انقذني من انتقامي

بارت 5

#أّنِقِذّيِّنِيِّ_مَنِ_أّنِتّقِأّمَيِّ
#بِقِلَمَ أّوِتّأّر حٌزِّيِّنِهِ
#أّلَجِزِّء أّلَخَأّمََّس،،،،
،،،،،،،،،،،،،،،،،،،،،،،،،،،،،،،،،،،،،،
،،،،،،،،،،،،،،،،،،،،،،،،،،،،،،،،،،،،،،،،،،،
،،،،،،،،،،،،،،،،،،،،،،،،،،،،،،،،،،،،،،،،،،،،،،،،
الاشهر مشت بي واني نفس وضعي وماتغير شي
ومن صرت بالسابع،،،،،،، سمعنا
مرت حقي حامل،،،،،،،
فرحه عمتي من كامت وحظنتها
وهي تصلي على النبي خلتني
اسال نفسي
« زين ليش هلتفرقه،،،مو
هذا ابن ابنج والي بطني هم
ابن ابنج
تفرقه جنت اشوفها،،،بين حقي
واخوته وجان عنده امتياز
هو ومرته وولده يم امه وابوو
وكل گرايبهم،،،،
وساجد واخوته جانوا يشوفون،،
ويعرفون بس محد جان يكدر
يحجي ويا لان،،،
جان گوي،،،،،،،وقاسي
وابو لسان
والي يوكف بوجهه يضربه،،،،،
وجان الكل على كولتهم يجفون
شره ،،،،
اني بي طبع من يجي هو ومرته
مااختلط بيهم ولا اكعد يمهم،،
اكمل شغلي واروح لغرفتي
بيوم من جانوا يمنا،،،،،
كملت شغلي وطبيت لغرفتي،،
وكعدت اخيط ثوب لابني،،،
علاهن فصلته لان تعرف،،،
ساعه،،،،وطب ساجد،،
« الله يساعدك،،،
سلمت علي،، ووسكتت من شفت
وجهه متغير،،،،وسالته
« شبيك ساجد
« انتي ،،،،،ليش ماتكعدين وي
سحر مرت حقي،،،من تجي
علينا
« ساجد انته تعرف اخوك مايطيق يشوفني شلون اروح اكعد وياهم
جاوبته وهو اجه بسرعه ولزمني
من شعري وجرني عليه
« غبيه انتي دكولج،،،اكعدي وي
سحر مو وي اخويه
« عوفني شبيك مو انته تعرف
الوضعيه
امك هم ،،،،،ماتطيق اكعد وياها
كم مره اروح ،،،،،، اكعد يمهن
وادكوميني،،بحجج،،،تافهه
حجيت هيج وهو استلمني
كفخات
« بنت القندره انعل ابوج لا ابو
اصلج الخره،،،صايره تجاوبين
وتوكفين بعيني،،،
« ساجد عوفني،، شبيك انته
تخبلت
اني حجيت هيج،،،،وهو تخبل
وزاد بضربه وغلطه وفشاره عليه
صياحه وعياطي،،،،خله حميد
وعلاهن يجون بسرعه
« ولك وخر منها شبيك انته
تخبلت البنيه حامل راح يصير بيها
شي،،،من وره ضربك
حميد جرني منه،،،،،،هو وعلاهن
واني من حلاه روحي،،،،،،وقهري
صحت بي
« حسبي الله عليك،،، لا اني
عازله روحي راضين ولا اني كاعده
وياكم راضين،،،،،،،،،شسويلكم
اكتلها لروحي حتى تخلصون
مني
حجيت هيج وهو هجم عليه،،
ودفع حميد من وكف كدامه،،،،
وضربني برجلي،،،،،،،على فخذي
قوه ضربته دفعتني،،،على
الحايط،،،وبحافته انضربت كصتي
وانشكت ،،،رأسن وكعت بالكاع
وروحي. فرفحت من
الوجع ،،،،وكمت اشهك بصوت
قوي،،،،وعيوني مفتوحه بقوه
«ولك هاي شسويت من الله
لاينطيك،،،
حميد صاح بي وعلاهن كامت
تعيط هي وسعديه ،،،،،،،،
من شافن الدم نزل على
وجهي،،،،،،،
« وجع وسم كافي تعيطن،،
حقي اجه ،،،،،
ومرته من رادت تجي عليه
وخرها وصاح
بيها
« انتي معليج بيها
« حقي خطيه شوف الدم خاف
صار بيها شي
« كتلج لاتتدخلين اخذي امي
وروحن للهول،،
سحر مشت هي وام حقي الما
حجت شي،،،،،،،، ورجعن للهول
وحميد دفع ساجد،،،،وهو
يغلط علي
« وخر طايح الحظ،،،،،،مرتك
حامل شلون تسوي بيها هيج
« تستاهل لان مااحترمته،،،
حميد مارد على حقي من جاوبه
واجه عليه،،،وكومني،،،،
« كومي خيه،،،علاهن اخذيها
للمغسله خلي تغسل،،،،،،،،وجهها
وشوفي،،،،،،، الجرح اذا غميج،،
حتى انوديها للمستشفى
يخيطوه
مشيت كوه وي علاهن وسعديه،،
وساجد،،،طلع وعافني،،،
بدمي،،،،
ماقبلت اروح للمستشفى
رغم الحاح
حميد،،،ومرته الي جانت حبابه
كلش وفقيره،،،
وظليت بغرفه،،،علاهن ابجي وهي
وسهى مرت حميد يسكتن بيه،،،
« ولج كافي راح يصير بيج شي
« خلي يصير علاهن،،،اني اريد
اموت حتى اخلص،،،منه ومن ظلمه
جاوبتها واني اشهك،،،ومرت حميد
حجت
« كوثر،،،،لخاطر الي بطنج
اسكتي
ماسكتت وشهاكتي خنكتني خنك
ووره دقائق انفتح باب،،،وطب
ساجد وكال
« كوومي لغرفتج،،،
عضيت شفتي بقهر،،،، وماكمت
وعلاهن حجت
« كوومي كوثر وي ساجد ،،،،
كمت واني ساكته لان اعرف
اذا ماكمت راح اسمع حجي يسمني
بعد اكثر،،،ويجوز هم ياذيني
« ساجد على كيفك وياها البنيه
حامل خاف يصير بيها شي
سهى حجت ويا بهدؤ
وهو مجاوبها
مشيت للغرفتي وطبيت،،،
وهو اجه
وراي طب وسد الباب ووكف
وباوع عليه،،،،
شهكتي الكاتمتها طلعت،،،وانهاريت
بالبجي،،،،وهو صاح
« كافي لخاطر الله وبعد
لاتوكفين بوجهي وتجاوبيني من
تشوفيني عصبي
سكتت وظليت ابجي بحركه قلب
وجاوبته هناك بظلمه روحي،،،
وضياعها،،،
« انته بكل الاحوال
تمد ايدك عليه،،،،، وتفرغ
ضوجتك بيه،،،وخصوصا من
يجون بيت اخووك الجبير
حاله،،،، لاحظتها الكل جان
يتوتر من يجي حقي
الي جنت احسه
يبث طاقه سلبيه بالبيت
ويخلي اكثر من مشكله تصير،،
حميد مجان ياذي مرته،،،وجان يحبها ومحترمها كلش،،،،،،وسعديه
تزوجت،،،،، وره بفتره وخلصنا
من شرها اني وعلاهن،،،،،،،الي
انخطبت وره فتره
لابن عمها الجبير،،،
حال ساجد ظل نفسه
يوم زين وعشره
مو زين،،،،،،عصبيته جانت مالها
حدود
وبيوم اكتشفنا هو بده يشرب
من كثرت روحاته لبغداد،،،
وكام يبات هناك يوم ويوميين
وبعدين يرجع،،،
جنت اسمعه يكول لابوه شغل،،،
بس من
طبيت بالتاسع،،، كبت العيطه،،،
بيتهم،،،،بين الحجي وساجد،،،
جانت الساعه بالوحده،،،،
كمت على صياح ابوهم،،فتحت
الباب وطلعت وشفت علاهن
وسهى واكفات،،،،،،
« ولك ساجد هاي تاليها تجذب عليه
وادكول شغل ببغداد ،،،،،،،
وانته كاضيها هناك شرب وكحاااا،،،
« يابه جذب منوو كلك
« ولك تجذب عليه وهاي ريحتك
واصله لباب الحوش ،،،،
ولك ابن،،،صالح من كلي ماصدگته
ورزلته لان جابلي هاي السالفه
وكتله ولدي مايسوها،،،
وتالي طلعت صدگ
«،يابه على كيفك،،،،
« ولك حميد،، اخوك صارله
فتره يشرب
واحنا ماندري،،،ولك طلعت روحاته
لبغداد،،،،، كله علمود
النسوان،،،،والشرب
«استغفر الله يارب،،،
حميد حجه هيج،،،وباوع لاخوه
الي كعد
وهو مو داير بال للحجي،،وحجه
ويا بضوجه
« ساجد لخاطر الله
لييش هيج دسويي،،،
« يمه عل بختك،،،عوفه هذا مو
ثوبنا،،،،
ساجد مدار بال لحجي اهله وكام
من يمهم،،،
من شفته اجه رحت للمطبخ واني مصدومه،،،من السمعته
وابوه كام يصيح،،،،
« وروح محمد اذا مابطلت شرب
الا اتبره منك،،،،ولك اني
تالي شيباتي،،،تريد
الناس ادكول عليه ابن اسماعيل
عرگجي ويدور كحاااا،،،
« اووف يمه هاي وين جانت النا، ،
عرگ ولك ساجد،،،منكر تشرب
هاي تاليها ،،،،،عفت صلاتك
وصومك وكمت تشرب،،،
وتدور نسوان
« ولك حميد باجر خابر اخوك حقي
خلي يجي،،يشوفله صرفه ويا اخوه
تره راح اذبحه اذا ظل يشرب،،
« يابه استهدي بالرحمن ،،،وعوفه
هسه
اني احجي ويا بعدين
عفتهم يحجون ورحت،،،للغرفتي
طبيت ووكفت وباوعت لساجد،،،
الي جان كاعد على الجربايه،،،وخاله
راسه بين ايده،،،،
« تدرين ليش كمت اشرب،،،
حجه هيج وبقلبي عرفت الجواب
وسمعته من جاوب روحه،،،
« حتي انسه الصار بيه،،،،
حتى،،،،،،، انسه ولو لحظه انتي
اخت الي كتل اخويه،،،
سكت وذب حسره وباوع عليه بعيون
مغوركه وحمره دم،،،وكمل بصوت
مخنوك
« اني ،،،،،ماانكر انتي خوش
بنيه وفقيره،،،وحلوه واي واحد يتمناج
ام ولده وبيته،،،بس
هاي البس مالته حبست الهوه عني،،،
وخلت عيوني تدمع،،،،وهو
كمل بحسره
« بس مو اني،،،،مو اني الي جان
لازم اخذج ،،،،،،
كوثر انتي انظلمتي
واني وياج ،،، قلبي هذا ماحبج
ولا راح يحبج،،،،لان مو الج
سكت وكام من مكانه واجه عليه،،،
ومد ايده،،،،،،،، ولزم الاثر مال الجرح
الي بكصتي،،،،عيونه ووجهه جانت
كلها الم وجع حسيته
مرد وجهه،،،وخلاه
يسحب ايده بسرعه ويحجي
وهو يفتر بالغرفه،،،
« كم مره اكول مااضربج بعد
مااذيج،،،،،،
ساجد هي مالها ذنب، ،،،
كوثر بريئه، ،بس،،،
ااااخ
حجه هيج وعض ايده وكمل
« ولج مااكدر،،،،وارجع اذيج
لان منظر اخويه مديروح من راسي
هذا ،،،،،
منظره وهو،،،بالثلاجه
والدم تارس جسمه مديروح منا
حجه هيج وضرب على راسه
« كووثر،،،اني لازم روحي كوه حتى مااروح اگتله لاخوج،،،،ولج چم
مره رحت لبيتكم حت اكتله
واترجع. باخر لحظه
شهكت وخليت ايدي على حلكي
وهزيت راسي بلااا وهو كمل
« نار هنا وهنا،،،،
ساجد اشر على قلبه وعقله،،،
ودموعه نزلت،،،،وكمل
« نار الشرب كام يطفيها،، ويخليني
اهدأ حتى مااسوي شي
اندم علي بعدين،،،،،،،
رغم سمعته كال مااحبج ولا راح
اكدر احبج،،، ،،،رحت اله وحظنته
لان حسيته محتاجني مثل مااني محتاجته،،،،
وهو لمني بحظنه بقوه،،،،وكام يبجي
واني ويا،،،،بجيت علي روحي
وعلى حبي اله،،،،على نصيبي
وقسمتي
الي خلتني احب جلادي،،،
اني
جربت شعور وحده تحب واحد مايحبها،،، ،،،وقلبه
مو الها اصعب شعور ،،، هو
هذا والم بالقلب
يظل طول العمر ملازمك ،،،
مثل ظلك،،،والاكبر منه بالوجع
هو الي تحبه،،،،،،،،، مايحس بشعورك
ولا ،،،،،وجع قلبك لان باله مو يمك
يم غيرك،،،،
وحياتي ويا،،،، جانت مد وجزر ،،،
وظل يشرب رغم المشاكل،،،الي
صارت
وحقي اكثر من مره تعارك ويا،،
ومافاد،،،،جنت اشوف الشرب راحه اله
ويخلي يهدأ،،،وماياذيني،،،
وجان اذا مايشرب،،،يبدي يدور
حجج عليه،،،،ويفتعل مشاكل من جوه
الكاع ويكوم يغلط عليه ويضربني،،،
وجنت اكول بلكي من يجي ابني
يغير بي شي،،،،،،بس احلامي
ظلت احلام ومحبوسه براسي ،،،،
،،،،،،
ايامي مشت بي،،،،وبيوم
الظهر حسيت بوجع يروح ويجي
سكتت لان مااعرف هذا شنو
ولليل ،،،اني دسوي عشه،،
حسيت بوجع قوي ومي نزل،،
من جوه،،،صرخت وباوعت لعلاهن
الي. انصدمت وصاحت امها،،،
« ولج يمه الحكي كوثر دتجيب
نص ساعه واجتي الجده،،،ووره وين
وبعد ماطلعت روحي،،،،جبت
ولد،،،،وام ساجد اول ماشافته
كامت تبجي وتبوس بي،،،
« محمد اجانا وليدي الراح ،،،
رجع النا،،،،ولكم اجانا ولد
وابني سموه محمد،،،،،،وساجد بس
شافه نزلت دموعه وكام
يبوس بي،،،،فرحتهم جانت فرحتي
هم بس جانت بغصه،،،لان امي ماكو
جنت محتاجتها،،،،،،يمي،،
توكف وياي بهذا اليوم،،،
بجيت من ذكرتها ودموعي،
رغم عني نزلت،،،،وساجد
انتبه عليه،،،،
درت وجهي منه،،، ومسحتها
وهو اجه وخله ابني بحظني وامه
كالت
« رضعي الصمغه ،،حتى مايصير
بي ابو صفار،،،،،،
صفنت علي،،،،وبداخلي مشاعر
اول مره
احسها ارتباك توتر خوف بس
كلها حلوه،،،احساس الامومه كلش
حلوه،،،،وحسيت بذيج الساعه من
صدك بوجع ام ساجد من راح ابنها
وشفتها شلون تعلقت
بمحمد ،،،،،،،،وحسيته راح يعوضها
عن الراح،،،،
ابني تدلل بحظن جدته وجده، ،،
خصوصا حميد مصار عنده،،،،،
وزياد ابن حقي بعيد،،،،،،،،عنهم،،
دلال لابني وذل الي،،،،لان معاملتهم ماتغيرت وظلوا نفس وضعهم،،،،
اني تقبلت وضعي وسكتت
على الضيم
والعذاب الي مااعرف شوكت
يخلص
منا همه ،،،، ومنا ساجد،،،الي حسيت
روحي
خدامه لنزواته وطلباته،،،،
وره سنه ،،هم حبلت،،،،
رغم اني جنت ارضع،،،،،ضجت
وبجيت
هوايه وجنت مااريد،، بس هو فرح
واهله ماحجوا شي،،،وبيوم من
جنت
ببدايه الثامن
امي اجتي،،،عليه
هي وابويه،،،ساجد جان بالبيت هو وحميد وعمتي وعمي،،،،
حميد طلع الهم ،،،،،وطببهم
للديوانيه اني دريت بيهم اجوي
رحت عليهم بسرعه ،،،
طبيت واني اضحك وابجي
بنفس الوقت بس. من شفت ابويه
صاير عود،،،وضعفان كلش بجيت علي
وحظنته وكمت ابوس بي،،،
وهو حظني وكام يبوس براسي
ويبجي
« ظلمتج يابه،، من انطيتج الهم
كلامه وهو يمسح بدموعه بيشماغه،،
خلتني ادنك وابوس ايده،،،
واحجي بصوت مخنوك
« لا يابه ماظلمتني،،،ساجد
زين وياي،،،،،،ومحد دياذيني،،،
« اكيد يمه
باوعت لامي وهزيت راسي واني
اتهزم بعيوني منها،،،،
ابويه كعد هو وامي واني رحت
جبت مي الهم وابني
جابته علاهن وراي،،،
وهم بس شافوا كاموا يبوسون بي
وعيونهم مابطلت بجي
« يمه ،،،،خواتي شلونهن اخوتي
شخبارهم
« الحمد لله كلهم زينين،،،ويسلمون
عليج،،،،،وراضي مرته حامل
اخويه من ،،،،، جنت حامل تزوج،،،
بنت خالتي بدور،،،الي عرفته
من جيات امي القليله عليه،، هو جان يحبها وهي تحبه،،،،،وصارت
القسمه
خلال سنيين قليله، ،،،،
صارت هوايه شغلات
اني رحت فصليه لواحد مايحبني
بذنب اخويه سواه،،،،،وهو حب
وتزوج الي رادها ورادته،،،،وهسه
دينتضر،،،،،طفل
اماني جنت اريدها لروحي،،،
جنت اريد اخذ واحد يحبني،،،،،،
بس. هاي الدنيا تظلم بشر وتنصف بشر ومو كلشي يريده. الواحد يحصله،،
اهلي ماطولوا يمي،،،،وطلعوا،،،
بسرعه وخلوني هم احس
بالغربه بنص،،،،،
ناس ماحسيتهم ولا راح احسهم
اهلي،،،شعور لازمني طول عمري،،،
وحياتي ظلت معاناه بمعانه وياهم،،،
كتل وغلط وفشار،، من ساجد
من مايشرب وغلط واهانه،،،من
اهله اذا قصرت بشي
نفسيتي تعبت،،،،وتعبت من البجي
والشكوى لربي،،،والدنيا
رجعت ظلمتني
من اخذت ابويه مني
بيوم ومن جنت بنهايه الثامن
ساجد
اجه،،،ووجهه متغير،،،وحجه
وياي من جنت بالمطبخ داحظر
الغده وي علاهن
« كوثر حظري روحج دنروح
لبغداد
تفاجأت من حجه هيج
وباوعت لامه
الكاعده،،،وتفاجات بعد اكثر من
شفتها
سكتت وماحجت شي،،،
قلبي نغزني،،،ولزمته بايدي وحجيت
بخووف
« اهلي بيهم شي،،،،ابويه
صار بي شي،،،،
« لاا ماكو شي،،،بس هو مريض
ويريد يشوفج
كلام ساجد ماطمني ورحت لزمته،من دشاشته وحجيت واني ابجي
« بروح اخوك بداعه ابنا ابويه
خوما صاير بي شي،،،
سكت وسكوته جان لسجين
الذبحني بيها ،،،،،وعرفت ابويه مات
وكمت ،،،،اضرب بروحي واملخ بشعري
هو لزمني وعلاهن ويا،،،،ومااعرف
شلون وصلت لبغداد،،،وبس
وصلت لبيتنا،،،وشفت امي بالاسود
وكاعده بنص النسوان،،،وتبجي وتعدد
شكيت دشداشتي وملخت روحي
هي كامت عليه راسن،،،وحظتني
ووياها خاله سهامه الي لزمتني
وهي تبجي وكالت
« كافي كوثر موزين. عليج
يمه انتي حامل
« وين ابويه ولكم وين الغالي،،
يابه وينك،،،
تخبلت وكمت افتر بالبيت واصيح
علي،،،،،جاهله رجعت وادور على
ابويه بالبيت، ،،،ادور اثره ريحته،،،
ادور طبته علينا من يرجع
من الشغل
كعدت بنص الحوش،،،،وكمت
اضرب،،،،، على صدري بقوه من
كالولي دفنوا قبل
يومين،،،،
« يابه،،،،،قلبك جان يعرف
واجيت عليه حت تشوفني،،،،
يابه ماودعتك،،،،
وراح تظل حسره بقلبي،،،،،،،للموت
ولك راضي خطيتي بركبتك،،،انته الحرمتني من امي وابويه
حسبي الله عليكم كلكم،،،،حركتوا
قلبي،،،،حسبي الله عليكم
ذبحت روحي،،،،من البجي والصياح
وماسكتت الا فقدت،،،بحظن خاله
سهامه،،،،
ايام ظليت يم اهلي،،،،لان ساجد
عافني يمهم،،،،،،،،ودمعتي مانشفت
لا اني ولا امي،،،الي حجت
السمعته من ابويه قبل لايموت،،
« اخر مره من اجيتج اني ويا،،
تخربط،،،راسن من وصلنا للبيت
واخوتج ودوا للمستشفى،،،وطلع
ضغطه صاعد،،،كلش
ضربوا ابره ونيموا بالردهه،،،يومين
وطلعوا،،،بس مو هو،،،
جان مهدود حيله وعيونه مغوركه،،
ويهذي بيج ويكول،،،،،،ظلمتها لكوثر
اني بايدي،،،، هاي ذبحت بنتي من
انطيتها لذوله،،،بنتي مو مرتاحه
ودياذوها،،،
امي سكتت ومسحت دموعها،،،
وكملت بصوت مخنوك،،،
« گلبه علمه،،،،واكل گلب اخوج
راضي من وداج الهم ولاخر نفس
هو يلوم بي،،،،وقبل لايموت
لزمني وكال خلي كوثر تحللني
وتهوبني عبن اني ظلمتها
اختنكت بالبجي وشلت يشماغه
وبسته واني اشم بي وجاوبته امي
« حللته لابويه وقلبي راضي علي
ليوم الدين،،،
امي غصت بالبجي،،،واني وياها
وخواتي،،،،،،،،ومرت راضي حسيتها
ضاجت من الحجي وكامت وشالت
ابنها رسول،،،،،،،الجان عمره شهر
اني يم اهلي،،،،حسيت بوجع وعرفت عندي ولاده ،،،،،،وجبت يم اهلي
بنهايه سنه 1980 ولد
امي اخذته. من ايد الجده
وسمته راسن
« ولد يمه واسمه عقيل،،،،
فرحتي بابني جانت ناقصه،،،،
بمحمد افتقدت امي،،،،،،،وبعقيل
بجيت وتمنيت ابويه موجود،،،،
وبليل راضي،،،،اجه وكعد يمي،،
وحسيت بي مكسور ومايكدر
يباوع بعيوني،،
« الحمد لله على السلامه كوثر
« الله يسلمك راضي،،،
جاوبته بصوت مخنوك،،،،وهو مكدر
يضم خنكته وكام يبجي،،،،
وامي ويا،،،،وخواتي،،،
ومرتضى ظل واكف ويباوع علينا
بعيون مغوركه،،،،
« كوثر اني مااتوقع راح يجي
يوم وتسامحيني،،،،لان السويته
بيج جبير،،،
سكتت وهو كمل،،،
« ابويه لاخر نفس يلوم بيه واني
كرهت روحي لان ضيعتج،،،،وسلمتج
بيد ناس اعرفهم ديأذوج،،
من ورايه،،،
سكتت وافكار كامت تدور براسي
ورغم السواه بيه خفت علي
لايتهور اذا عرف هم صدك ديأذوني وجاوبته
« محد دياذيني راضي،،،ساجد صح عصبي بس مايضربني،،،وهو زين وياي ومامقصر بشي واهله شويه شويه
كاموا ينسون الصار
جذبت علي وحسيته مااقتنع،،،
لا هو واخويه مرتضى،،،،،
الي جاوبني،،،
« اكيد كوثر،،،
هزيت راسي اله وامي حجت
وياهم
« يمه اختكم نفسه وموزين
عليها القهر،،،،،،خلوها ترتاح،،،
وتنام شويه،،،،
« يمه جبت معلاك
اشوي الها، ،،،، وانطيها
وشتحتاج اخذي فلوس من الكنتور واصرفي
مرتضى حجه هيج واجه باسني
وخله فلوس،،،،، بحظينه عقيل
وراضي هم،،،،،
حنيه اهلي شفتها صارت اضعاف،،،،
ودللوني دلال،،،،،،مو صاير،،،
وساجد اجه وره 3 ايام،،،،
ودز عليه بنت جيرانه،،،،،لان مايطب
لبيتنا،،،،
طلعت علي،،،وشفته واكف بعيد
من شافني اجه وهو يباوع لبطني،،
ولوجهي وحجه رأسن
« كوثر شصاير شنوو جبتي
« اي جبت ولد وسميته عقيل
ماحجه شي وابتسم،،،وكال
« الحمد لله على السلامه وينه
اريد اشوفه،،
صحت اختي رقيه
وجابته اله،،،وهو اخذه
وبس شافه باسه وحجه وياي
« ظلي يم اهلج وبعد اسبوع اجي
اخذج ،،،،
هزيت راسي اله وهو كمل
«وين محمد
« يم امي دتنيمه،،،
هز راسه وطلع فلوس من جيبه
وانطانيها،،،
حسيته كوه متحمل وكفته يم
بيت اهلي،،،،وعذرته لان الموقف
كلش صعب وادري بي
غصبا ماعلي
اجه لان النار بعدها مابردت
بقلبه،،،،
وهم اني جنت اريده يروح،،
لان خفت
لايشوف راضي ويصير الي
خايفه منه،،،،،
،،،،
وره اسبوع رجعت ووياي عقيل
واهل ساجد من شافوا،،،فرحوا بي
بس مو مثل محمد الي اخذت جدته
وكامت تبوس بي هي وعمي،،،
عقيل طلع ضخم مثل ابوه بس
اسمر سمار اخوتي وشعره نگرو،،،
وعيونه عسلي نفس عيون ساجد،،
جانوا يكولون ،،،،،علي مو حلو،،،،
عبنه اسمر واجلح وعنده بلاجم
بس حميد اول ماشافه اخذه
لحظنه،،،،
وكام،،، يبوس بي وكال
« ولكم هذا راح يطلع اضرب من
ساجد بالجهامه شوفوا ماشاء الله
عبالك عمره ست اشهر
ابتسمت لفرحته بابني،،،،وهو طلع
فلوس وخلاهن بحظينته،،،،وسهى
مرته اخذته وباسته، ،،،شفتها دمعت
عيونها لان تاخرت بالحمل
وكامت تسمع
كلام من عمتي الي ماخلت
احد ماحجت عليها يمه،،،سهى
مثلي،،،،،، فقيره وماعندها لسان
وجانت تسمع وتبلع،،،،الحجي ،،
وبيوم وبعد مراحوا لاكثر من
دكتور عرفنا
حميد عقيم،،،،،ومايصير
عدنه خلفه،،،،كسرته شفتها بعيوني
وعز عليه،،،،اشوفه هيج،،،
وامه سكتت وكامت تبجي وتعدد
على حظه،،،،وهو حجه وي مرته وراد يطلكها وهي ماقبلت،،،،
وتخبلت،،،،وكالت كدامنا
« انتي ابني وابويه واخويه
وناسي وهلي
شسوي بالولد وانته موجود،،،
دمعه عيونه نزلت وقهرتني
وخلتني اكوم واخلي بحظنه عقيل الي صار عمره ست اشهر وكتله
« خويه هذا ابنك لاتقهر روحك
ولدي ولدك،،،انته وسهى،،،
ذوله حزام ظهرك لاتشيل هم،،،،
كلمتي ويا خلته يصفن عليه،،،،بعيون مغوركه وسهى باستني
وهي تبجي،،،،،وامه حجت
« يمه لاتقهرني،،،،ولاتقهر روحك
ذوله ولدك،،،،وولد حقي هم ولدك
وهاي بنت عمك،،،بنت اصول ووكفت وياك بعد شتريد،،،
« مااريد اظلمها يمه،،،،خاف
باجر عكبه
ادكول ظلمتني وماخليتني
اصير ام
« لا وروح امي مااحجيها وهسه
تشوف
« يبنت عمي خليني ااا
« لااا حميد لادكولها والله اموتها
لروحي بس تسويها،،،
سهى انهارت وكامت تبجي
بصوت عالي
وساجد كام وهو ضايج على اخوه
وحظنه وباسه وكله
« ولك لاتشيل هم ولدي ولدك،،،
وبنت عمك مادام شاريتك
لاتبيعها،،،،،تره بنت اصول
وما تتعوض
كلمه ساجد،،،،،،، خلت حميد يحظن
اخوه بقوه ويبجي مثل الجاهل
ساجد اشر النا
واحنا ،،،،،،طلعنا كلنا واخذنا
سهى ويانا
وعفنا الولد يم امهم وابوهم،،،الي
جان،،،،،، ساكت وصافن على ابنه
والدموع بعيونه ،،،،،
يِّتّبِعٌ