عرين الغضنفر...
لاتنسون التصويت ومتابعة الحساب والتعليق ع كل الفقرات❤❤
اسراء الجنابي...........
.....................................................
زهرة:-عمار الماسه بنتك انت وحرير.
الماسه:-شنوووووووو.
زهرة:-مثل ما سمعتي هذا ابوج.
الماسه:-بيبي شبيج خرفتي؟
زهرة:-رحم الله والديج.
اجتي عيني بعينه جان يباوعلي ومصدوم نزلت دموعه وضحك.
عمار:-ولك حسن هاي اختك.
حسن:-اعرف يابه.
الماسه:-دقيقه دقيقه بيبي دماغي مادا يجمع وضحيلي حبابه.
زهرة:-يعني جسام ونهى مو اهلج جسام يصير خالج بطلب مني خلاج ع اسمه.
ضربت ع راسي وضحكت بهستيريه احاول استوعب المهزله.
الماسه:-يعني الي عايشه وياهم اسنين مو اهلي.
حسن:-اهدي لا يصير بيج شي.
الماسه:-ههههه مو اهلي واني اكول ليش مره يحبوني وعشرة يكرهوني طلعت مو بتهم.
زهرة:-حبيبه عكيفج ويه نفسج.
الماسه:-لا اكو جذب بلموضوع ماصدك.
خليت وطلعت من البيت حسن رگض وراي اجرت تكسي ورحت لبيت اهل.
جنت احس بقى خيط بيني وبين الخبال وصل يم الباب فتحتها وطبيت جان الكل مجتمع مؤمن اول مشافني اجه عليه يرگض.
مؤمن:-شوكت رجعتي؟
تجاهلت كلامه وتقرب يم ابوي.
ابومؤتمن:-هلا يابه شلونج.
صفنت عليه ثواني وحجيت.
الماسه:-صح انتم مو اهلي؟
نصدم بكلامي وضل جامد بمكانه اجاني صوت امي وهيه ترحب بيه.
نهى:-ياهلا بلبذات.
احس نفسي بضيع اباوع لبوي الي بعده ع صدمته لو ع امي الي دخلت واستغربت حالتي لو اع مؤمن الي الابتسامه نرسمت بوجها. رجعت كررت كلامي عسى ولو يبردون ناري.
الماسه:-صدك اني مو بتكم بت حرير.
مؤمن:-كالولج مو؟
ابو مؤتمن:-مـــــؤمن سد حلكك.
الماسه:-الله يخليك احجي وطفي نار كلبي.
ابومؤتمن:-اي انتي مو بنتي انتي بنت حرير.
رجليه ماتن وكعت ع ركبي اجه مؤمن وامي يركضون عليه حضنتني وبجت.
نهى:-صح مو بنتي بس والله احبج حالج من حال ولدي واغلى.
