عرين الغضنفر.......
لاتنسون التصويت ومتابعة الحساب والتعليق ع كل الفقرات❤❤
اسراء الجنابي......
...................................................
ثواني من الهدوء واصبح البيت يمطر عليه رصاص صرخت بصوت عالي، سبع جرني نومني بلكاع ورگض للغرفه،،
طلع شايل سلاحه وصاح عليه،،
سبع:-ماسه ابد لا ترفعين راسسسج،
عافني وصعد للطابق الثاني يرمي،، من قوة اصوات الرمي اذاني ماسمع بيها تقريب الربع ساعه وهدئه الوضع نزل سبع يرگض والسلاح بيده وايده الثانيه جهازه يخابر بيه وفاتح سبيكر،،
سبع:-حسن هجموا ع بيتي!،،
حسن:-بيك شي اتأذيت انت والامانه خو مابيها شي؟
سبع:-لالا الحمدلله مابينه شي اني راح اطلع من بيتي ما ابقه،
حسن:-ماشي بس ابد لا تطلع اذا مو سناد وياك،
سبع:-اتصلت بمعاذ راح يدزلي دوريه،
حسن:-سبع افدي الامانه بروحك.
ستغربت منو الامانه الي كل شويه وينبها عليها،، بس صدمني من سبع خله عينه بعيني وغلق الخط قبل لا اسئله كالي بهمه،
سبع:-ماسه اخذي بس مستمسكاتج كلشي عوفي اهم شي مستمسكاتج بساع..
ركضت الغرفتي اخذت مستمسكاتي ونزلت اركض جان بلباب اول ماوصلت جرني من يدي وطلع يرگض،،
اول ما طلعنه من باب البيت جان الشارع متروس ناس ودوريه شرطه اول ماشافوا سبع فتحوله الطريق صعدني بلصدر وخله السلاح بحضني وصعد يسوق جانت سيارتين شرطه تمشي ورانه،،
طول الطريق ساكتين لا اني حجيت ولا هو وكف بمكان مقطوع نزل من السيارة راح يحجي ويه الشرطه ورجع صعد يمي،،، جريت نفس وحجيت،
الماسه:-منو هذوله؟
دار وجها عليه جانت عيونه دم،
سبع:-جماعتو الباشا.
عگدت حاجبي وحجيت،
الماسه:-شيريد مني والله عقلي افتر،
سبع:-ماعرف ماعرف بس انتي مهمه الهم،
:-ليش؟
قبل لا يجاوب دك جهازه،
سبع:-ها حسن وينك.
سكت ثواني يسمع الشخص الثاني،
سبع:-حسن ماكدر واكفين بطريق مكشوف والدوريه الي وياي حتى اسلاح ثقيل ماعدهم.
انتضر الرد من الشخص الثاني،، ورادف
:-لا تتأخر عليه.
سده وطلع جكاره ورثها بس سرعان ما رجع الرمي علينه،، سبع شغل السيارة وساق
