انقذني من انتقامي

بارت 8

أّنِقِذّيِّنِيِّ_مَنِ_أّنِتّقِأّمَيِّ
#بِقِلَمَ أّوِتّأّر حٌزِّيِّنِهِ
#أّلَجِزِّء أّلَثّأّمَنِ
،،،،،،،،،،،،،،،،،،،،،،،،،،،،،،،،،،،،،
،،،،،،،،،،،،،،،،،،،،،،،،،،،،،،،،،،،،،،،،،،،
،،،،،،،،،،،،،،،،،،،،،،،،،،،،،،،،،،،،،،،،،،،،،،،،
بعد ما  جدي وجدتي،،،،ماتوا
عمه علاهن،،،،،
كامت تجي علينا،،،وي عمي حميد
الي جان،،،،،، كلما يجي يجيب ويا
مخضر،،،،،،، وفواكه ومصرف النا
عاده مابطلها وظل عليها ،،،،
رغم الطريق،،،،
صار خطر من وره الامريكان،،،الي
جانوا تارسين الشوراع،،،
بارتالهم ومدرعاتهم،،،،،
« هلا بعلاهن كل الهلا بالحنينه
ابتسمت،،،،، من شفت عمتي شلون
حظنت امي وكامت تبوس بيها
وحجيت بگلبي
«اي والله صدك حنينه
مشيت الها وحظنتها وهي باستني وحجت بضحك
« ولك دنك بعد صاير شطولك
ماشاء الله،،،،
حجت هيج ودكت باب المجاز
مال بيت جدي عبنه خشب
وكملت،،،
« من فدوه لطولك الحلو،،،،،يبو
سمره،،،،،
عمتي مانست لقبها،،،،،،،الي
ولا نست تسأل علينا،،،،
« شلونج عمه،،،،
مشيت وياها هي،،،وامي وعمي
وخواتي اجني عليها وباسهن
« ولج هدوله صايره مره من فدوه اروحلج وصايره تشبهين امج
اختي خجلت ودنكت راسها،،،،
« شلونج يابه هدوله
« زينه عمو،،،،
عمي بوس اختي،،،،وامي
سالته من كعد،،،،
« شلونها سهى،،،،وليش ماجبتها
وياك ،،
« والله،،،،،، مكدرت تجي لان
ملتهيه بعرس ابن اخوها،،،محي
« هااا بالخير عليهم،،،
« يوم لمحمد ولعقيل،،،،
« امين يارب
امي سكتت وعمي سألني
« عقيل ما اشتريت للبيت الكتلي
علي ،،،،
« ايي عمو اشتريته قبل اسبوع
« بالاعظميه موو
« ايي ابو غايب،،،،،بالاعظميه
امي جاوبته وعمتي سالتني
« سجلته باسم امك 
توني اريد احجي وامي جاوبتها
« لااااا، ،،،علاهن اني  ماقبلت وهو زعل
عليه عبن رفضت يسجله باسمي
« يااااا يولي ليش ماخليتي يسجله باسمج،،،
« علاهن
هذا تعبه هوو والفلس الخاله بي
حقه واني حرام عليه اخلي يسجله باسمي،،،وهاي دنيا باجر اموت
ويصير ورث لاخوته وهو مو من
حقهم
« عمرج طويل يمه لاتحجين هيج
جاوبت امي، ،،وعمي كمل
« كلام امك صحيح هاي دنيا
وكلشي يصير بيها
حجه هيج،،،واشر الي وكام
اني كمت وراه،،،طلعنا للحوش
ووكفنا بي وهو حجه
« محتاج فلوس يول،،،
ابتسمت وجاوبته
« لا عمو عندي خير من الله،،،
«يول احجي لاتستحي، ،،خاف صار
غالي عليك وخلصت فلوس
« لا عم حميد انته تعرف من وره الاوضاع العقار نزل،،،وابو البيت باع
بسعر قليل لان يريد يسافر،،،،
سمعت بي جان بالدوله ويخاف
على روحه لا يصير بي شي
عمي سكت،،،،وبعدين حجه
« ايي يابه وهذا هم عمك حقي
سافر لسوريا ،،،وباع بيته،،من وره الاعتقالات الصارت
سكتت وهو كمل
« عمك الجبل انهار عقيل ولو تشوفه
ماتعرفه،،،الشيب ترس راسه من
وره القهر،،،وصاير مايتفاهم،،،
وعصبيته زادت،،،وي اهله
ابتسمت،،،،وجاوبت عمي
« اييييي، ،،مادووم لاحد
جاوبي خله عمي يسألني
« عقيل يابه احسك فرحان بالصار
بعمك
درت راسي علي،،،،وابتسامتي
بعدها،،،وجاوبته
« عم حميد
اجذب عليك اذا اكولك لاااا
والسبب تعرفه،،،
عمي سكت،،،واني كملت
« الدنيا دواره يوم الك ويوم عليك
وعمي،،،،ماخله بگلبي ذره من
الحنيه حتى انقهر علي،،،
« ابني عمك تره گلبه
طيب وهوايه
ساعد ناس من جان بمركزه،،،
وهم نفسهم اجوي علي وكالوله
اطلع لان الامريكان راح
يعتقلوك،،،
سكتت وذبيت حسره من گلبي
وجاوبت عمي بضوجه
« اخوك رحم الغريب وما رحمنا
احنا اهله،،،،
« حقگ يابه،،،بس اخويه مگدر
ينسه امك يصير اخوها الكتله
اخوه
« واني هم مااكدر انسه السواه بيه
ولا اكدر انسه اهانته لامي،،،
عمي سكت،،،،،،واني
هم،،،،،،
ماضي انكتب ،،،بحروف  من نار،،،
بگلبي وروحي،،،ومكدرت انسى
رغم الكل نسى،،،،،،
اخوتي كلهم مو مثلي،،،،وبس اني
كبرت والحقد كبر وياي،،
وخلاني
اعيش ببير،،،غميج واظلم
وكمت احس بمرور الوقت
بايد دتسحبني شويه شويه
ليجوه،،،،،كرهي الهم جان مرض
واستحوذ علي وكمت اشوف
كوابيس من انام
اكثر من مره
جنت احلم،،،،بابويه
يضرب امي
منظرها،،،،، وعياطها جانوا يخلوني
افز بنص الليل واني اسمع صوت
عيطتها براسي ،،،،
ماضي جنت اريد انهزم منه
بس للاسف
ظل وياي وملازمني مثل
ظلي
،،،،،،
عمتي علاهن ظلت يمنا
ومارجعت
وي عمي حميد
البيت الاشتريته جان جديد وبنائه
حديث ووره اسبوع تحولنا
بي،،،وجان رسول ويانا
وجدتي فطم
الي بصعوبه قنعناها تعوف بيتها،،،
« اللهم صلي على محمد وآل محمد
ولج كوثر صبرتي والله
عوضج شلون عوض وكله من خير
عقيل السبع
عمتي حجت هيج وجدتي، ،
جاوبتها
« اي يمه هذا عقيل اخو خيته
وحزام ظهر لامه ،،،،والنا
« اي والله
هذا ابو سمره،،،ابو طول الحلو
السبع مالتنا
جدتي تحب عمه علاهن وعمي
حميد لان شافتهم
يحبون امي ويحبونه
وظلوا يسألون
علينا،،،وماكطعوا بينا مثل الباقيين
« يمه اني اريد هاي الغرفه
الجييره
جنت اشيل الغراض وي رسول
وسمعت اخويه محمد يحجي
وي امي،،
« اخذها ابو جاسم،،،،،
« عقيل شوكت تشتريلي الاخشاب
« انته اختارها واني حاظر ،،
اخويه ابتسم وجاوبني
« تسلم عقيل ان شاء الله بس اتعين
ابدي اصرف وياك على البيت
حجه هيج وراح لغرفته،،،
« اكول هذا شوكت يحس صاير بكبر
الثور ولا شغله ولا عمله عود
دينتضر التعيين مالته
« عوفه رسول انته معليك بي
« اااخ منك ومن طيبه گلبك ولك
اني،،،،،،، مو شايف بعمري كله
الاخ الصغير يصرف على
اخوه الجبير ،،،
« شووف هسه،،،، وبعدين
اني  عندي خير ،،،،،
من الله شنوو اليمنع اصرف على
اخويه الما الله يفتحه بوجهه
« عقيل جيب الطباخ هنا وانته رسول
شيل ويا لاتظل تحجي هوايه
ابن خالي،،،، تگهرب من سمع صوت
هديل اختي وشفته شلون ارتبك
وكام يحجي مخربط
« ااا يي هسه،،،اجيب الثلاجه
واخليها بالحمام،،،
اختي باوعت عليه وضحكت
ومشت
وهو حس على روحه وباوع عليه
وكال
« اني شحجيت،،،،،،
ضربته على راسه،،
وجاوبته
« سالمين عيني تريد تخلي الثلاجه
بالحمام،،،،والصابونه بدل
الثلاجه موو،،،
« هاا اني حجيت هيج،،،،،
« گبر اي والله وبصفه،،،شرطي
شيل ولك،،،خلي نكمل بسرعه
رسول شال الطباخ،،،،،وهو بغير عالم
اني جنت اعرفه يحب
اختي وهي هم
تحبه،،،وجنت منتظره يحجي
ويكول اريد اجي اخطبها ،،،
حتى يزوجون،،،واخلص منهم
،،،،،،،،
استقرينا بيتنا،،،،،،ووراها بفتره
اشتريت سياره،،،وكمت اتردد على
معارض السيارت،،،،،ومن
صار استيراد
السيارات من الاردن
اشتغلت بيهن
وجان راس المال مالتي ناقص
وعمتي علاهن من سمعت
بي محتاج فلوس باعت بيتها
وانطتني فلوسه
والورث مالتها هم،،،
وعمي هم ساعدني بمبلغ چبير،،،
واشتغلت بالسيارات،،،،والحمد لله
الله وفقني،،،،وكمت مااكدر
اعد الفلوس
من كثرتها،،،،،،،
والورشه صارت اثنيين،،،وحالي
تبدل من فقر لغنى،،،،،،،،وبتعبي
سويت هذا الشي،،،،وفضل الله
وعمي وعمتي الي ماعافوني،،،
ولو لحظه،،،،
فلوس عمتي من رجعتهن
الها رادت بيت بيهن
ببغداد،،،،اشتريته الها
وسجلته باسمها،،،،،،واجرته لعائله
وفلوس عمي عافهن يمي وكال
شغلهن،،،،،الي وياك
وبيوم،،،،،الحزن اجانا من
جدتي فطم ماتت،،،،،،
جان الوكت شتا ومطر،،،
والدنيا بارده
كلش،،،وامي وخالاتي،،،
رقيه وزينب
نامن على تابوت جدتي وماقبلن
يطلع من بيتنا،،،،،،،منظرهن
جان يكسر
الگلب،،،،ومنظر امي وهي تنوح
وتبجي،،،خلاني
اروح عليها واكومها
من التابوت بالقوه،،، خفت عليها
لاتلحك امها،،  وخفت على روحي
لا اخسرها مجرد
التفكير بفقدان،،،امي
يخليني اختنگ،،،،والعبره تخنكني.،،،،
وايام مرت وامي بحزن
ولابس الثوب الاسود والايام
هي نفسها الي تنسي الواحد حزنه
وقهره،،،،،،،،،على فراگ احبابه
وعمه علاهن ماعافت امي
،وظلت
يمنا،،،ومن طلعت السنه
مالت جدتي
محمد. ،،،،،،فاتحنا بموضوع
زواجه
« يمه شوكت تروحين وتخطبين
شهد الي،،،
محمد حجه هيج
وكام وكعد يم امي،،،،
جنت اشرب جاي،،،بكلاص
لان مااحب الاستكان ولا الكوب
وامي جاوبته
« ولك يمه انته وين فلوسك
حتى تزوج
ذاك اليوم تعينت وبشعلان الگلب
والا اخوك دفع گوم فلوس
ياله تعينت
« اهووو كامت تعيريني بفلوس
عقيل،،،
« محمد لاتصيح واكعد
حجيت بهدؤ وي اخويه،،وكملت
وي امي،،،
« يمه اخذي موعد وي بنت خالج
حتى تروحين انتي وهديل عليهم
واي شي تحتاجي لعرس محمد
اخذي مني
« ارجعهن الك بس يتحسن راتبي
واسوي سلفه،،،
« دكووم ولك شنوو ترجعهن
زواجك كله عليه،،،ولاتشيل هم
محمد فرح واجه عليه باسني،،
وكال
« وكفتك هاي ابد مراح انساها
سكت للحظه ودنك راسه وكمل
بس،،،،،
« شنوو محمد احجي
« مااريد احد يدري ااني تزوجت
من فلوسك
« فلوسي فلوسك يول،،،واطمن
محد راح يدري،،،
وبيوم العقد بالمحكمه
رسول من  شاف شهد مرت محمد 
كتم ضحكته،،،،،
بصعوبه،،،،،وكام يصنف عليها
لان جانت ناعمه كلش وضعيفه واي
ملامح انوثه ماعدها،،،،
« ولك هاي شنوو اشو هاي
مصطره،،،،،جده فطم الله يرحمها
جانت عدها انوثه اكثر منها
رسول حجه هيج،،،وكام
يرسم تضاريس المراه بالهوه
« اسكت ولك واحترم نفسك
« عقيل شفتها شلون ماكووو
بح،،،،ولك بح
ضربته على جتفه وصحت بي
« انجب ولك،،،،ولاتظل تحجي
حجي ماصخ ،،،،
« لك عيني،،،،اخوك راح يحظن
تراب،،،،
« نعل صفحتك،،
حجيت هيج وركضت
وراه وهو شرد
وضحكته، ،،،، ،، تتردد بالشارع
رسول جان فطير وبس يضحك
عكسي عاكد حواجبي وماخذ
الدنيا
بجديه ،،،،
،،،،،،
اخويه تزوج،،،،،،،،،وبيوم زواجه
كلها حجت بي،،،،
لان جان راقي واني ماخليت
شي بنفسه ماسويته ،،،،
صرفت علي بفرح،،،،،لان اول واحد
بينا يتزوج،،،
ومرته وي الوكت عرفتها وحده
مسمومه
وصاحبه مشاكل وصوتهم جان
يوميه يطلع،،،،وامي من
جنت احجي عليها
تدافعلها
عبنها گرايبها وماترضى
واحد يحجي وياها،،،،،،
وجنت اسكت لخاطر
امي ولخاطر اخويه الي حسيته
مو رجال،،،،واخو مريته
،،،،،
ايام مرت واشهر ،،،وبيوم
جنت راجع
من المعرض مالتي،،،بوقت متاخر
طبيت من الباب
وشفت هديل،،،،ورسول
كاعدين سوه،،،وجان هو قريب عليها
كلش وهو من شافني فز وكام
وبين علي الارتباك
منظرهم واختي من انهزمت،،،،
خلوه الدم يصعد براسي،،،
ماحجيت شي،،،،بس نظراتي
خلت رسول يدنك راسه،،،،،
عفته،،،،ومشيت بسرعه وهو اجه
وراي وحجه
« عقيل اوكف لاتاذي هديل
انته افتهمت غلط،،
انداريت بسرعه ودفعته،،،وصحت
بي
« ولك عبالي رجال وتخاف
على عرضك
بس انته طلعت واحد ناقص
وماكو غيره براسك
« عقيل حقگ بس والله هاي اول
مره اكعد وياها وحدنا،،وروح ابويه
جنت مخنوگ وردت احجي
وياها،،،
« باوع ولك باجر تجيب خوالي
وتجي تخطبها ،،،،اني مايصرفلي
هذا الحجي،،،،
حجيت هيج وهو جاوبني
« ايي والله باجر راح اجيب عمامي
واخطب بس انته لاتزعل بروح
ابويه لاتزعل عليه ولاتاذيها لهديل
تره اني لحيت عليها حتى
تجي وتسمعني،،،،
سكتت واني جاز على سنوني
وجنت اريد الزمه واكسره،،،بس
شفعله
هو اول مره يسويها
رسول اعرفه لان تربى ويانا،،،
واختي تربات ايدي،،،،واعرفها
مستحيل
اتنزل راسي،،،،
وجنت متأكد هاي اول مره تصير
عفت الموضوع وطبيت،،،
وثاني يوم اجوي خوالي وخطبوا
هديل،،،،،،،لرسول
بيوم زواجهم،،، رسول تخبل وكام
يرگص لروحه،،،وويا شلتنا التعبانه
البيت انترس،،،،،،زلم ونسوان
وجان عمي واكف وياي
هو وعمتي
علاهن،،،، غياب ابويه مو جديد
علينا لان طول هاي السنيين مابين
ولا شفته رغم محمد راح علي
وعزمه على عرسه وهو ماأجه
امي تأثرت منه هوايه،،،،
ورغم فرحتها
باخويه واختي حسيت
اكو حزن بعيونها
حزن سمعته تشكي لعمه علاهن
وبدون مايدرن بي،،،
« علاهن شفتي اخوج،،،ابنه تزوج
وبنته وراه وهو ماكلف نفسه واجه
وكف وياهم بهذا اليوم
«حقج كوثر واني حجيت وحميد
حجه ومافاد. ،،،وعبالج هو من عفتي ارتاح،،،يم تماضر لااا وعيونج
نفس الطاسه ونفس الفاسه،،،،
وساجد شلون جان يعاملج كام
يعامل تماضر واسؤ،،،،
« ابو طبع مايغير طبعه،،،،
«ايي خيه ،،، وطبعه زاد مانقص
« علاهن رغم السواه بيه
اني جنت
اكول حگه،،،اخويه كتل اخوه
وخله بي عقد،،،،خلته
مايحبني
«ايي. والله صدك ،،، واخويه
مايفتهم،،،
خسرج وخسر ولده ،،،،
ماضي كلما احاول انساه يرجع
ويفتح جروح چبيره،،،،
والماضي وذكرياتي،،،،خلتني،،
ابدي اشرب،،،وي كم واحد اعرفهم
من الشغل،،،،،
جنت اريد انسه العشته والشفته،،
وجنت اريد انهزم من بجي امي،،،
من كلامها من تكعد وحدها
وهي تلوم بابويه،،،،،،،،والدنيا
الظلمتها،،،،راحتي لكيتها بي
وصار مزاجي،،،،،،،
وامي من سمعت تخبلت وتعاركت
وياي
« ولك عقيل كمت تشرب،،،صرت مثل ابوك السگير،،،،جرك ابوك
بالشرب،،،وراح تصير مثله
محجيت شي وكمت من مكاني
ومشيت وهي جرتني من القميص
مالتي وصاحت
« ولك وين رايح،،، مو داحجي
وياك
اشرت على راسي وجاوبتها
« يمه  مزاجي فوول لاتطيري
بصياحج،،،،،،
« عقيل شبيك انته تخبلت
شلون تشرب،،،،هااا شتدريد اايكولون
علينا العالم ابنهم سگير ويجي
بنص الليل يطوطح،،
محمد حجه واني ضحكت
« ههههه وليش اطوطح،،،اصلا
شوفني  امشي احسن منك
« محمد انته معليك،،،لاتتدخل
هو مو صغير،،،حتى تعلمه
زوجته حجت ويا وجرته
واني جاوبتها بضحك
« عفيه بيج لاول مره بحياتج
تحجين الصدگ،،،
« شفت اخوك شلون يحجي
وياي
« اسكتي شهد وروحي لغرفتنا
« مااروح واريد افتهم هو ليش
هيج حجه وياي هااا
من صاحت عليه،،،،تخبلت وتقدمت
عليها ،،، وامي وكفت بوجهي
صحت بيها ،،،واني
اشر بأيدي ،،،،،
« عليمن تصيحين ولج ،،،
طايحه الحظ،،،،،،،،، اني عقيل
مو محمد واذا بعد سمعت حسج
بالبيت واني موجود بالقران اكص
لسانج واذبه للجلاب
شهد انخرست من شافت عقيل
فقد ومحمد جاوبه
« عقيل مااسمحلك تحجي وياها
هيج،،،،هي ماحجت شي
« اخذ مرتك يول ولاتخليني
اتصرف وياها  تصرف مايعجبك
وصير رجال،،،،وضبها،،،لهاي
احسن ماتفشلك باجر
كدام احد ،،،،،
شهد راحت وهي تدردم ومحمد
لحكها،،، وامه كعدت وهي
تضرب على رجليها
« هاي تاليها يمه هاي تالي صبري
تصير مثل ابوك عرگجي
وابو ملاهي
اووف يمه لو ميته ولا شايفه
هذا اليوم
مسحت وجهي،،،وماجاوبتها
وهي كامت وحجت وياي،،
،بعصبيه
« اتبره منك اذا ماتعوفه
وروح ابويه
اتبره منك عقيل اذا ماعفت
العرگ
« راح اعوفه بس انتي اسكتي
كلمه كلتها وماوفيت بيها
وظلت مشاكلي امي ،،،الما
تعبت وملت مني،،،،،
وعمي حميد تدخل وهم مافاد
وظليت بعالمي الي انسه بي
كلشي،،،،كرهته بحياتي،،،
ويوم وره يوم،،،،والقوه
. والسلطه
الي جنت اريدها،،،هي اجتي
برجليها الي ،،،بيوم رسول اجه
عليه للمعرض كال
« عقيل تعرف كاظم موو
« اي شبي،،،
« زوج اخته يريد كم واحد
يصيرون حمايه اله،،،،،
« ليش هوو منو  وشنوو يشتغل
كلي اسمه وعرفته لان سامع بي،،،
« عرفته اي كمل
« هو كلي عليك لان يعرفك ،،
وطلب مني احجي وياك،،،حتى
اذا وافقت تدخل دوره مال تدريب
« زين وانته
« لا يابه،،،اني بس حجيت يم اختك
غسلتني وجفتني ودفنتي ولبست
عليه اسود
« هههه هاي سوالفها هي وامي
الي اذا سمعت هم راح تسوي
مثلها
« يعني اكله ماتريد
سكتت للحظه وبعدين جاوبته
« لا رسول كله موافق ،،،،
« بس عقيل لادكول لاختك.
ولعمتي
اني كتلك،،،،تره
رسول اشر على ركبته،،،واني
ضحكت وجاوبته
« يول صير رجال،،،شبيك خايف
منهن
« الي ميخاف من مرته مو رجال
هسه تشوف واليحب يسكت
غصبا ماعليه
حب جان بعيد عني،،،،وعمر گلبي
مادك لوحده رغم كثرهن،،
لان
گلبي رغم صغر حجمه،،،جان محمل
بهموم بثگل الجبال،،،،
احلامي كلها حققتها، ،،،،،
وحلمي بالقوه
تحقق وصرت بحمايه،،،استاذ
كريم،،،،بعد مانجحت بالدوره،،
وشويه شويه،،،،، وبعد ماشافني
ذكي وقوي،،،،، وجدي بشغلي ،،،
خلاني مسؤول حمايته،،،،،،
الرجل جان فقير وجنت
اتعجب شلون
دخل هذا العالم الي كله حيتان،،،
همه جان التغيير بصدق،،،جان
يريد يشتغل للبلد ويغير من حاله
وجنت اسمعه من يحجي،،،،،
واتمنى كلامه يصير واقع،،، 
بس هيهات،،،،،وبلدنا مشى
من سيء لاسؤ،،،،
اني جنت ملتهي بعالمي،،،وشغلي
الي سلمته لرسول،،،،ومؤيد اخويه
الي مافلح بالدراسه مثلي،،،
وجنت،،،، اتابعهم من انزل باجازه،،،
دوامي جان ببغداد،،،،وجنت يوم
اداوم ويوم لا،،،،،،،وبيوم شفت
الماضي رجع والي  انهزمت منه
اجه وصار حاضر  چدامي،،،،
وغصبا ماعليه،،
بسنه 2009 سمعنا بعمي حقي
رجع من سوريا هو اهله
عمي حميد كال من اجه علينا
هو كعد يمنا بالاعظميه،،،،بس وين
مكال اني جنت عبالي،،،،،،بعيد
عنه بس لا طلع قريب وگلب
عالمي،،،،
يِّتّبِعٌ