عرين الغضنفر.......
لاتنسون التصويت ومتابعة الحساب والتعليق ع كل الفقرات❤❤
اسراء الجنابي
..................................................
دخلت المخزن تدور ع الضوه اخر شي لكته وعلكته
خلت البنيه بحضنه وحاجيها وتبجي
ام مؤتمن:-ولج يمه وين ذبيتج اني والله نجبرت ع اذيتج هاي ريتني ميته ولا شوفج هيج......
فتحت عيونها البنيه وباوعت الامها وشخرت بصوت مرعب واغمه عليها.
الماسه الحاضر.....
اسمع صوت هوسه يمي اصوات ميزتها واصوات لا اسمع بيبي وهيه تبجي وتتحسب ع مؤتمن اريد افتح جفني ماكدر رجعت غطيت بنوم لان غلبني وماخلاني اقاومه
مر وقت وحاولت اصحصح وصدك فتحت عيوني جان ابوي وامي وبيبي و مؤمن يمي شافني ابوي اجه يركض عليه وعلامه الخوف واضحه عليه
لازم يدي بحنيه وحجه
:-بويه موجوعه اصيحلج الدكتور بس حاجيني
مؤمن:-بيج حيل تحجين لان احنه اشتكينه ع مؤتمن والضابط بره منتضره ياخذ اقوالج
الماسه:-بس اني ماريد اشتكي عليه.
مؤمن:-ليش؟؟
الماسه:-خطيه عريس ستوه واسجنه
مؤمن:-غبيه هاي فرصتج تكسرين خشمه تكدرين.
الماسه:-والله ماريد شي بس اريد ارتاح واحافض ع ابني.
ابومؤتمن:-فرصتج بابا هاي خلي يتأدب.
الماسه:-ماريد شي منه بس يعوفني بحالي
هز راسه مؤمن وطلع ثواني ودخل ضابط وياها جنود اخذو اقوالي ع اني وكعت من الدرج رغم الضابط ماقتنع من كلامي وطلعوا من الغرفه تقريب الساعتين طلعت للبيت جانت بيبي وامي راجعات للبيت محضراتلي الغرفه
اول مدخلت صارت بوجهي مرت مؤتمن بكل صلافه باوعتلي بقرف وكالت
:-عار ماتموتين ابد.
مؤمن:-توخرين من كدامي لو ارفسج رفس ادب سزز
زهره:-هسه نور بيتي بيج يانور عيني.
الماسه:-والله انتي نور عيني وروحي وعمري
زهره:-ريت الالم بيه ولا بيج يجده
دخلت للغرفه نومني مؤمن ع جربايه درت بعيوني بلغرفه ماشفته ما اجه عليه درت وجهي لامي كالت
:-وين قسور؟
ام مؤتمن:- ها مو مؤتمن اخذه ابوه.
كمت مفزوعه من فراشي.
الماسه:-ليش ليش اخذه ها
دخل بهدوء وخلي اديه بجيوبه وبتسامه الخبيثه تبرز اسنانه.
