نجمة نجمتي ( جمان فريد) منقولة

الجزء الخامس العشر

#نجمه_نجمتي

#جمان_فريد

الجزء الخامس عشر

ماه من طياح سعدي وبختي الأسود
حنين : قدر الله وماشاء فعل يانجمه فيها خيرة
نجمه تبكي وساكته ..
حنين : نوضي سلم نجمه توضي وصلي ركعتين وسلمي الأمر لله وحترتاحي...
نجمه بنبرة باكيه: اصلا اني توا بنمشي غادي بيرفعني علاء اني وعبير ..سلام حنو..
حنين : سلام..وصكرت ..تنهدت حنين"إن شاء الله خير"
....
كان تفوت الموضوع سلم ولدي من بدايتها باينه نحس ومشومه
شيماء: ماتقوليش هكي ياأمي قضاء وقدر..
شاديه بخبث: عليك حظ عندك ياشكري
شبحولها امها وأختها بتفنيص أما هو ناض وطلع من الحوش وهو طايرتله...
***
أمتى صار..
حفيظ: امس في الليل...
للاهم ودموعها تنزل: كيف صار..
حفيظ: ضرباته سيارة مات في مكانه..
للاهم تبكي بصمت ..
حفيظ: الله يرحمه ويصبرك
للاهم: تسلم..صحيت حفيظ
حفيظ: ماعنديش فيه جميل انتي امي مش  مرت بوي الله يرحمه بس وأني حاسب روحي ولدك اللي تبيه اني حاضر
للاهم ابتسمت بين دموعها: ربي يحفظك ويبارك فعمرك..بالسلامه حفيظ ولدي
حفيظ: في امان الله خالتي للاهم ...وصكر...
بعد ماصكرت منه للاهم انهارت بالبكي اذكرت لماسمعت بوفاة بوها بنفس الطريقه وماقدرتش تخش عزاه لإنه متبري منها ..تبكي بعبرتها وتشهق...شويه سكتت وقعدت تفكر..سرعان ماخدت قرار ومش حترجع فيه..ناضت طول بش تنفده...
***
تدلع ياجدي ..
فتح الله وهو متكي ع سريره: جرو ...
شاهين : ولد ولدك ره ..
فتح الله : بالله ياطارق ياولدي مدلي العكوز من حداك ..
طارق مده طول وناض شاهين بسرعه ضرب طارق
شاهين: ماصدقت حضرتك
طارق هز حواجبه بضحكه: انا منقدرش نرد لجدي فتح الله طلب
فتح الله : ماني عارف كيف مصاحب عيل كيف شاهين وماطلقتش عليه من أدبك شوي..
طارق: حاولت بس مافش فايده ..
شاهين: هههههههالله يالأدب وين تمشي يقطر منك ..اسكت يالساني ..
فتح الله وطارق : 😂😂
"صباح الخير جدي"
طارق مجرد سمع الصوت قلبه بدي يقربع بقوة..
فتح الله: الساعه 12ياباير..
شاهين: ايه والله ياجدي حق راحت كيف الناقه حتى دحيه تقليها تنحرق منها..
غادة بإحراج : كذاب وحق ربي 😳
شاهين: الكذاب اللي ماعنده شاهد..بالله ياطارق احكي لجدي ع مكرونة البارح..
طارق ابتسم: كنها قريب كليت صوابعي وراها
غاده:😳💓
شاهين: كلب من نهار عرفتك
فتح الله : ماف كلب غيرك هنا ..
شاهين: ربي يطول فعمرك ديما وأنت قايمها بيا..
غاده وطارق وفتح الله :😂😂😂
خش فارس ومعاه سند: السلام عليكم ..
فتح الله : وعليكم السلام مرحبا بعيال الغالي ..جوه وباسوا ع راسه..فتح الله شبح لشاهين: يطير عليكم في العين هالضايل اللي قدامي..
كلهم: ههههههههههههههه
شاهين : الله غالب ياعين...
خش عبدالله هو ولده  احمد مشي يجري لجده حضنه وباس ايده وعبد الله باس ايده وراسه ..جاي شاهين بينحسب من المكان ..
"عمو شااااااهين رايفتلك"..كان احمد حاضن شاهين من ظهره..تلفت شاهين وحضن احمد وباسه ...
شاهين: وانا اكثر يابطل..
احمد : كان حق ره جيت لحوشنا..
شاهين : يامعفن ..وشده من ايده وين قام راسه جت عينه في عين عبدالله اللي فيسع ماغير نظره لجهة تانيه ..وطلع شاهين بأحمد برا الدار...
***
حقااااا!!
للاهم وهي توتي في شنطتها: ماتفرحيش مش حنرفعك معاي ..
نور بضيق: لماااذا؟؟
للاهم: تكلمي عربي ماتكسرليش رقبتي..
نور تأففت: باه علاش..
للاهم: مازال مش توا ..
نور: علاش ياماما قداش ليا خاطري نروح لليبيا ونشوفها..
للاهم: تو تروحي بإذن الله بس مش توا...
نور سكتت وهي مضايقه طلعت من دار أمها ومشت لدارها..
للاهم تنهدت وكملت باقي ترتيب حاجتها وبتتصل بأصدقائها ليبين بش تخلي نور عندهم...
....
يتأمل في صورتها في ملامحها المميزة اللي خلاته يعشقها من اول ماطاحت عينه عليها كانت بنت لطيفة ورقيقه إلى جانب جمالها وكانت شاطرة وقويه في نفس الوقت ..
فلاش باك...
نسم علينا الهوا من مفرق الوادي
وياهوا دخل الهوا خدني ع بلادي..
: اشتئتي لليبيا..
للاهم: هلبه ياداليا ..
داليا: ارجعي بهالإجازة
للاهم: ايه هذا اللي بيصير بس الإجازة بعيده ..
داليا : فتحي وغمضي عين راح تلقيها اجت ..
للاهم: يارب ..
داليا: ييييي واخيرا دكتور مارث شويه وجايه لولي ..ومشت
للاهم كانت تشبحلها وهي تناقش في الدكتور ..لين قطع عليها شخص وقف قدامها..
"السلام عليكم"
للاهم قامت عيونه وشبحاته كانت ملامحه حلوه حاده وع الأسود وعيونه سود تقول مكحلات..ورموشه زي حد سيف من طولهم..
عمر: انا اسف لو اطفلت عليك..
للاهم استاقضت وناضت : تفضل أي خدمه..
عمر بضحكه وربكه: مش عارف كيف يبدوا بمواضيع كيف هذي ..بس انا حنخش طول في الموضوع..كان يتكلم ويدور بعيونه في المكان كله ووجهه أحمر ..اول مرة تشوف شاب خجول هكي وليبي زياده..
للاهم: تفضل قول اللي عندك..شبحلها وعيونه كانوا خيال عن قرب قريب داخت من حلاوتهم...
عمر: انا ليا فترة جاي لأوكرانيا ونمشي ونجي عليها لأن عندي خدمه فيها..وعندي صديق يقرا هنا  من تلاثه شهور جت عيني عليك وشفتك ..مش عارف شن صارلي بس انقلبت قلبه وحده ..وقعدتي بين عيوني..نروح لليبيا ومش مصدق امتى نرجع هنا من جديد بس عشان نشوفك..
للاهم سخنت مع بعضها: لوسمحت اسكت اني جايه هني بش نقرا مش بش نضيع وقتي حول من طريقي ومشت خلاته ...
اما هو قعد معاها بعيونه لين اختفت وابتسم من قلبه وزاد هبل فيها..
الوقت الحاضر
عمر"ياريت ربي خداني ولاخذلتك يشهد عليا ربي نرقد وانوض والندم ياكل فيا ماكله..عموني الفلوس ورخيت بيك عشانهم وماكنتش راجل معاك ياللاهم..اه لو تعرفي اللي فقلبي ليك غير وين نلقاك بس"..
***
هيا ياغده وانا ديما حاصل فيك ..
غاده : تافه وحق ربي ..
شاهين : ماتخلينيش انتف شعرك توا انزلي خودي اللي تبيها بسرعه..نزلت غاده ..
طارق: بشويش عليها مش هك
شاهين بضحكه: كنك مركب انت انبصر عليها وهي تعرف..
احمد: عمو اليوم بنلعب بلاستشين معاك لين يطيح سعدنا
شاهين وطارق: ههههههههههههههههههههههههههه
شاهين بضحكه: منين جبتها هذي
طارق بضحكه : من شابه عمه ماظلم ..ركبت غاده..
غاده: خيركم تضحكوا ضحكوني معاكم..
شاهين : عليك قصقاصه ..خديتي المشقشقات اللي وصيتك عليهم ..
غاده وهي تمدله في الشكاره: هاك 😒
شاهين وهو يولع في السياره وبدي يتحرك: امسكهم منها ياطارق..خداهم طارق وبدون قصد من الطرفين ايدهم تلامست..هي قريب ماتت اما هو فكان فرحان حط شكارة وكملوا طريقهم..
....
عليش تبكي نبي نفهم..
غاده ببكي: يقهر ياروعه يتعامل معاي ولا كإنه في شي
روعه: وكيف تبيه يتعامل معاك ..وبعدين الحكايه فات عليها سنين الله أمتى بتنسيها..
غاده: قوليها لهالمصيبه اللي حاويته بين ضلوعي هو اللي مرمدني ...
روعه : خلاص غدو انسي..
غاده : 5سنين وانا نبي ننسى ومش قادرة..برغم اني عارفه انه متاع وجيج ونص بنات الكليه مكلمهن بس قلبي شن نديرله..
روعه: سمعت انه يكلم في بتول صاحبة بنت عمك..
غاده: عندي علم ..عليك معفن وواطي وكلب وقعدت تبكي..
روعه تنهدت 😟
قصة طارق وغاده بدت من لما كانت ف اول سنه ليها في الثانويه كانت معجبه بطارق هلبه وهو مايندريش عليها ..كانت تبيه يحس بيها بأي شكل بس مافيش فايده ولأن صاحب خوها الحكايه كانت صعبه عليها طبعا طارق أكبر من شاهين بسنه..المهم حكت لصاحباتها في المدرسه واشاروا عليها شيرة حكيمه هلبه 😂😂..انها تكتب رساله وتعطيهوله..وفعلا عمتك غاده نفدت وكتبتها 💌..وراجت نهار كان جاي فيه طارق لشاهين وكان شاهين يدوش وطارق واقف برا ومافي حد من خوتها ولابوها في الحوش مشتله وهي متحشمه..
غاده وعيونها لوطا: شن جوك طارق
طارق التفتلها ورفع حاجبه اليمين فوق وابتسم: تمام انتي شنجوك
غاده وهي تحط في شعرها ورا وذنها من الخجل: كويسه..احمم طارق
طارق بإبتسامه : نعم ..مدتله الرساله وهي شادتها بإيديها الزوز وراسها لوطا وعيونها مغمضات : هاك..
طارق بإستغراب خداها: شنو هضا..
غاده : اقراها لما نمشي ..وخشت تجري من بحداه...
طبعا طارق قراها بعد روح الحوش وانصدم باللي فيها ...
فات اسبوع كامل وغاده ع نار..لين جي يوم تقابلت هيا وياه وكان في لمة ولد عبدالله تقابلوا في ممر يدخل لفيلا سعد..
غاده وجهها احمر وبصوت يدوب طالع : مرحبا
طارق ابتسم : اهلا..كويس اللي ريتك..
غاده وقلبها يقربع وساكته ...
طارق: غاده نا قريت رسالتك وانصدمت من اللي قريته ..نا واحد مش متاع علاقات جد واخدها بالجو..عمري ماعشمت وحده هما اللي كانوا متقبلات اي شي عادي..وانتي اخت صاحبي اللي عندي بمكانة الاخ وأعز مستحيل نطعنه في ظهره ولا نوصل في هله لإنهم هلي..حطي عقلك في راسك وخليك في قرايتك وفوتي الكلام الفارغ ..وبالنسبه لرسالتك فأنا حرقتها وكأنها ماكانت ..ربي يحفظك..ومشي وخلاها..
من يومها وغاده قلبها زاد تعلق بيه برغم انها انجرحت منه وبكت ودارت حالات الله...لكن موقفه كبره في عينها كبرت وكبر حبه معاها ومش قادرة تشوف غيره رغم كل عيوبه..
اما هو فغاده طاحت في قلبه وقعد ديما يراقب فيها وحواليها بدون ماتحس فرح هلبه كيف شافها صاينه نفسها ولاعمرها كلمت حد ولادارت علاقه مع حد..يكلم مايكلم كان كله مضيعة وقت..بس الحب الحقاني هو اللي يكنه لغاده ومدرقه في قلبه ليه 5سنين...
***
للاهم جت لعزي خوها الكبير مختار اللي كان حنين عليها ويتواصل معاه بالخفاء عن الكل ..برغم انه الكبير بس ماكانتش عنده القدرة اللي عند موسى في الإقناع والسيطره ع بوه..
حضرت العزي زي الغريبه وماخلت حد يلاحظها..القليل من العيله يعرفوها بشكلها..كانوا يتنجبوا حتى الكلام عليها..
فيوم وهي طالعه لمحت موسى قعدت واقفه تشبحله وتتأمل فيه.."ماتغير فيك شي غير الشيب اللي عبا راسك نفس الوقفه نفس الاسلوب في الكلام نفس النظره عنجهيه وكبر وغطرسه" ركبت لسيارتها وتوجهت لحوشها...
...
جي عزا هو وبوه..
نجمه: ايه حتى امه وخواته جوا..لكن خالتي بكل تشبحلي في شبحات سم ..كان في ايديها الموت طلقتها عليا..
حنين: انتي عارفه من البدايه انها لاتحبك ولاتحب امك وقلتي عادي بتتحملي
نجمه : عارفه غير نحكيلك بس..تنهدت..باه اني شن ذنبي بش ياخد مني موقف ومعاش يكلمني..
حنين "لأنه اناني وهمه روحه بس": طبيعي هو زيك يستنى في عرسكم بفارغ الصبر واللي صارفركس كل شي..
نجمه: ممكن صح ..اااه الله غالب حظ احرف..
حنين: اسكتي معاش تقولي الدوة هادي..
بريكه : هيا يابنات اطلعوا فرقوا الشاهي وسفنز..
البنات بأصوات متقطعه: باه...حاضر..
شكري كان معزوم ع عرس بنت المسؤول اللي تعرف عليه مرة لما ركبله المكيفات..ولإن شكري ملسن ويحب يخدم مصالحه عرف كيف يكسبه بالتملق ومسح الجوخ..وقعد ماشي جاي ع عرس يعول ويعاون وبدي يتعرف ع هلبه ناس ويربط في حباله ولهالسبب فايت نجمه بالطويل...
***
معقوله مش حافظه ملامحي..
نور: مش هك بس نا مانعرفش نرسم حد الا لما يكون مصادري..
معين : ههههههههه..قولي تبي تشوفيني وخلاص..
نور ابتسم وعضت ع شفتها السفلى ..
معين : تو نحاول نجي الأيام الجايه
نور بخلعه: لالالا ..انا نا بنجيك
معين : خايفه من خطيبك..
نور اضايقت وسكتت..
معين تنهد: باه تعالي انتي المهم نشوفك
نور : معين نحنا اتفقنا نتمو أصدقاء ..
معين : نا قلت غير هالكلام
نور : لا بس نذكر فيك..
معين : اطمني مذكر💔
نور: تمام💔
***
وواك اسبوع الدنيا كيف راحت..
نجمه تسيق: طبيعي يما شجر وتراب يبي يوميا كنس ..
بريكه : عبير خلي عليك يابنتي راك حامل
عبير:ءء.....
نجمه: كنة مرت عمي الله يرحمه حامل في الرابع وتغسل في الكوازين بروحها..
بريكه فنصت في نجمه ونجمه مطنشه وتسيق
اما عبير ساكته ومن داخل تغلي..
موسى جي: مازال سريبكم ماتمش
بريكه : شويه ونكملوا...
طقطق باب الحوش...
بريكه : منو زعمه ..
نجمه: علاء داخل..
موسى توجه للباب بش يفتح ..فتحه ..لحظه وقفت فيها الدنيا..عيونه انفتحوا ع وسعهم...صدمه يحاول جاهد يخفي ملامحها..اما اللي كانت ع الباب فكانت تشوف لعيونه بإبتسامه سخريه وعيون معيبين دموع...
للاهم: كيف حالك ياخوي ..ومدت يدها..
موسى شبح لإيدها وشبحلها من فوق للوطا: من إنتي ..
ابتسمت بتهكم...
بريكه : منو ياحاج ..خشت للاهم بعد مادفت خوها اللي كانت صدمته مفشله جسمه بالكامل...
للاهم: بريكه قاعده زي ماإنتي
بريكه انصدمت وماقدرتش تنطق...
نجمه تشبح هي وعبير بإستغراب..
نجمه: منو انتي ...
موسى : نجمه خودي مرت خوك وخشي داخل..
للاهم بدهشه: نجمه كبرت هكي ...
نجمه: انتي منو يامراة انتي...
للاهم بضحكه شبحت لخوها :تشبهلك حتى في اسلوبك..
ع طلعة علاء يشبح للاهم بأستغراب: خيركم..
موسى : علاء خود اختك ومرت خوك وخشوا داخل..
للاهم بشهقه: علاء ياوخيتي سلمه كبر وراح راجل..
علاء ضيق عيونه: منو انتي..
للاهم شبحت لخوها هلبه اللي كان يشبحلها بكره ..وشبحت لعلاء وبعدين نجمه:أني الدكتوره للاهم...عمتكم...اخت بوكم...

...يتبع...
الفصول الاربعة