نجمة نجمتي ( جمان فريد) منقولة

الجزء تاسع والعشرين

لايكات 💕💕💕💕💕💕💕

#نجمه_نجمتي

#جمان_فريد

الجزء 29💓💓💓💓

مقعمزة في مكتبها تشبح جهة الروشن وتذكر اللي صار معاها امس..كيف رجعت مشاعرها للحياة شن اللي حرك قلبها المجروح بعدين سنين وسنين طويله..حتى لما تزوجت مرة تانيه كان زواجها ع ورق تزوجت من دكتور ليبي كبير كان غرضه يحمي بنت بلاده اللي قاعده في الغربه بروحها كان معاها نعم الرجل..لكن مشاعرهم لبعض كانت مشاعر اخويه وكلها احترام..لاهيا حباته هذاكا الحب ولا هو..لعند مامات وهو كان وفي لزوجته الأولى اللي ماكانش عندها علم بزواجه لين ماتت..هيا توا حاسه بمشاعر انعشت قلبها اللي كان في غيبوبه لسنين طويله..
فلاش باك..
تمشي هي وبنتها في ممر وحده من المستشفيات..
نور: هي مديرتي ياماما في الشغل انسانه راقيه ومحترمه..
للاهم : شن صايرلها ؟
نور: ليا فترة ملاحظه عليها الإرهاق والتعب ووجهها شاحب..وحني في الإجتماع اغمى عليها..
للاهم بأسف: تس تس تس..
نور: اهو وصلنا...طقت نور...ولما سمعت الإذن بالدخول خشت..
نور: هاي...
:اهلا نور ...
نور: كيف حالك توا..
: الحمد لله..
نور اشرت ع امها: نعرفك بماما لما عرفت انك ليبية اصرت تجي تشوفك..
للاهم بإبتسامه: الحمد لله ع سلامتك..
: الله يسلمك..
للاهم مدتلها باقة الورد..
: علاش متعبين رواحكم..شكرا ..
نور: ذوق ماما..
: حلوة هلبه ..
للاهم: من ذوقك..
طقطق..انفتح الباب
"بنتي الحلوة"..
التفتت نور وللاهم اللي انصدمت لما شافته اما هو فرفع حاجبه متفاجئ وضحك: مرحبا..
نور : اهلا كيف حالك عمو طاهر..
طاهر وهو يسرق في النظر للاهم: الحمد لله بنتي..
نور: نعرفك عمو ..اشرت ع امها..ماما الدكتورة للاهم..
طاهر رفع حواجبه : للاهم..امم حلو هلبه..
للاهم وجهها طماطم وتلخبطتت هلبه: شكرا...
طاهر شبح لبنته: شن امولتي ..غمزلها بعينه..شن جو..
امل بإبتسامه: احسن الحمد لله..
طاهر جت عينه ع الباقه وابتسم حط باقته جنب باقه للاهم بالزبط اللي كانت كلها ورد ابيض وورده حمرا في النص..
امل بضحكه: صدفه ..ولا خديتوها مع بعض..
للاهم ابتسمت بخجل اما هو شبحلها وشبح لبنته وميل راسه يمين وايسار وغمز بعينه: اممم تقدري تقولي الزوز مع بعض..
ضحكوا نور وأمل..
نور: تلاقيتوا في نفس المحل ماما..
للاهم وهي خجلانه موت: ايه..
هويشبحلها ومبتسم: اني الأمريكاني اللي حط ايده ع وردتها البيضا..
نور: ههههههههههههههههههههههههه
امل تضحك مش فاهمه: فهموني شن في..
نور قعدت تحكي في الموقف لأمل اللي قعدت تضحك..اما هو فكان عيونه عليها كيف خجلانه ومبتسمه وعيونها لوطا..برغم كبر السن إلا انها في خجلها زي بنت العشرين..وهو رغم عنه انجذبلها هلبه..وهي كذلك روحت من زيارة ..وهي مش للاهم نفسها بكل ..بين عيونها طول الوقت..جنتل مان وحركاته جذابه ووسيم..وفي رجاله لما يكبروا في سن ملامحهم المجعدة وشيبهم يزيدهم جاذبيه..يابال راجل وسيم زي طاهر زي الأجانب شكلا ومضمونا...لهجته الوحيده اللي تثبت انه عربي وليبي زياده..
الوقت الحاضر..
:دكتر للاهم يريدونك في غرفة العمليات..
ناضت : حسنا...
***
بنعدي لمصر بعدها (*****)بعدها (*****).. بنقعد من اسبوعين لتلاته..
طارق: رحله ماكوكيه..
شاهين وهو يوتي في حوايجه: ههههه اها..بنقولك
طارق: قول..
شاهين: احمم😳..عينك من الموظفه الجديده ساعدها لين تتأقلم ع الجو..
طارق بضحكه: تو نحطها فعيوني ...
شاهين حس بالغيرة: ماعندها مادير في عيونك..غير فهمها نظامنا وقوانينا بس..
طارق: ههههههههههههههه
شاهين : هيا ترا حل...وصكر عليه..وقعد يبتسم وهو متحشم..
⭐اليوم اللي بعده سافر شاهين..ونجمه كيف بدت اول يوم خدمه تفاهمت هي وطارق ع مواعيد جيانها للخدمه..وانحطت في مكتب مع موظفه ..قسم إدارة المشاريع ..ونجمه تعرفت عليها اسمها وردة..كانت لطيفه وحبابه ونجمه ارتاحتلها...نجمه خلال هالأيام انسجمت في شغلها الجديد وعرفت النظام وتخدم بكل إخلاص..وطارق اعجب هلبه بمثابرتها واجتهادها ودقة مواعيدها...
طارق: دقيقة واجد في الوقت لين تعقد مرات ناكل منها هزيبه بطريقه محترمه لو تأخرت شويه..في ساعة جلد قهويه في يدها كل شويه تشبحلها..
شاهين بغيره: مركز عليها واجد حضرتك..
طارق: هههههههههه ياكلب مش هك..بس هي ملفته للإنتباه واجد..تصدق خالد المهمل ولا منضبط في هالأسبوعين بسببها..
شاهين بضيق وغيرة: كيف؟؟!!
طارق: يوصل متأخر وهي خدمتهامرتبطه بيه كيف ماتعرف تجلد فيه بلسانها بس جلد مؤدب يخليك وانت راجل معضل بشنابتك تتحشم منها..
شاهين : شن بيفوت هالخمس ايام بس..
طارق بضحكه: حي عليك وحي انت في الوقت اكثر واحد مهمل..ماظني ديرلك اعتبار وحتاكل ع راسك..
شاهين ابتسم وقعد ساكت وهو يفكر فيها...💓
***
شطورة حبيبتي اني ...
بشرى: واخيرا كملت...
نجمه: ههههههههه ..شن جو المدرسه..
بشرى: مش حلوة هلبه...
نجمه بضحكه: علاش..
بشرى: ممله وكله قرايه وقرايه وبس مانلعبوش زي الروضه..
نجمه: حبيبتي المدرسه ماتشبهش الروضه تختلف عنها..يعني انت توا شكلك زي شكلك زمان وفتحت تليفونها وورتها الصورة..
بشري ضحكت: صح...
بريكه تتأمل فيهم وهما يهدرزوا عيونها ع ملامح حفيدتها"نسخه منه كل ماتكبر تشبهله اكثر..الله يجعلك ماتشبهيله كان في شكله"...
بشرى كانت تشبه بوها هلبه حتى لون العيون نفسه..جابت من امها نقرة الزين اللي الذقن والطول..بشرى كانت حلوة وشعرها لونه قصدلي زي شعر بوها ..ناعم وطويل واصل لكتافها..نجمه كانت ملاحظه الشبه الكبير بس ماأثرش عليها نفسيا..تشبح لبنتها ملاك نازل من السمي ..تحبها بجنون ولاعمر لداره فيها بوها أثر في حبه لبنتها ولو شوي..
"في امهات مع الأسف يكرهوا صغارهم بسبب اللي شافوه من ابهاتهم ..💔"...
...
فاتوا 5ايام ع شاهين خمسه سنين..روح واليوم اللي بعده نايض من الفجر..هو اساسا ماقدرش يرقد يراجي امتى يطلع الصبح بش يشوفها..جت الساعه 8..توجه لسيارته وركبها ماشي للشركه..
نجمه حتى بس طلعت قبله لأن المسافه بين حوشها والشركه بعيدة شوي..
شاهين كان واصل قبلها بس قعد في السيارة لشي في باله..شاف سيارتها خشت ..
شاهين: آاااه ياقلبي 💓💓💓💓💓💓
نزلت وشبحت لساعتها هو اذكر كلام طارق ع الساعه وضحك ...مشت خشت طول ..عطل نص ساعه بعدين نزل..
خش وركب للدروج وماركبش الأصنصير بش يزيد يعطل..وين وصل في مكتبه اللي كان باين من الشباك متاعه الكبير نجمه وهي تستنى فيه داخل..
صبح ع السكرتيرة وخش..
نجمه وقفت..هو ابتسم واشرلها تقعمز..قعمزت وكان واضح عليها الإمتعاض من تأخيره..
شاهين: استنيتي واجد...
نجمه: صباح الخير..عادي مافيش مشكله..
هوأبتسم : اسف صباح الخيرات..
نجمه :ولايهمك ..مدتله ملف...هذا الملف اللي قلت للأستاذ طارق يطلب مني نديره..
شاهين: خل نشرب قهوتي قبل بعدين نشوفه..
نجمه شبحت لساعتها وومطت شواربها لداخل وواضح انها ع أعصابها ..وهو كان يشوفلها ومبتسم من تحت لتحت...
شاهين طلب قهوة ولما سألها شن تطلب قالت ماتبيش
شاهين ابتسم: جيب واحد قهوة واحد عصير ليمون وشبحلها بمكر..
نجمه اتفاجئت بس فضلت السكوت..
جابوا القهوة والعصير..شاهين يشرب في القهوة ويشوف في الملف ع أقل من مهله..هيا زادت عصبت وتلقائيا قعدت تشرب في العصير..هو عيونه في الملف بس مركز معاها...
شاهين: اممم ممتاز انتي درتي دراسه ع كل المشاريع اللي نفذناهن خلال عشر سنين الأخيره..وحتى الخسائر ذكرتيهن بدقه وأسبابهن..برافو..
نجمه: هذا واجبي وهذا اللي انت طلبته..
شاهين قام عيونه وشبحلها"جادة زيادة عن اللزوم ..بس معقول ماذكرتنيش بكل"...
نجمه: احمم في مشكله...
شاهين ابتسم : مشاكل..
نجمه بخوف: شن هما..
شاهين"عيونك دارن في قلبي مشاكل": هههههه انبصر معاك..
نجمه"مبرده خلعني":تمام ..وابتسمت بمجامله وناضت..كان ماتبي مني شي تاني بنمشي..
شاهين : لا تفضلي..
نجمه : عن اذنك ...ولفت ومشت..
شاهين بضحكه: رقيتهن لها😂😂
...
نجمه وهي خاشه للمكتب ومعصبه..
وردة بضحكه : كنك لاويه السمرا ع الحمرا
نجمه: معقوله هذا رئيس مجموعة شركات كبيرة ..
وردة : هههههههه قبل سنتين لما توظفت سألت نفس السؤال..
نجمه: ولقيتي اجابه..
وردة : اها مع الوقت.. شاهين قيادي متمكن وعنده قدرة كبيرة ع الإدارة بس بطريقته هو..
نجمه: ماريت شي من اللي قلتيه ..وقعدت تعد ع صوابعها..مستهتر جاي متأخر...يخفف في دمه في مواقف ماتتحملش خفة دم..وبارد...
وردة: ههههههههههه حرام عليك والله استاذ شاهين عسل..وراجل بكل معنى الكلمه ..
نجمه: ماعندي ماندير باللي قلتيه نبي بس يكون جاد شويه بش نعرف نتعامل معاه ونكمل هنايا..
وردة: انتي ارخي روحك شوي معقدتيها..
نجمه: بالعكس..كيف طالعين من حرب وبش ترجع الشركه توقف ع رجليها لازم نخدموا من كبيرنا لصغيرنا بإنضباط ومثابرة وجديه..
وردة : شكلها الشركه اللي كنتي تخدمى فيها في طرابلس كانوا ماشيين زي الساعه...
نجمه تنهدت: الله يذكر استاذ معز بالخير كان مدير جاد ويخدم بقلب ورب..
وردة: حتى استاذ شاهين حيعجبك..عدي شوفي انجازات المجموعه برا البلاد حتتفاجى بالنجاح اللي حققه هو بروحه..
نجمه : الوقت قدامي وتو نشوف..
وردة ضحكت وسكتت
***
طلعت من غرفة العمليات متعبه..وكانت ناويه تروح لولا اللي خبرها بيه احد الممرضين..
الممرض: احدهم ينتظرك في المكتب..
للاهم ضيقت عيونها بتساؤل: من..
الممرض: قال انه احد معارفك..
للاهم هزت راسها بإيجاب: حسنا شكرا..ومشت لمكتبها..
فتحت الباب وانصدمت للمرة التانيه مقعمزحاط رجل ع رجل ومبتسم..للاهم قعدت مفنصه..
هو :ههههههه واضح ان المفاجأة مش حلوة..
للاهم : احمم...خشت وسكرت الباب..وقعمزت ع الكرسي ورا مكتبها...تحت نظراته اللي محاصرتها...
للاهم تحاول تستجمع نفسها: حضرتك عندك مشكله أو تشكي من حاجه..
هو أبتسم واشر ع قلبه..
للاهم : ايه والمعنى؟😳
هو: انتي دكتورة قلب ولا..
للاهم: ايه..
طاهر: واني نشكي من قلبي...
للاهم تحاول ع قد ماتقدر تتجاهل حالتها: شن مشكلته بالزبط ياريت تشرحلي...
طاهر شبح القدام وتنهد : يقولوا الطبيب مخزن اسرار مرضاه واني مريض ونبيك تكوني دكتورتي..
للاهم شبحتله وساكته..
طاهر شبحلها: ممكن...؟
للاهم بعد تفكير دام للحظات هزت راسها بإيجاب..
طاهر ابتسم بإرتياح..❤
***
جي وقت الغدي في الشركه ولان دوام نجمه اليوم نهار كامل تغدت غادي...
مقعمزة هي ووردة ويفضفضوا لبعض..
وردة : هضا عمره ماحبك يانجمه..
نجمه تنهدت: شكري مايعرفش يحب غير نفسه ..غير أني اللي ماكنتش شايفه هالحقيقه اللي غيري هلبه شافوها وأولهم بوي الله يرحمه ..وتحاول تشد دمعتها...
وردة شدت ع ايدها: الله يرحمه ويجمعكم بيه جنات النعيم..
نجمه نزلت دمعه مسحتها: يااارب..
وردة : انتي ممكن اخترتي وحدك...بس انا اجبرت اجبار..لما وصلت لعمر 25هلي حطوني في خانة العانس وكانوا يبوني نزوج وخلاص..كانوا يجوني ونا كنت نرفض بسبب القرايه وكذلك ماف حد جاني كيف مانبي..باتي وصلت حدها عنده وارغمني ع الزواج لقيت نفسي منبوذة من هلي ورضاهم عليا مربوط بالموافقة ع هالزواج ..استسلمت لضغطهم وازوجت وعشت اسوأ ايام حياتي..شكاك ونسونجي قهرني واجد وعذبني وضربني وكان ياخد في حقه بعد يعطيني طريحه عادي..جبت منه تلاته صغار عيلين وبنت تحملت وتحملت ولو نحرج عند هلي باتي يلزني..لين جي نهار وخداني فيه نا والعيال وعزقني في بيت هلي وطلقني...هلي حطوا الحق عليا..وعشت في حوش هلي حياة اتعس من حياتي معاه يهينوا فيا ويضربوا في عيالي وصلت بيهم لدرجه المية يحسابوا فيهم عليها..
نجمه دموعها ينزلوا ومش مصدقه اللي تسمع فيه..
ورده وهي تمسح ف دموعها..جي نهار قررت فيه ننهي حياتي وشنقت روحي..وقعدت تبكي..
نجمه عطتها ميه : خلاص معاش تكملي..وردة خدت الميه وشربتها..
ورده : لالا نبي نحكي..المهم واحد من خوتي لحق عليا وانقذني وجعته واجدومن يومها وقف فوجه الكل معاي وماخلا حد يقرب عليا ولاع عيالي وساعدني ودورلي ع خدمه وخدمت..
نهار ركبت لبنتي فيه دار نوم ..طلعت بنتي اللي كانت متعلقه بيه واجد من الحوش ادور عليه بش توريها له طلعت تجري دون ماتنتبه ضربتها سيارة ...توفت...
نجمه قعدت تبكي ووردة كذلك بعدين هدت وردة..لما خبروا بوها تتوقعي شن قال..
نجمه بنبرة باكيه : شنو..
وردة ابتسمت بتهكم: وكان ماتت شن بنديرلها هذي ساعتها..
نجمه انصدمت..
وردة : ايييييه يانجمه ياما صاير في هالدنيا تسمعي قصص عقلك يطير منها..
نجمه : فعلا...
"قصة وردة صايرة لوحده نعرفها قصه حقيقيه"..
في هالوقت شاهين كان مقعمز مع طارق وعيونه عليهم..
شاهين : كان نعرف شن تحكيلها وردة وخلتها تبكي هك..هي تبكي وانا قلبي يتفترش 💔
طارق بضحكه: معقول شاهين حبيتها بهالسرعه..
شاهين اشر ع قلبه: اسأل هضا مش بيدي..
طارق شبحلهم: عموما هي في من وراها قصه عيونها فيهن حزن واضح..
شاهين: مركز فيها اكثر من حياتك 😒
طارق: ههههههههههه...
شاهين : بحت فيا هنا ماتبحتش يالاها😡
طارق شبحلها: هاه 😂..
...
اااه ياركبي
نجمه : ههههههه
نبيله : نقمعز معاكن..
وردة تمسح في دموعها وبضحكه: قمعزي..
نبيله: ووواك عليا وووواك عليا...انهد حيلي...اللي تخدم سكرتيرة عند الأستاذ شاهين يطيح سعدها من الخدمه...
وردة بضحكه: حييه عليك قاعد هنا ...
شبحتله نجمه وهو شبحلها نجمه غيرت عيونها طول ..
نبيله : خلوني نفضفض عييت ..عدي يانبيله تعالي يانبيله شيلي يانبيله...ناقص غير يقولي حطيلي البيرو في يدي افتحيلي اللاب توب يانبيله امشطيلي شعري يانبيله..
نجمه ووردة : هههههههههههههههههه
نبيله : وحق الله هلكني..هو صح طيب وكويس بس تنبال..
فجأه قعدوا نجمه ونبيله يفنصولها ويأشروا بحواجبهم...
نبيله : ماديرنش هالحركات مانيش خايفه بندوي ..اخرتها فنجال قهوة بدتله اكثر من تلات مرات لان حضرته يخليه حداه منظر لين يبرد وتعالي يانبيله غيريه..
"نبيله"
نبيله تخزرطت وتلفت بشويه وعيونها مفنصات لقاته يشبحلها ومبتسم ابتسامة تهديد..ارتسمت ع وجهها ابتسامه عبيطه من الخوف ...
شاهين : صبي ...
نبيله ناضت ...
شاهين اشرلها ع طاوله بعيده : عدي قمعزي غاااادي..
نبيله هزت راسها بإيجاب : حاضر حاضر وجت بتمشي..
شاهين: نبيله..
نبيله التفتت بسرعه : نعم..
شاهين ابتسم : وخريلي الكرسي بنقعمز هنا ...
نبيله طول وخرت الكرسي...
شاهين قدم وقعمز: وتو عدي قمعزي غااااادي وأشر ع المكان.. مشت نبيله تجري..
وردة ونجمه : 😂😂
شاهين ابتسم: باهي اللي ضحكتن ..
وردة ونجمه سكتوا ..
شاهين حس روحه رفس: عادي نتغدا معاكن...
وردة: خلاص قعدت معانا بنلزوك يعني
شاهين : اصلا ماتقدرنش تقولن شي حتى لو سألتكن قبلها..
وردة: هههههههههههه..
نجمه ابتسمت بس ..
شاهين: شنو يانجمه شن انطباعك ع مكان عملك الجديد هنا خير ولاطرابلس..
نجمه: تبي نتكلم بصراحه..
شاهين : احكي براحتك انا رئيس ديمقراطي نسمع لأراء الجميع حتى لو ماعجبتني..
نجمه : ايه صح واللي بكري صار خير دليل..
وردة وشاهين:😂😂
شاهين بضحكه: قولي اللي عندك حنتقبله كيف ماكان..
نجمه: بصراحه هني مافيش انضباط بالذات في الوقت لاحظت اكثر من موظف مستهترين ويتأخروا هلبه ..وبصراحه أكثر ماأستغربتش لما شفت رئيسهم اللي مفروض يقتدوا بيه متأخر اليوم فوق النص ساعه..
شاهين قعد يشبحلها هلبه بعدين ابتسم وناض من ومشي وقف في مكان بحيث يبان ع الجميع ..صفق بإيديه..
شاهين بصوت عالي بعض الشي: انتبهولي هنا لوسمحتوا..
كلهم ركزوا معاه..
شاهين : من بكرا..حنبدا نحاسب ع التاخير..وعدم الأنضباط في الوقت..الدوام الإنصراف..الإجتماعات..تأخير اكثر من خمس دقايق خصم.....وأولكم انا ..
طارق: ومن اللي حيحاسبك ..
شاهين لنجمه وابتسم: الأستاذة نجمه..
كلهم شبحولها وهي انحرجت ..
شاهين : طبعا هي سبب لهالقرار الجديد لأنها معترضه ع عدم الإنضباط واني لقيت الحق معاها...وطبعا لو جا نهار وتأخرت بدون عذر قوي ..انا حناحسبها بطريقتي ...وتوا كملوا غداكم..شبح لنجمه وحرك راسه بمعنى اه سمعت بدون اعتراض
نجمه ابتسمت وغيرت عيونها فيسع..وهو ولا لمكانه بحدا طارق ومرة مرة يسرق نظرات ليها وهي مش مدوراته ولاهيه بالهدرزة مع وردة وتاكل..شويه ناضت بتغسل ايدها حولت ساعتها وحطتها ع الطاوله حدا ورده..لمعت في راس شاهين فكره..
شاهين: طارق عدي لهي وردة..
طارق: عليش
شاهين : صبي توا و بعدين نقولك..ناض طارق ونادى وردة ناضت طول مشتله..ناض شاهين ومشي لطاولتهم وخدي الساعه وهو يشبح هني وهني..ولعب بعقارب الساعه وخلاها مقدمه ب5دقايق...حطها وولا لمكانه ..شويه وجي طارق وولت وردة ..وبعدها نجمه لبست ساعتها وكملت هدرزة هي ووردة..
طارق : ع شن ناوي..
شاهين بضحكه : كل خير ..وقعد يشرب في العصير...
***
لاأصدق ..كيف لذلك المعتوه ان يثير أعصابي إلى هذا الحد..
للاهم وهي تحط في العشي: تكلمي عربي..
نور : اوكي...هذا اللي اسمه ابراهيم..كل شهر يجي لأمريكا ويلصقلي في الجامعه ..
للاهم بضحكه: يضايق فيك..
نور : لا بس وين مانمشي نلقاه..كل اسبوع من كل شهر يجيني في الجامعه في مكان عملي لين كرهني في عمري..لا واليوم لقيته واقف ع وحده ويكلم فيها بكل وقاحه
للاهم: هذا اللي واجعك انتي..
نور بربكه: ءءءشن تقولي ماما من كل كلامي اللي قلته ركزتي ع هالجمله..
للاهم: ركزت ع انك اول مرة تحكيلي ان ابراهيم مداير هذاكله..
نور سكتت..
للاهم : ههههههههه ...تعالي تعشي تعالي..
صح..نور تحب ابراهيم..هو قعد محاوطها كل شهر يمشي لأمريكا ع خاطرها ويقعد اسبوع..ويطلعلها وين ماتمشي لين تعودت عليه شوي شوي خش قلبها وبدت تحبه ولو فات شهر ماجاش تبدا متكدرة ومتضايقه هلبه وتتصل بغادة وتقصقص فيها بشكل غير مباشر عليه..بس ماتبيش تبينله ابدا لأنها تشوف فيه مغرور بنفسه هلبه ومفروض هو يجي ويعترفلها ...
***
فات اليوم روحت نجمه للحوش لهت ببنتها وقرايتها بعدين قعمزت قرت شويه ..وصلتها رساله من وردة تخبرها إن غدوة في اجتماع شهري مع الساعه 8:30 الصبح
نجمه كانت تعرف لانه طارق مكلمها عليه من قبل لما وضحلها نظام الشركه...صلت ورقدت بنتها ورقدت دون ماتركز ع ساعتها...
أما شاهين فكان طول الوقت يفكر فيها وأستاحشها هلبه ومستغرب في روحه كيف قلبه تعلق بيها بهالسرعه..ويراجي في الصبح امتى يطلع بفارغ الصبح..
شاهين"إن شاء الله ماتفطنش لساعتها بس😁"...
🌅طلعت الشمس ونجمه ناضت مخلوعه شافت لساعة يدها اكثر ساعة توثق فيها انخلعت وناضت تجري توتي في روحها وتت بنتها..وفطرتها..امها مستغربه فيها علاش مستعجله هكي..
نجمه: امي لو عطل الباص أكثر من هكي كلمي عبير توصلها مع بنتها...مع السلامه...طلعت تجري بأقصى سرعه ركبت السياره وتحركت طول
نجمه"حي عليا معقوله راحت عليا نومه ياقعاده يتسهوك عليا وخلاص😣"
هو وصل قبل الشحاته وبنتها ودرس السيارة زي مادار أمس وقعد يستنى فيها.لين وصلت..ودرست في البركيدجو بعيد عليه نزلت تشبح لساعتها واضح متفلوشه وهو نزل وراها..بدون ماتحس..تمشي بسرعه وهو وراها بمسافه..
يشبح لرجليها لابسه الكندرة من غير شخشير😂..وصلت وخشت وهو وراها...اللي يقابلهم من العاملين ولا الموظفين بيصبح ع شاهين يأشرله بصبعه ع فمه بمعنى أصص..وهما يصبحوا ويبلعوا في الباقي..يعني يقولوا"صباح الخير "ولما يوصلوا في اسمه يسكتهم هو..
نجمه "خيرهم يصبحوا عليا كلهم اليوم !!؟"..
ركبت الدور التاني تجري لإن الاصنصير عطل..او تعطل بالقصد..وهذا كله وهو وراها ويضحك..لين وصلت قريب من مكتبه شبحت الساعه بينتلها انها متاخرة 5دقايق..اضايقت هلبه ..وادرقت ورا الحيط ..قعدت تبين في راسها بالشوي وتشوف في روشن مكتبه من بعيد لو هو موجود أولا..
نجمه: حيي عليا كلهم داخل كيف بنخش ياربي..شن هو عذري..راحت عليا نومه..والله لما يديرني مضحكه هالحناط..
شاهين كان وراها ويشبح معاها لروشن مكتبه سمعها شن قالت وين وصلت في كلمه ضحك في داخله"حناط 😂😂"
نجمه: احسن حل نقدم استقالتي ...
شاهين : استقاله مرة وحده!!
نجمه انخلعت والتفتت طول 😲
شاهين ابتسم: صباح الخيرات..
نجمه من الخلعه غمضت عيونها وبدت تتكلم: اول مرة تصير ومش عارفه كيف صارت راحت عليا نومه ..وعد مش حنكررها ..وماديرش فيه حناط داخل وتتسهوك عليا...
شاهين : ههههههههههههههههههههههههههههههههههههههه
نجمه فتحت عيونها: شن اللي يضحك فيك..
شاهين مش قادر يبطل ضحك لين دمعوا عيونه..
نجمه عصبت لو بتستمر هكي حنقدم استقالتي...
شاهين اشر بإيديه 👐: خلاص خلاص ..عليش صاير فيك هك..
نجمه: غلطتت وتأخرت ع الإجتماع 5دقايق..
شاهين : لا ابدا ..مازال 5دقايق ويبدا..
نجمه شافت ساعتها: كيف !!
شاهين طلع ايده من جيبه ووراها الساعه متاعه تفاجئت...
حولت ساعتها وقعدت تتفحص فيها: ديما ضابتتها لاقدمت لاوخرت أول مرة ديرها..
شاهين ابتسم: تصير عادي ..
نجمه بخجل: ممكن توريني ساعتك مرة تانيه بنعدل الوقت عليها..
شاهين بابتسامه ورهالها من جديد وهي تشبحلها وتعدل فيها وهو يتأمل فيها وعيونه ع نقرة الزين في ذقنها..وقلبه مداير مهرجان 💓💓💓..شدت ايده بش تشوفها زين..
شاهين"ناعليا حييي عليا ..هدي ياهمي الأسود💓💓💓😳😖"
بعدت نجمه ولبست ساعتها: هيا وقت مازال دقيقتين..
شاهين ابتسم : هيا..ومشوا مع بعض....
شاهين بضحكه : انا حانط مش حناط..الحناط هضا اللي يحنط في الموتى..والحانط خفيف الدم..
نجمه بضحكه: خلاص حناخد كورس في لكنتكم..
شاهين : وانا في الخدمه نعلمك بلاش..
ضحكوا هما الزوز وخشوا لمكتبه وهما يضحكوا كلهم شبحولهم وابتسموا..
طارق"خايلين ع بعضهم ❤"
تصبحوا ع كل وقعمزوا ع كراسيهم وبدوا بالإجتماع ..الوحيدة اللي كانت قريب تنفجر نور وحست بغيرة شديد ع شاهين من نجمه...

....يتبع....
الفصول الاربعة