نجمة نجمتي ( جمان فريد) منقولة

الجزء ثالث وعشرون

لا حول ولا قوة الا بالله
لا حول ولا قوة الا بالله
لا حول ولا قوة الا بالله 
لتشارك الأجر 🤍
#نجمه_نجمتي

#جمان_فريد

الجزء الثالث والعشرين 🥀

الجزء هذا مأساوي هلبه..لكن هذا واقعنا وفي الأسوأ..تحملوني معليش...لإن في رسايل نبي نوصلها
مع المغرب وصل لحوشه درس السيارة ونزل..وعقله مش معاه..لين وقفه جارهم..كان راجل خمسيني حشري وقياد أحوال ويحب القرمه...
عزيز جاره: اووو خوي شكري كيف الحال..
شكري بمجامله: الحمد لله ..
عزيز: شن السكنه الجديده عجباتك..
شكري هز راسه بإيجاب وابتسم مجامله ..شوي خطمت بحداهم سيارة درست قدام الحوش اللي جنب حوش شكري..
عزيز: استغفر الله وخلاص..عيله وخالها ميلاد
شكري شبحله بإستغراب...وعزيز شبح لشكري وقرب منه :الهيدوق هذا مرته..اكثر من مرة نشبح فيها نصفات الليل تطلع تركب مع واحد في سيارته يقعدوا بالساعات وبعدين تنزل زي الخانبه وتخش داخل..
شكري اشمئز من اللي سمعه: ربي يسترنا..هي مالا نخليك..وتوجه لحوشه بدون مايسمع رده كيف جاي بيفتح الباب انفتح وطلعت قدامه مراة اربعينيه ...سلمت عليه وطلعت..وكانت مرت عزيز ..شكري شبحلهم الزوز كيف خشوا للحوش وخش لحوشه...
شكري: نجمه...
طلعت من الكوجينه وجاته: اهلا..
شكري: كان تفكينا من مواصله الجيران مش عاجبيني..
نجمه: المراة تجيني وطق بابي مانقدرش نلزها..
شكري بملل: ماقلناش لزيها لكن اقطعيلها بطريقه غير مباشره..
نجمه : باه العشي واتي نحطلك تتعشى ...
اشر بصبعه نافي وهوراكب فوق..
نجمه لحقاته : عندك خدمه ..
شكري وهوراكب : ومانبيش من يزعجني...
نجمه ابتسمت بتهكم وولت للكوجينه...اما هو أول ماخش ..ارتمي ع الكنبه...وعقله يعرض عليه في مشهد لقائه بحبيبته السابقه...
فلاش باك
امل بفرحه: مش مصدقه عيوني بعد هالمده أول مانروح نشوفك...
شكري وهو سرحان فيها وفملامحها اللي ياما ذوبوه: قصدك قاعده تفكري فيا
أمل بحب: ولا لحظه غبت عن تفكيري...
"أمل"
تقدم رجل في أخر الخمسين بخطوات مستقيمه ليها..كان جنتل زي الأجانب مايبانش عليه سنه وسيم وشخصيته جذابه..
امل : بابا تعالى ..
طاهر يشبح لشكري: هو انت..
شكري بإبتسامه واثقه: اهلا ..
امل : احمم..شن صار معاك بابا..
طاهر: كل شي تمام ..
امل بفرحه : ممتاز..شبحت لشكري..ع وجهك كل اموري تمت من الأول ..
طاهر: احمم..
امل:😳
شكري بإبتسامه مغرورة: اني نستأذن ...
امل : وين ..
شكري: مشغول..
طاهر يدقق في هندامه وأسلوبه مش نفسه هذاكا الشاب الفقير المعدم نهائي ..
امل بضحكه: خلينا نشوفك
شكري ابتسملها وهز راسه بإيجاب : سلام ..ومشي...
الوقت الحاضر...
شكري وهو مبتسم "قاعده في قلبي زي ماإنتي واني اللي نحساب روحي ناسيك"...
***
هلبه علاء .
علاء: هادي فرصتي غزالتي..
حنين بحزن: هلبه تلاته شهور..
علاء باسها: لكن حتفرحي لما تشوفيني مروح بالشهاده حتنفعني هلبه..
حنين ابتسمت : أكيد ربي يفتح عليك ويوفقك..
علاء باس ايدها: كثري من هالدعوات.ناض ..خل نخش اندوش..شهر عشرة والرطوبه قاعده...
حنين بضحكه: ايه لنص عشرة تقعد ..
علاء ضحك وخدي حوايجه وخش للحمام..
صوت رساله جت لتليفون حنين...فتحتها
(صبري عليك طال...واحتار فيك أمري)
حنين بصدمه"القذر منين جاب رقمي"..
وصلت رساله تانيه...
(بيبدا العد التنازلي ياحلوة )..
حنين سكرت تليفونها بغضب.."الله ياخدك"..
***
فاتوا تلاته ايام..هارب فيهم لأقصى الأرض في مكان ريفي حلو هوائه نظيف ومافيشي ضجه..بعيد عن كل شي حتى تليفونه مش معاه لحسن حظه أو ممكن لسوء حظه نساه في مكتب بوه يوم المشكله..يتمشى ووقف قعد يتفرج ع منظر الغروب...وهو يتأمل فيه ويفكر في حياته اللي فعلا كانت ماشيه غلط..وبعد طول تفكير وعزله مع نفسه..قرر يصلح هالأخطاء ...وحيبدا من غدوة لما يرجع لبلاده...بس هل ياترى الأوان فات يالطير الجارح..!؟..
في اليوم التالي
5مساءا..
🛬 هبطت الطيارة في المدرج..شويه وانفتح بابها شم ريحة هواها وكأن اول مرة يروح من سفر ..مافيش زيها بلادك مهما جارت عليك تقعد عزيزة..نزل من سلم الطايره...وهو ماشي ..استلم شنطة وحده صغيره ليه..وطلع خدي تاكسي وتوجه للفيلا..وكيف وصلت السيارة لاحظ حركه غريبه ع باب الفيلا من برا بكل..نزل..وهو مستغرب..وفي ايده شنطه بعد مادفع للتاكسي اجرته..خش وهو مستغرب..قدم بخطوات سريعه بعض الشي..كان في رجاله يشبحوله بنظرات مافهمهاش..لين وصل في باب الفيلا من داخل اللي كان مفتوح وفيه رجاله قدامه...تلقاه ابراهيم وهو يشبحله بنظرة حزن ع مفاجأة...
ابراهيم: وين كنت انت..
شاهين وهو يدور بعيونه في المكان وبخوف: ماتقولش جدي..
ابراهيم هز راسه نافي بألم..
شاهين بلع ريقه وضيق عيونه: أمال منو..
طلعوا عمامه عوض وعمر..تفاجئوا لما شافوه..هو لما شافهم سيطر الخوف ع كل أجزائه رجع بنظره لإبراهيم: أمال منو ..انطق...
ابراهيم بأسف وطا راسه لوطا بعدين رفعه فيه: عمي سعد..
شاهين ضرب ابراهيم بوكس ع وجهه: ياكلب ياكذاب تفاول ع سيدك يامسخ..
ابراهيم تفهم حالته شد وجهه وماباش يرد عليه بولا حرف..
عوض وهو يشوف في ولده وشبح لشاهين: باتك ميت ليه 3ايام وهضا وين تبان..
شاهين اندفعله بغضب وبصوت عالي:قتللللك اسكت اسكككت ..وحط صبعه ع فمه...اشششششش اسكت..انتوا هذي اللي تبوها يموت وتفتكوا منه عشان الفلوس عشان وسخ دنيا ياوسخ
طلعوا خوته فارس وسند شافهم وكان واضح عليهم باكيين لين قايلين بس ..
شاهين: ع بالكم بنصدقكم إن الجلمود سعد  اللي جاته اكثر من جلطه ع قلبه وناض منها كيف الأسد..وتوا مات بسهوله..
"ايه مات لكن مش بسهوله"
التفت لمصدر الصوت كان خوه عبدالله عيونه كانوا منفوخات بالبكي ..شاهين هذا وين استوعب وصدق..اندفع بقوة جهة خوه عبدالله وبدي يضرب فيه بوكسات بكل قوة..
شاهين وهو يضرب: وأنت كيف ...تخليه...يموت..مش أنت صنديده ..مسمينك صنديد سعد..ديما معاه كيف الدرع بش تحميه وين مايعدي..كيف تخليه ..يموت...
عبدالله كان يتلقى في ضربات خوه بدون مقاومه كان عارف اللي يحس بيه..حاس انه هو سبب موته ..وانا مات وهو مش راضي عليه..يجوا بيشدوا شاهين لكن وقفهم صوت عبدالله وهو يقول خلوه...قعد يضرب ويضرب ويضرب لين دهش..وقف وقعد يشبحله بنظره جامده مانزلتش من عينه ولا دمعه..في هاللحظه قدم عبدالله وضربه بوكس خلاه يطيح ع وجهه..شاهين قعد بهالوضعيه طايح وجهه للأرض درق بإيده الزوز وجهه وبدي يبكي بصوت عالي زي الطفل..
اخر مرة بكي فيها هكي لما كان عمره13سنه كان أول مرة يخسر فيها سباق خيل لإنه كان مريض ببرده..ومهداش إلا في حضن عبدالله..
قدمله عبدالله قعمز بحداه ع ركابه ونهضه شاهين قعد مواطي راسه ويبكي مايبي حد يشوف دموعه ..خوه عارفه حضنه ودس وجهه في صدره وقعدوا يبكوا هما الزوز..موقف أثر في كل الحاضرين ..بكي الحاج فتح الله وحتى عمر وعوض بكوا بشده..
***
خشت تجري للحوش خايفه وهو خش وراها : كم مرة مفهمك اني مش قايلك امي احترمييييها..
نجمه: اني احترمتها وتحملتها تحملت ذلها وأهانتها ليا فوته لكن توصل في بوي لا..
شكري بسخريه : ههههع..بوك؟! من أمتى هالحب..
نجمه سكتت ومعاش عرفت شن ترد..
شكري : اقعدي توا منبوذه بروحك لاتمشي لحد ولاحد يجيك..وحده متاع نكد ووجه هم والعيشه معاك ولت تقصر العمر...وركب فوق..
نجمه"اني توا وليت متاع نكد ووجه هم والعيشه معاي تقصر العمر!!نستاهل ..نستاهل مكثر"..
ربيعه لزت نجمه من حوشها لأن نجمه لأول مرة ترد عليها بعد وصلت في بوها وسباته..وحلفت ربيعه معاد عافسه حوش ولدها مدام نجمه فيه..
***
شبحاته من بعيد توجهتله..ووقفت قدامه..
خيري: شن الحلوة عقلت..
حنين: انت تبي فلوسك ولا..
خيري: نبيهم لكن نبيك انتي أكثر..
حنين بتقزز: لولا ان ف مكان عام كنت وريتك قدرك..المهم فلوسك حنجيبهملك غدوة..
خيري بهزوة: علاش لقيتي كنز ولاطلعتلك ورثه..
حنين بحده: غدوة حنجيبلك فلوسك كاملات..
خيري ابتسم بخبث: تمام لمن مش هني..
حنين شبحلته بكره...هوضحك..
خيري: هههههه بالشويه عليك ..اني قصدي مكان عام..في مقهى(*******)
حنين شبحتله بشك وبعدين قالت :باه..
خيري: توا نبعتلك الوقت في رساله وتوا باي ياحلو😚
حنين اشمئزت ومشت تجري..وهو ضحك ومشي..
***
قعد يتردد ع مكتب الأعلانات ع أمل أنه يشوف"أمل" ولما مالقهاش جاي بيطلع.."شكري"
قلبه دق بقوه والتفت: اهلا..
أمل بإبتسامه : شن جوك..
شكري بإبتسامه: تمام انتي شن جوك
امل بإبتسامه وغمضت عيونها وفتحتهم: تمام..
هوذاب في ابتسامتها: امل ممكن ناخد من وقتك شويه..
امل: حتى نبي نقعمز معاك ونهدرزوا..عندي هلبه كلام نبي نقوله..
شكري ابتسم : في مقهى حلو هني ..نمشوله؟
امل بحماس: اااااووكي..هو ضحك ومشوا مع بعض..
***
نجمه كانت اضم في الحوش فتحت الروشن اللي كانت تمسخ فيه من برا ومن داخل..انصدمت لما شافت واحد واقف من بعيد يشبحلها..نجمه بخوف"عامر"..
سكرت الروشن بسرعه وسكرت الستار..وهي تفكر شن جابه وشن يبي...
***
ماتت ماتت بعد سفرنا بشهرين في حادث سير بابا تعب نفسيا وانعزل بروحه..اضطريت نمسك عنه شغله ..تخيل لقيت روحي قدام مسؤولية ادارة أعمال طاهر***في الخارج ..ماتوقعتكش اني ننجح هكي..الشغل ماخلانيش نهمل بابا قعدت نحاول معاه لين طلعته من حالته ورجع معايا وقعدنا جنب بعض في الشغل..
شكري بإبتسامه: يعني انتي توا سيدة الأعمال الليبيه امل طاهر..
أمل بإبتسامه: احرجتني 😳😊
شكري: هههههههه ..باه وحياتك العاطفيه...
امل بحب: كيف تبيني نرتبط بغيرك واني مش قادرة ننساك..
شكري قلبه قريب يفر يشبحلها وساكت
أمل: انت تزوجت
شكري :ايه..
امل : تحبها..
شكري:تس.. تزوجت لغرض الإستقرار بس..
امل :عندكم صغار..
شكري : لا
امل :قداش ليكم متزوجين
شكري: سنه وشويه
امل : قبل كنت تقولي لما بنتزوجوا أول سنه حيكون عندنا عيل وفي نفس الوقت حامل😳
شكري ابتسم: هديكا انتي..
امل: شكلك ماتحبهاش بكل..
شكري : خلينا منها توا وقوليلي..راجعين لليبيا مؤقتا ولاديما..
أمل : لامؤقت عندنا شغل هنايا وبنولوا أخر السنه..
شكري بضيق هز راسه وسكت..
أمل حطت ايدها ع ايده : استاحشتك..
هو قعد يشوفلها وفي باله ألف كلمة شوق وحب...
...
جيبيلي مايثبت اني استلمتهم...
حنين : توقعت انك حقير ومسخ..وماعندكش كلمه..
قدملها وشدها من خصرها..دفاته بكل قوة وضرباته كف..
حنين بعصبيه: احبسه برا الحبس اشرفله واشرفلي ..ولفت ومشت تجري وهي  قعدت تشبح هني وهني وخايفه ..وماتندريش ان في حد صور لقائهم بالتليفون..
رولا"طحتي وماحدش سما عليك"..
جاها واحد: علاش صورتيها حبي شن بينك وبينها..
رولا: تار قديم...
الولد: شكلها £₩£€$ مادامها تعرف خيري
رولا بفضول: علاش..
الولد: معروف هذا يموت في المتزوجات وعنده هلبه علاقات بمتزوجات
رولا: حيييي وحييي...
الولد: هي متزوجه..
رولا ابتسمت بمكر: يس ياحبي...
علاء كان يعرف هالشي عن خيري لهالسبب مايحباش وياما قال لأنور يخليه..بس انور تمسك بصحبته لإن في بيناتهم مواقف وجمايل..ولولا حاجة علاء الماسة للفلوس لما انخنب محله مكانش خداهم منه..وفكر انه دار اللي داره ع خاطر انور...
نرجعوا لحنين وهي تجري بش تطلع من الحديقه..وقفت مصدومه لما جت عينها ع الكافي ولقت شكري معاه وحده وايديهم حاضنه بعض..انقهرت هلبه ..ومشت وهي متحسرة ع صاحبتها...
***
تكررت لقاءات شكري وأمل هلبه...وبدي حبه يصحى بشكل كامل لأمل وهامل نجمه بالمرة..كانت  قاعده بروحها مرة مرة تمشي لخالتها أم العز بس بعد زاد تعب راجلها سافرت هي وياه للعلاج مرة تانيه وقعدت نجمه بروحها مرة مرة تخش عليها جارتها اللي جنبهم..في نفس الوقت لاحظت تكرار وجود عامر بحدا حوشها ومراقبته ليها وخايفه منه هلبه وطبعا ماقدرتش تحكي لراجلها الكويس..!