عرين الغضنفر.
لاتنسون التصويت ومتابعة الحساب والتعليق ع كل الفقرات❤❤
اسراء الجنابي🪐🦅
......................................................
تخبلت من سمعت اليوم العقد طلعت ادور عليه عمي ونجم ماموجودين عمتي حاضنه الحسن وتبجي.
ورود:-وين سبع؟
تغريد:-بغرفتو.
صعدت واني اتعثر بخطواتي فتحت الباب بدون ما ادگها لكيته مخلي ملابس شذرة وملاعيبها كلهن بحضنه ويبجي من شافني دار وجها ومسح دموعه كعدت كدامه
ورود:-لا تسوي هيج بألماسه.
سبع:-لخاطرها لخاطر دم بنتي.
ورود:-وروح شذرة كلها لعبه هاي وايناس جايه علينه قبل.
سبع:-اعرف مو غبي اني .
ورود:-يعني شنو؟
ابتسم بحزن ورفع راسه للسقف.
سبع:-أيناس مسوي كل هاي الخطه حتى اعقد عليها.
ضرب صدري.
ورود:-لعد ليش ما تفضحها.
سبع:-شفضح انتي مخبله منو يصدك بكلامي والله شنو تريد تتقرب مني سوت هاي الخطه.
ورود:-شراح تسوي يا الغضنفر.
باوع لكاروك شذرة وعيونه كلها شرار سبع من النوع عيونه كبار ومن يخنزر يخوفن صك ع سنونه وكال.
سبع:-اطلع الحيه من جحرها واسحبها لعريني.
ورود:-والماسه؟
سبع:-صدكي اعرف ماراح تسامحني ابد.
ورود:-الماسه متعوبه حيل.
سبع:-واجيت اني وزدت تعبها هواي.
دخلت حنين وهي تبجي.
حنين:-بابا جاب الشيخ ومنتظريك جوه.
هز راسه وكام حتى مابدل بقى بدشداشته السوده نزل بكل هيبه كدامي واني وراه امشي واندب حظ ماسه.
طب لغرفة البيها الماسه ع نومتها وبيبي تقرأ قرأن ع راسها ما اهتم للموجودين بلغرفه نام بحضنها ودفن راسه بصدرها.
دخلت أيناس للغرفه والابتسامه فاضحتها والفرح مرسوم ع وجها بس من شافت سبع شلون حاضن ماسه ونايم اختفت الضحكه من وجها وعبست تقرب عليها وهمست.
ورود:-كلج ع بعضج بربوك حتلو عقد عليج راح تصيرين خدامه تحت رجلين الماسه باعي شلون نايم بحضنها.
عافتني وطلعت أمنيتي الزمها واحرگها.
سبع ع نومته بحضن الماسه بطبعه سبع ماعنده حيه حضور من اول ماتزوجت واني اشوفه كدام الكل يحضنها ويبوس بيها عادته من يجي من الدوام تتلگاه بلباب يشيلها ع كتفه ويدخل مرات عمي من يشوفه يخرب ضحك عليه والماسه دائماً تتعارك ويه حتى يبطل هذا الطبع وهو مايقبل.
