عرين الغضنفر.....
لاتنسون التصويت ومتابعة الحساب والتعليق ع كل الفقرات❤❤
اسراء الجنابي🦅🪐...
..............................................
من شافني اباوعله ومبتسمه فتح البشت وحضني دخلني بنص البشت صاح عمه عليه.
:-يمعود لا تنسه روحك ترا انتم كدام العالم مو بلغرفه.
ضحك سبع وهو ياحوطني اكثر بأديه.
سبع:-تفكيرك وصخ عمي. بس كاعد اغلف جگليتي من الذبان.
:-شقصدك يول احنه ذبان؟
سبع:-دحج بروح موتاك نسوانكم مو جنها زلم حقي اخاف ع مرتي من عيون الصغير قبل الجبيره.
:-لا بهاي حكك .
همست قريب ع اذنه.
الماسه:-تلوگلك الدشداشه اكثر من الرسمي.
سبع:-اني حلو بكل حالاتي.
الماسه:-لا خليك بعيون الكل مو حلو بس بعيوني حلو.
سبع:-قصدج اجعلهو بعين غيري بقرة مو.
الماسه:-بلضبط هو اهذا الي اقصده.
سبع:-ام الحسن جلدج يحگج مو.
الماسه:-غير ماريد وحده تحط عينها عليك ياحبيبي.
سبع:-وحك اسد الكوفه انت من دون دلع وساحلتني مو نوب تتدلعين.
زفو نجم ودخلوه للغرفه اخذت الاطفال لان من الصبح ليهسه ماشايفتهم بدلتلهم ورضعتهم ورجعت نيمتهم طلعت لحور وقسور لكيتهم نايمين من اجت بيبي صارو ينامون يمها بلرغم عدهم غرف بس متعلقين بيبي حيل.
صعدت الغرفتي سبحت وطلعت انشف بشعري دخل سبع للغرفه.
سبع:-اااخ يارجليه.
الماسه:-الله يساعدك.
سبع:-ويساعدج ام الحسن.
الماسه:-الكل راحو؟
:-اي الحمدلله خلصت ع خير.
تقرب عليه باس راسي وايدي.
سبع:-وين اضمج بس گليلي وانتِ يوميه تحلين بعين اكثر واكثر.
حضنته من ركبته وطبعت بوسه خفيفه عليها هو غمض عيونه ونفسه يصعد وينزل تبعدت عنه.
الماسه:-خلي امشط شعري.
بعدني ماواصله للميز نرفعت من الكاع وشمرني ع الجربايه.
:-تشعلني وتشرد ول يوم اعرس عليج قبل لا يعرس نجم ع حرمته.
