عرين الغضنفر.
لاتنسون التصويت ومتابعة الحساب والتعليق ع كل الفقرات❤❤
اسراء الجنابي🦅🪐
...... .......... ..................... .........
تخبلو من شافو وجهي حسن راد يتصل بدوريه عليهم ماخليته.
الماسه:-حسن بيبي يمهم وخايفه عليها والله لو تشوف حالتها تبجي الصخر.
عمار:-شبيها عمتي؟
الماسه:-بيبي حال الضيم حالها شامريها بلمخزن بدون فراش.
حسن:-شنو السبب.؟
الماسه:-مالحكنه نعرف السبب لان هجمو ع تاج.
عمار:-خلي نتطمن ع تاج ونروح ناخذها ما ابقيها يمهم ابد.
ساعه وطلع الدكتور.
الدكتور:-الحمدلله ع السلامة المريض.
عمار:-الله يسلمك.
:-المريض عنده فطر بلجمجمه وكسر بأيده والحمدالله ماصار عنده مضاعفات.
الماسه:-وهسه شلونه؟
:-صحته عال العال وتگدرون تشوفونه.
قبل لا ندخل الغرفه نشوف تاج حسن طلع جهازه واتصل شافني اباوعله اشرلي ادخلي للغرفه.
عفته ودخلت جان عيونه مورمه وجها كله كدمات
شويه ودخل حسن من شاف شكل تاج تخبل ضل بس يتوعد الهم اله يبجيهم دم واني كلبي نار ع بيبي ساعه واجوي اخوتي كلهم حسن كام يريد يطلع لازمت ايده وحجيت بتوسل.
الماسه:-اذا رايح اخذني وياك حباب.
حسن:-وين اخذج ماس.؟
الماسه:-راح تروح الهم وكلبي يم بيبي لا يسون بيها شي .
حسن:-استغفرالله بابا ارجعي يم تاج.
الماسه:-حسن وداعت جهالي اذا ما اخذتني الحگك.
سبع:-يول اخذها مادام حلفت بلجهال تروح ورانه يعني تروح.
درت وجهي المصدر الصوت جان واكف بكامل قيافته بملابسه العسكريه من شفت بجيت وحضنته.
الماسه:-سبع مأذين بيبي حييل.
سبع:-وداعت عيونج شذرتي اذا ماخليهم يحسبون عدد ايامهم مطلع سبع.
حسن:-وهسه؟
سبع:-يله امشي.
طلعنه من المستشفى جانت سيارة الشرطه تارسه باب المستشفى صعدنه بوحده تحركنه لبيت لي بيه بيبي منطقتهم انترست سيارات شرطه وكفنه كدام بيتهم ردت انزل ماقبل سبع خلاني بلسيارة.
داهموا البيت وطبوا شويه وطلهو يسحلون ب علي ولده وصوت مرته هرجت المنطقه بلصياح شويه وطلع سبع لازم ايد بيبي ويمشي بيها من شفتها وضعي كله تخربط النفس ضاق بصدري.
