عرين الغضنفر
لاتنسون التصويت ومتابعة الحساب والتعليق ع كل الفقرات❤❤
اسراء الجنابي 🦅🪐.....
....................................................................
رخه كل جسمها وغمضت عيونها بهدوء. همست يم اذنها بهدوء.
نجم:-احبج حيـــــــــــــــل .
ويه كلمتي غمه عليها وگعدت بحضني.
نجم:-يمعوده كولي غيرها.
بكل طريقه ردت اصحيها وماصحت اخر شي شلتها واخذتها للطوارئ جان عدها هبوط بلضغط.
انطوها العلاج الازم وبدت تصحه جانت تتهرب مني وماتخلي عينها بعيني ابتسمت وكعدت ع طرف السرير يمها وهي دايره وجها للصفحه الثانيه.
نجم:-ما توقعت صبارتي العنيفه حساسه ترا هي كلمة احبج وضغطج هبط لو كايلج انطيني بوسه عجل شسويتي.
ورود:-ترا ما ماكله وتعبانه كلش.
نجم:-واضح حبيبتي واضح.
ورود:-اريد اطلع.
نجم:-يله كومي.
طلعنه اني وياها وكل عاده لازم تگعد وره اول ماحركت السيارة نطقت.
ورود:-وديني الماسه.
نجم:-لا.
ورود:-ليش داده. ؟
نجم:-بيتهم متروس زلم.
ورود:-باع عيني لا تاخذ دور العاشق الغيور توديني خير ع خير ما توديني اني اروح بحدي.
نجم:-ايييي هاي ورود الي اعرفها ما يلوكلج الخجل يلب گلبي.
حضنت اديها الصدرها ودارت وجها ع الجامه وصلت لبيت عمار ابو الماسه عافتني ونزلت تهف.
نجم:-مستر صبار كولي الماسه نجم يريد يشوفج.
شويه والماسه مدت راسها من الباب مبتسمه.
الماسه:-تعال البذات.
نجم:-افااا انا البذات.
الماسه:-تعال ادخل مو حلوه وكفتنه ع الباب.
اول مادخلت نصدمت بشكلها جانت جنها طوبه منفوخه من الحمل ضحكت ع شكلها.
نجم:-ول يابه ليش هيج منفوخه.؟
الماسه:-ترا هذا حمل والحامل هيج تصير.
نجم:-بس شكلج راح تجيبين فريق خماسي.
دنكت راسها بخجل وهي تباوع ع بطنها.
الماسه:-نجم اني حامل بتوأم.
صفنت عليها ماستوعبت الي گالته وين يله طخت براسي.
:-الماسه لاتجذبين.
