عرين الغضنفر.
لاتنسون التصويت ومتابعة الحساب والتعليق ع كل الفقرات❤❤
اسراء الجنابي🪐🦅
.................................................
روحي حسيتها طلعت بنتي ع صدري سابحه بدمها ماعرف شنو جان شعوري من رهبه وخوف وصدمه.
دخل سبع للغرفه مفزوع بس سرعان ما توقف من شاف شذرة بحضني من قوة صرختي صوتي نبح بلكوه ينسمع.
الماسه:-لا لا توكف هيج سبع تعال انقذ شذرة.
ركض عليه جرها مني ونزل يرگض شلت الحسن ونزلت وره ارگض الكل تلكانه صاعدين انطيت الحسن لورود وكملت ركضي وره قبل لا اصعد السيارة حنين ذبت البشت عليه صعدت واني البس بيه
نجم يسوق وشذرة بحضن سبع.
نجم:-سبع الطفله تنزف دم حاول تسيطر ع الدم لا تخليها تنزف اكثر.
نزع سبع تيشيرته ولف راس شذرة.
الماسه:-سبع بنتي ليش ماتفتح عيوني.
سبع:-مابيها شي هاي بنتج قوي ع امها امشي اســــــــــــرع نجم.
وصلنه للمستشفى نزل سبع يرگض واني وره بابا الطوارئ اخذوها من عدنه دخلوها الغرفة العمليات
كل طاقتي خلصت جسمي يرجف بكل مكان بجسمي احس اكو الم شي حار ينزل من كتفي ع ملابس رجليه يأذني واني حافي جايه كل هذني ما اهتميت الهن .
كعدت بلكاع وعيني ع غرفة العمليات سبع متخبل يضرب ع راسه ويصيح.
سبع:-ولك اخذو روحي عدكم عداوه صفوها وياي مو بجهالي ولج شذرة بابا.
عيوني بدت تغوش نفسي احسه ضاق بصدري اسمع صوت سبع وهو يفرفح ع بنتي ونجم مبايله ماستكت من الاتصالات جنت كاعده ومتجيه ع الحايط بده جسمي يميل وحده للكاع
كل قوة ماعندي احس الكاع هي تسحب جسمي نضري صار مثل الضبابي ماحسيت غير ع ضربت راسي بلكاع.
فتحت عيني ع صوت ضجه يمي حسيت بابا وهو يحجي وياي ماجنت افهم كلامه حالن استوعبت الي صار شهكت بفزعه وكمت من مكاني
بس الم كتفي اخذ روحي صحت بألم حضني بابا وهو يحاول يرجعني حتى انام.
الماسه:-شذرة ولج ماما شذرة.
عمار:-يروحي اهدي لا ينفتح خياط كتفج.
جريت ايده ابوس بيها اريد بس اعرف عن بنتي شي حجيت بهدوء عكس النار صدري.
الماسه:-شذرة بيها شي؟
نزلت دمعته وشهكت زينب اخذت كل حيل بيه درت وجهي عليها واني اتمالك نفسي مابجي.
الماسه:-شذرة راحت مني مو؟
غطت وجها بأديها وبجت بصوت دفعت بابا ونزلت من السرير ماجنت اعرف الالم من وين من كتفي لو من رجليه لو ألم كلبي لو وجع روحي
