لا حول ولا قوة الا بالله
لا حول ولا قوة الا بالله
لا حول ولا قوة الا بالله
#نجمه_نجمتي..
#جمان_فريد
الجزء 24💖💖💖
الباين ان السيارة اللي ضربتها ماكانتش تمشي بسرعه..تعرضت لكسر في الكتف..وجرح عمليه عندها انفتح عقمناه وخيطناه..ضربه مش خطيره في الراس من الطيحه..لكن هي حاليا في غيبوبه وهالغيبوبه نوعها نفسي هي اختارت تخش في غيبوبه بسبب حالتها النفسيه..
للاهم تنهدت: شكرا دكتور..
الدكتور: العفو هذا واجبنا دكتورة وانتي ادرى...
ابتسمت بمجامله وهو استأذن ومشي...
***
بعد عملية بحت ع عيلته وسؤال الأقارب عليهم .
دلوه ع حوش عمته..مشي وهو متفاجئ شن رفعهم غادي..
وصل في الحوش ونزل..لقي الباب الخارجي مردود خش...
يشبح في سيارة في الجنان بعدين قدم وطق ع باب الحوش..
فتحت مراة كبيرة في العمر..
: تفضل..
علاء: هذا حوش للاهم نوري..
: ايه تفضل..
علاء : أني ولد خوها..
: ولد الحاجه بريكه..
علاء ابتسم : ايه..
: تفضل تفضل..خش علاء والمراة سكرت الباب..
: امك كل يوم تراجي فيك تخش عليها..
علاء وعيونه تعبوا دموع : وينها...
: تعالى معاي..
مشي معاها وعيونه ادور وتتفحص في الحوش لين وصل في دار لقي أمه توتي في شنطه وحداها سرير صغير فيه بيبي استغرب..
علاء: أمي...
بريكه التفتت وبصدمه: ولدي..مشتله تجري وخداته في حضنها..
بريكه ببكي: وينك وينك هذا كله وينك ياولدي وين كنت ..
علاء وهو يحضن فيها : كيف حالك ياأمي...
بعداته : الحمد لله ع كل حال...قعدت تتفحص فيه كان مداير لحيه ومسمر هلبه وضاعف لين خلاص وع وجهه اثر جروح..وهو كان يشبحلها جرتها باكيه وباين عليها مش زي قبل بكل..
علاء: أمي شن جابكم هني وعلاش حوشنا فاضي..
بريكه شبحتله بألم وقعدت تبكي...
علاء بخوف : شن في ياأمي..وركز بنظره هالبيبي..وعيل منو هذا؟...حط فباله ان يكون ولده اوبنته..
بريكه شبحت للبيبي: هادي بنية نجمه..
علاء بصدمه: نجمه!!!!
بريكه : ايه..
علاء: وينها...وكيف صار وجت هني ..
بريكه : اختك هدتها الدنيا هد ياولدي
علاء بخوف: أمي شنو صاير قوليلي..
بريكه خدت نفس وبدت تحكي......
علاء بغضب: الله يرحمك يابوي ماغلطتش في نظرتك فيه هالفاسد ..
بريكه : الله لايسامحه واجعل اللي داره فيها يلقاه...
علاء: احمم..حنين تسأل عليك..
بريكه سكتت بالمرة...
علاء بلهفه يحاول يخفيها: اكيد جابت شن جابت
بريكه تشبحله بخوف..
علاء استغرب: أمي خيرك ساكته تكلمي..
بريكه تشجعت وبدت تتكلم:........
***
كل فحوصتك وتحاليلك بتثبت ان مافي عندك أي مشاكل صحيه..
طارق: كيف يادكتور البارح في الليل توقعته يموت..
الدكتور: ع الغالب اللي فيه ماألو علاقه بأي مرض عضوي..
شاهين : ياريت توضح أكثر..
الدكتور أبتسم: هي حاله نادرة ..يكون قلبك مرتبط بشخص بعيد عنك ..وممكن بعمرك بحياتك لاشفتوا ولاعرفتوا..بس في تواصل او تخاطر يصير معو..يخلي قلبك يحس بيه وقت اللي بيكون مبسوط او زعلان أوصاير معو اي شي مؤثر ع مشاعروا..
شاهين بضحكه: معقول..
الدكتور ضحك:هي حقيقه موجوده..
طارق: سبحان الله..
الدكتور: بنستبعد انو يكون عندك توأم ضايع مثلا..
شاهين : مستحيل..انا نسخه وحده مافيش مني اثنين في العالم..
طارق والدكتور:😂😂
الدكتور بضحكه: تمام يعني مافي شي من هالقبيل..اصبح الإحتمال التاني ان قلبك بيحب حدا بدون ماتعرفوا او تشوفوا..
شاهين: ههههههههههه حاس روحي زاقب من فيلم الهندي
الدكتور بضحكه: شو معناتا زاقب..
طارق: ههههههههههه معناها طايح او نازل هك يعني..
شاهين : بالله عليك فهمته..
الدكتور : هههههههههه شبه فهمت..ع العموم هيدا التفسير الوحيد..
طارق: يعني يادكتور حيقعد ع هالحاله ...
الدكتور بمزح: ممكن ما طول كثير ويلتقي بهالشخص اللي مسببلوا فيا..
شاهين : نكون معاك صريح ماأقنعتنيش ..
الدكتور: هههههههههههههه معك حق ماتقتنع لأن الحكي اشبه بالخيال ..بس هو فعلا حقيقه واقعه..
شاهين ابتسم وقعد يفكر...
***
علاء بعد أمه حكتله طلع زي المهبول.ومشي لحوش اهل حنين ماصدقش لين هما قالوله ..قاللهم يرفعوه لقبرها ..رفعوه وقعد بروحه ..طاح ع ركابه وقعد يبكي بالصوت..وهو مش مصدق ..كيف اكثر انسانه حبها في حياته راحت من بين ايديه بسرعه وطفلهم اللي كان مفروض يفرحوا بيه مع الأسف اندفن تحت الأرض من قبل مايعيش عليها..بكي لين روحه طابت..وقعد غادي يوم كامل..
...
استمرت حالة الغيبوبه عند نجمه لمده اسبوع..امها كانت حداها وعمتها كذلك ..مقسمين ارواحهم بين نجمه وبنتها..
ام العز كانت مسافرة لأقارب راجلها تشوف فيهم..ولما روحت وسمعت باللي صار قريب هبلت..
أم العزببكي : ياما وصيته عليها ..عمري ماتوقعت شكري اللي ربيته يطلع واحد بلاضمير ولاقلب لهالدرجه..
بريكه: الله يتولاه وين مايمشي..
ام العز: سيب البلاد وعايش برا هو ومرته الجديده توا ..
بريكه : حسبي الله ونعم الوكيل فيه دنيا وآخرة...
***
💛 الله ع البحر وريحته...يوزع في نظره ع المكان ..ثبت نظره ع مراه واقفه ع الشط بعيده عليه شوي لابسه قفطان ابيض وشعرها أسود طويل اطير فيه الريح ومغمضه عيونها وكأنها تسمع في الموج..
"هذي حورية بحر..عليها شعر يهبل..بس كنها مغمضه عيونها هك..نكلمها..لالا..خليها في حالها...بس سمحه بكككل" فجأة فتحت عيونها والتفتله جيت عينه في عيونها السود لف وجهه القدام وهو متحشم..ناض من الحلم وقلبه يدق بعنف ويحس بشعور مش مفهوم لكن حلو هلبه ابتسم وقعد يفكر فيه...
***
يااارب اشفيلي بنتي..خفف عنها..يامن تحيي العظام وهي رميم..احيها احيي كل شي حلو مات فيها...اعطيها قوة من عندك بش ترجع لبنيتها وتربيها...وعوضها يالله احلى عوض..وخود حقها ياقوي ياعزيز"...
بريكه تدعي لنجمه في ثلت الأخير من الليل..الوقت اللي فيه الدعاء مستجاب ..الوقت اللي ينزل فيه الملك للدنيا بش يسمع لعباده شكواهم وحوائجهم ويطبطب ع قلوبهم برحمته..
...
💛..صوت حلو يتلى في سورة مريم..كانت تسمع فيه .."هذا صوت بوي...والله صوته..زي صوت الدوكالي العالم..مغمضه عيونها وتسمع في سورة مريم ومتأثره..لين وصل في أية ولاتحزني..قعد يردد فيها ولاتحزني ولاتحزني ولاتحزني..كانت بصوت جميل ومؤثر..فتحت عيونها..كأنها تشبح في بوها كيف مقعمز في مكان أخضر ولابس اخضر وشاد المصحف ويقرا وكان شكله حلو بالمرة ابتسمت ..بس حست بحد معاها التفتت فجأة ..لقاته هو نفسه..الشاب اللي استنجدت بيه اللي لابس ابيض..بس ملامحه كانت مش واضحه بتاتا ..سمعت صوت بكاء طفلة صغيرة قلبها وجعها ادور عليها مالقتهاش ...قلبها انقبض.."بنتي"..
فتحت عيونها..وقعدت تشبح للسقف..وقالت بصوت متعب"بنتي"..الممرضه اللي كانت حداها طلعت تجري بلغت للاهم ..اللي فرحت هلبه لما شافت نجمه فاقت من الغيبوبه..
أنت تقرأ
نجمة نجمتي ( جمان فريد) منقولة
Roman d'amourرواية منقولة للكاتبة جمان فريد الغنية عن التعريف 🌷 ••••••عدد الحلقات 40••••••
