الوقت متأخر قسور وحور من التعب نامو بملابسهم الحسن بطلريق نام بدلتلهم وهمه نايمين نيمت الحسن يمهم ودخلت للحمام اسبح
ماجنت ماخذه ملابس وياي لفيت البرنص وطلعت للغرفه جانت ضلمه جانت ريحة الجكاير تخنگ بيها بس ضوه شرارة الجكارة مبين عرفتها جكارة كوهيبا لان شرارها كبير
احس كلبي من الدك صار دمام اخاف اعلگ الضوه شلون راح اواجها شلون اقابله بعد اربع اشهر قاطع صفنتي بصوته.
:-لبوة الغضنفر اعلگي الضوه.
تلمست نقطة الكهرباء وعلكتها جان طاعد ع طرف الجربايه شكله جداً مرعب عيونه دم وجها عروكه كله بارزه والجكارة بيده صفت ع الجكارة عرفت راح تصير مصيبه مره لكيتها بلكنتور وسألته.
الماسه:-اول مره اشوف هيج جكارة؟
سبع:-هاي اسمها كوهيبا .
الماسه:-ماشايفتك تشرب منها لحضه تذكرت من سويت مصيبتك دخلت للغرفتك لكيتك تشرب منها.
ضحك بصوت عالي وكال.
