عرين الغضنفر.......
لاتنسون التصويت ومتابعة الحساب والتعليق ع كل الفقرات❤❤
اسراء الجنابي......
..........................................
لا بس الشيخ خاف مايقبل.
:-سمر تردين تطلعيني من طوري تره چثير تعبان....
بدينه نرتب امورنه ويه المره الي راح تنطينه الطفل اتفقنه ع السعر التريده تقريب الشهرين وتصلت سمر جانت الفرحه ما سايعتها تبشرني المره حامل.
اتفقنه من نرجع نبشر اهلي بحملها حتى تكمل الخطه وجان الشيخ هو يوجهنه بلرغم ماجنت مقتنع بلموضوع كله
بشرت اهلي جانت فرحت الحجيه ماتنوصف مشت الايام والاشهر لحد شهر الخامس عرفنه جنس الطفله بنيه..
وهنا لازم اخطي الخطوه الاكبر جمعت اهلي كلهم وجدي واهل سمر حتى اكللهم ع قراري...
سبع:-الله بلخير..
الكل:-الله بلخير والعافيه.
سبع:-جمعت الكل تااخبركم بقراري.
الشيخ:- كول بويه امرك.
سبع: كلكم تعرفون حرمتي حامل.
الشيخ:-صح.
سبع:-اجتني دوره تدريب ع ترقيتي خارج البلد ولازم ابقه اربع اشهر.
الشيخ:-بيها المبارك يبويه
:-الله يبارك بيك جدي اني راح اخذ سمر وياي ماكدر اعوفها هنا وادري بلحجيه مريضه وخواتي بعدهن صغار قررت اخذها ونسافر سوه
:-يمه شلون وهيه حامل خاف مو زين ع الطفل.
:-الغاليه لا تخافين ربج هو الي يحميه من كل شر.
اغلب الموجودي رفضوا القرار بس كدرنه نقنعهم حضرنه غراضنه جنت مشتري بيت بغداد واخذت اجازه من دوامي حتى يبن اني مسافر.
جبنه ويانه المره الي راح تنطينه الطفله خلال هاي الفتره كلش تعبت نفسيتي واحس بلعجز اختنكت واني كاعد بين اربع حيطان
وما ماخذراحتي بلبيت جان الي مصبرني فرحت سمر جانت تحير شنو تجيب وشنو تجهز وجنت منبها من تطلع تلبس
كمامه حتى محد يعرفها تقرب موعد الولاده حجزت بمستشفى اهلي كل هذا واني كل دقيقه وكول راح اتراجع اني مو حمل هيج شي وارجع اصحه
جنت كاعد بمرات المستشفى وصافن بضياع فزيت ع صوت سمر وهيه شايله الطفله بيدها وتضحك.
سمر:-حبيبي باع بتنه اجت للدنيا سبع تجنن.
جانت مشاعري جامده بس فرحت لفرح سمر.
سبع:-مبروك حبيبتي ان شاء الله تنسيج كل حزن
