البارت 119❤❤❤.
ما تعترف في صديقات وخوات وسَند
أنا سندها ، ومسندها ، ونوماسهـا .
.
.
وقف سند ونظراته تتأملها ببرود وصمت تـام ، مشى لها وهو يدخّن بشراهة وما إن وقف قبالها حتى زفر دخاّنه بوجهها ولا زالت ورد سرحانة
في بريق عيونه ، وملامحه اللي مابانت كاملة بسبب الظلام
ولا بانت له ملامحها للآن لكنّه يسمع رجفة أنفاسها وعـارف ومتأكد
إنها في حالة إنهيـار مثل ماهو متأكد من إنهيـار قلبه
وجميع حواسه بعد ما شافها ..
ماكأن النار أشتعلت في صدره وقال بكلّ برود : وش رجّعك؟
ورد من بعد كلمـته أستوعبت، وحسّت إنها رجعت تتنفس
بعد ما أنعدم الهواء ، ورجعت أصوات الحيـاة من حولها
وردّت بصوت خافت : تـ. تطلقت
كلمتها أنعشت روحه، وحسّ أنه انولد من جديد ورجعت
البهجة لقلبه ، لكن تصنّع الدهشة وردّ ببرود : عجيب والله!
طاحت منه السيجارة وداس عليها ، رفعت كفّها ومسحت دمعتها برقّة وكمّلت بصوت مخنوق : ماعاد لك خاطر فيني ؟وصرت بصفّهم ؟
واللي يقهر ويموّت من القهر إنك خطبت نوف
وعطيتها الدنيا بيمناها رغم انها اللي ضرتني وضرّتك
وضرّت حبك اللي تقول عنه! رحت خطبتها وانا صفيت
مركونة بركن الدنيا ما أخذت هوية ولا عشت حياتي
وحقي من نوف ضاع مثل ماضاع شرفي بسبايبك .
قربّ لها خطوة وهو متشفّق عليها وعلى كلامها
حتى لو كان كله جارح وغلط : جاية تعاتبيني
بعد ما أرخصتيني وقلتي اني خاطفك ؟
هاجمها صداع قويّ ونزلت راسها وغمضت عيونها بقوّة
وهمست بتعب : كنت تحت تهديده
سنَد وكأنه توه يستوعب إنها رجعت له ، إرتسمت على محيّاه شبه إبتسامه لكنها تلاشت بسرعة وقال بهدوء : كان يهمّ ويقتل ، صار ما يهم
لإنك رجعتي و.. صار اللي أبيه
زادت حالتها سوء وسمع شهقتها اللي من عمق صدرها طلعت
رفع راسها له وركّز بعيونها وشاف سيل من الدموع ، بهتت مـلامحه
وحسّ بالنار تشتعل بصدره من جديد وقال بقوّة : وش صـار!
ورد بصوت باكي : بـتال، راح يشتكي عليك ،و. راح يحكمون عليك بـ..
قاطعها : كيف عـرف ؟
ورد : كان بيقرب لي و. اعترفت له قبـ.
سكتت ، ماقدرت تكمّل وغطت وجهها وإنهارت باكية
أمــا سند كبرت إبتسامته وتوسّدت ملامحه براحة عجيبة
رفع ايدينه وحطهم على أكتافها وقال بصوته الطبيعي
اللي اشتاقت له ورد : ورد !
ناظرت فيه وكمّل بكلّ حب ولهفـه : أنا ماقربّت لك ، خفت الله فيك
لكن أوهمتك بذلك لإني كنت متأكد انك بتمنعينه قبل يقرب لك
وبتقولين له نفس الكذبة اللي كذبتها عليك
والكشف راح يثبت برائـتنا
ويخسي اللي يشكّك بتربيتك وشرفك
ماكان بتّال أذكى مني ، ولا كانت نوف الفـائزة بهالمعركـة ..
هم اللي خسروا ياوَرد ، وأنا اللي أنتصرت ورفعت بيرق حبّـنا
•
•
البارت 120❤❤❤.
كل الصِعاب كانت رفيقة لي
ضمّتني بإتجاهها حتى عثرت عليك ، فـسعِدت
صادفتُ الحياة أول مرة حينما نظرت إليّ
وبدأت أعيشها حينما أخبرتني أنك تحبّني
صفحت عن الحزن، وأملتُ جانبي للفرح
أصبح للحياةِ نغم ، وموسيقى دائمة
لاتتوقّـف
تبدأ من صوتك
ولا تنتـهي
عندما وجدتُك، وجدتني !
