نجمة نجمتي ( جمان فريد) منقولة

الجزء الرابع عشر

#نجمة_نجمتي

الجزء 14

#جمان_فريد

GomanFared
ﺧﺎﺍﺍﺍﻟﺘﻮﻭﻭ
ﻣﺎﺟﺪﻩ ﻧﺎﺿﺖ ﻣﻦ ﻣﻜﺎﻧﻬﺎ ﻭﻋﻴﻮﻧﻬﺎ ﺩﻣﻌﻮﺍ ﻓﺘﺤﺖ ﺍﻳﺪﻳﻬﺎ ﻟﻨﻮﺭ ﻭﺣﻀﻨﺘﻬﺎ ﻭﻫﻲ ﺗﺸﻢ ﻓﻲ ﺭﻳﺤﺘﻬﺎ ﺣﻀﻦ ﻗﻮﻱ ﻫﻠﺒﻪ ﻭﻛﺬﻟﻚ ﻧﻮﺭ .. ﻛﺎﺭﻳﻤﺎﻥ ﻛﺎﻧﺖ ﺗﺘﻔﺮﺝ ﻋﻠﻴﻬﻢ ﻭﻋﻴﻮﻧﻬﺎ ﻣﺪﻣﻌﺎﺕ ﺣﺘﻲ ﻫﻲ ..
ﺑﻌﺪﺕ ﻣﺎﺟﺪﻩ ﻭﺷﺪﺕ ﻭﺟﻪ ﻧﻮﺭ ﺑﺈﻳﺪﻫﺎ : ﻛﺒﺮﺗﻲ ﻭﺍﺣﻠﻮﻳﺘﻲ ﻭﺍﺟﺪ
ﻧﻮﺭ : ﻫﻬﻬﻬﻬﻬﻬﻬﻬﻪ ﺣﺘﻰ ﺍﻧﺘﻲ ﻛﺒﺮﺗﻲ ﻭﺍﺣﻠﻮﻳﺘﻲ ..
ﻣﺎﺟﺪﻩ ﺗﻀﺤﻚ ﻣﻦ ﺑﻴﻦ ﺩﻣﻮﻋﻬﺎ : ﻗﺮﺩﺓ ...
ﻛﺎﺭﻳﻤﺎﻥ : ﺣﻤﺪ ﻟﻠﻪ ﻉ ﺳﻼﻣﺘﻚ ﻣﺎﺟﺪﻩ .. ﺑﻌﺪﻭﺍ ﻧﻮﺭ ﻭﻣﺎﺟﺪﻩ ﻋﻦ ﺑﻌﺾ ﻭﺳﻠﻤﺖ ﻣﺎﺟﺪﻩ ﻉ ﺃﺧﺘﻬﺎ ﺑﺎﻷﺣﻀﺎﻥ ..
ﻛﺎﺭﻳﻤﺎﻥ : ﻛﻴﻒ ﻛﺎﻧﺖ ﺭﺣﻠﺘﻚ
ﻣﺎﺟﺪﻩ : ﻣﺮﻳﺤﻪ ﺍﻟﺤﻤﺪ ﺍﻟﻠﻪ ... ﻗﻌﻤﺰﻭﺍ ﺍﻟﺘﻼﺛﻪ ..
ﻣﺎﺟﺪﻩ : ﺷﻦ ﺟﻮﻙ ﻧﻮﻧﻮ ﻭﺷﻦ ﺩﺍﻳﺮﺓ ﻓﻲ ﺍﻟﻘﺮﺍﻳﻪ
ﻧﻮﺭ : ﺍﻟﺤﻤﺪ ﻟﻠﻪ ﺗﻤﺎﻡ ... ﺗﻮﺣﺸﺘﻚ ﻣﻮﻭﻭﺕ
ﻣﺎﺟﺪﻩ ﺣﻀﻨﺘﻬﺎ : ﻭﺍﻧﺎ ﺍﻛﺜﺮ ﻳﺎﺭﻭﺣﻲ ...
ﻛﺎﺭﻳﻤﺎﻥ : ﺟﺎﻳﻪ ﺑﺮﻭﺣﻚ
ﻣﺎﺟﺪﻩ : ﺍﻫﺎ ...
ﻛﺎﺭﻳﻤﺎﻥ ﺑﻀﺤﻜﻪ : ﺭﺍﻙ ﺗﻘﻮﻟﻴﻬﺎ ..
ﻣﺎﺟﺪﻩ : ﻫﻬﻬﻬﻬﻬﻬﻬﻬﻬﻬﻬﻬﻪ ﺑﻨﻘﻮﻟﻬﺎ ﺍﻃﻠﻘﺖ ..
ﻧﻮﺭ ﺑﺸﻬﻘﻪ : ﺧﺎﻟﺘﻲ ﻫﺬﺍ ﺛﺎﻟﺖ ﺭﺍﺟﻊ ﺧﻼﻝ ﺍﺭﺑﻊ ﺳﻨﻴﻦ
ﻣﺎﺟﺪﻩ ﺿﺮﺑﺘﻬﺎ : ﺗﻌﺪﻳﻠﻲ ﻓﻴﻬﻢ ﻳﺎﻗﺮﺭﺭﺩﺓ
ﻧﻮﺭ : ﺍﺣﺤﺤﺢ ﻫﻬﻬﻬﻬﻬﻬﻬﻪ ﺻﺮﺍﺣﻪ ﺃﻭﻭﻭﻓﺮ ﺍﻧﺘﻲ
ﻣﺎﺟﺪﻩ : ﻣﺎﻓﻴﺶ ﻭﺍﺣﺪ ﺟﻲ ﻛﻴﻒ ﻣﺎﻧﺘﻤﻨﻰ ﻛﻠﻬﻢ ﻓﻲ ﺍﻷﻭﻝ ﻳﺒﻴﻨﻮﻟﻚ ﺷﻲ ﻭﺑﻌﺪ ﺍﻟﺰﻭﺍﺝ ﻳﻄﻠﻌﻮﺍ ﻉ ﺣﻘﻴﻘﺘﻬﻢ ..
ﻛﺎﺭﻳﻤﺎﻥ : ﻫﻬﻬﻬﻬﻬﻬﻬﻪ ﺍﻟﻌﻴﺐ ﺩﻳﻤﺎ ﻓﻴﻬﻢ
ﻣﺎﺟﺪﻩ ﺭﻗﺼﺖ ﺣﻮﺍﺟﺒﻬﺎ ﻭﺿﺤﻜﺖ : ﻃﺒﻌﺎ ﺃﻛﻴﺪ 🠽񘹄
ﻧﻮﺭ ﻭﻛﺎﺭﻳﻤﺎﻥ 😂😂:
ﻣﺎﺟﺪﻩ ﻧﺎﺿﺖ : ﻫﻴﺎ ﻧﻮﻧﻮ ﻧﻮﺿﻲ ﺑﻨﻄﻠﻌﻮﺍ ..
ﻛﺎﺭﻳﻤﺎﻥ : ﻏﻴﺮ ﺍﻭﺻﻠﻲ ﻗﺒﻞ ..
ﻣﺎﺟﺪﻩ : ﻭﺻﻠﺖ ﻭﺗﺮﻳﺤﺖ .. ﻫﻴﺎ ﻧﻮﺭ ..
ﻧﻮﺭ ﺑﺤﻤﺎﺱ : ﺵ ﺣﻨﻘﻮﻝ ﻻ .. ﻭﺭﻛﺒﺖ ﺗﺠﺮﻱ ﻟﺪﺍﺭﻫﺎ ﺑﺶ ﺗﻮﺗﻲ ﺭﻭﺣﻬﺎ
ﻛﺎﺭﻳﻤﺎﻥ ﺷﺒﺤﺖ ﻟﻤﺎﺟﺪﻩ : ﻋﻠﻤﺘﻲ ﺍﻧﻬﺎ ﺍﻧﺨﻄﺒﺖ
ﻣﺎﺟﺪﻩ ﻫﺰﺕ ﺭﺍﺳﻬﺎ ﺑﺈﻳﺠﺎﺏ : ﻧﺒﻲ ﻧﻘﺎﺑﻞ ﺧﻄﻴﺒﻬﺎ ﻭﻧﺪﻭﻱ ﻣﻌﺎﻩ ﺷﻮﻱ
ﻛﺎﺭﻳﻤﺎﻥ ﺑﺨﻮﻑ : ﻓﺸﻦ .. ؟
ﻣﺎﺟﺪﻩ ﺍﺑﺘﺴﻤﺖ : ﻣﺎﺗﺨﺎﻓﺶ ﻣﺶ ﺍﻟﻠﻲ ﺑﺎﻟﻚ ..
ﻛﺎﺭﻳﻤﺎﻥ ﻗﻌﺪﺕ ﺗﺸﺒﺤﻠﻬﺎ ﺑﺨﻮﻑ ...
ﻣﺎﺟﺪﻩ : ﻛﺎﺭﻳﻤﺎﻥ ﻣﺎﺗﺨﺎﻓﻴﺶ ﺍﻧﺎ ﻧﺒﻲ ﻧﻄﻤﻦ ﻋﻠﻴﻬﺎ ﻻﺃﻛﺜﺮ
ﻛﺎﺭﻳﻤﺎﻥ ﻫﺰﺕ ﺭﺍﺳﻬﺎ ﺑﺈﻳﺠﺎﺏ ﻭﺳﻜﺘﺖ ...
***
ﻧﺠﻤﻪ : ﻭﻋﻼﺵ ﺍﻟﺒﻴﺎﻥ ﻣﺶ ﺿﺮﻭﺭﻱ ..
ﻋﺒﻴﺮ : ﻛﻴﻒ ﻣﺶ ﺿﺮﻭﺭﻱ ﺭﺍﻙ ﺭﺍﺱ ﺑﻨﻴﻪ ﻭﻣﺪﺍﻡ ﺍﻟﻌﺮﺱ ﻣﺎﺯﺍﻝ ﺩﻳﺮﻱ ﺑﻴﺎﻥ ..
ﻧﺠﻤﻪ : ﻣﺶ ﻻﺯﻡ ﻭﺑﻌﺪﻳﻦ ﺣﻨﻲ ﻣﺶ ﻓﺒﺎﺑﻪ
ﻋﺒﻴﺮ : ﻣﻨﻮ ﺍﻟﻠﻲ ﻣﺶ ﻓﺒﺎﺑﻪ ﻋﻤﻲ ﺭﺑﻲ ﻋﺎﻃﻴﻪ
ﻧﺠﻤﻪ : ﻭﻣﻦ ﺍﻟﻠﻲ ﺗﻜﻠﻢ ﻉ ﻭﺿﻌﻨﺎ ﺍﻟﻤﺎﺩﻱ؟
ﻋﺒﻴﺮ ﺑﺨﺒﺚ : ﺃﻫﺎ ﻗﺼﺪﻙ ﻭﺿﻊ ﺧﻄﻴﺒﻚ ..
ﻧﺠﻤﻪ ﺳﻜﺘﺖ ﻭﺗﺤﺎﻭﻝ ﺗﻜﻈﻢ ﻏﻴﻈﻬﺎ ..
ﻋﺒﻴﺮ : ﺗﺒﻲ ﺍﻟﺤﻖ ﺍﺳﺘﻌﺠﻠﺘﻲ ﻫﻠﺒﻪ ...
ﻧﺠﻤﻪ ﺿﻴﻘﺖ ﻋﻴﻮﻧﻬﺎ : ﻓﻲ ﺷﻨﻮ؟؟
ﻋﺒﻴﺮ : ﻓﻲ ﺍﺧﺘﻴﺎﺭﻙ ﻟﺸﻜﺮﻱ .. ﺟﻮﻙ ﻫﻠﺒﻪ ﻧﺎﺱ ﻣﻦ ﻣﻌﺎﺭﻑ ﻋﻤﻲ ﻭﻧﺎﺱ ﻟﻴﻬﺎ ﻭﺯﻥ .. ﻭﺍﻧﺘﻲ ﺷﺪﻳﺘﻠﻲ ﻓﻲ ﻫﺎﻟﻤﻨﺘﻒ ..
ﻧﺠﻤﻪ ﻋﺼﺒﺖ : ﺍﺣﺘﺮﻣﻲ ﻧﻔﺴﻚ ﻭﺧﻠﻴﻚ ﻓﻲ ﺣﺎﻟﻚ ﺍﻓﻀﻞ ..
ﻋﺒﻴﺮ : ﻫﺪﻱ ﻫﺪﻱ .. ﻏﻴﺮ ﺷﻦ ﻗﻠﻨﺎ .. ﻫﺬﺍ ﻣﺎﺯﺍﻝ ﻣﺎﻭﻻ ﺭﺍﺟﻠﻚ ﻭﻫﻜﻲ ﺩﺭﺗﻲ ... ﻭﺑﻮﻗﺎﺣﻪ ﻣﻦ ﻋﺒﻴﺮ ... ﻫﺬﺍ ﻏﻴﺮ ﻛﺎﻥ ﻳﺒﻲ ﻭﺣﺪﻩ ﺗﺎﻧﻴﻪ ﻗﺒﻠﻚ ﻭﻟﻤﺎ ﻓﺎﺗﺘﻪ ﺩﺍﺭﻙ ﺷﻜﻮﺭﻃﻪ ...
ﻧﺠﻤﻪ ﺍﺑﺘﺴﻤﺖ ﺑﻜﺘﻢ ﻏﻴﻆ : ﺍﻧﻲ ﻧﺴﻴﺘﻪ ﻓﻴﻬﺎ ﻭﺧﻠﻴﺘﻪ ﺟﺎﻧﻲ ﻭﺧﻄﺒﻨﻲ .. ﻣﺎﻏﻠﻄﺶ ﻣﻌﺎﻩ ﺑﺶ ﻳﺘﺰﻭﺟﻨﻲ ﺑﺎﻟﺴﻴﻒ ﻭﻓﻬﻤﻚ ﻛﻔﺎﻳﻪ ﻭﻏﻤﺰﺗﻠﻬﺎ ...
ﻋﺒﻴﺮ ﺍﻧﺼﻤﺘﺖ ﻭ ﻧﺎﺿﺖ ﺧﺸﺖ ﺗﺠﺮﻱ ﺭﺍﻛﺒﻪ ﻟﺸﻘﺘﻬﺎ ...
ﻧﺠﻤﻪ " ﻫﺬﺍ ﺍﻟﻠﻲ ﻳﻨﻔﻊ ﻣﻊ ﻭﺍﻃﻴﻪ ﺯﻳﻚ ..."
***
ﻗﺪﺍﻡ ﺍﻟﺒﺤﺮ ﻫﻴﺎ ﻭﺧﺎﻟﺘﻬﺎ ﻣﺘﻜﻴﻴﻦ ﻉ ﺍﻟﺴﻴﺎﺭﻩ ..
ﻣﺎﺟﺪﻩ : ﻫﻮ ﻛﻮﻳﺲ ..
ﻧﻮﺭ ﺑﻀﻴﻖ : ﺍﻫﺎ .. ﻛﻮﻳﺲ ..
ﻣﺎﺟﺪﻩ : ﻛﻨﻚ ﺗﺤﻜﻲ ﻋﻨﻪ ﻭﺍﻧﺘﻲ ﻣﻀﺎﻳﻘﻪ ..
ﻧﻮﺭ ﺗﻨﻬﺪﺕ ﻭﺷﺒﺤﺖ ﻟﺨﺎﻟﺘﻬﺎ : ﺍﻧﺘﻲ ﻛﻨﺘﻲ ﺩﻳﻤﺎ ﻗﺮﻳﺒﻪ ﻋﻠﻴﺎ ﺃﻛﺜﺮ ﻣﻦ ﺃﻣﻲ ﻧﻔﺴﻬﺎ .. ﻭﺩﻣﻌﻮﺍ ﻋﻴﻮﻧﻬﺎ ..
ﻣﺎﺟﺪﻩ ﺑﻘﻠﻖ : ﻛﻨﻚ ﻧﻮﺭ ﺍﺣﻜﻲ ...
ﻧﻮﺭ ﺧﺪﺕ ﺷﻬﻴﻖ ﻭﺯﻓﻴﺮ ﻭﻧﺰﻟﻮﺍ ﺩﻣﻮﻋﻬﺎ : ﻣﺎﻧﺒﻴﺶ ﻳﺎﺧﺎﻟﺘﻮ ..
ﻣﺎﺟﺪﻩ ﺑﺈﺳﺘﻐﺮﺍﺏ : ﻛﻴﻒ ﻣﺎﺗﺒﻴﺶ ﻭﺍﻧﺨﻄﺒﺘﻴﻠﻪ .. ﻗﺼﺪﻙ ﻣﺠﺒﻮﺭﺓ
ﻧﻮﺭ ﻫﺰﺕ ﺭﺍﺳﻬﺎ ﺑﺈﻳﺠﺎﺏ ﻭﺗﺒﻜﻲ ..
ﻣﺎﺟﺪﻩ : ﻣﻦ ﺍﻟﻠﻲ ﺟﺎﺑﺮﻙ؟
ﻧﻮﺭ ﻗﻌﺪﺕ ﺳﺎﻛﺘﻪ ﻭﺗﺒﻜﻲ ﺑﺲ
ﻣﺎﺟﺪﻩ ﺷﺒﺤﺖ ﻟﻠﺒﺤﺮ ﻭﻫﺰﺕ ﺭﺍﺳﻬﺎ ﺑﺈﻳﺠﺎﺏ : ﻛﺎﺭﻳﻤﺎﻥ ﻭﻋﻤﺮ ... ﺑﺎﻩ ﺍﻧﺘﻲ ﻗﺘﻲ ﻛﻮﻳﺲ ﻋﻠﻴﺶ ﻣﺎﺗﺒﻴﺶ ..
ﻧﻮﺭ ﺣﻄﺖ ﻉ ﻗﻠﺒﻬﺎ : ﻣﺎﻧﺤﺴﺶ ﺍﺗﺠﺎﻫﻪ ﺷﻌﻮﺭ ﺍﻟﺤﺐ ﺍﻟﻠﻲ ﺑﻴﻦ ﺍﻱ ﺍﺛﻨﻴﻦ ﻳﺤﺒﻮﺍ ﺑﻌﻀﻬﻢ .. ﺍﻫﺎ ﻧﺤﺒﻪ ﺑﺲ ﻛﺄﺥ ﺩﻳﻤﺎ ﻧﺤﺲ ﻓﻴﻪ ﺧﻮﻳﺎ ﻧﺤﺒﻪ ﻛﺄﺥ ﻣﺶ ﻛﺤﺒﻴﺐ ...
ﻣﺎﺟﺪﻩ : ﻓﻲ ﺣﺪ ﻏﻴﺮﻩ؟
ﻧﻮﺭ ﺣﻄﺖ ﺍﻳﺪﻳﻬﺎ ﻉ ﻭﺟﻬﻬﺎ ﻭﻗﻌﺪﺕ ﺗﺒﻜﻲ ..
ﻣﺎﺟﺪﻩ ﺣﻀﻨﺘﻬﺎ : ﺍﺷﺸﺶ ﺣﺒﻴﺒﺘﻲ ﺧﻼﺍﺍﺹ ..
ﻧﻮﺭ ﺑﻌﺪﺕ : ﻧﺘﻤﻨﻰ ﻧﻐﻤﺾ ﻋﻴﻦ ﻭﻧﺤﻞ ﻋﻴﻦ ﻧﻠﻘﻰ ﻛﻞ ﺷﻲ ﺗﻐﻴﺮ ﻛﻴﻒ ﻣﺎﻧﺒﻲ ..
ﻣﺎﺟﺪﻩ : ﺍﻫﺪﻱ ﺗﻮﺍ ﺣﺒﻴﺒﺘﻲ ﻛﻞ ﺷﻲ ﻭﻟﻴﻪ ﺣﻞ ..
ﻧﻮﺭ : ﺇﻻ ﺍﻟﻠﻲ ﻧﺎ ﻓﻴﻪ ﻣﺎﻟﻴﻬﺶ ﺍﻱ ﺣﻞ ..
ﻣﺎﺟﺪﻩ : ﻻ ﻓﻲ ﺣﻠﻮﻝ ﺧﻠﻴﻚ ﻗﻮﻳﻪ ﻭﺗﻔﺎﺀﻟﻲ ..
ﻧﻮﺭ ﺷﺒﺤﺖ ﻟﺨﺎﻟﺘﻬﺎ : ﻃﻮﻟﻲ ﻫﻨﺎ ﺍﺭﺟﻮﻙ ﻣﺤﺘﺎﺟﺘﻠﻚ
ﻣﺎﺟﺪﻩ ﺣﻀﻨﺘﻬﺎ ﻭﻋﻴﻮﻧﻬﺎ ﺗﻌﺒﻮﺍ ﺩﻣﻮﻉ : ﺣﺎﺿﺮ ﻉ ﺷﺎﻧﻚ .. ﺣﻀﻨﺖ ﻧﻮﺭ ﺧﺎﻟﺘﻬﺎ ﺃﻛﺘﺮ ﻭﻛﺄﻧﻬﺎ ﺍﺩﻭﺭ ﻉ ﺍﻷﻣﺎﻥ ﻭﺍﻟﺤﻨﺎﻥ ﺍﻟﻠﻲ ﻣﻠﻘﺘﺎﺵ ﻓﻲ ﺃﻣﻬﺎ ...
***
ﻛﻴﻒ ﺗﺨﻠﻴﻬﺎ ﺗﻄﻠﻊ ﻣﻌﺎﻫﺎ ..
ﻛﺎﺭﻳﻤﺎﻥ : ﺍﻧﺖ ﺗﻌﺮﻑ ﺍﻧﻲ ﻣﺎﻧﻘﺪﺭﺵ ﻧﻤﻨﻌﻬﺎ
ﻋﻤﺮ : ﺍﺧﺘﻚ ﻫﺬﻱ ﻭﺣﺪﻩ ﻣﺘﺮﻭﺷﻘﻪ ﺗﻌﺮﻓﻴﻬﺎ ﺃﻛﺜﺮ ﻣﻨﻲ ﺗﻔﻀﻲ ﺍﻟﺸﻜﺎﺭﺓ ﻟﻠﺒﻨﺖ ﺑﻜﻞ ﺳﻬﻮﻟﻪ ..
ﻛﺎﺭﻳﻤﺎﻥ : ﻣﺶ ﻣﻦ ﻣﺼﻠﺤﺘﻬﺎ ﺗﺤﻜﻲ ﺣﺎﺟﻪ ﺍﻃﻤﻦ ..
ﻋﻤﺮ ﺗﺄﻓﻒ : ﺍﻧﺎ ﻧﺪﻳﺮ ﻓﻲ ﺍﻟﻤﺴﺘﺤﻴﻞ ﺑﺶ ﻧﺒﻌﺪ ﺑﻴﻨﻬﺎ ﻭﺑﻴﻦ ﺍﺧﺘﻚ ﻫﺬﻱ ﻭﻫﻲ ﻣﺼﺮﺓ ﺗﻘﻌﺪ ﻻﺣﻘﺘﻨﺎ ..
ﻛﺎﺭﻳﻤﺎﻥ : ﻋﻤﺮ ﻫﺪﻱ ... ﻧﺤﻨﺎ ﻻﺯﻡ ﻧﺤﺴﺒﻮﺍ ﺣﺴﺎﺏ ﺍﻟﻴﻮﻡ ﺍﻟﻠﻲ ﺑﻴﺠﻲ ﻭﻧﻮﺭ ﺗﻌﺮﻑ ﻓﻴﻪ ﻛﻞ ﺷﻲ ..
ﻋﻤﺮ ﺑﻌﺼﺒﻴﻪ : ﻻﺍﺍﺍ ﻣﺶ ﺣﻴﺠﻲ ﻭﻣﺶ ﺣﺘﻌﺮﻑ ﺣﺎﺟﻪ ﻧﻮﺭ ﺑﻨﺘﻲ ﻭﺑﻨﺘﻚ ﻭﺗﻤﺖ .. ﻭﺃﻱ ﺣﺪ ﺣﻴﻘﻮﻝ ﻏﻴﺮ ﻫﻜﻲ ﻧﻘﻄﻊ ﺧﺒﺮﻩ ﺩﻭﻥ ﻣﺎﻳﺮﻓﻠﻲ ﺟﻔﻦ .. ﻭﺧﺶ ﻟﻠﺤﻤﺎﻡ ...
ﻛﺎﺭﻳﻤﺎﻥ ﺗﻨﻬﺪﺕ : ﺃﺳﺘﻐﻔﺮ ﺍﻟﻠﻪ ....
***
ﻃﻠﻌﺖ ﻧﺘﻴﺠﺔ ﻧﻮﺭ ﻭﻓﻌﻼ ﻛﺎﻧﺖ ﻣﺼﻔﻴﻪ ﺑﻤﻌﺪﻝ ﺑﻮﻫﺎ ﻭﺃﻣﻬﺎ ﻓﺮﺣﻮﺍ ﻭﻗﺮﺭﻭﺍ ﻳﺪﻳﺮﻭﺍ ﺣﻔﻠﻪ ﺑﺴﻴﻄﻪ ﺍﻭﻝ ﻓﺼﻞ ﻟﺒﻨﺘﻬﻢ ﻓﻲ ﺍﻟﻜﻠﻴﻪ ﻭﺗﻨﺠﺢ ﻫﺎﻟﻨﺠﺎﺡ ﺍﻟﺒﺎﻫﺮ ﻓﺤﺒﻮﺍ ﻳﺸﺠﻌﻮﻫﺎ .. ﺭﻭﺡ ﺷﺎﻫﻴﻦ ﻓﻲ ﻧﻔﺲ ﺍﻟﻠﻴﻠﻪ ﺍﻟﻠﻲ ﻃﻠﻌﺖ ﻓﻴﻬﺎ ﺍﻟﻨﺘﻴﺠﻪ .. ﺣﺠﺰ ﻓﻲ ﻓﻨﺪﻕ ﺑﻴﻘﻌﺪ ﻓﻴﻪ 3 ﺃﻳﺎﻡ .. ﺑﺲ ﻛﺎﻥ ﻣﺴﺘﺎﺣﺶ ﺃﻣﻪ ﻫﻠﺒﻪ ﻓﺘﻮﺟﻪ ﻟﻠﺤﻮﺵ ..
ﻧﺎﺩﻳﻪ ﻭﻫﻲ ﺗﺤﻀﻦ ﻓﻴﻪ ﻭﺗﺒﻜﻲ : ﻫﺎﻧﺖ ﻋﻠﻴﻚ ﻣﺎﻣﺎ ﻓﻮﻕ ﺍﻟﺸﻬﺮ ﻣﺎﺗﺸﻮﻓﻬﺎ
ﺷﺎﻫﻴﻦ ﺑﻀﺤﻜﻪ : ﺳﺎﻣﺤﻴﻨﻲ ﻳﺎﺃﻡ ﺍﻟﺴﻤﺎﺣﻪ
ﺍﻧﺸﻐﻠﺖ ﻏﺎﺩﻱ ..
ﻧﺎﺩﻳﻪ ﺑﻌﺪﺗﻪ : ﺷﻨﻮ ﺷﻐﻠﻚ ﻣﺎﺷﻲ ﺗﻤﺎﻡ
ﺷﺎﻫﻴﻦ ﻭﻫﻮ ﻳﺒﻮﺱ ﻓﻲ ﺭﺍﺳﻬﺎ : ﺍﻫﺎ ﻛﻠﻪ ﺗﻤﺎﻡ ﺍﻟﺤﻤﺪ ﻟﻠﻪ .. ﻭﻳﻦ ﺑﺎﻗﻲ ﺍﻟﻔﺎﻣﻴﻠﻴﺎ ..
ﻧﺎﺩﻳﻪ : ﻓﺎﺭﺱ ﻃﻠﻊ ﻫﻮ ﻭﻏﺎﺩﻩ ﻳﺨﺘﺎﺭﻭﺍ ﺣﺎﺟﺎﺕ ﺍﻟﺒﻴﺎﻥ ﺍﻟﻠﻲ ﺑﻴﺸﻴﻠﻪ ﻟﺨﻄﻴﺒﺘﻪ .. ﻭﺳﻨﺪ ﻃﺎﻟﻊ ﻣﻊ ﺻﺤﺎﺑﻪ ..
ﺷﺎﻫﻴﻦ : ﺍﻟﻔﺮﺥ ﺳﻨﺪ ﺭﺍﺩ ﺑﺎﻟﻪ ﻣﻦ ﻗﺮﺍﻳﺘﻪ؟
ﻧﺎﺩﻳﻪ ﺑﻀﺤﻜﻪ : ﺭﺍﺩ ﺑﺎﻟﻪ ﻣﻨﻬﺎ ... ﺍﻧﺖ ﺷﻨﻮ ﺩﺍﻳﺮ ﻓﻲ ﻗﺮﺍﻳﺘﻚ
ﺷﺎﻫﻴﻦ ﺭﻓﻊ ﺣﻮﺍﺟﺒﻪ ﺑﺘﺴﺎﺅﻝ : ﻛﻤﻠﺘﻬﺎ ﻳﺎﻋﺴﺴﻞ؟ﻣﺎﺗﻌﻠﻤﻴﺶ
ﻧﺎﺩﻳﻪ : ﺷﺎﻫﻴﻦ ﺑﻼﺗﻔﺎﻫﻪ ﻭﻗﻮﻟﻲ ﺍﻣﺘﻰ ﺗﻜﻤﻞ ..
ﺷﺎﻫﻴﻦ ﻭﻫﻮ ﻳﻀﺤﻚ : ﻭﺣﻖ ﺍﻟﻠﻪ ﻛﻤﻠﺘﻬﺎ ﻫﻲ ﺑﺎﻫﻲ ...
ﻧﺎﺩﻳﻪ ﺑﺼﺪﻣﻪ : ﻣﺘﻰ ﻭﻛﻴﻒ؟؟؟
ﺷﺎﻫﻴﻦ ﺑﺈﺑﺘﺴﺎﻣﻪ : ﻣﺶ ﻣﻬﻢ ﺍﻟﻤﻬﻢ ﺗﻤﻴﺘﻬﺎ .. ﻭﺗﻮ ﻧﺠﻴﺒﻠﻚ ﺍﻟﺸﻬﺎﺩﻩ ﻭﺗﺘﺄﻛﺪﻱ ﺑﺮﻭﺣﻚ ..
ﻧﺎﺩﻳﻪ : ﺁﺍﺍﻩ ﻣﻨﻚ ﺍﻟﻠﻲ ﻳﻐﻠﺒﻚ ﻳﺤﺎﺳﺒﻨﻲ ...
ﺷﺎﻫﻴﻦ : ﻫﻬﻬﻬﻬﻬﻬﻬﻪ .. ﺍﻳﻪ ﺧﺒﺮﻳﻨﻲ ﻛﻴﻒ ﺣﺎﻟﻚ ﺍﻧﺘﻲ ﻭﺍﻟﻤﺠﺮﻣﻴﻦ
ﻧﺎﺩﻳﻪ : ﻫﻬﻬﻬﻬﻬﻬﻬﻬﻪ ﻋﻄﻚ ﺍﻟﺨﻴﺮ ﻣﺠﺮﻣﻴﻦ ﺷﻨﻮ .. ﺍﻧﺎ ﻣﺤﺎﻣﻴﻪ ﻣﺘﺨﺼﺼﻪ ﻓﻲ ﺍﻷﺣﻮﺍﻝ ﺍﻟﺸﺨﺼﻴﻪ ﻗﻀﺎﻳﺎ ﺍﻟﻄﻼﻕ ﻭﻣﺎﻳﺘﺒﻌﻬﺎ
ﺷﺎﻫﻴﻦ : ﻛﻠﻪ ﻣﺤﺎﻛﻢ ﻭﺩﻭﺷﻪ ﺍﻟﻠﻪ ﻳﺒﻌﺪﻫﻢ ﻋﻠﻴﻨﺎ ..
ﻧﺎﺩﻳﻪ : ﺁﺍﻣﻴﻦ ..
ﻉ ﺧﺸﺔ ﺑﻮﻩ ﻟﻠﺤﻮﺵ .. ﺍﻟﺠﻮ ﺗﻜﻬﺮﺏ ﻉ ﻃﻮﻝ ﺷﺎﻫﻴﻦ ﻗﻌﺪ ﻳﺸﺒﺤﻠﻪ ﻭﻛﺎﻥ ﻣﺴﺘﺎﺣﺸﻪ ﻧﺎﺽ ﺑﺴﺮﻋﻪ ﺑﻴﺒﻮﺱ ﻉ ﺭﺍﺳﻪ .. ﺑﺲ ﺳﻌﺪ ﻭﺧﺮ ﻭﺩﻓﻪ ...
ﺳﻌﺪ : ﺑﻨﺨﺶ ﻧﺮﻗﺪ ﻭﻋﻴﻨﻲ ﺑﺪﺭﻱ ﺑﻜﺮﺍ .. ﻭﺗﻮﺟﻪ ﻟﺪﺍﺭﻩ .. ﺍﻣﺎ ﺷﺎﻫﻴﻦ ﻓﺪﻣﻌﺘﻪ ﻉ ﻃﺮﻑ ﻋﻴﻨﻪ ﻃﻠﻊ ﻣﻦ ﺍﻟﺤﻮﺵ ﻻﺳﻼﻡ ﻭﻻﻛﻼﻡ .. ﻭﺍﻟﺰﻭﺯ ﺧﻠﻮﺍ ﻧﺎﺩﻳﻪ ﻣﻮﺟﻮﻋﻪ ﻉ ﺣﺎﻟﻬﻢ ﻭﻗﻌﺪﺕ ﺗﺒﻜﻲ ...
💐 ﺗﺎﻧﻲ ﻳﻮﻡ ﻣﻊ ﺍﻟﻌﺸﻴﻪ ﺍﻹﺳﺘﻌﺪﺍﺩﺍﺕ ﺍﻟﻨﻬﺎﺋﻴﻪ ﻟﺤﻔﻠﺔ ﻧﺠﺎﺡ ﻧﻮﺭ ﻓﻲ ﺣﻮﺵ ﺟﺪﻫﺎ ﻓﺘﺢ ﺍﻟﻠﻪ ﻭﻛﺎﻥ ﻛﺒﻴﺮ ﻭﺣﺪﻳﻘﺘﻪ ﺍﻟﺨﺎﺭﺟﻴﻪ ﻛﺒﻴﺮﺓ ﻫﻠﺒﻪ ﻭﻹﻥ ﺍﻟﺠﻮ ﺻﻘﻊ ﻓﺘﻨﻈﻤﺖ ﺍﻟﺤﻔﻠﻪ ﺩﺍﺧﻞ ..
ﺣﻀﺮﻭﺍ ﺻﺎﺣﺒﺎﺕ ﻧﻮﺭ ﻭﺯﻣﻴﻼﺗﻬﺎ ﻭﻛﺎﻥ ﻣﻮﺟﻮﺩ ﻓﻲ ﺍﻟﺤﻔﻠﺔ ﺷﺎﻫﻴﻦ ﻭﺧﻮﺗﻪ ﻭﺇﺑﺮﺍﻫﻴﻢ ﺍﻟﻠﻲ ﻟﻤﺎ ﺷﺎﻓﻪ ﺷﺎﻫﻴﻦ ﺗﻨﺮﻓﺰ .. ﺧﻼﻝ ﺃﺟﻮﺍﺀ ﺍﻟﺤﻔﻠﻪ ﺍﻟﺒﻨﺎﺕ ﻋﻴﻮﻧﻬﻢ ﻉ ﺷﺎﻫﻴﻦ ﻧﻮﺭ ﺩﻳﻤﺎ ﻛﺎﻧﺖ ﺗﺤﻜﻲ ﻉ ﺣﺒﻪ ﻟﻴﻬﺎ ﻭﻉ ﺩﻻﻟﻪ ﺍﻟﻠﻲ ﻣﺪﻟﻠﻬﻮﻟﻬﺎ ﺑﺲ ﻣﺎﻛﺎﻧﺘﺶ ﺗﺤﻜﻲ ﻉ ﺷﺨﺼﻴﺘﻪ ﻭﺷﻜﻠﻪ ﺍﻟﻠﻲ ﺍﻧﺒﻬﺮﻭﺍ ﺑﻴﻬﻢ ﺍﻟﺒﻨﺎﺕ ﻭﻛﺎﻧﻮﺍ ﻳﺤﺎﻭﻟﻮﺍ ﻳﺘﻘﺮﺑﻮﺍ ﻣﻨﻪ ﺑﺲ ﻫﻮ ﻳﺼﺪ ﻭﻳﺘﺠﺎﻫﻞ .. ﻧﻮﺭ ﺣﺴﺖ ﺑﻐﻴﺮﻩ .. ﻣﻤﻜﻦ ﻹﻧﻬﺎ ﺗﺒﻲ ﺷﺎﻫﻴﻦ ﻟﻴﻬﺎ ﺑﺮﻭﺣﻬﺎ ﺣﺘﻰ ﻟﻮ ﻣﺎﻛﺎﻧﺘﺶ ﺗﺤﺒﻪ ‏( ﺃﻧﺎﻧﻴﻪ ‏) ﻭﻗﻌﺪﺕ ﻣﺘﻌﻠﻘﻪ ﻓﻲ ﺫﺭﺍﻋﻪ ﻭﻫﺬﺍ ﻛﻠﻪ ﺗﺤﺖ ﻧﻈﺮ ﺧﺎﻟﺘﻬﺎ ﻣﺎﺟﺪﻩ ...
ﺷﺎﻫﻴﻦ : ﻣﺎﺧﺎﻃﺮﻛﺶ ﺗﻌﺮﻓﻲ ﺷﻨﻮ ﺑﻨﻬﺪﻳﻚ
ﻧﻮﺭ : ﻣﻦ ﺑﺪﺭﻱ ﻭﻧﺎ ﻧﺴﺘﻨﻰ ..
ﺷﺎﻫﻴﻦ : ﻫﻬﻬﻬﻬﻬﻬﻬﻪ .. ﻭﻃﻠﻊ ﻣﻦ ﺟﻴﺒﻪ ﺣﺎﺟﻪ ﻛﺎﻧﺖ ﻣﻔﺘﺎﺡ
ﻧﻮﺭ ﺑﺪﻫﺸﻪ : ﻫﻀﺎ ﺷﻨﻮ
ﺷﺎﻫﻴﻦ : ﺣﻠﻮﺓ ﻻﺣﺎﺳﺔ
ﻧﻮﺭ ﺿﺤﻜﺖ ﻭﺿﺮﺑﺎﺗﻪ : ﻣﻔﺘﺎﺡ ﺑﺲ ﻣﺎﺗﻘﻮﻟﺶ ﺍﻟﻠﻲ ﺑﺎﻟﻲ
ﺷﺎﻫﻴﻦ ﺍﺑﺘﺴﻢ : ﻫﺎﻙ ﺍﻟﻤﻔﺘﺎﺡ ﻭﺍﻃﻠﻌﻲ ﻟﻠﺠﻨﺎﻥ ... ﻧﻮﺭ ﺧﺪﺕ ﺍﻟﻤﻔﺘﺎﺡ ﻭﻃﻠﻌﺖ ﻭﻟﺤﻘﺘﻬﺎ ﺻﺎﺣﺒﺘﻬﺎ ﺟﻴﻬﺎﻥ ﻭﺃﻣﻬﺎ ﻭﺧﺎﻟﺘﻬﺎ .. ﺗﻔﺎﺟﺌﺖ ﺑﺴﻴﺎﺭﺓ ﺁﺧﺮ ﻣﻮﺩﻳﻞ ﻧﺴﺎﺋﻴﻪ ﺣﻠﻠﻠﻠﻮﺓ ﺑﺎﻟﻤﺮﺓ .. ﺣﻄﺖ ﺍﻳﺪﻳﻬﺎ ﻉ ﻓﻤﻬﺎ ﺍﻟﻤﻔﺘﻮﺡ ﻣﻦ ﺍﻟﺪﻫﺸﻪ .. ﺷﻮﻳﻪ ﻭﻃﻠﻌﻮﺍ ﺍﻟﺤﺎﺿﺮﻳﻦ ﻭﺷﺎﻓﻮﺍ ﺍﻟﻬﺪﻳﻪ ﻭﺍﻧﺬﻫﻠﻮﺍ ﻓﻴﻬﺎ ﻭﻋﺠﺒﺘﻬﻢ ..
ﻛﺎﺭﻳﻤﺎﻥ : ﺫﻭﻗﻚ ﺩﻳﻤﺎ ﻋﺎﻟﻲ
ﺷﺎﻫﻴﻦ ﺍﺑﺘﺴﻢ : ﻣﺸﻜﻮﺭﺓ
ﻛﺎﺭﻳﻤﺎﻥ : ﺷﻜﺮﺍ ﻳﺎﻭﻟﺪﻱ
ﺷﺎﻫﻴﻦ : ﻣﺎﻳﻐﻼ ﺷﻲ ﻉ ﻧﻮﺭ .. ﻭﻳﺘﺄﻣﻞ ﻓﻴﻬﺎ ﻛﻴﻒ ﺗﺘﻔﺤﺺ ﻓﻲ ﺍﻟﺴﻴﺎﺭﺓ ﻭﺗﺸﻮﻑ ﻓﻴﻬﺎ ﺑﻔﺮﺣﻪ ..
ﺇﺑﺮﺍﻫﻴﻢ ﻗﺪﻡ ﻭﺟﻲ ﻭﺭﺍ ﺷﺎﻫﻴﻦ : ﺗﻌﻴﺶ ﻭﺗﺠﻴﺒﻠﻬﺎ ﻭﺗﻜﻤﻞ ﻓﻠﻮﺳﻚ ﻋﻠﻴﻬﺎ ...
ﺷﺎﻫﻴﻦ : ﺧﻴﺮ ﻣﺎﻧﻜﻤﻠﻬﻦ ﻓﻲ ﻣﺸﺎﺭﻳﻊ ﻓﺎﺷﻠﻪ ..
ﺇﺑﺮﺍﻫﻴﻢ ﺍﺑﺘﺴﻢ ﺑﺘﻬﻜﻢ .. ﻭﺷﺎﻫﻴﻦ ﻛﺬﻟﻚ ...
ﺟﺎﺗﻪ ﻧﻮﺭ : ﻣﺸﻜﻮﻭﻭﻭﺭ ﻭﺍﺟﺪ ﻭﺍﺟﺪ ﻭﺍﺍﺍﺟﺪ ...
ﺷﺎﻫﻴﻦ ﺑﻀﺤﻜﻪ ﻭﻗﺪﻡ ﻟﻮﺫﻧﻬﺎ : ﻣﺎﻓﻴﺶ ﺣﺒﻴﺒﻪ .. ﻧﻮﺭ ﺿﺤﻜﺖ ﻭﺿﺮﺑﺎﺗﻪ ..
ﺷﺎﻫﻴﻦ ﻭﺧﺮ ﻭﺑﻀﺤﻜﻪ : ﺑﺮﻳﺌﻪ ﻭﺍﻟﻠﻪ ..
ﻧﻮﺭ : ﻫﻬﻬﻬﻬﻬﻬﻪ ﺳﺨﻴﻒ ...
ﻣﺎﺟﺪﻩ ﻭﻫﻲ ﺗﺘﺄﻣﻞ ﻓﻴﻬﻢ " ﻭﺍﺿﺢ ﺍﻧﻬﺎ ﻳﺤﺒﻬﺎ ﻭﺍﺟﺪ ﻣﻦ ﻋﻴﻮﻧﻪ ﺑﺎﻳﻦ ﻣﻦ ﻟﻤﻌﺘﻬﻦ .. ﺣﺮﺍﻡ ﻳﺎﻧﻮﺭ ﻭﺍﺣﺪ ﻛﻴﻒ ﻫﻀﺎ ﻣﺎﺗﺤﺒﻴﻬﺶ "
ﻓﻲ ﻫﺎﻷﺟﻮﺍﺀ ﺍﻟﺤﻠﻮﺓ ﺍﻟﻠﻲ ﻗﻄﻌﻮﻫﺎ ﺯﻭﺯ ﺧﺎﺷﻴﻦ ﻭﺣﺎﻣﻠﻴﻦ ﻓﻲ ﺍﻳﺪﻳﻬﻢ ﺷﻲ ﻛﺒﻴﺮ ﻣﻐﻄﻲ ﻭﻛﺎﻧﺖ ﻟﻮﺣﻪ ﻭﺣﻄﻮﻫﺎ ﻗﺪﺍﻡ ﺍﻟﺤﻀﻮﺭ .. ﺍﻟﻠﻲ ﻛﺎﻧﻮﺍ ﻣﺘﻔﺎﺟﺌﻴﻦ ..
ﻧﻮﺭ ﻗﺪﻣﺖ : ﻫﻀﺎ ﺷﻨﻮ ..
ﻭﺍﺣﺪ ﻣﻦ ﺍﻟﻌﻤﺎﻝ : ﻓﻲ ﺳﻴﺎﺭﺓ ﻛﺒﻴﺮﻩ ﻛﻨﺘﺮ ﺟﺎﺕ ﻭﻧﺰﻟﻮﻫﺎ ﻣﻨﻬﺎ ﻛﻢ ﻭﺍﺣﺪ ﻭﻗﺎﻟﻮﺍ ﻫﺪﻳﻪ ﻟﻠﺴﺖ ﻧﻮﺭ ﻭﺭﺍﺣﻮﺍ ..
ﻧﻮﺭ ﻗﺮﺑﺖ ﺃﻛﺜﺮ ﻣﻦ ﺍﻟﻠﻮﺣﻪ ﻭﻳﻦ ﺣﻮﻟﺖ ﻏﻄﺎﻫﺎ .. ﻓﺘﺤﺖ ﻋﻴﻮﻧﻬﺎ ﻉ ﻭﺳﻌﻬﻢ ﺑﺼﺪﻣﻪ .. ﻛﺎﻧﺖ ﻟﻮﺣﻪ ﻣﺮﺳﻮﻣﻪ ﻟﻨﻮﺭ ﻣﻦ ﺍﻹﺗﻘﺎﻥ ﻭﻛﺄﻧﻬﺎ ﻧﺴﺨﺔ ﻧﻮﺭ ﺍﻟﺘﺎﻧﻴﻪ .. ﻛﺎﻧﺖ ﻣﺮﺳﻮﻣﻪ ﻉ ﻫﻴﺌﺔ ﻣﻼﻙ ﺯﻱ ﻣﺎﻣﻌﺮﻭﻑ ﻋﻨﺪ ﺍﻟﻨﺼﺎﺭﻯ .. ﻭﻛﺎﻥ ﻓﻮﻕ ﺭﺍﺳﻬﺎ ﺗﺎﺝ ﻭﺷﻌﺮﻫﺎ ﻃﺎﻳﺮ .. ﻭﺩﻣﻌﻪ ﻧﺎﺯﻟﻪ ﻣﻦ ﻋﻴﻨﻬﺎ .. ﺍﻟﻠﻮﺣﻪ ﻛﺎﻧﺖ ﺣﻠﻮﺓ ﺑﺎﻟﻤﺮﺓ .. ﻧﻮﺭ ﻋﺮﻓﺖ ﻃﻮﻝ ﻟﻤﻨﻮ ...
ﺃﻣﺎ ﺍﻟﺒﺎﻗﻲ ﻣﺎﺟﺪﻩ ﻛﺎﺭﻳﻤﺎﻥ ﻓﻜﺎﻧﻮﺍ ﻣﺬﻫﻮﻻﺕ ﻓﻲ ﺍﻟﻠﻮﺣﻪ ﻭﺷﺎﻫﻴﻦ ﻛﺎﻥ ﻳﻔﻜﺮ ﺑﺲ ﻣﻦ ﻣﻨﻮ ﻣﻦ ﺍﻟﻠﻲ ﺭﺍﺳﻤﻬﺎ ﺍﻹﺟﺎﺑﻪ ﻛﺎﻧﺖ ﺣﺎﺿﺮﺓ ﻓﻲ ﻋﻘﻠﻪ ﺑﺲ ﻫﻮ ﻳﺘﺠﺎﻫﻞ ﻓﻴﻬﺎ ﻳﻬﺮﺏ ﻣﻨﻬﺎ ...
ﻛﺎﺭﻳﻤﺎﻥ : ﺍﻛﻴﺪ ﻣﻦ ﺍﺻﺪﻗﺎﺋﻚ ﺍﻟﺮﺳﺎﻣﻴﻦ
ﻧﻮﺭ ﺍﻟﺘﻔﺘﺖ ﻷﻣﻬﺎ ﻭﺍﺑﺘﺴﻤﺖ ﺑﺮﺑﻜﻪ ﻭﻋﻼﻣﺎﺕ ﺍﻟﺼﺪﻣﻪ ﻗﺎﻋﺪﻩ ﻉ ﻭﺟﻬﻬﺎ ﻭﻣﺎﺟﺪﻩ ﻣﺮﻛﺰﺓ ﻋﻠﻴﻬﺎ " ﻟﻤﻌﺔ ﻋﻴﻮﻧﻚ ﺗﻮﺍ ﺑﺲ ﺑﺎﻧﺖ ﻳﺎﻧﻮﺭ ﻓﻬﻤﺖ ﻛﻞ ﺷﻲ ..." ﻧﻮﺭ ﺭﺟﻌﺖ ﺗﺸﺒﺢ ﻟﻠﻮﺣﻪ ﻭﺗﺘﺄﻣﻞ ﻓﻴﻬﺎ ﻭﻟﻤﺤﺖ ﻓﻲ ﺃﺳﻔﻞ ﺍﻟﻠﻮﺣﻪ ﺗﻮﻗﻴﻊ ﺑﺤﺮﻑ " M " ﺯﺍﺩﺕ ﺗﺄﻛﺪﺕ ﻣﻦ ﺍﻟﻤﺮﺳﻞ .. ﻭﻻﺇﺭﺍﺩﻳﺎ ﺃﺭﺗﺴﻤﺖ ﺇﺑﺘﺴﺎﻣﻪ ﻉ ﻭﺟﻬﻬﺎ ﻭﻗﻠﺒﻬﺎ ﺑﺪﻱ ﻳﺪﻕ ﺑﻘﻮﺓ 💓
ﺍﺑﺮﺍﻫﻴﻢ : ﺍﻧﺖ ﺗﺼﺮﻑ ﺩﻡ ﻗﻠﺒﻚ ﻉ ﻫﺪﺍﻳﺎ ﻏﺎﻟﻴﻪ ﻣﺎﺣﺼﻠﺖ ﻛﻴﻒ ﺭﺩﺓ ﻓﻌﻠﻬﺎ ﻗﺪﺍﻡ ﻫﺎﻟﻠﻮﺣﻪ ﺍﻟﻠﻲ ﺣﻘﻬﺎ ﻣﺎﻳﺴﻮﺍ ﺃﻛﺜﺮ ﻣﻦ ﺍﻷﻟﻮﺍﻥ ﺍﻟﻠﻲ ﺗﻠﻮﻧﺖ ﺑﻴﻬﻢ ... ﺍﻳﻴﻴﻴﻴﻪ ﺑﺨﺖ ﻳﺎﻭﻟﺪ ﺳﻴﺪﻱ ..
ﺷﺎﻫﻴﻦ ﻋﻤﺮﻩ ﻣﺎﻗﺪﺭ ﺍﺑﺮﺍﻫﻴﻢ ﻳﺤﺮﻛﻠﻪ ﺷﻌﺮﻩ ﺑﺄﻱ ﺗﺼﺮﻑ ﺃﻭ ﻛﻠﻤﻪ ﻏﻴﺮ ﻓﻲ ﻫﺪﻳﻜﺎ ﺍﻟﻠﺤﻈﻪ ﻫﺰﻩ ﻫﺰ .. ﻭﺣﺲ ﺑﻘﻠﺒﻪ ﻳﻨﻌﺼﺮ ﻋﺼﺮ ﻷﻥ ﻛﻼﻡ ﺍﺑﺮﺍﻫﻴﻢ ﻻﻣﺲ ﺷﻲ ﻣﻦ ﺍﻟﺤﻘﻴﻘﻪ ...
***
🍁🍁🍁 ﻭﺗﻤﻀﻲ ﺍﻷﻳﺎﻡ ﺗﻠﺤﻘﻬﺎ ﺃﻳﺎﻡ .. ﺃﺳﺎﺑﻴﻊ ﺗﻠﺤﻘﻬﺎ ﺃﺳﺎﺑﻴﻊ .. ﺷﻬﻮﺭ ﻭﻭﺭﺍﻫﺎ ﺷﻬﻮﺭ ... ﺷﻜﺮﻱ ﻭﺿﻌﻪ ﺗﺤﺴﻦ ﺑﺰﻳﺎﺩﻩ ﻭﻑ ﻣﺸﺮﻭﻉ ﺣﻄﻪ ﻓﻲ ﺭﺍﺳﻪ ﻳﺒﻲ ﻳﻨﻔﺬﻩ ﺑﺲ ﻛﺎﻥ ﻳﺒﻲ ﻓﻴﻪ ﺷﺮﻳﻚ .. ﺍﺟﻠﻪ ﻟﺒﻌﺪ ﻋﺮﺳﻪ ﻣﻦ ﻧﺠﻤﻪ ﺍﻟﻠﻲ ﻛﺎﻥ ﺑﻌﺪ ﺍﺳﺒﻮﻋﻴﻦ ..
ﻧﺠﻤﻪ ﺗﺸﺮﻱ ﻭﺗﺒﺘﺖ ﻣﻦ ﻣﻼﺑﺲ ﻭﺍﺟﻬﺰﺓ ﻛﻬﺮﺑﺎﺋﻴﻪ ﻟﺤﻮﺷﻬﻢ ﻭﻛﺎﻧﺖ ﻓﻲ ﻛﻞ ﻟﺤﻈﻪ ﺗﺘﺨﻴﻞ ﻓﻲ ﺷﻜﻞ ﺣﻴﺎﺗﻬﺎ ﻣﻊ ﺷﻜﺮﻱ ﺗﺘﺨﻴﻞ ﻓﻲ ﻛﻞ ﺷﻲ ﻭﻫﻲ ﻓﺮﺣﺎﻧﻪ ﻭﺗﻌﺪ ﻓﻲ ﺍﻷﻳﺎﻡ ﺑﺶ ﻳﺠﻲ ﺍﻟﻴﻮﻡ ﺍﻟﻤﻨﺘﻈﺮ ..
ﻧﺠﻤﻪ : ﻣﺎﻋﻨﺪﻱ ﻣﺎﻧﺪﻳﺮ ﺑﻴﻬﺎ
ﺣﻨﻴﻦ : ﺍﻳﻪ ﻟﻮ ﺧﻠﻴﺘﻲ ﻛﻞ ﻣﻮﺍﺩﻙ ﺯﻱ ﺍﻟﻔﺼﻞ ﺍﻟﻠﻲ ﻓﺎﺕ ﻣﺎﻋﻨﺪﻙ ﻣﺎﺩﻳﺮﻱ ﺑﻴﻬﺎ ﺣﻖ ..
ﻧﺠﻤﻪ : ﺑﺎﻟﻠﻪ ﺣﻨﻮ ﻣﺎﺗﺨﺮﺑﻲ ﻋﻠﻴﺎ ﻓﺮﺣﺘﻲ ..
ﺣﻨﻴﻦ : ﺍﻧﻲ ﻣﺎﻧﺒﻴﺶ ﻧﺨﺮﺏ ﻋﻠﻴﻚ ﺑﺶ ﻋﻼﺵ ﺗﻮﻗﻔﻲ ﻗﺮﺍﻳﻪ ﻭﻫﻲ ﻛﻠﻬﺎ ﺳﻨﻪ ﺍﻟﻠﻲ ﻗﺎﻋﺪﻩ .. ﻭﺍﻟﻠﻪ ﻳﺎﻧﺠﻤﻪ ﻟﻤﺎ ﺗﻨﺪﻣﻲ ..
ﻧﺠﻤﻪ : ﻣﺎﻋﻨﺪﻱ ﻋﻼﺵ ﻧﻨﺪﻡ ﺑﻌﺪﻳﻦ ﺷﻜﺮﻱ ﻣﺎﻳﺒﻴﻨﻴﺶ ﻧﺨﺪﻡ ﻧﺎﺧﺪﻫﺎ ﻭﻧﻘﻌﻤﺰ ﻓﻲ ﺍﻟﺤﻮﺵ ﺧﺪﻳﺖ ﺍﻟﻄﺮﻳﻖ ﻣﻦ ﻗﺼﻴﺮﻫﺎ ﻭﻭﻗﻔﺖ ﻗﻴﺪﻱ ..
ﺣﻨﻴﻦ " ﺍﻟﺤﻤﺪ ﻟﻠﻪ ﺍﻟﻠﻲ ﻭﻗﻔﺖ ﻗﻴﺪﻫﺎ ﺑﺲ :" ﺭﺑﻲ ﻳﻬﺪﻳﻚ ..
ﻧﺠﻤﻪ : ﺍﻟﺤﻤﺪ ﻟﻠﻪ ﻫﺎﺩﻳﻨﻲ ﺍﻟﻤﺮﺍﺓ ﻣﺮﺟﻮﻋﻬﺎ ﻟﻠﺤﻮﺵ ﻭﻟﻠﺮﺍﺟﻞ ﻣﻬﻤﺎ ﻗﺮﺕ ..
ﺣﻨﻴﻦ : ﻭﻭﻭﻭﻭﻭﺍﺍﺍﺍﺍﺍﻙ ﻣﻦ ﺗﻔﻜﻴﺮ ﺣﻨﺎﻱ ﺍﻟﻠﻲ ﻣﻌﺸﺶ ﻓﻲ ﻋﻘﻠﻚ
ﻧﺠﻤﻪ : ﻫﻬﻬﻬﻬﻬﻬﻬﻬﻬﻬﻬﻪ ... ﺗﻮﺍ ﻃﻴﺮﻱ ﻋﻨﺪﻱ ﻣﺎﻧﺪﻳﺮ ﻭﻣﺎﺗﻨﺴﻴﺶ ﺗﻌﺎﻟﻲ ﻏﺪﻭﺓ ..
ﺣﻨﻴﻦ ﺑﻀﺤﻜﻪ : ﺑﺎﻩ ﻳﺎﺑﻘﺮﺓ .. ﻳﻠﻼ ﺑﺎﻱ ..
ﻧﺠﻤﻪ : ﻫﻬﻬﻬﻬﻬﻬﻪ ﺑﺎﻱ ﻭﺻﻜﺮﺕ ...
ﻃﻠﻌﺖ ﻧﺠﻤﻪ ﻣﻦ ﺍﻟﻤﻄﺒﺦ ﻉ ﺧﺸﺖ ﺑﻮﻫﺎ ﺍﻟﻠﻲ ﻛﺎﻥ ﻭﺟﻬﻪ ﻣﺎﻳﺘﻔﺴﺮﺵ ..
ﻣﻮﺳﻰ : ﺑﺮﻳﻴﻴﻴﻴﻜﻪ ﺑﺮﻳﻴﻴﻴﻜﻪ .. ﺟﺎﺗﻪ ﺗﺠﺮﻱ
ﺑﺮﻳﻜﻪ ﺑﺨﻮﻑ : ﺷﻦ ﻓﻲ ..
ﻣﻮﺳﻰ : ﺧﻮﻱ ﻣﺨﺘﺎﺭ ﺗﻮﻓﻰ ..
ﻃﺎﺣﺖ ﻣﻦ ﺍﻳﺪ ﻧﺠﻤﻪ ﻃﺎﺳﻪ ﺍﻟﻌﺼﻴﺮ ﺍﻟﻠﻲ ﻛﺎﻧﺖ ﺗﺸﺮﺏ ﻓﻴﻬﺎ .. ﺍﻣﻬﺎ ﻭﺑﻮﻫﺎ ﺷﺒﺤﻮﻟﻬﺎ ...
ﻣﻮﺳﻰ : ﻫﻴﺎ ﺑﺴﺮﻋﻪ ﺍﻟﺒﺴﻲ ﺣﺎﺟﻪ ﻭﺍﻃﻠﻌﻲ ﻧﺴﺘﻨﻰ ﻓﻴﻚ ﻭﻃﻠﻊ .. ﺃﻣﺎ ﺑﺮﻳﻜﻪ ﻓﻘﻌﺪﺕ ﺗﺸﺒﺢ ﻟﺒﻨﺘﻬﺎ ﺑﺄﻟﻢ ﻭﻣﺸﺖ ﻃﻮﻝ ﻟﺪﺍﺭﻫﺎ ﺑﺶ ﺗﻠﺒﺲ ﻭﺗﻠﺤﻖ ﺭﺍﺟﻠﻬﺎ ..
.... ﻳﺘﺒﻊ
الفصول الاربعة