نجمة نجمتي ( جمان فريد) منقولة

باقي جزء الثالث وعشرين

#نجمه_نجمتي

#جمان_فريد

باقي الجزء الثالث والعشرين🥀

دكتورة للاهم..
للاهم جت تجري : شن ..
ممرضه: جونا 10حالات جرحي متفاوته اصاباتهم..
للاهم :كلمي الدكتور محمود بسرعه..
للاهم اطوعت في ليبيا لعلاج جرحى الجبهات..كانت في الشرق..وبعدين لطرابلس...
وهي تجري خطمت جنبها بريله عليها مراة لما ركزت فيها انصدمت"بنت خوي"..لاأراديا طلعت تجري ورا البريلا..
شدت المراة اللي كانت تجري جنب الباريلا..
للاهم: خيرها...
المراة: اشبح من اعتدي عليها ..
للاهم شقهت بصدمه خشت معاها...
للاهم بحزم: نادولي الدكتورة نسرين بسرعه..وجيبوا دم كلموا الدكتور فيصل عليه..قوله تبيه دكتوره للاهم...
قعدت تشبح لنجمه اللي كان واضح عليها شحوب الوجه بس مظاهر الأعتداء الخارجيه مش واضحه..خشت الدكتورة نسرين
للاهم : نسرين هادي المريضه تخصني شوفيها ارجوك
نسرين : حاضر..
طلعت للاهم برا ادور ع المراه لقتها...مشتلها..
للاهم: فهميني كيف صار..
المراة: اني جارتها نسكن جنبها كنت طالعه من حوشي وهديكا الليله مشيت بنجيب منه حاجات..نسمع في صوت بيبي يبكي وصوته مش طبيعي..طلعت من حوشي وقربت لحوشها لقيته مردود خشيت داخل وانصدمت باللي شفته ..ولقيتها تنزف ع طول لبستها قفطان تاني من حوايجها وطلعت بيها هي والبيبي..رفعت البيبي لحوش أختي وهي جبتها هني..
للاهم وعيونها معبيات دموع :شن تعرفي عنها..
المراة: ليها مده ساكنه حداي ومافيش بينا احتكاك مرة مرة كنت نلمح في راجلها بس..
طلعت نسرين بسرعه من الغرفة..جبدت للاهم ع تركينه..
نسرين بأسف: رحمها لازم يتحول..
للاهم بصدمه شديده: شنوووووو...
نسرين: صايرتلها مضاعفات اثناء الولادة وهملتهم الباين..رحمها لازم يتحول ..ياأما حينفجر..مشت تجري للاهم جهزت غرفة عمليات بتوسل وترجي ..وساعدوها الدكاترة..
دخلوا نجمه العمليات..خشت نسرين ومعاها دكتور متخصص
حتى هو..وبدوا بالعمليه وللاهم تحاول توفر كل شي..بعد مدة طلعت نسرين..
للاهم: شنو..
نسرين : حولناه ومشت ع خير وتوا حنعطوها الدم اللي وصيتي عليه..
للاهم كانت في جنب المراة في السيارة دموعها ينزلوا ع حال بنت خوها ..وصلت لمراة لحوش أختها..شويه وطلعت البنيه شدتها للاهم بين ايدها ..كانت زي الملاك تهبل..ابتسمت لما شافتها..وصلتها المراة لحوش نجمه ..خشت لدارها لمت حاجات لنجمه وللبنيه وطلعت ..وروحت بيها لحوشها ومشت المراة لحوش اختها...
***
شن كان يتفلسف داخل..
طارق بضحكه: قال ان قلبك اموره ميه ميه ..واللي يصير معاك سببه نفسي..
شاهين: قصده قلبي انكلب ولاشن..
طارق بضحكه: أستغفر الله وخلاص..المهم امورك تمام فوت دوته اللي ع قولتك فلسفه..
شاهين ابتسم وسكت...
***
طلعت نجمه من المستشفى بعد اسبوع بس نفسيتها زي الزفت وماتتكلمش بكل..فقدت قدرتها ع النطق..
الدكتور: وضع مؤقت..
للاهم : يعني ممكن يرجعلها نطقها في اقرب وقت؟
الدكتور : ع حسب حالتها النفسيه..
للاهم تنهدت وسكتت..
***
نجمه نفرت من بنتها تماما وقعدت عايشه حالة صدمه ..عمتها كانت تشوف فيها لكن مابتش تكلمها لأن حالتها ماتسمحش..جابت مراة تعرفها كويس تهتم ببنت نجمه ففترة غيابها ولما تروح هي تتولى المهمه..
ماقدرتش للاهم توصل خبر لبريكه ع اللي صار بكل لأن بريكه من بعد موت حنين جاها السكر..وخايفه تزيدها ع مابيها...
قررت تخلي موضوع الأغتصاب سر في داخلها...وحتكذب وتقول انها جتها الكآبه بعد الولادة ..
نجمه حالتها النفسيه من سيء لأسوأ..وكل الليل تنوض تعيط والكوابيس ماتفارقش فيها..وللاهم تعاني فيها...قررت تخبر أمها ..
بريكه خبطت ع صدرها : حييييي عليا بنتي..
للاهم: لازم تكوني قويه ع خاطرها..يابريكه..
بريكه هزت راسها بإيجاب وبدت تبكي..خشت ع بنتها في الدار وشافت حالتها..ماتحملتش وطلعت..
بريكه: متأكده انها كآبه بس...
للاهم بربكه: ايه مالا شنو بيكون..
بريكه سكتت بعدين قالت: بنتها وين..
رفعتها للاهم لدار البنيه خشتلها وقامتها قعدت تحضن فيها وتشم وتبوس وتبكي...
***
25\9\2011
درس بسيارته قدام الحوش ..تلقاه جار السو..
عزيز: شكري ..عاش من شافك..
شكري حول نظراته: تسلم...وبيمشي يخش للحوش
عزيز: مهناك حد..
شكري : كيف؟؟
عزيز: في ليله من غير ضي قمر اختفوا ..
شكري: اختفوا!!؟
عزيز: ايه مرتك وبنتك..
شكري : بنتي...بنت شنو هادي منين طلعت؟
عزيز: كيف مرتك ففترة غيابك كانت حامل وجابت.بنيه..
شكري قعد واقف مستك ومش مستوعب...
عزيز : شكلك زي اللي مستغرب...
شكري شبحله بحده وركب السياره ..جاه يجري..
عزيز: شفت جارتنا هديكا عندها في ليله من الليالي..ومرةشفت راجل طالع من عندها ولأن ظلام كنت نحسابه انت...
شكري الجمله الأخيره معاش خلت فيه عقل طااار بسيارة بأقصى سرعه...
ليله حادثه الإغتصاب كان عزيز مروح يشوف في حوشه لحق ع عامر لما طلع يجري...وكان مستغرب ..بعدها بشويه وهو بيمشي شاف الجارة اللي قال عليها مش كويسه خشتلها..للحوش..استغرب  ومشي لكن بعد ماغزل  قصه من نسج خياله...
شكري المجنون يدور وين ممكن يلقى نجمه مالقالهاش ..
اخر شي اتصل بخالته ام العز اللي خبراته ان مرته مع أمها في حوش عمتها ..خدي نفس عميق وفكر هلبه..واذكر اخر لقاء بينه وبين بوامل...
طاهر: بنتي ماتنزلش ع ضرة يابروحها يا لا..
شكري: يعني..
طاهر بكل برود: طلق مرتك تاخد بنتي غير هكي ماتحلمش حتى بظفرها..
فكر هلبه وبعدين خدي قرار يختصر عليه هلبه حاجات..
***
طلعت من الدار في الليل توجهت للكوجينه..قعدت تشبحلها تتفحص فيها وادور ع شي معين..لين طاحت عينها ع مبتغاها.."الولاعه"..خدتها وفتحت شعرها..جي بين عيونها لما عامر كان يشم فيه ويبوس فيه..بعنف جبداته وولعت فيه النار شداته بإيدها وتتفرج عليه كيف ينحرق من تحت..وملامحها جامده تماما...
عمتها شافتها..بكل هدوء خدت مالقي الميه صباته عليها..
هيا قعدت تعيط ع طول رقبتها...تحاول عمتها تهديها وهي تعيط لين اضطرت تعيطها كف..نجمه شدت خدها وانهارت بالبكي حضنتها عمته ودموعها تنزل ..رفعتها للدار رقدتها ورقدت حداها وكانت والعه قرآن..
***
يعني بعد هالمده هادي كلها اذكرت انك متزوج
شكري بملل: قلنا ظروف..وبعدين اني مش جاي نبرر لحد شي ولاملزم بالتبرير..ناديها وخلصيني..
للاهم شبحتله بقرف..وطلعت مشت لنجمه..كانت مقعمزة وسرحانه..
للاهم : نجمه...
نجمه شبحتلها ..
للاهم: راجلك برا..
نجمه من فرحتها نطقت: ششكري..
للاهم تفاجئت وهزت راسها بإيجاب ..
ناضت قعدت تساوي في روحها...اضايقت لما شافت شعرها المحروق...لبست عليه وشاح وطلعت..طول..لما شافته ماصدقتش عيونها..تقول من رد فيها الروح..
اما هوقعد يشبحلها بأزدراء ضاعفه لين موليه هيكل ووجهها يخوف من شحوبه وعيونها محلقات..هي مشتله تجري...
وقفها بايده ✋
شكري ناض: اني مش جايك هني إلا لسبب واحد من الأخير والأفضل ليا وليك..طلع ورقه من جيبه وعطهالها..
نجمه بخوف: هذا شنو..
شكري ببرود: ورقة طلاقك
نجمه قلبها خلاص ولا خرقه باليه..كيف مازال بتحمل هالخيبات وهالخذلان وهالمصايب: انت شن تقول..
شكري: اللي سمعتيه..
نجمه : للالاا لالااالاالااا..مستحيل...اني من غيرك مانقدرش نعيش اني معاش عندي حد غيرك ..نزلت ع ايده باستها ماتخلنيش اني وبنتك...
شكري وكبده دارهه وبوقاحه: بنت منو ..بري دوري بوها..
نجمه بصوت مبحوح: شششنو..
شكري : اسمعي ..ترا خلاص كل حد يمشي ع حاله اني معاش طايقك ولاطايق العيشه معاك خلاص..
نزلت لرجله باستها ...ابشع موقف اكتر موقف مهين حطت روحها فيه..نجمه لحظتها قعدت تذكر قداش ضحت ع خاطره وكيف خسرت الكل بش تكسبه باعت رضا بوها  وشرت رضاه بذلت الغالي والنفيس بش تسعده ..هذا كله راح في الهوا وكإن ماكانش... مستحيل..
تبوس في رجله: ماتخلنيش بالله عليك ماتخليني معاش عندي غيرك..نفضها وبيطلع ...تلفت وشبحلهاوهي طايحه ع ارض وتبكي خطر ع باله طيحه بوه لما دفه بوها ابتسم بتهكم وهي تشبحله"انتي طالق" ..وطلع..
بعد ماكسرها كسرها مئات المرات..رفقا بالقوارير..لكن هما كسرونا يارسول الله مارفقوش بينا ..حسبناالله ونعم الوكيل في كل راجل من امثال شكري...
***
فاتت الأيام ونجمه نفسيتها مدمرة..وأمها مقهورة عليها ماسد هي ماسد علاء اللي مش عارفين عنه شي لتوا...وهو كان موجود في جبهة سرت خلال هالفتره...
فيوم نجمه مشت لعمتها في دارها..شبحتلها ..
للاهم ابتسمت: تبي حاجه بنتي..
نجمه بصوت مبحوح: نبيك ترفعيني لمكان...
...
وصلت السيارة قدام حوش أم العز نزلت نجمه...وبعد شويه لحقتها للاهم بدون ماتحس...الحوش كان فاضي..مشت بخطوات سريعه..لمكان شجرة اللوز لما بانت جمدت فأرضها من اللي شافته...
شكري مقعمز تحت الشجره وف حضنه وحده..قعدت واقفه تتفرج عليهم..لين ناضت اللي في حضنه وكانت تضحك ..ركزت فيها ..عرفتها طول ..صدمات نجمه كلهم كوم هالصدمه كوم بروحه..نخليكم انتم توصفوا شعوركم لوكنتوا في مكان نجمه في اللحظه..وخرت للخلف بعد تلقت أكبر صفعة خيبه في حياتها انضربت بعمتها..اللي شدتها من ايدها..وقالت: حيجي يوم واذكريه بهاللحظه وقولي قالتها عمتي ..نجمه مااهتمتش لكلامها وطلعت تجري وهي تبكي وركبت السيارة لحقتها للاهم وركبت ومشوا...
***
شكري خطب أمل وعرسهم يجهزوله ع قدم وساق وكان في قاعه فندق كبير ومعروف ...وكانت مشتركه..بين أهل العريس والعروس...شادي المهاجر برا البلاد..بعد.طاح النظام روح زيارة وكانت عنده بنت من مرته السويديه جت معاه..ومرواحته جت مع عرس شكري...
يوم الحفله..
رن تليفون نجمه ..شبحتله ولقت رقم غريب ردت..
نجمه بصوت مبحوح: ألو..
شاديه: ياالو بطليقة خوي السابقه..
نجمه خنقتها العبره وسكتت..
شاديه : اتصلت بش نعزمك ع عرس راجلك..اه سوري قصدي طليقك...
نجمه نزلوا دموعها..
شاديه : الحفله  الليله تبدا الساعه 8 في صاله فندق (******) اهو عطيتك االمعلومات كامله وقولي شاديه ماتصلحش..وصكرت...
نجمه ترعش مع بعضها وتبكي وخلاص ...

مع الساعه 8طلعت خدت التاكسي ومشت ..شافتها عمتها اللي كانت مروحه من المستشفى..ولحقت التاكسي ...

وصلت للفندق وخشت للقاعه وقعدت في الباب تسمع في صوت الأغاني والدوشه..وقلبها ينعصر عصر ..فجأة سمعت صوته..
شكري: قولي عمي عريس
جيانا بنت خوه : أمي أريس..
قعد يضحك وقام راسه وتلاشت ضحكته لما شافها بعبايتها ووشاحها ووجهها الشاحب اللي اعتاد عليه ..مشالها ..
شكري بغضب: شن اديري هني
نجمه بتهكم: جايه نطمن عليك ع الراجل اللي تعبت عليه بش وصلته لهالحاله بش يبدا يليق بمقامها ويتزوجها..
شكري: امشي اطلعي اقلبي وجهك خير مانخليهم يطلعوك زي الكلبه من هني..
نجمه: طالعه اطمن باركهالي وقوللها قتلتك نجمه مبروك عليك أني اللي صبرت وانتي اللي نلتي ..
ربيعه : شن ادير هني هادي...
شكري : تصرفي يا امي مانبيش امل تحس بشي وخدي بنت خوه ومشي ...
ربيعه جبدتها من عبايتها وطلعت برا: اطلعي من حياة ولدي ساده اللي شافه معاك..
نجمه: ماشاف كان كل خير وحب واخلاص..لكن ماطلعش راجل ...ولفت وطلعت بسرعه..لقت عمتها قدامها ..قعدوا يشبحوا لبعض..نجمه نظرتها كانت خاليه من أي تعبير بارده وجامده...
صوت كلاكسات سيارات..كياس..شبحت نجمه للطريق ع جنبها وشبحت لعمتها..
للاهم بخوف: نجمه تعالي هيا..
نجمه بحركه مفاجئه طلعت تجري...وعمتها انصدمت بعدين لحقتها...نجمه تجري وينعرض قدام عيونها شريط حياتها مع شكري من لما كانوا صغار للهالحظه..وصلت في الكياس في سياره جايه ..طلعت تجري قدامها..وضربتها اتنطرت ع السياره وطاحت...ودمها سال ع  الطريق...
للاهم بعيطه : نجماااااااااااااااااااه......
💔جربت في مرة تقرب من انسان مجروح
ضايع مهموم محروم من طعم الفرح
ساعة ماأتألم تكلم بحلاوة روح..
تايه مظلوم مش قادر يهرب من الجرح..
اطمن حس بدفا في إيديك..
حبيتوا لقيتوا في حضنك طفل بريء
طيبت جراحو اديتوا عينيك..
اديتوا مشاعرك..مشيتوا طريق
عرفتوا ازاي من تاني الفرح
يدخل مطرح كل الأحزان..
وزرعت أمان ولقيت الطرح
فجأة بيدبل ع ايده انسان..
جربت يخونك ويسبك في سكه حزين
مش طايق حتى يبص في جرحك
جربت عيونك تناديلوا وتستنجدبيه
ولقيتوا ع دمعك واقف يضحك
ولقيتوا ع دمعك واقف يضحك..
💔حنيت لمكان كان ديما يجمع بينكم
ولقيتوا بيخونك فيه..
جربت تواجه واحد بخيانتو
هزمك جبروت في عينيه
كان نفسك تصرخ بالعالم
مالقتش في قلبك صوت
ضحيت بحياتك والظالم بيجرب فيك الموت
جربت تموت..💔💔💔💔💔
الفصول الاربعة