نجمة نجمتي ( جمان فريد) منقولة

الجزء الثامن وعشرين

#نجمه_نجمتي

#جمان_فريد

الجزء 28💓💕💕

وصلوا نجمه وبنتها وأمها للشرق استقبلهم انور اللي رفعهم لحوشه تغدوا غادي وبعد العصر وصلهم لحوشهم اللي هو في الأصل حوش عمته" للاهم" اول ماوصلوا تعب ااسفر ولا عليهم رقدوا طول..تاني يوم قعدوا يشوفوا في الحوش لقوه نظيف ...رتبوا حاجاتهم كلها ..
فاتوا يومين نجمه سجلت فيهم بنتها في المدرسه سنه أولى ابتدائي في هلبه مدارس كيف بدت تفتح غادي بعد الحرب..
وقعد بس نجمه تلقى خدمه بعد سجلت في الجامعه بش تقرا دراسات عليا...
...
هي بنت خوي..
شاهين وهو مقعمزة في حديقة الفيلا وقدامه وراق الخدمه ولاب توب ويتكلم بالتليفون: شن تخصصها..
للاهم: ادارة..عندها خبرة خادمه حوالي تلاته سنوات في شركه في طرابلس..
شاهين وهو يشوف في اللاب توب: تمام..قوليلها بكرا تجي وتجيب معاها CV
للاهم: تمام مشكور شاهين..والله لو ماكنت نعرفها تستاهل ماكنتش كلمتك عليها..
شاهين ابتسم: عارف يادكتورة..
للاهم: هي مالا مانعطلكش...اه حقه نسيت نعطيك اسمها...
شاهين ابتسم ..
للاهم: نجمه موسى****
شاهين لما سمع الإسم قلبه قعد يدق وخر ع الكرسي متسند: نجمه...
للاهم : ايه..
شاهين بإبتسامه: تمام ...كوني هانيه..
للاهم: بارك الله فيك..هي السلام عليكم..
شاهين : وعليكم السلام..صكر وحط تليفونه ع الطاوله...
"سيدي الكوماندا"
شاهين : هههههههههههههههه...باه اللي حقينا وجك ..
احمد سلم عليه وقعمز: شن جوك..
شاهين: تمااام ولله الحمد...وانت شن داير..
احمد: الحمد لله اهو بتبدا القرايه ووجع الراس...
شاهين: هييييه شد لقرايتك خيرلك..
احمد بضحكه: غير شن قلنا...
شاهين: نسبق قبل لتقول...عبدالله جا..
احمد : اها وأمي ...
شاهين: باه توا عدي من حدايا خل نتم اللي فيدي ونلهى بيكم..
احمد بضحكه: تم ..وناض مشي...
....
ناديه وهي حاضنه ولد عبدالله الصغير : سلم حبيب قلبي انا ..
احلام وهي مبتسمه: كيف حالك عمتي..
ناديه : الحمد لله بنتي..انتي كيف حالك وحال هلك..
احلام : الحمد لله بخير..
ع جية غاده: ياهلا وغلا وكرتون حلا...
ناضت أحلام تضحك وسلمت عليها...بعدين خدت عبدالله الصغير من حضن أمها وقعدت تلاعب فيه وتبوس...
شويه وخش شاهين..
شاهين: السلام عليكم..وخدي عبدالله من غاده...
شاهين:صنديدي الصغير رايفتلك ياعن شكلك..شبح لأحلام..كيف حالك..
احلام ابتسمت: الحمد لله كيف حالك انت ..
شاهين: الحمدلله...احلام اليوم بيجي سامي يبي يشوف عيال عبدالله الله يرحمه..
احلام وجهها تغير: شاهين..تسمحلي نطلع مع العيال لما يجيهم..
كلهم استغربوا..
شاهين: ليش!!
احلام: في شي نبي نقوله له بنفسي..وبحضورك..
شاهين هز راسه بإيجاب: إن شاءالله..
ناديه: خير بنتي في شي خطير..
احلام: اطمنوا بس نبي نوصي ع حاجه..
شاهين شبه فهم : تمام تمام...
بعد حوالي 10دقايق جي سامي وطلعوله عبدالله وأحمد اللي تعود يجي يشوفهم لما يجوا لحوش جدهم...وكان يشوف في أحمد برا غالب الوقت وولوا زي الأصحاب..
خش شاهين ووراه احلام اللي لما شافها سامي استاكه ووجهه ولا احمر وعيونه نزلهم معاش قامهم..
شاهين: مرات الغالي عندها ماتقولك...
سامي وفحضنه عبدالله وعيونه لوطا: تفضلي..
احلام: سمعت انك قعدت ورا اللي قتلوا عبدالله ومسكتهم وصفيتهم..
سامي هز راسه بإيجاب..
احلام : يعني حق مش كلام..
شاهين: اها...
احلام دموعها نزلوا بفرح وغمضت عيونها ..
شاهين تأثر..سامي لما سكتوا قام عيونه فيها شاف دموعها ماتحملش نزل عيونه...
سامي: إن شاء معش تبكوا من بعد اليوم إلا دموع فرح..
احلام فتحت عيونها وشبحتله وبعدين شبحت لأحمد اللي كان حابس دموعه..
احلام مسحت دموعها وبنبرة حاده: نبي عيالي يهتموا بدراستهم ومستقبلهم ويطلعوا كيف بوهم بعاد عن العنف والمشاكل..
سامي ابتسم بتهكم...احمد اضايق من كلام امه..
شاهين : اطمني حيطلعوا كيف ماتتمني...
احلام : وانا حنبذل جهدي بش يطلعوا كيف مانتمنى...اي حد ينفعهم حنسمحلهم يكونوا قراب عليه واللي حيضرهم  نبعدهم عنه ولو بالإجبار...
احمد قعد يهز في رجله بعصبيه...
شاهين حس بشي مش مزبوط...
ناضت أحلام: انا نستأذن وطلعت وجاي بيطلع وراها أحمد شده سامي..قعمز..
شاهين : شن صاير...
احمد: ماتبينيش نتعلم كاراتيه..
شاهين : عليش..
احمد : تقول بتتعلم العنف وتولي متاع مشاكل..
شاهين: هيا خايفه عليك..اعذرها..
احمد : نا كبرت..
شاهين بضحكه: انا من ندك قاعد نتفرج ع سبيستون..
سامي بضحكه: هضا ليش انت هبل..
شاهين بضحكه : مقبوله منك يامحور الشر..
سامي ضحك بعدين شبح لأحمد: مهما كبرت ماتكبرش ع امك حاول تقنعها بهدوء ولو رفضت تماما دير اللي تبيها وحاول تقعنها من جديد وحتوافق..
شاهين ابتسم من كلام سامي ..واحمد هز راسه بإيجاب..
***
غدوة إن شاء الله حنرفع بيشو للمدرسه..بعدين بنمشي للجامعه..ومنها حنمشي للشركه اللي قالتلي عليها عمتي..
بريكه: ربي يفتحها عليك..
نجمه وهي توتي في العشي: سجلتها في باص حيرفعها ويروح بيها....
بريكه : كويس اهو ترتاحي من المشاوير...
نجمه: حتجيك عبير واني مهناش...
بريكه : تجيني ولانمشيلها عادي..
"حوش أنور جنب حوشهم"..
نجمه ابتسمت وقعدت ساكته...
***
في احد محلات الورد في ولاية من ولايات أمريكا الشماليه..كانت واقفه تتأمل في الورد وتحاول تختار بعنايه..جت عينها ع وردة بيضا شكلها حلو..مدت ايدها بتاخدها..تكهربت لما تلامست ايدها بإيد شخص تاني كان يبي ياخد نفس الورده...شبحتله...كان رجل منظره يبين انه في الخمسينات. بس كان وسيم وشخصيه وشيبه في لحيته وشعره زادوه جاذبيه..وعيونه الكبار الزرق اربكوها بنظراتهم..وزادت ربكتها لما شافت ابتسامته الحلوة مرسومه ع وجهه..
هو "بالإنجليزي": آسف..
للاهم : لامشكله 😳
رن تليفونها ردت: ايوه بنتي.....قاعدة نختار في الورد للباقه.....فكرت نخيلها كلها ورد أحمر وفي النص وردة بيضا..كيف جيت بنحط ايدي ع الوردة واحد اميركاني سبقني عليها....ههههههههه..حتى لو دارها حنخيلهاله مش حناخدها..
كان يسمع في حديثها وهو مبتسم..ويشبح للوردة البيضا..
للاهم: تي هما في كل شي مزاحمينا حتى في الورد.....ايه صح اني فبلادهم....بس هما عايشين من خيرنا ...خليني من السياسه توا تو نكمل ونخطم عليك خليك واتيه......تمام.....باي..وصكرت...
مشت وقفت ع الكاشير تكلم في البائع...
للاهم: اريدها باقة ورد احمر..
"يتوسطها وردة بيضا هي هدية مني للسيده"
للاهم ابتسمت بمجامله: لاشكرا لك لاداعي لذلك
قرب منها شويه :ماترديهاش عليا يابنت بلادي...
انصعقت للاهم وقعدت جامده في مكانها..اما هو فكان يشبح للبائع بأبتسامه :قعد يكلم فيه ع الباقه اللي يبيها..وعيون للاهم عليه"معقول هذا يطلع ليبي ياااربي عليك موقف"..
للاهم بعد وتالها البايع الباقه هي والراجل التاني ..دفعت الحساب وخدتها وطلعت من الربكه نست تزدانها..هو شافه خداه وطلع وراها بعد دفع حسابه...
هو : لوسمحتي اوقفي شويه..
للاهم وقفت والتفتت: نعم..
هو مدلها التزدان وميل راسه ورافع حواجبه وهو مبتسم..
للاهم: اااه كيف نسيته ..خداته منه وشبحتله..شكرا..
هو: العفو..
طول التفتت وتوجهت لسيارتها وحالتها حاله...وهو قعد معاها لين تحركت سيارتها وتوجه هو لسيارته..ركب رن تليفونه سكر الباب ورد..
هو: ها بنتي الحلوه....مسافه الطريق وجااي...راجلك المحترم مزال ماجاكش.....خلاص خلاص ...براحتك ...معاش حنتكلم ولاندخل فيكم ..بس لازم تعرفي تتكرر حالتك هادي والله ماحنسكتله اكثر من هكي..........خلاص يابابا خلاص...معاش تبكي خلاص اسف ..تمام اهو جاي لبنتي الحلوة اني ...ههههههههههه ...هي مسافة الطريق مع السلامه..صكر
وتنهد"والله ماكنت راضي بهالزواجه من البدايه بس انتي  اللي سكرتي راسك ياأمل يابنتي"...وتحرك بسيارته ومشي...
***
تاني يوم
جامعة بنغازي...
خشت نجمه اللي كانت طول الطريق مذهوله بحجم الدمار اللي خلفاته الحرب...بس حب الناس للحياة اللى خلوها بحركتهم ترجع لطبيعتها هون عليها..وصلت لقسمها..وبدت تطلع ع الجداول...
"مرحبا"
التفتت جنبها لقت بنية مش متحجبه حلوة وانيقه..
نجمه بإبتسامه : أهلا...
: نحس فيك مش من هنا..
نجمه بضحكه : كيف حسيتي..
: هههههههه واضح عليك من هيئتك..
نجمه مطت شواربها وسكتت..
:غرباويه..
نجمه: ايه من طرابلس..
:تقري في الدراسات..
نجمه: ايه..
:حتى نا..نعرفك بنفسي..غاده فتح الله..
نجمه ابتسمت وسلمت عليها: نجمه موسى..
غاده: نجمه ...اسمك حلو ومميز واجد..
نجمه: شكرا هذا من ذوقك..
قعدوانجمه وغاده ينضموا في الجدول ويشوفوا في المواد..نجمه تفكر لو انقبلت في الخدمه كيف حتوفق بين القرايا والخدمه من ناحية الوقت...
نجمه وغاده انسجموا مع بعض وهدرزوا هلبه وجي وقت اللي تمشي فيه نجمه للشركه استأذنت من غاده وطلعت..
***
بديت نضايق من تصرفاتها..
طارق: واضح شنو تبي منك..
شاهين ابتسم بتهكم: ربي يهديها عقليتها عقلية مراهقه مش عارفة شنو تبي..
طارق : صح سيبت خطيبها بلا سبب..ولفت عليك من جديد..
شاهين: تلف لين ادوخ ماتحلم مني بحاجه..خلاص ..
طارق أبتسم بإرتياح: خلاص معش عندك شي..
شاهين : اها ..في هالساعتين..فاضي..
طارق: هيا صبي نطلعوا نغيروا جو شوي..
شاهين : لحظه بس نتم اللي فيدي..
طقطق الباب..
شاهين: تفضل..
خشت السكرتيرة: عفوا أستاذ في وحده برا تبي تقابلك قالت انها واخده موعد ...من طرف الدكتورة للاهم..
شاهين خبط راسه: اييييييييه عليك نسوه...كلمتني ع الدكتورة امس وقالتلي ع بنت خوها تبيني نخدمها عندنا..
طارق: اجلها لبعدين عادي..
شاهين سكت شويه وبعدين قال: عطيتها موعد وجت عليه مانبش نشحطها عيب...شبح للسكرتيرة ..قوليلها تخش..
السكرتيره: حاضر...طلعت وسكرت الباب..
طارق: نعدوا اليوم نطقوا في بدر ..
شاهين: اها قديش ليا عليه..
طقطق..
شاهين وهو لاهي باللاب توب: تفضل..
⭐فتحت الباب وخشت وسكراته وراها وقعدت واقفه في مكانها..شبحلها طارق وقال تفضلي..شاهين قام راسه..والدنيا وقفت في هاللحظه ...القلب💓يدلف في دلف مش طبيعي...الجسم كله تقشعر..العيون انفتحوا ع وسعهم من الدهشه من قوة ماداير قلبه فيه ناض لاإراديا ووقف...
طارق يشبحله بإستغراب..وهي تفاجئت من حركته ..بس حاولت تتجاهل..
نجمه: السلام عليكم..
شاهين سرحان فيها وبس...
طارق:😕
نجمه:😞
طارق: خبط ع الطاوله خبطه خفيفه بعض الشي: شاهين..
شاهين استاقض: احمم ..ععليش واقفه غادي تعالي..ارتاحي..
نجمه كل ماتقدم خطوة قلبه يزيد يخبط بيفر منه خلاص..قعمزت نجمه وهوقعمز وعيونه عليها..
نجمه: احمم ..اني جايه من طرف للاهم اللي مدحتلي في مجموعتكم هلبه واني بروحي بحتت عنها وتفاجئت بتاريخها برا البلاد وفي السنين الأخيره لحكم القذافي نشطتوا داخل البلاد..حنكون سعيده لو وليت ضمن هالمجموعه مدت ملفها اللي كان مرفق بسي دي..هذا السي في متاعي كامل..
شاهين عيونه عليها مش قادر يرمش حتى..هي تعقدت من نظراته...
طارق: احمم كم سنه خدمتي قبل..
شبحت لطارق: تلاته سنين..
شاهين ابتسم وقعد يشبح في ملفها...ويقرا في اسمها  في نفسه ويعاود..
نجمه: بس نبي نقول شي..اني طالبه في الدراسات العليا وعندي مواعيد محاضرات تابته..
شاهين: تبينا نراعوك من هالناحيه..
نجمه بإبتسامه: وعد حنبذل جهدي في الخدمه ومش حتحسوا بأي تقصير..
طارق شبح لشاهين وشاهين شبحله...
طارق: حالتك الإجتماعيه..
شاهين يستنى في الإجابه ومش عارف علاش..
نجمه بلعت ريقها بألم وتصنعت ابتسامه قوة ع وجهها: مطلقة..
شاهين قعد يشبحلها..."هضا عليش كنتي وحدك مع بنتك اول مرة ريتك فيها"...
نجمه: عندي بنت وقاعده معاي تقرا السنة هادي أولى ابتدائي..
شاهين ابتسم"هذيك الطشه كبرت وولت تقرا في المدرسه"..
نجمه بخجل: وحتى هادي نقطه نتمنى تراعوني فيها..
شاهين بمزح: ماتحسيش ان واجد هك..
طارق ابتسم..
بس نجمه اضايقت: اسفه جدا...مافيش مشكله ممكن نصيبي نخدم في مكان تاني وجت بتنوض..
شاهين بضحكه: كنك تعقدتي ..انبصر معاك..
طارق: شرط وحيد لو بتخدمي هنا تتحملي حناطة مديرك..
نجمه: حناطه شن معناها😞
شاهين ضحك: قمعزي ونا نقولك شن معناها..قعمزت نجمه..
معناها خفة دم..واني دمي خفيف شربات حتحبيني..آه قصدي حتحبي الخدمه معاي..
نجمه شبحتله بشك..
طارق: معاك حق تبحتي فيه هك تحسيه مش طبيعي ..
شاهين: متعنا بسكوتك..
نجمه ضحكت..وهو سرح فيها..
نجمه: احمم ..يعني توا شنو..
شاهين : من بكرا حداومي هنا..
نجمه متفاجأة : بسرعه هكي..
شاهين : CVمتاعك مايعطيش مجال بكل للتردد والتفكير..وكيف ماتعرفي طلعنا من حرب ونبوا نصبوا ع رجلينا من جديد..
نجمه ابتسمت: تمام ..وناضت..اني نستأذن توا..
شاهين: كنك مستعجله خل نضيفوك شي
نجمه : شكرا بس في وراي التزامات توا..
شاهين ابتسم: تمام براحتك..
نجمه : السلام عليكم..لفت بتطلع وشاهين عيونه عليها وقلبه مابطلش بكل ..قربع قربع 💓💓💓
لين سكرت الباب وراها..شاهين تنهد تنهيده قويه من وسط خاطره..
طارق: ماتقوليش كنك ..وانت من لما خشت وانت مش ع بعضك..تعرفها قبل..
شاهين ابتسم: اها ..بس هي الباين نسيتني..
طارق : لاااااااااااااااااا خيانه ياصاح ..شن صاير من وراي انطق..
شاهين ضحك وبدي يحكيله..
نجمه فعلا نست شاهين والموقف اللي جمع بينهم ...بس هو مانساش ابدا..وكل مايسرح مع روحه يذكره..بس اكثر شي كان مضايقه ان كان يحسابها متزوجه لما شاف بنتها وهذا اللي منعه عليها...بس توا الوضع يختلف..
قصة حبهم كيف حتبدا وكيف حتنتهي...ماحد يعرف...غيري طبعا 😁..
...يتبع..
الفصول الاربعة