عرين الغضنفر......
لاتنسون التصويت ومتابعة الحساب والتعليق ع كل الفقرات❤❤
اسراء الجنابي.........
......................................
بكل طريقه احاول اتأقلم بس افشل حياتهم صعبه كلش عمار الابن الوحيد ع اربع بنات الولد مامقصرين وياي ابد.
كلهم محتويني بس حسين وامه ابد ماطايقيني.
بيوم محد موجود بلبيت بس اني حسين وامه وحسين جان ستوه من دوامه.
كاعده بلغرفه ودخلت عله زينب.
زينب:-ست الحسن جايج ضيوف.
الماسه:-الي؟
عافتني وطلعت بدون ماتجاوب لبس شال ونزلت وقسور وياي ماعوفه وحده ابد.
اسمع صوت حسين يحجي وياهم اول مافتحت الباب نصدمت بيهم وشجايبهم سنين واني ماشايفتهم اول ماشافتني كامت.
ام ضياء:-ياضلمه ولج حارمتني من حفيدي.
الماسه:-شجابكم؟
ام ضياء:-ما جاين عليج جايه ع حفيدي الي بقه من ابني.
ابتسمت بستهزاء.
الماسه:-الله يسمع منج ومايبقى منه شي.
ام ضياء:-يله ابو ضياء خلي ناخذه ونتوكل.
عكدت حاجبي بعدم فهم.
الماسه:-شنو تاخذي؟
ام ضياء:-اخذ حفيدي وتحلمين بعد تشوفين خياله.
الماسه:-مو هي بكيفج تاخذين ابني.
ام ضياء:-راح القط العب يافأر راح صگارج وعليتي بس اني موجده واصحيج واعرفج انتي منو.
الماسه:-تصحيني ع شنو بله.
ام ضياء:-ع ايام الذل الي عيشج بيهن ابني ف لا تفرحين طلعتي بنت عائله غنيه تبقين الماسه الي جانت تاكل من زبل بيتي.
الماسه:-شتردين هسه مافهمتج.
ام ضياء:- اخذ حفيدي وتحلمين تشوفينه.
الماسه:-وهي بكيفج.
حسين:-الماسه بدون دوخه انطيهم ابنهم.
الماسه:-وانت منو حتى تقرر.
ابو ضياء طول الوكت ساكت ماحجه.
الماسه:-عمو انت راضي بهاذا الكلام؟
رسول:-اي راضي واريد حفيدي يكبر بين اهله مو بين الغربه ويله ام ضياء استعجلي خلي نتوكل.
تقربت عليه تريد تجر قسور مني الي جان ضام نفسه وره ضهري خايف.
الماسه:-ع موتي تاخذيه.
ام ضياء:-راية الله بيضه اسمع ميته مثل امج العار ام الزلم.
بكل طريقه تحاول تاخذ ابني واني متمسكه بيه وهو يبجي بصوت عالي رفت عيني لحسين الي متكتف ويباوعلنه برود.
