انقذني من انتقامي

بارت 11

#أّنِقِذّيِّنِيِّ_مَنِ_أّنِتّقِأّمَيِّ
#بِقِلَمَ أّوِتّأّر حٌزِّيِّنِهِ
#أّلَجِزِّء أّلَحٌأّدِيِّ عٌشٍر
،،،،،،،،،،،،،،،،،،،،،،،،،،،،،،،،،،،،،،،،،
،،،،،،،،،،،،،،،،،،،،،،،،،،،،،،،،،،،،،،،،،،،،،
،،،،،،،،،،،،،،،،،،،،،،،،،،،،،،،،،،،،،،،،،،،،،،،،،
رجعت للبيت واني احس بروحي
مخنوگ،،،،،
شوفه عمي رجعتني للماضي
وجروحه،،،،،
واللوم ذبحني،،،وظليت احجي
على روحي والوم بيها
« ليش وكفت ويا وليش طلعته
من السجن جان ،،،،،،عفته عقيل
خلي يشوف الظلم،،،الي شوفه
لامك والك ،،،
رجعت راسي ليوره وسندت راسي
على الكشن،،،،،وصفنت بجمود
على الشارع
مشاعر متناقضه هاجت براسي
كرهي اله وحقدي ومروتي والدم
الي بينا صار بينهم ،،،،،،صراع دمرني
دمار،،،وخلاني احجي بتعب
« ااااخ يادنيا نصفتني من
خليتني اشوف عمي باتعس موقف
ومانصفتني من ،،،،،،،،،خليتني
اوكفله وهو مايستاهل
دنكت راسي وكمت اضرب بي
بالستيرن،،،،ووخرت وذبيت حسره
من گلبي
لحظات ظليت كاعد
واني فاصل عن الدنيا،،،،،،،
وره ساعه نزلت،،،،،،وطبيت
من باب المطبخ،،،، وشفت امي كاعده
من شكلها عرفتها عرفت
« الله يساعدج،،،يمه
« كول الله ياخذج يمه،، الله
يموتج
ويخلصج من هاي الدنيا
« خير حجيه شبيج
حجيت بتعب وهي انهدت بي
«  تسألني شبي عقيل مسوي
نفسك غشيم وماتدري
سحبت الكرسي وكعدت وجاوبتها
« يمه لاتصيحين،،،عمي اخذوا
چدام
عيوني شتريدني اعوفه
« هسه صار عمك يبعد امك
وينه طول هاي السنيين
ولك سؤال مسأل
عليكم ولا اجه وكال خلي اشوفهم
شمحتاجين
« كلمن وأصله،،،يمه
واني مروتي،،،،ماخلتني اعوفه رغم
اذيته،،،النا
امي فقدت وكامت تضرب على الميز
واخوتي محمد ومؤيد وهاله
اجوي. بسرعه ووراهم شهد
« مروووتك عقيل ماخلتك،،،
تعوفه بس خلتك تنسه السواه
بامك
وتروح انته
تطلع من السجن، ،،،،ولك
ليييش ماجان تخلي يخيس بي
خلي يضوك الضاكه اخويه،،،
راضي،،،،
كمت من مكاني بسرعه وصحت
« يمه كااافي،،،ولاتصيحين،،،عليه
اني موو جاهل والسويته سويته
لخاطر عمي حميد
«تصيح عليه عقيل اييي يمه حقگ
كبرت عليه يبن بطني كبرت يبن
كوثر وصرت ماتسمع كلمتي
«يمه لخاطر الله شتريدي يسوي
يعوفه وهو رجال جبير
ومريض بالسكر
« ولك من عسى لاطاب ولاشاف
العافيه
« يمه لاتدعين،،،
« اسكت ولك وسد حلكك عبالك
مااعرف ليش تفزع اله،،،،،،
« واذا فزعت اله هذا عمي
مو غريب
« ولك اني عبالك مااعرف ليش
تفزع اله،،،،بس والله الي بالك
مايصير وبنت حقي
ماتطب بيتي،، وتحلم تاخذها
فكيت عيوني،،،من حجت امي هيج
وباوعت لاخويه الي صاح
« ومنو كلج اني رايدها هاااا
مؤيد صاح وكمل
« هاي سويتني رايدها لان وصلتها
چم. مره،،،وي هاله
« ايي خليها ترجيه باذنك لاناخذ
ولانطي لبيت حقي،،،،افتهمت
« اهووو
مؤيد صاح،،،وراح ومحمد حجه
« يمه شبيج لخاطر الله صارلج سنين
تحجين بهاي السالفه كافي
ما مليتي
« لااااا مامليت ولا راح امل
لان مانسيت ولا راح انسه اذيتهم
الي مانسيت جدك وجدتك شسوه بيه
لاهم ولا عمك الظالم
« يمه الله يخليج كافي تره اني
مااقبل تحجين على اجدادي
« اي. محمد حقگ ماتقبل
احجي عليهم  لان انته ابن جسومه مو ابني  ،،،،،ومو جديده عليك
تفزع الهم لان انته على گلبهم
« استغفر الله يارب،،،
حجيت هيج واخذت السويج،،،
وطلعت ،،،،
ركبت سيارتي،،، وطلعت
بيها للشارع
وكلام امي على مؤيد يدگ بگلبي،،،،
« اخويه يريدها لدلال
ويجوز يحبها وتحبه،،،،،
سكتت
وراح عقلي لسوالفها. وضحكها ويا،
وصورتها شفتها چدامي
من شفتها لابسه
الدشاشه القصيره والبارزه
جسمها
بياضها،،،،وحجول رجليها مراحن
من عقلي،،،،وخلني اهمس بدون
شعور
« اااااخ
كلمه كلتها وحسيت على روحي
ومرد الستيرن بقوه من ضوجتي ،،،،وحجيت
بوجع فأجني،،،
« تحبه اي وهو هم،،،،
سكتت مره ثاني وجاوبت
روحي
« زين اني شعليه وليش ضايج
واذا حبته وحبها،،،
كلمه حبته رنت براسي، ،،
وخلت گلبي يدك بسرعه،،،،،
وجسمي،،،،رجف بخوف
مشاعر رفضتها،،،وره لحظه
وهزيت،،،،،،،، راسي بلااااا كابرت
وغالطت روحي،،،، مثل كل مره
ومن الصار والسمعته ردت
انسه،،،،كلشي ردت واحد ينسيني
ضوجتي ويطير هاي الاحاسيس
الغير مفهومه،،،،
طلعت لشقه سهر،،،،،،،الي متعود
اروح الها،،،كل فتره
سهر بنيه مطلقه،،،،،،تزوجتها
بعقد سيد
وكعدتها بشقه بعماره واحد
صاحبي
جنت،،،،،،،، ارتاح يمها لان هي
تعرفني شأريد،،،،راحه هدؤ
مزاجي كله الكي يمها،،،،،،،
تسوكت الها مسواك كامل،،،،
قبل لاأوصلها،،،،،،،ورحت عليها
وصلت وفتحت باب الشقه
وطبيت وهي اول
ماشافتني اجتي
عليه،،،جانت مرتبه روحها مكياج
ولبس فوول،،،،
« هلا يگلبي عرفتك راح تجي
جاوبتها بتعب  من حظتني
ورفعت روحها وباستني
« وين اروح الدنيا تفرني وارجع
الج ،،،،،
هي صفنت علي وحجت
« مبين عليك تعبان،،،
غمضت عيوني وهزيت راسي
وهي كالت
« تعال حمامك حاظر،،،اسبح
بين مااسويلك ريوگ،،،
اخذتني من ايدي للحمام،،،
طبيت سبحت وطلعت،،،انشف
بشعري
« عقيل تعال تريك
بدلت تراك ورحت للمطبخ،،،
« سويتلك مخلمه،،،مال لحم
وطمامه
هزيت راسي،،،الها
وبديت اكل،،،،،بدون مااحجي شي
كملت واخذت الجاي ورحت
للصاله وهي اجتي وراي،،وكامت
تفرگ
بجتافي ،،،،
« شبيك گلبي اكو شي غاثگ
رجعت راسي ليوره وجاوبتها
واني مغمض
« ماكو شي،،،،،لايظل بالج
هي عافت مكانها واجتي كعدت
بصفي
وباوعت بعيوني،،،وسالتني
« عقيل  ليش احس همك اليوم
مو مثل كل مره
صفنت بعيونها،،،،،،،وجاوبتها
« سهر لاتلحين اني اجيت
يمج حتى ارتاح مو حتى احجي
واتذكر الشي الغاثني
سكتت وبعدين ابتسمت وكالت
« كووم ،،،،لغرفه النوم خلي
اسويلك مساج ،،،
حجت هيج وجرتني من ايدي
كمت وياها،،،،وهناك من طبيت
وكامت تفرگ،،،،،، الي
لحظات وصرت فوكاها،،،،
اني مندمج وياها،،،عقلي تصور
هاي دلال،،،،واني نايم وياها
همست بدون شعور واني اشوف
عيونها ،،،بعيوني
« دلال دلالي
«  عقيل منو دلال،،،،
سالتني،،،،وجان سؤالها مثل
المي
البارد ،،،،،،،،الوكع على ظهري
وخلاني افز وواوخر منها
« منو دلال،،،
« اريد انام اطلعي،،، وطفي
الضوه،،،
« عقيل تعرف وحده غيري
باوعت عليها،،،،بنظرات هي
افتهمتها،،،،،وكامت والدمعه بعيونها
بس سدت الباب،،،،
غمضت عيوني بقوه وكمت اضرب
على راسي
« اااخ ياربي هاي شجابها
بمكان سهر،،،،وليش تخيلتها هي
لييييش ياربي
صحت بصوت مكتوم،، واني
اضرب
على كصتي،،،وكملت
« يارب موتني ولا تخليني
بهيج
موقف ،،،يارب كلها الا هي
الاااااا بنت حقي
اماني توسلت بربي يحققها الي
بس هيهات لان الگلب اختار
طريقه
وخان نفسه قبل صاحبه
،،،،،،،،،
بذاك اليوم وبليل رجعت لبيت
اهلي بعد ماخابرني مؤيد
« الو ابو سمره هاي وينك
« جاي للمعرض خير شكو
« عم حميد وعمه علاهن وعمه
سهى اجوي،،،
لان سمعوا بالصار لعم حقي
« اي هلا بيهم،،،بليل اشوفهم
« اي هم هسه بيت عم حقي
واحتمال يجون بليل علينا،،،،،
« اي هلا بيهم،،،يله اني جاي
سديت الخط ونص ساعه وصلت
للمعرض،،،،وره ساعه عم حميد
اتصل عليه
« هلا يابه شلونك،،،
«الحمد لله وليدي،،،وينك واني ادور
عليك
ابتسمت من سمعت كلام عمي
الي جان يكوله الي من اني صغير
ولحد هاي اللحظه وجاوبته
« هياني جايك بعد شويه
عمي سكت وجاوبني بعد لحظه
«انتظرك يابه 
سديت الخط،،،وكمت وصحت
مؤيد
« مؤيد خلي نعزل ونروح للبيت
عزلنا،،،المعرض
وطلعت بسيارتي،،،،ساعه ووصلنا
للبيت،،،نزلت ومؤيد وياي
« اقفل باب الكراج زين ،،،مو مثل
ذيج المره عايفه للصبح مفتوح
« اي عقيل هسه،،،
طبيت من باب الاستقبال وشفت
عمي كاعد ومحمد
« الله يساعدهم،،،
« هلا بالسبع هلا بوليدي
عمي كام بوجهي واني حظنته
وبوسته من راسه 
حظنه جتن حظن اب وريحته
جنت احبها،،،،،،،،لان جنت احس
بيها حنيه ودفوا اني محتاجه
وخرت منه من كال
« شلونك يابه،،،،
«الحمد لله زين انته شلونك،،،
عمه سهى وعمه علاهن وينهن
« يم امي بالمطبخ،،،،
« اروح اسلم عليهن وارجع الك
عم حميد
«براحتك وليدي ،،،،،
مشيت للمطبخ،،، وعمه علاهن اول
ماشافتني،،،كامت
« هلا يبو طول الحلو ،،،
بوستها هي وعمه سهى،،،وجاوبتها
« كلا الهلا بيج عمه شلونج
ان شاء الله زينه،،،
« الحمد لله اني بخير
« عمه سهى شلون صرتي
« الحمد لله والشكر احسن
من قبل
« دوومج ان شاء الله
حجيت هيج وباوعت لامي،،،الي
جانت زعلانه عليه ،،،رحت الها
وبستها من راسها وحجيت
« شلونج حجيه ،،
هي بس سمعت صوتي كامت
تبجي
« هيج يمه تسوي بيه تهد البيت
وتطلع من الصبح وماتجي
لليل
«  يمه هسه مو وكت هذا
الحجي خلي بعدين
حجيت هيج ومن شكل عمتي
عرفتها درت بالصار،،،
عفتهن،،،ورحت للاستقبال
وشلت بنت
هديل مريم وخليتها بحظني
وكمت ابوس بيها
والبنات،،،،هاله وهديل
خلن العشه،،،،احنا دنتعشه
محمد كال
« عم حقي اتصل عليه وعزمنا باجر
على الغده لان ولده راح يذبحون
طلي على سلامته
امي سكتت وباوعت عليه،،
وعمي  كال
« اي يابه هم كالوا الي من جنت
يمهم ،،،وهمه عجبهم موقف عقيل
وعمك ظل يمدح بي هو ووولده،،
واني جاوبته لاخويه وكتله
عقيل صاحب نخوه،،،،ومروه
ومستحيل من شافك هيج
يعوفك
«عم حميد قابل هوو غريب
هذا عمنا اخوو ابونا، ،،والصار قبل
راح وي الوكت وانسه
عمي هز راسه واخويه كمل
« الحمد لله الصار عده على خير
« اي والله،،،،،،يستاهل الحمد
عمي كمل كلامه وي اخويه
وبعدين اندار عليه،،،وكال
« عقيل يابه،،،هاي وكفتك
وي عمك خلته يعرف انته شنوو
وشنو معدنك
ابتسمت بهم  وجاوبته
« همزين صار هذا الشي حتى
يعرف ابن اخوه شنوو
عمي سكت وبعدين حجه
« وليدي،،،عوف هذا الحجي وابدي
بصفحه جديده وي عمك
« عم حميد،،،،الصفحه انكتبت
ومن زمان،،،،،،وهو الي وقع عليها
بأيده،،،
« يعني شنوو
« يعني هو بمكان واني بمكان
« عقيل هذا مو حجي ،،،
انته سويت زين ظل عليه،،،
ولاتضيعه ،،،،
« عم حميد  اني سويت
زين لله ولخاطرك انته وعمه
علاهن،،ولا هو ماله اي خاطر
عندي
« عقيل كافي ،،،لخاطر الله شبيك
انته وامي جلبتوا بهاي السالفه
انسوا وخلونا نعيش
مثل البشر
« عيش محمد محد لازمك
واذا تريد
روح لعمك واخذ اخوتك وياك
حجيت بضوجه واني جاز
على سنوني
« عقيل يمه لخاطرنا اني وعمك
تعال باجر ويانا
« عمه علاهن لا اني ولا امي راح
نوصل لبيت اخوج،،،
« عقيل  انسه،،،،الرسول
عذبوا بني قريش ونسه الهم اذيتهم
من دخل مكه، ،،
سكتت وركزت بعيوني على عمي
،،،، وحجيت
« عم حميد لاتزعل عليه،،،
واترجاك لاتضغط عليه وتلح
بهذا الموضوع
لان انته تعرف ،،كلش زين
شلون يضوجني
عمي سكت،،،وباوع للوجوه
الصافنه
علينا وبعدين كال
« براحتك يابه،،،ومااكول غير
الله يصفي الگلوب
الكل  كال امين،،واني سكتت
ووياي امي،،،وعمي
ظل يهز براسه. بعدم رضى
وبعيونه عتب عليه
،،،،،،،
ثاني يوم محمد اخذ زوجته
وهديل وهاله
ومؤيد وراحوا وي
عمي وعمتي علاهن وسهى
لبيت عمي حقي
امي مارضت،،،بس عمي وعمتي
حلفوا يزعلون وبعد مايطبون
بيتنا
وهي سكتت ،،،بس جانت تفور
وبس راحوا كامت تحجي
« شفته لاخوك الجبير نسه
السوه بي  واخذ اخوتك ومرته
وراح
« عوفيهم يمه،،،ولاتظلين تحركين
بدمج
« ليش هوو ظل لهسه
ومااحترك،،،
امي حجت هيج وكعدت تضرب
على رجليها وكملت بقهر
« كله من حميد وعلاهن هم الي
خلوني اقبل يروحون. الهم
من كالوا
نزعل عليج،،،وبعد مانطب بيتج
« الصوج مو منهم الصوج
من ولدج
اني البارحه من كلت لاخويه
اخذ اخوتك وروح ليش مكال
لااا مااروح ليش
ماحجه مثلي
« ايي وانته هم صوجك،،،،شكوا
طلعته من السجن مااخلي نايم
بي مااخلي يحس بالذل الشوفه
الي ولاهلي
« استغفر الله يارب هم رجعنا
لهاي السالفه ،،،
اني وين احجي وانتي وين
تحجين ،،،،
« حجي  ماعجبك لان صدك
سكتت وكمت اخذت السويج
وحجيت وياها
«  اني طالع ووي
الغده ارجع
لاتسوين شي اني راح اجيب وياي
حجيت هيج وطلعت،،،،
،،،،،،،
رحنا لبيت عمي حقي وجان
اكو توتر
بگلبي اني وهديل اختي
طبينا وبس شفنا الوجوه
تضحك
النا، ،،،،،،،،ارتاحينا كلش
اني ظليت صافنه على ولد عمي
الكبار زياد وحسام،،،،،جان شكلهم
حلو ومثقفين وزوجاتهم هم
حلوات،،،ولسانهن حلو
عمي اول ماشافني حظني
وكام يبوس،،،،بيه
اختلاف جبير شفنا بتصرفه
وعيونه من وخر جانن مغوركات،،،،
الندم ،،،،، شفته بعيونه بذاك اليوم
ومن شاف عقيل ماكو هو وامي
دنك راسه،،،وكعد وهو ساكت
« محمد انته وين ادوام،،،
اخويه جاوب زياد،،،الي
كمل
« مكانك متعب ومابي حوافز
« اي الله. ،،،بس تعب وماكو فايده
« زين ليش ماتسوي نقل لغير
وزاره
« كتله لعقيل والله كريم
« هاا يعني يكدر ينقلك
«ايي اصلا هو عيني بهاي الوزاره
« والله عقيل طاگ واحنا ماندري
« هههه اي هو معارفه هوايه
« بس تره اني اكدر اسحبك للوزراه
مالتنا
« صدك زياد
« اي يول،،،باجر اروحلك للمدير
العام
واخلي يسحبك يمنا
« ليش انته شنو منصبك
« اني مدير مكتب يول
« هااا
محمد جاوبه،،  ودلال اجتي
قدمت جكليت،،،وسلمت
« شلونك محمد
اخويه صفن عليها وسالها
« هلا دلال،،،شلونج
مجرد،،، ماجاوبها وهو يضحك
شهد تقربت عليه وخلت ايدها
بايده
اني باوعت لهديل،،،الي
عوجت حلكها لان ماعجبها
تصرفها
« هاله هديل  تعالن وياي
كمت وره دلال ورحت
وياها للمطبخ
ووكفت وصفنت علي جان كلش
حلو
وبي لمسه انثويه نازكه،،،،
« تعالن اكعدن يمنا،،،
خلي نسولف
حجيت هيج وشلت مريم بنتها
وكمت ابوس بيها،،،
« بنتج تخبل حلوه وشكره. طالعه
لهاله مو عليج
« اي هي طلعت تشبه هرهور
فكيت عيوني وضحكت
« منوو هرهور
« اني شبيج تضحكين من عابت
« يؤبرني هلأسم شو حلو
« ههه السوري بحلكج احلى من
العراقي
« ههههه ولو تدرين عقيل شمسمي
جان ضحكتي بعد اكثر
سكتت وماسالت هديل شنو
اسم عقيل وهي كملت
«  دلال ،،،،شعرج بعده نكرو
ونفس شعر عقيل اخويه
« ايي نفسه لان مااريد اخلي اله
مسرح اخاف يوكع لو يطلع بي
شيب
« اي صدك ذاك اليوم سمعت ام
الصالون كالت هيج،،،
« سوي بالكاويه
« مالي واهس. وهم لان يتعب،،،
« اي انتي شعرج ثخين ويتعب
اذا تسوي لوحدج
« هديل هيج احلى ذاك اليوم
بالمدرسه البنات ،،،،،الي بشعبتي
تخبلن علي من شافنه وعبالهن
مسويته بالصالون
« هههه على شنوو تخبلن اصلا
موديله راح من زمان،  وهسه موديل
الشعر الاسود والطويل
« هههه يعني مثل شعري
هديل حجت واني جاوبتها
« شعرج طويل
« اي واسود
« خليني اشوفه
هديل وخرت الحجاب وفلت شعرها
« اوووي فدوه شلون حلو
وسرح
« فلك طرج على كوله جده فطم
لمي لايجي احد من الولد
ويشوفه
« عادي اخوتي اخوتها
« لا حبيبتي هاي مو بقاموسنا،،،
لان عقيل مايقبل،،،
عكدت حواجبي بضوجه وماكدرت
الا اسالهن
« هديل هو وامج ليش مااجوي
من عزمهم بابا
نظراتها لاختها خلتني اجاوب
نفسي
« مااجوي لان يكرهون بابا موو
« لاا مو هيج امي مكدرت تجي لان
خالتي رقيه راح تجي يمها
وعقيل راح للدوام مالته
سكتت ،،،وماخش عقلي كلامهن
لان اعرف كلش زين
عقيل يكره ابويه هو وامه
ومادرت بال لان   ان اجه ولا
مااجه سوه عندي،،،
،،،،،،
كملنا غده ورحت اغسل
اني بالممر شفت غسان جاي
عليه دنكت
ووخرت صفح وهو هم،،،وخرت
مره ثانيه لغير جهه وهو هم
« ههههه راح نظل للصبح هيج
حجه بضحك
رفعت راسي اله
وهو،،، بس شاف وجهي صفن
عليه،،،،بنظرات خلتني ارتبك
دنكت بسرعه،،،واني احس بهبطه
بگلبي وهو حجه
صوته جان مخنوك،،،،من سمعته
« تفضلي
مشيت من وخر وريحته كفخت
بخشمي،،،من فات من يمي
وخلتني اظل اشمم بيها
من بعد
غسلت ورجعت وهم
شفته طلع
من المطبخ،،،وهو شايل الجاي
« يمه صبلي بكلاص وخلي
شكر هوايه
ابتسمت رغم عني من سمعته
هيج حجه وكلت
« وين مااروح عقيل
وعبالك جان صوتي عالي لان
سالني
« ليش عقيل هم يشرب جاي
بالكلاص
« هااا اي
جاوبته بفشله،،،وهو ضحك وكال
« فرخ البط عوام
ابتسمت وكتله
« مو هذا المثل
« عجل ياهو،،،
« الطيور على اشكالها تقع
« هههه والله صدك،،،،
زين. الكتله قبل شويه المن ينكال
« للاب وابنه
سكت وصفن عليه بنفس النظرات
وجاوبني
« او للام وبنتها
مااعرف ليش كلمته خلته گلبي
يرجف،، هو كله على بعضه
جان يخليني ارتبك،،،وابتسم
بنفس الوقت،،،
،،،،،،،،
ساعه بالوحده رجعت للبيت
ورسول وياي،،
« هاي مو عيشه يوميه اختك
عايفتني وجايه عليكم، ، ادري
مادكول  يجي  هذا الگواد
يريد لكمه
يريد يرتاح شلون يعني اتزوج
الثانيه حتى ارتاح
ضربته على راسه من حجه هيج
وجاوبته
« دسويها شلون مااخلي طلقه
بنص ،،،،،،،هذا الراس المحشش
« خرب بصفحتك شنوو ايدك چف العباس، ،، حركت الفقرات من
مكانهن ،،،
سكتت واني مبتسم،،،وصلنا
للبيت ونزلنا،،،
« جيب الكباب ولك،،،
«جبته يابه وويا الخبز،،،
« سيت اللبن نزلته
« نزله انته شنوو اني مرتك
من ردت اضربه جلاق انهزم
وهو يضحك
« اني اعلمك،،،الزمك وين تروح
شلت سيت اللبن،،،وقفلت السياره
وطبيت،،،
،،،،،،
ساعه ب3 رجعنا للبيت اهلي
طبيت وشفت عقيل ورسول متمددين
بالصاله
« الله يساعدهم
« هلا هديل،،،،،
« هلا يگلبي،،،،تعالي اشتاگيت
الج،،،،،،
« اااايابخ،،،،
حجيت بضحك وكمت وهو عض
شفته الي
« شكووو،،،شبيك
هديل تخصرت وسالته،،
« لااا ماكو شي،،،هيج سالفه بيني
وبين اخوج،،،الي راح يروح
اشر الي. روح واني رفعت حواجبي
وجاوبته بضحك
« هديل حظري غرفه ثانيه ابيتج
لان رسول يريد يزوج عليج
« عزه العزاك اذا صدك،،،
« خرب بصفحتك
رسول حجه هيج
وضربني بالكوشه،،،،واني
شردت واني خربان ضحك
،،،،،،،،
« رسول صدك تريد تزوج عليه
« لا يمعود شبيج انتي صدكتي
اخوج بس حجه
« عقيل مايجذب ،،،
« يعني اني اجذب ،،،،،
« اي انته جذاب وحيال ،،
وتطلع منك هاي السوالف،،،
« خرب عمك عقيل هاك هد
لسانها،،،، بعد شيسكتها،،،،
ولج حبيببه اخوج حاروكه،،،،
ويريد بس يضحك علينا
« يعني ماحجيت،،،هيج
« لا ماحجيت ،،،وداعه عيونج
الحلوه
هديل سكتت وضحكت ورسول
اجه عليها وكال
« يله امشي للبيت تره تعبت
واشتاگيت لمريتي الحلوه
« من ترجع من المعرض،، ارجع
وياك
خليني هسه يم اهلي
« براحتج،،،بس ترجعين مو ادكولين
ابات، ،تره ازعل
« لا ارجع لان ولدك تعبوني
« انطيني بوسه قبل لااروح
رسول حجه هيج،،،وباس هديل
بسرعه
« ولك اكعد اخوتي بالبيت
« حلالي يابه،،،منو اليحجي
« ههههه يمه منك
« هديل
« اجيت ،،،،يمه
،،،،،
من طلعوا الولد محمد اخذ مرته
لاهلها واني كعدت وي اختي
الجبيره بغرفتي
« هديل ،،،،،راح اكلج شي بس
مااريد احد يدري بي امانه
بداعه ولدج
« شبيج يولي خوفتيني،،،احجي
شصاير
حجيت السمعته من شهد
وهي تخبلت وكالت
« وهاي العايقه تتهم اخويه هو
مايخلف والعيب بيها،،،
الله ياخذها عل هاي الجذبه،،،
وانتي ثوله ليش ماحجيتي هذا
الحجي لامي
« حجيت بوكتها وهي
كالت اسكتي
ولاتحجين لاحد اني احجي وياها
« اي وحجت، ،،،
« ماادري سالتها مره وكالت انتي
معليج بهذا الموضوع،،،،
بس شفت شهد بعد ماحجت وي
محمد ولا تعاركت
« اي خليها تسكت احسنلها فووك
شينها وجذبها تحجي علي،،
وتتهمه هو مايخلف
الادبسسز ،،
« ولج حظوظ اخوج رغم كله عيوبها
ماينطي بيها ويدافع الها اذا
واحد حجه وياها
« اي عيوني اخوج اخو مريته
لاتتعجبين
« ولج والله عقيل من سمعها عيرته
بعم حميد لعب بيها طوبه
« حيل بيها محد يكدرلها غيره
« اي يولي وحتى اخوج الجبير
سكته وخلاه يبلع بريكه
« اووف ولج كله من امج هي الجابت
هاي الشكول علينا
« اي واجماله ماتقبل واحد يحجي
وياها وذابه الشغل كله عليه
« عوفي بابا والتهي بدراستج
انتي سادس وعايده السنه لازم
تطلعين معدل
« اي ولج والله خايفه خوف
بس الله يدري بي
« لا لاتخافين ان شاء الله تطلعين
معدل زين
« امين يارب ،،،،
،،،،،،،،،،،،
داومت ورجعت ثاني يوم
وواحد صاحبي من الرمادي
خابرني وعزمني على عرس اخوه
مكدرت اعتذر منه لان هو اجه بعرس
محمد وطلعت الخميس من الصبح
للرمادي،،،
جان الجو ربيع وكلش حلو
وهناك تونست،،،،وي الولد
وارتاحيت شويه،،،
اني كلما اضوج اروح يم بيت
راكان،،،،،،،،،،اطلع ويا للصيد
واقضي وكت حلو وارجع ،،،
نفسيتي متغير شويه
ومرتاح
،،،،،،،،،،
ايام مرت،،،اني بالمدرسه
ومن صارت الفرصه،،،رحت
لهاله حتى اكعد وياها،،،،
شفتها كاعده بالساحه ويمها صديقاتها
تقربت منهن وسلمت
« هلو بنات ،،،،
« هلو دلال تعالي اكعدي
كعدت بصف صديقه هاله
الي جانت دشوف مقطع فديو
لصديقاتها
«  ولج  شوفي شلون يهز
هذا عرس مووو
« اي ولج هذا عرس اخو  صديقه
بالرمادي
مديت راسي
من سمعت صديقه هاله حجت
وشفت عقيل يركص ،،،ويطك
اصبعتين،،،وهو يضحك
وخرت عيوني بضوجه
بس بعدين صار عندي
فضول ورجعت اباوع وشفته
يركص جوبي وي،،،،
اصدقائه جان لابس دشاشه ولاف
الغتره بشكل كلش حلو
شكله جان متغير وجذب عيوني
وطوله وضخامته غلبت عليهم كلهم
ضحكته خلتني اصفن علي،،،
« فدوه هاله زوجني اخووج
« ههه. جان من عيني بس غير
هو يكول اريد اتزوج
« اووي يمه قلبي كام يوجعني
ولج شوفي كام يرمي، ،،بايد
وحده
باوعت مره ثانيه وشفته
واكف ولازم رشاشه بايد وحده
ويرمي ليفوك،،،
« حياك ابو سمره
واحد صاح من كمل،،،،وصديقة
هاله صاحت
« يمه معت وتكهربت،،،اريد ابو سمره
دخيلكم جيبوا الي
« لا عيوني هذا الي،،،مو الج
« وجع وسم شكد خفيفات
ومو شايفات
حجيت هيج وكمت،،،من يمهن
صورته وهو يرمي ظلت براسي
والطريق كله من رجعت للييت
ظليت افكر بي
بنص الطريق وكفت من حسيت
على روحي وكلت
«هاي شبيه اني ولييش دافكر
بي
« شبيج دلال اشو وكفتي
« هااا لاا ماكو شي، ،
جاوبت هاله ومشيت وياها،،،،
واني احاول ابعد صورته من
عقلي
وانتبهت لهاله من حجت وره
دقائق
« باي
« باي حبي
،،،،،،،
بذيج الفتره جنت اردد هوايه
اني اكره عقيل وما اطيق شوفته
بس بعقلي الباطني
جان الكره حب، ،،،حب
مو مفهوم،،،لان اني ماردت افهمه
او اصدگه،،،،
الكره غلب اي شعور حلو عندي
تجاها والي حسيت
احساسه ،،،مثلي،،،،
وكرهه لابويه زاد هذا الشي
وخله حاجز جبير بيني
وبينه
يِّتّبِعٌ