انقذني من انتقامي

بارت 2

أّنِقِذّيِّنِيّ_مَنِ_أّنِتّقِأّمَيِّ
#بِقِلَمَ أّوِتّأّر حٌزِّيِّنِهِ
#أّلَجِزِّء أّلَثّأّنِيِّ
،،،،،،،،،،،،،،،،،،،،،،،،،،،،،،،،،،،،،،،،،
،،،،،،،،،،،،،،،،،،،،،،،،،،،،،،،،،،،،،،،،،،،،
،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،
لم يكن ذنبي،، سوى اني كنت
امرأه،،،،،خلقت وامرها،، ليس
في يدها بل في يد ،،،من كان
اقوى منها،،،،،،،،ضعيفه كنت
ومسلوبه الاراده،،،،،
في مجتمع شرقيا بأمتياز
لم اختر،،،،،،،،زوجي ولم اعش،،،،
قصه حب كغيري،،،،لم اخرج
كعروسه من بيتي،،،،،،،بل كنت
سبيه انتزعت من حظن امها
بقوه وقسوه،، الاعراف العشائريه
وبذنب،،،، لم اقترفه
ولاذنب لي فيه،،،،
بل كان ،،،،،،،
ذنب،،،،، من اذنب
وانا ،،،،،،،حواء دفعت الثمن
وطيش ادم،،،،، هو
من جعلني اسيره،،
عرف ،،،،، بعيد عن ماسنه
الله ونبيه،،،عرف وتقليد
جاهلي
اسمه،،،،،،الفصليه
،،،،،،،،
بغداد الساعه 10،،،،،،صباحا بمكان
اسمه العلوه
انكتبت،،، قصه،،،راح تروح
بيها روحين.،،،، روح
سكنت القبر،،،،،وانتهت قصتها
وروح راح تروح للذل،،،،
والمهانه،،،،،،وراح تبدي قصتها
تحت،،، مسمى
الفصليه،،،،،،
« وخر منا خلي افرغ الحمل
« چا ماتفرغه قابل اني واكف
بطريقك
« عجل منو واكف بطريقي
ابويه وخر شويه
ولاتظل تحجي زايد ،،
راضي ماوخر والي اسمه محمد
دفعه،،،
« دوخر يول شبيك انته لزكت خوما
لزكت
راضي لزمه،،،من دشاشته
وجره علي وصاح بي
« لاتدفع ولك،،،تره اسحلك هنا
« يابه استهدوا بالرحمن ،،
راضي عوف الولد،،،،،
واحد صاح براضي،،،،وجره من
محمد الي صاح بي
« ولك المن تسحل،،،، شروكي ابن
الشروگي ،،،،تعال اذا بيك خير
والله اذبحك هنا بمكانك
واليطلع وراك ،،،،هم
الكلمه جانت كافيه،،،لراضي،،،حتى
يتخبل،،،،ويدون شعور طلع سجينته
بسرعه وخلها بقلب محمد،،،
من تقدم علي،،،
لحظه الشيطان
تدخل بيها وخله راضي
يتصرف تصرف راح
غيره يدفع ثمنه
وشعور الذنب،،،،،، راح
يظل يلاحگه
مثل الظل الثگيل والاسود طول
عمره ،،،،
اليقتل نفس يخسر جزء من روحه وانسانيته،،،،ويظل طول عمره
يريد الراحه ومايلكيها،،،،،
والراحه ،،،،،انفقدت بيت تعبان
من طب لبيته وهو يصيح
وينوح
« اويلي يابوويه،،،ولج فطم وينج
الحكي عليه راح راضي ولجن
وليدج راح،،
طلعت اركض اني وامي
من الغرفه، ،،،،،،ووراي خواتي
« تعبان، ،،شبيك تصيح وشبي
ابني
ابو راضي كعد،،،بالكاع وكام يضرب
على راسه بقوه،،وجاوب مرته
« ولج راضي،،چتل واحد بالعلوه
وموته،،،ولكم الزلمه
مات بگاعه،،
مرته بس سمعت وكعت بالكاع
وكامت تلطم ،،،
« يمه عزا العزاج فطم تعبان صدگ
تحجي
انصدمنا كلنا من سمعنا هذا الخبر
وجسمي كله كزبر،،،،وكمت اردد
واني ابجي واهز براسي
«جذب راضي،،،،مايكتل احد
« ايي ولج ايي،، چتله ومات،،
وشالوا لا ايد ولا رجل،،،
« يبوووو ابني راح،،،،
ولكم ابني راح يعدوموا،،،،
صياح ام راضي طبت النسوان من جيرانهم ،،،
وسهامه لزمت ام راضي الي ملخت روحها ورجلها حجه وي تعبان
« ابو راضي خيرك شصاير،،
مجاوبه وظل يدك على رجلي،،،،
ويحجي كلام مخربط،،،
« ابو راضي شبيك استهدي
بالرحمن وفهمنا شصار
تعبان بلع ريكه اليابس وصفن بوجه
ابو قحطان الكعد كباله وجاوبه
وهو يمسح بوجهه باليشماغ
« ابو قحطان،،،، ابني راضي،،،
تعارك،،وي واحد، ،،،،بالعلوه
وذاك غلط علي و،،،وهو رده،،
وتلازموا،، وراضي ضربه بسجين
بافاده،،،
تعبان سكت وكام يضرب على راسه
وكمل بقهر،، وهو يبجي،
«ولكم بعيني شفته للزلم
وكع ،،،،،،،،،لا ايد ولا رجل مات
خلص الزلمه،،،،يابوويه وابني
راح ينعدم
ابو راضي،،،، حجه هيج وانهار
من وره المصيبه الجابها ابنه
اله،،،،،
« اااخ يمه،،،، ولك لييش تصخمت
وتعزيت ياراضي،،،،
راح تنعدم،،،،يبووووو
امه تخبلت وظلت تلطم على
وجهها
وسهامه لزمتها وهي صافنه
بذهول على رجلها الي كام يصفك
ايد بأيد
،،،،،،،،،،
بمنطقه بالغربيه،،،،،،،،
ام حقي جانت تفتر،،،بالحوش،،،
وكل ساع تطلع وتباوع للشارع،،،،
« ولج علاهن عبالك محمد تاخر
برجعته من بغداد
« ماادري يمه،،،يجوز
مر للسوگ،،،حتى يتسوگ النا،،
ام حقي كعدت وهي لازمه قلبها
وحجت بقلق
« ولج اشو قلبي يوجعني
من كعدت الفجر،،،اني هيج
ومااعرف ليش احس بروحي
مخنوگه،،،اخاف اخوج صار
بي شي
حجت هيج ولزمت قلبها
وبنتها جاوبتها
« يمه تعوذي من الشيطان هسه
يرجع،، لايظل بالج
علاهن حجت هيج،،،وعافت امها
كاعده بمكانها،،، وطبت جوه
بغير مكان،،،،،وبغداد
جان ابنها الجبير حقي كاعد بمكتبه،،،،،،،،،ويحجي
وي ضابط صديقه،،،، ويضحك
وفجأه دك الخط الارضي،،
شاله وكال
« الو
« ابو زياد الحك علي
اخوك انكتل ولك محمد انكتل
ومات،،،،،
كمت من مكاني،،،،،،
وجسمي كله كزبر من السمعته
وصفنت على
صديقي وحجيت واني مذهول
« ولك رياض،،، هذا يكول اخويه
انكتل
حجه هيج،،، وجبار كمل
« تعال ابو زياد لمستشفى، ،،
اخوك. انتهى مات
« ولك انته صدك تحجي
صحت باعصاب ترجف،،،واني
مو مصدگ الحجي
« ايي حقي،،،،،،، مات اخوك
اويلي عليك يابه،،،،،
محمدد
جبار،،،صديق محمد
صرخ ،،،،،وانهار بالبجي
« يايبه،،،ولك محمد
اخوويه ،، ولكم وينكم،،،
تعالوا عليه،،،،،،ولك ساجد،،،حميد
الحكوا اخوكم مات ولكم
اخونا،،، انگتل
حقي كام يصيح،،،،،،،،وطلع
يركض
ووراه صديقه،،،،،،،،
وبيتهم. بالغربيه بس،،،،وصل الخبر
وامه سمعت تخبلت،، وشكت
ثوبها، ،،وكانت تلطم
« يممه وليدي،،، راح ولكم
طلع واني قلبي حاس بعد
مااشوفه،،،،،،،
اووويلي يمه وليدي
مات،،،
امه وخواته ،،،،،تخبلن
وابوه كام يصيح بولده
وهو فاقد
« جيبوا،،،ولكم روحو جيبو اخوكم
واكتلوا گتاله،،،ولكم انتو مو زلم اذا
ماتاخذون حق اخوكم بأيدكم،،
الخبر طش،،،،
واقربائهم،،،،،التموا يمهم،،،
وساجد طلع هو وحميد وولد عمهم ،،،،،،،،،،لبغداد،،،
وهناك عرفوا شصار من جبار
وراحوا استلموا
اخوهم،،،،،،من الطب العدلي
وبس شافوا انهاروا وكاموا يبوسون
بي ويبجون،،،وهم وولد عمامهم
وحقي فقد وكام يصيح
« الثار ولكم
الدم بالدم،،،،،،،ولكم كتاله لازم
يموت ،،،،،،،،ومايظل طيب
صياحهم هز المستشفى هز
وجان جايين وي حقي ضباط
اصدقائه
وواحد منهم حجه ويا
« ابو زياد اهدأ واخذ اخوك
لديرتكم،،،،،،، اكرام الميت دفنه،،،،
واحنا راح نرفعه محكمه للگتل
اخوك
حقي حجه بحقد وبعيون حمره
من الغضب والبجي،،
« الدم بالدم لا محكمه
ولا غير شي ،،،الگتل اخويه
نگتله،،،
صديقه سكت،،،،
وحقي اخذ،،،،اخوه بتابوت وطلع
بي لديرتهم،،،،
وهناك وبس وصلوا العصر،،،،
امه تلكته،،،،،،،وهي شاكه ثوبها
وخواته ،،
وياها،،،،
« ولكم جبتوا،،، لاخوكم
ميت مووو ،،،ولكم جبتوا محمد
بتابوت،،،،،،،،،،، يمممه ولك يمممه
ردت افرح بيك،،،،،ردت ازفك
واشوف ولدك،،،وهاي تاليها
راح ازفك للگبر،،،بأيدي،،،
يبووووو
حجت هيج وذبت
روحها على التابوت من خلوا بالكاع،،،،، وابوه وياها الي كام يصيح
بصوت مخنوك،،،
« يا يابه يامحمد، ،،،كسرت ظهري
ولك يابه،،،حركت افادي،،،،
« ولك يمه يالحنيين،،،ماطلعت
الا بستني من راسي وانته تضحك
كووم يبوو ضحكه الحلوه
كووم المووت مو الك،،،،،
رحت طيب يبعد امك وتمشي
على رجليك ورجعتلي بتابوت
يبووووو،،،،، تصخمتي وتعزيتي
يا جسومه،،،،راح تدفنين
وليدج بالتراب
حجت هيج ونامت على گبر ابنها
وهي تعدد وتبجي
،،،،،
محمد اندفن،،،،،
واخوته بعد ماكملوا،،،
عزاه ماقبلوا بالفصل من عشيره
راضي،،،،،وصمموا الدم بالدم،،،
شهر وراضي، ،،بالسجن،،،،
وحقي مايقبل يطلعه،،،،والا ينكتل
بدال اخوه،،،،،، وبيت
تعبان ابو راضي، ،امه كعدت
تنوح وتبجي،،،وابو
كاعد اكبالها،،،وهو يحجي بهم
وقهر
« هاي الرادها ابنج،،،ذلني
تالي عمري وخله العشيره تلم الي
فلوس حتى اطلعه من هاي البلوه الذب روحه بيها واحنا ويا،،،،،
«اووف يمه راضي
شسويت بينا ذليتنا لليسوه
والمايسوه،،،،ولك ليش
هيج،،سويت
تگتل بشر ولك چم
مره اكولك يمه
امشي بصف الحايط الدنيا
ماتتأمن
ولك يمه احنا ضعيفين حال
وماعدنا سند،،،،هاي تالي حجي وياك
تروح تگتل زلمه،،،وتنام بالسجن
جنت كاعده بالطرمه،،،،اني وخواتي
واباوع لامي شلون ملخت
وجهها من القهر
وابويه بشيبته يبجي وينوح وياها
واخويه مرتضى وعلي،،،يفترون
يمهم ،،،،
« وهسه شلون انعوف
اخويه ينعدم،،،
امي شهكت ولطمت حلگها،،،،،وابويه
مسح وجهه وكام وجاوب اخويه
مرتضى
« ماادري ولكم ماأدري،،،هذا اخوه
بالامن العام،،،،،،،،وقافل الا يعدمه
وشكد راحوا عليه شيوخ وناس
عرف ماقبل،،،،،واني خايف
عليكم منه،،،،،
« حلها تعبان،،،،،اني مااعرف اريد
ابني يطلع،،،
« يابه خابر هذا اللواء،،ابن عمك
بلكي هو يحجي ويا
ويقبلون بالفصل،،،،
وبعد ،،،،،،ماتدخلت عشاير جبيره
من الطرفين واللواء شوكت
گرايب تعبان ،،،،فصلوا بفلوس
ومره ،،،،،وام راضي
بس ،،،،،،،،،سمعت تخبلت وكامت
تصيح
وتضرب على وجهها،،
« تعبان،،،،، شلون ترضى بنتك تروح
فصليه الهم،،،،ولكم راحوا يذلوها
راح تموت،،،، هناك واحنا مانكدر
نوصلها ولا نسال عليها،،،،
« فهمني شسوي هااا شهر واني
اودي،،،،،،، عليهم ناس حتى يقبلون
بالفصل ،،،،،،،،وهم مايقبلون
الا ابنج ينذبح
والا تدخل گرايب ابويه وويا
عشاير جبيره،،
يله فضوها بكومه فلوس ومره
« اويلي عليك ،،،،راضي شسويت
بينا ولك اختك راح تروح للذل
من وراك
ام راضي حجت هيج
وكامت تملخ بروحها ،،،،وولده
علي ومرتضى،،،ظلوا
يحجون على اخوهم الجبير
« بوويه لاتطلعون،،،الما نفصل
انه ماامن اخاف ذوله،،،يفتر راسهم
ويذبحون واحد منكم،،،
ظلوا بالبيت الما اودي كوثر
والفلوس،،،، وتنسد هاي
السالفه
ولده سكتوا ،،،،،وباعوا لاختهم
من طبت وسمعت
الحجي
« يابه،،،،،،،وين توديني
والمن،،،
ابوها سكت،،،وامها جاوبتها
« ولج خايبه ابوج انطاج فصليه
لاهل الي كتل اخوج ابنهم
صفنت على امي وسالتها
« شنوو فصليه ،،،
امها من سمعتها سالتها،،كامت
تضرب على وجهها وتبجي
« ولك بنتي صغيره توها
صارت ب 16
وماتفتهم ،،،،،شلون راح تزوج
وتروح يم ناس ابني كتل ابنهم
ولكم شراح يصير بيها
هناك،،،،يايمه اشك ثوبي
ام راضي لزمت ثوبها تريد تشگه
وولدها لزموها ،،والدموع
بعيونهم
« اني اتزوج لييش اني بعدني
صغيره ،،،
ابوها،، ماتحمل وطلع،،،،وخلاها
صافنه عليهم،،،
،،،،،،،
جنت ،،،،مااعرف
شنووو فصليه
ولا اعرف تقاليد العشاير، ،،،
صح احنا من الجنوب،،،،،،،بس
جدي اجه من زمان وسكن
بغداد،،،،وابويه ولد بيها
وتزوج امي
وهي بنت بغداد بس هم من
الجنوب
وولدنا كلنا،،،هنا،،،،
امي كعدت وعلمتني
شنووو الفصليه
وبس عرفت شننو هي
واني وين راح اروح تخبلت
وكمت ابجي واتوسل بيها
واني لازمه دشادشتها
« يمه الله يخليج،،،لاتخلين ابويه
يوافق اني،، بعدني صغيره
وكلشي مااعرف،،،،واخاف
من الزواج
حجيت هيج وكمت اشهك
مثل الجهال ،،،،
« ولج شبيدي عليج،،،اخوج
راح ينذبح اذا مارحتي انتي
والفلوس الهم،،،،وهذا
اخوه الجبير عاند الا يگتله
ولوما الشيوخ تكف،،،
وتحجي ويا جان اخوج ذبحوا،،
« يمه راح يأذوني لان اخويه كتل
ابنهم،،،راح يضربوني
ويكرهوني،،اني اعرف،،،
امها سكتت وهي تبجي وتضرب
على رجليها ،،،،
وكوثر ظلت تتوسل بيها.
وهي تبجي،،،،
ماتخليهم ياخذوها
بس توسلاتها ،،،،،ضاعت من اجوي
المشايه ،،،،،واخذتها هي والديه
وابوها وعمامها،،،،،،لديره اهل
محمد ،،،
وامها كعدت بالباب، ،،
وكامت تملخ
بروحها من وره بنتها،،الي لزمتها
بقوه وماتريد تروح،،،،
« ولك راضي هاي الردتها اختك
تروح فصليه،،،،،،ولكم بنتي
راحت للذل والمهانه،،ولج يمه
كوثر حرگتي قلبي،،،،
« ام راضي كومي،،،واستهدي
بالرحمن ،،،
سهامه حجت وياها وهي
تبجي بحركه
على كوثر،، ونسوان جيرانهم
اجني وكومن امها وهي تصيح
« كوثر يمه ماشفتج عروس،،،
اخوج ذبحج،،،ولكم ذبحتوا بنتي
وهي صغيره،،،اويلي عليك
تعبان شلون قبلت ولك
بنتي راح تموت هناك،،،
،،،،،
والموت مااجاني،،،،،،واجاني الذل
والمهانه،،،،ومن اول يوم
وصلت ونزلت
اني ودموعي،،،وشفتهم،،،واكفين
ويباوعون علينا بحقد،،،،،،
نظراتهم خلتني،،،اختل وره ابويه
الي لزمني وكال
« لاتخافين بنتي، ،،،،،ذوله
صاروا اهلج،،،،،
كلمه ماصدكتها،،،لان الشفته
بعيونهم،،،خلتني اعرف واني بعمر
صغير حياتي،،،وياهم
عذاب بعذاب
« تفضل شيخ،،،زامل
صوت قوي،، خلاني اباوع اله
وشفت واحد لابس زي زيتوني
وخال مسدس بصفحته،،،،
والي كمل، ،،،وي واحد طويل
وضخم
« يله ساجد ،،،،، امشي خلي الشيخ
يعقد الك على بنتهم
ساجد باوع لاخو وظل واكف بمكانه
وحقي اجه ولزمه من ايده وخوزره
وحجه وهو جاز على سنونه
« امشي خلي نعقدلك عليها
هو ماحجه شي ودنك راسه ومشى
كدام اخوه واني
لزمت ابويه بقوه وكمت ابجي
وحجيت بتوسل،،
« يابه عفيه مااريد اروح رجعني
لبيتنا اني خايفه،،،،
« امشي بنتي ولاتخافين،،،
كلمه ابويه،،،حانت بصوت يرجف
وخلتني اخاف بعد اكثر ،،
مشيت وره ابويه الي جان ظهره
محدب من القهر وطبيت
لغرفه جبيره،،،،
وهناك،،،،،،،،الشيخ عقد الي
على ساجد،،،اخو محمد
الي كتله
اخويه،،،،،
بس كمل ابويه كام هو وعمامي
والشيخ زامل حجه
« ابو حقي البنت صارت بنتكم
واحنا راح نعوفها،،،،وياريت،،،
محد يأذيها عبنها مالها
ذنب بالصار
هو حجه هيج واني گلبي هبط
وواحد جاوبه عرفته بعدين
اسمه حميد اخوهم
«شيخ زامل محد راح يأذيها
« الله يبارك بيك ،،،،،وهاي
المرجيه منكم،،،،
واحنا هسه لازم نترخص،،،لان
ورانا طريق،،
« يابه،،،،،لاتروح
حجيت بخووف وصوت
واحد جبير اكبر من ابويه صاح
« ساجد اخذها ،،،لهاي لغرفتك
ماسماني،،،ويمكن. حتى
مايعرفون
اسمي،،،،،،،
رفعت راسي،،،للي اسمه ساجد
وهو خوزرني،،،وحجه بعصبيه
« امشي،،،چدامي
باوعت لابويه،،،بخوف،،،ولزمته
وهو مسح وجهه وكال
« استغفر الله يارب،،،،روحي
يابه،،،امنتج بايد الله،،،
غصه ابويه خلتني،، اشهك
بالبجي وظليت اباوع علي شلون
مشه وهو يمسح بدموعه
ظليت بمكاني ابجي
وعيوني على ابويه الي تمنيت
من كل قلبي يندار،،،ويكول
« تعالي بنتي انتي مراح تظلين
هنا
امنيه طارت من شفته راح
واجتي وحده سمينه جرتني من
عباتي وحجت
« تعالي وراي وكافي تعوين،،،،
اخوي المات مو اخوج
صفنت عليها من حجت
ودنكت راسي بسرعه من شفت
نظراتها الحاقده
ومشيت وراها من مشت،،،،،وطبيت
وراها لغرفه بيها اخشاب،،،
مال عروس،،،،،،
واني موو عروس،،،،
صفنت عليها ودمعتي بعيوني،،،
وهي راحت للكنتور طلعت دشاشه،،
سوده وشمرتها عليه،،
« هاج البسي هاي،،،ولاتنزعيها
ابد،،،،جايتنا،،،،،،، بثوب ملون
بنت الفگر،،،واخوج گاتل اخويه
وسكنه الگبور،،،
سكتت وبلعت غصتي،،،وهي
صاحت بي ،،،
« البسيها ولللج،،،شنوو طرشه
ماتسمعين ،،،،،
« ايي هسه
جاوبتها بخوف وهي
عافتني،،،،وركعت الباب وراها
بقوه،،،،،،من طلعت
،،،،،،
صفنت للحظات على الباب
واني احس بوجع بمعدتي،،،،،من
الخوف والتوتر
والقلق ،،،،
ومشيت بتعب،،،،ورحت
كعدت على الجربايه،،،،وعيوني
مانشف دمعهن،،،وظليت صافنه
على الغرفه،،،،
وشفتها ضباب،،،وشي مو مفهوم
من وره القهر الي بقلبي،،،،،
خوف ورعب
تلبس بيه وظليت اباوع
على الباب واكول
وي روحي،،،،هسه يجوون ويكتلوني
مثل ما راضي گتل ابنهم،،،
دقائق،،،مرت واني احس ملك الموت
يفتر يمي،،،،،وروحي من
الخنكه والبجي
حسيتها صعدت لزردومي،،،
وكمت مااكدر ابلع،،،،
ريگي يبس،،،،من العطش والبجي،
ووجهي حسيته كام يحركني،،،من وره الدموع الي يبست بوجهي،،،
جنت اغمض عيوني بقوه، ،،واني اردد
وي نفسي
« كوثر هذا حلم وهسه تكعدين منه
جنت احجي هيج وافتح عيوني وره لحظه واني عندي امل
الكي نفسي بغير هذا المكان،،،بس
احلامي جانت تتطشر
مثل حبات المطر من تكع على
الكاع بقوه
من اشوف نفسي
بعدني بنفس المكان ،،الي
حسيت سجن وگبر،،،اظلم
دقائق،،،طويله مرت
من شفت
محد اجه
كمت بدلت دشاشتي بسرعه
ورحت،،،،،،،،،خليت الجنطه مالتي
بالكنتور،،،،،،،،هي والهدوم البيها
لان،،،،،،،،،،،،،، جان عندي امل ارجع
لاهلي،،،وكمت افتر بالغرفه
واني خايفه،،،
وكل ساع امسح دموعي، ،،،
الي مانشفت،،،،،
وكفت من سمعت
هوسه وصياح،،
ورحت للباب وفتحته شويه،،
« يعني شلون احركها لروحي،،،،
حتى اخلص منكم،،،كتلكم اني
ماعليه ومااعقد عليها ليش
خليتوها براسي
هاااا
« ساجد اني متزوج وحميد عاقد
وماكو غيرك ياخذها،،،،،
« حقي انته تدري بي اني احب
بنت خالي ورايدها،،،،وحتى اشتريت
الاخشاب وجهزت روحي حتى
اخطبها بس ،،،
ساجد سكت وكام يضرب
على راسه
« ساجد كافي ،،،،،،واني ومن
هذا الشارب وره فتره ازوجك بنت
خالي محمود ،،
« خالي مراح يقبل اني
اعرفه،،،كلش زين،،،
« مو بكيفه،،،اني احجي ويا
صوت الي اسمه حقي وشكله والي سمعته من ابويه علي خلاني
اكره،،،لان شفته انسان
شايف روحه
وقاسي،،،وصدگ الايام ثبتت
هذا الشي،،،،،،،
ظليت بالغرفه،،،وحدي،،،
والافكار مخربطه براسي
جنت صغيره،،،،ومااعرف
شلون اتصرف
جنت اريد احد ياخذ بايدي
ويعلمني ،،،شلون اكدر امشي
حياتي وياهم،،،،،
مسحت دموعي وحنيت لامي،،،
وحظنها
حنيت لبيتنا،،،،،،،،وكلشي بي
ساعه،،،،وهم يصيحون ويجادلون
وفجأه
انفتح الباب وطب
الي،،،،،عقد عليه
كمت بفزه من شفت وجهه،،،
وعيونه،،،جان الشر يطفر منهن
ومبين علي،،،عصبي
شكله خلاني احجي بسرعه
وخوف
« عفيه لاتأذيني والله اني
معليه،،،،،
ماحجه شي وتقدم بسرعه
وضربني،، راجدي من قوته وكعت
بالكاع
« كومي بنت الكلب،،،،انعل ابوج
لا ابو اصلج الخره،،،
حجه هيج وجرني،،،من ربطتي
ووياها شعري،،،،،
لزمت ايده وكمت اتوسل بي
« عوفني الله يخليك،،،لاتاذيني
بروح اخوك،،،
اني جبت طاري اخوه لو تخبل
لطمني بايده
على حلكي وخشمي
بقوه وخله الدم،،،يفلت منهن،،
جنت اريد واحد يفكني
منه بس العكس صار من
اجتي مره جبيره بالعمر ووياها
بنات اثنيين ضخمات ،،،،،،
والجبيره كامت تلطم وتحجي
« ولك حقي
ماگتلته،،،لگتال اخوك ورضيت بمره ،،سكتوكم بمره
وفلوس واخوكم دم راح ،،،،
وجبتوها لهاي،،،،،،بيتي حتى تحرك
دمي،،،،،،
حجت هيج ،،،،وكامت،،، تلطم
علي صدرها بقوه
والوياها لزمني وكامن يكفخن بيه
وابنها وياهن،،،من حلاه روحي
لميت جسمي ،،،مثل الجاهل
وكمت اصيح
« عووفوني والله اني مالي ذنب
ولج يمه يابه الحكوني
صياحهن وعياطهن ،،،مله البيت
وصوت. قوي،،،،،صاح بيهن
ووخرهم مني،،،
« ساااجد،،،،ولج سعديه حياه
ووخرن منها لا اطيح
حظجن
سمعت صوت الضابط،،،وهن
من صيحه وحده وخرن،،،،
عدلت روحي،،،ووزحفت بعيد
عنهم واني امسح بالدم،،،وابجي
واشهك،،،وهو كوم امه
الي كامت تدك على صدره
وتبجي
« ولك ،،،،،،،،كلت انته تاخذ
حگ ،،،،،،اخوك من الگتله عفت
الكل وكلت وليدي الضابط
راح يبرد ناري،،،،،،،،،ونار ابوو
بس انته مابردتها للنار،،،ورضيت
بفلوس وبهايه البومه،،،بدل
اخوك الغالي ،،،
« يمه الله يخليج،،،كافي
تره گلبي خلص،،،
« واني گلبي مات ومو راضيه عليك
الا تگتله للكتل اخوك
حجت هيج ،،،واني
زحفت ليوره بعد اكثر،،،،
واني
خاله ايدي على خشمي اليفلت دم،،،
وابجي،،،، وحقي من باوع عليه
شفت. بعيونه بيهن نار
وحقد،،،اسود
ظلام،،،لفني بي،،،،وخلاني ادنك
واني خايفه،،،،منه ومن الجاي ،،،
،،،،،،،
يِّتّبِعٌ