عرين الغضنفر.......
لاتنسون التصويت ومتابعة الحساب والتعليق ع كل الفقرات❤❤
اسراء الجنابي......
...................................................
مرات تكون صفعات الدنيا كلش قويه تصحيك ع زمانك وتقنعك وتخليك تحسب االها الف حساب.
وتحاول تبني نفسك وشخصيتك من الصفر.
من بعد موت ضرغام حسيت المسؤليه كبرت عليه امي الي صارت شبه مجنونه ابوي لي كثر سكره ومشاكله..
كمت اطلع اشتغل بلبيوت لان بيت ام ضياء مادزوا عليه بعد.
بيوم جنت اشتغل بيت دكتور وزوجته صيدلانيه عدهم ولدين واحد اكبر مني بأربع سنوات والثاني سنتين.
بيوم جنت انضف بلبيت دخلت الغرفة الولد الجبير انضفها جمدت بمكاني من حضني من وره ردت اوخر عنه ماخلاني رأسن خله ايده ع حلكي.
نصدمت من سمعت صوته.
:-ورود اثبتي شغلة عشر دقايق وخلص وشكد تردين افلوس اني انطيج تكعدين بيت اهلج وراتب كامل يجيج كلشهر.
فلتت منه واني ارجف ما معقوله هيج يسوي اني حتى اصغر من ابنه مو بعمره يطلع عمره بداية الاربعين.
ورود:-شبيك ابو رامي شنو هل تصرف؟
:-اعتبري هذا عرض.
ورود: ياعرض شبيك.
:- اتزوجج بلسره بلمقابل راح تعيشين بنعيم تنسين حياة التعب وانتي بعدج صغيرة وحلوه مو مال هذا الشغل.
من خوفي تصنمت بمكاني خفت انطي ردت فعل قويه ويسوي بيه شي تبعدت من يمه وحجيت وصوتي يرجف.
ورود:-خليني افكر.
:-اخذي راحتج بس لا تتأخرين عليه لان ميت عليج.
غمزلي وراح واني اخذت غراضي وطلعت من البيت اركض وصلت لبيتنه واني روحي فاحطه من التعب ماحجيت الاحد ع الي.
صار وياي كتمت بداخلي وكمت اخبز للبيوت واسوي كبب وابيعها ع اهل المحلات صح تعب بس افضل من شغلي القديم.
بيوم جنت اشتغل بلبيت وندكت الباب بهمجيه فتحت الباب ونصدمت ب الماسه بلباب ويها ابنها جانت كلش تعبانه وخايفه حجتلي كل الي صار وياها.
جان ابنها ميريدها ومتنحس منها كلش بس حبنه اني وخواتي كلش صار اليل واني اباوع الماسه شلون حاضنه ابنها ونايمه.
جريت نفس وحجيت بهمس بيني وبين نفسي.
لو عدنها اهل بيهم خير هم هيج حالها يكسر الخاطر الماسه مسالمه كلش وهادئه وفقيره هاي لو اني ويسون بيه هيج احركهم كلهم ومايرفلي جفن.
صارت الساعه 2ونص وعيني ماخذت نوم ندكت الباب ستغربت منو جاينه هيج وقت حتى ابوي عنده مفتاح للبيت..................................
