عرين الغضنفر.
لاتنسون التصويت ومتابعة الحساب والتعليق ع كل الفقرات❤❤
اسراء الجنابي🪐🦅
...........................................
فتحت التسجيل جانت تحجي بكل عصبيه ويه شخص ثاني.
أيناس:-سمر افهمي اني اتفقت ويه ولد خالي الماسه حالفه اله اخلي حتى الجلب ينام وياها والجهال كلهم بيع اعضاء.
سبع دار وجها عليها قبل لا يسوي اي حركه منعته.
الماسه:-قبل لا تسوي شي اسمع كلشي موجود عندي.
أيناس:-منو سمر هذا مفبرك.
الماسه:-ذكاء اصطناعي هذا كلبي .
أيناس:-الماسه مو شفتي نفسج خسرتي كلشي اجيتي تسوين مشاكل بيني وبين رجلي.
ابتسمت ع كلامها وتقرب عليها.
الماسه:-الماسه تنخسر ماتخسر واذا تكولي اسوي مشاكل بينج وبين رجلج دخلي يعترف بيج بأول وبعدين اسببلج مشاكل.
ع العموم هذا مو موضوعنه ام انس موضوعنه اتفاقج انتي وسمر عليه.
سبع:-شلون عرفتي اكو ارتباط بين أيناس وسمر.؟
الماسه:-مره دخلتلي حور تبجي حاولت اعرف سبب بجيها ماقبلت لحيت عليها هواي يله حجت كالت سامعه أيناس تكول اسم سمر اكثر من مره وبيوم الي اجت تبجي بيه شايفه ايناس فاتحه كام ويه سمر وهيه تصور بغرفتنه الفوك وحور طفله وتربت وعت ع سمر امها من شافتها راكض ماخذه الجهاز من أيناس بيومها أيناس وضاربه حور ومهددتها ما تحجي الاحد
من سولفتلي وصية تاج ع الكاميره وطلع شكي صحيح دخول أيناس جان خطه من تخطيط سمر.
رجعت فتحت الفيديو ثاني وأيناس وهي وتحجي ويه سمر.
أيناس:-سمر انتي طلبتي مني ادخل حياتهم والعب لعب بيهم بس اني قررت اغير بخطه.
سكتت تستمع لسمر ورجعت حجت.
:-من البدايه كلش عجبني سبع ودخل عقلي ولج ما انسه ليلة عرسي خرب بليسج شلون ضيعتيه من أيدج غير يموت.
رجعت سكتت تستمع.
:-لا ابد الخطه هيه بس اتخلص من الماسه والجهال وهذا جان انتقامج بس مال اطلع من حياتهم هاي انسيها سبع الي وفوك هذا كله اني حامل منه يعني تطلع الماسه ابقى اني.
رادت تشرد من الستقبال ركض عليها سبع خنكها بقيت بمكاني واكفه ماتحركت ابد عمي ونجم بكوه وخروها منه جانت تبجي بصوت عالي وسبع يهدي عليها.
سبع:-ولكم عوفوني اني شكو بربوك توكع براسي من سمر أيناس يابه هدني خلي اذبحها.
مصعب:-سبع شبيك تخبلت انت يوم عن يوم ما تنضبط اعصابك صاير.
