انقذني من انتقامي

بارت 15

#أّنِقِذّيِّنِيِّ_مَنِ_أّنِتّقِأّمَيِّ
#بِقِلَمَ أّوِتّأّر حٌزِّيِّنِهِ
#أّلَبِأّرتّ أّلَخَأّمََّس عٌشٍر
،،،،،،،،،،،،،،،،،،،،،،،،،،،،،،،،
،،،،،،،،،،،،،،،،،،،،،،،،،،،،،،،،،،،،
،،،،،،،،،،،،،،،،،،،،،،،،،،،،،،،،،،،،،،،،،،،
درت وجهي من سمعت
صوت
امي،،،ولزمت دلال من
رادت تروح،،،ووكفتها بصفي
« شبيج مفلفله ماكدرتي تنتظرين،،،
الما تصيرين ويا بالغرفه ،،
وذيج الساعه
تاخذين الي تريدي والجايه علي
فكيت عيوني من سمعت عمه كوثر حجت هيج،،،وحاولت اهد ايدي من
ايد عقيل الي جان لازمها بقوه
مكدرت،، ومن ردت اجاوبها
هو حجه،،،،
«كلامج ماله داعي يمه،،،
وعيب تحجين هيج وياها،،،،،
« عيب عليه لو عليك يالجبير
الي هديت ضيوفك ورحت وراها
مثل الجاهل،،،
«يمممه،،،،كافي عاد تره كلامج
ماله داعي
فزيت من صاح وايدي من
ضغط عليها بقوه انمردت بأيده من عصبيته،،،،
« تصيح عليه عقيل ومن وره منو
من وره بنت حقي،،،،،
« استغفر الله يارب،،،
حجه هيج،،،،ومن رخه ايده كدرت
اهد ايدي منه،،
ابتعدت بسرعه وباوعت لعمه
كوثره
وحجيت ودمعتي بعيوني
« اني مو كاتله روحي على ابنج
هو الي سوه المستحيل حتى
ياخذني وبالغصب
قبلت بي
سكتت وباوعت علي،،وشفته تغير
وجهه،،،والقسوه بينت بعيونه
وملامحه،،،
« لا فلوسك ولا اي شي  قنعني
اقبل بيك،،اني
قبلت،،،،، لخاطر اخويه وانته
تعرف هذا كلش زين،،،
« ولج اني لو عليه تراب رجلي،
مااخليج تلزمي،،،،،،بس ااخ
شسويله للحظ ،،،،الي خلاه
يحبج انتي من دون كل
البنات
عمه كوثر جاوبتني،،،وهو
سكت وظل يباوع عليه،،،بنظرات
عرفتها وحفظتها مثل اسمي
مشيت خطوه،،،،وسمعته كال
«راح  يجي يوم وينكسر
هذا الخشم اليابس وانتي
برجليج هاي  راح تجين
وادكولين احبك عقيل
انداريت علي،،،،وبذيج الساعه
شفت التأثر مبين علي،،،،
مدرت بال وجاوبته
«تاكد مراح تسمعها مني،،،،
لان اليكره واحد عمره كله
مراح يحبه
حجيت هيج ومشيت وعفته،،،
« اووف يمه ولك سمعتها باذنك
ادكولك اكرهك شنوو انته ماعندك احساس ماتعوفها
سكتت ومثل كل مره كلمه دلال
دكت بگلبي ،،،،
كلامها بذاك اليوم وچدام امي،،،
خلاني بموقف موحلو،،،،،،
دلال ذلتني چدامها،،،،،،
وخلتني،،،،احس بروحي مالي
قيمه بهاي الدنيا
وحبي الها داسته برجليها،،
اكثر من مره
تصرفها وياي وكلامها
جان يخليني
اطلع
وجهي الثاني جان يرجعني
لفكره
الانتقام،،،الي استحوذت عليه
طول ذيج السنيين،،،،،
حقد وانتقام جانت امي
والعشته اني
يغذوا وجنت اريدها هي تنسيني
هذا الشي
جنت ماد ايدي الها ،،،
وهي رافضتها،،،رافضه تنسيني
العشته ورافضه حبي القدمته
مقابل النسيان، ،،،
امي ماسكتت،،،وظلت تلوم بيه
واللوم وعتبها والصار والسمعته
خلاني امشي ،،،، من يمها،،،،
وكلمتها لدلال،،،
اليكره عمره مايحب
ترن براسي،
كعدت بالاستقبال
وصفنت بالوجوه،،،،،
جنت اسمعهم يحجون واني
ماعندي اي تركيز
على حجيهم ،،،،وظل
كلامها وتصرفها،،،
مستحوذ عليه والي خلاني احجي
وي ابوها بصوت قوي
« عم حقي اني اريد اخذ اسبوع
الجاي
الكل سكت،،،،وصفنوا  عليه
« هاا يابه اشوفك مستعجل
عم حميد حجه واني جاوبته،،،
« اني جاهز من كله ليش دنتاخر
بالزواج،،،،واني اصلا مااحب
فتره الخطوبه تطول،،،
سكتت وباوعت لعمي
وكملت
« شدكول عم حقي
« براحتك يابه،،،بس خلي اشوف
هم كملوا شغلاتهم
« عم ،،،،،اذا بقه شي ناقص
تاخذه هذا الاسبوع ،،،،
« هاهيه يابه،،،،،وعرس غسان
وراكم باسبوعين ،،،
هزيت راسي باي،،،ورجعت ليوره
وسندت روحي،،،على القنفه
وصفنت، ،،،بجمود
« عقيل صاير شي،،
درت وجهي لرسول وجاوبته
« لا ماكو شي
ابن خالي صفن عليه،،،وهز
راسه وجاوبني
« لا بيك شي،،،انته مو طبيعي
سكتت ،،،وطلعت باكيت الجكاير
وكمت
ترخصت من خطاري
وطلعت بره،،،،ووكفت بالحديقه
وكمت ادخن،،،
« عقيل شصاير،،،،
رسول سالني واخذ جكاره وورثها
مني،،،
«رسول شلون اريد دلال تحبني
وهي احلى مني،،،،،بهوايه
حجيت هيج وهو صفن عليه،،،واني
كملت بضياع واني صافن
بجمود
« رسول مرات احس اني شيطان
وهي ملاك،،،،،
سكتت ورفعت ايدي لوجهي
وكملت
« ليل اني وظلام،،،
وهي نهار يضوي
اني جبير وهي صغيره
هي حلوه وفتنه للعين واني
سكتت بغصه ،،،وكملت
«واني احبها وهي ماتحبني،،
« شبيك انته مادكولي
الرجال مايعيبه غير جيبه
واذا ماتريدك شكوو مجلب بيها
ماتعوفها يااخي،،،ولك انته الف وحده
تتمناك،،،واولهن بنات خوالك الي
ذبحن روحهن من عرفن بيك
راح تخطب بنت عمك ،،،
غمضت عيوني بتعب،،،،وفتحتهن
من شفتها،،،چدامي
« عقيل دلال راح اتعبك ،،،
لان انته تعرف كلش زين
شلون اخذتها
عوفها هسه احسن ماتعيش وياها
بعذاب طول عمرك
صفنت على رسول، ،،،وذبيت
حسره وجاوبته
«عذاب اني راضي،،،بي
لان اذا راحت من ايدي ،،،راح اعيش بعذاب اكبر ،،،
« تخبلت وعلي،،،ولك انته شبيك
صاحي لو شارب، ،،
اني اول مره اشوف واحد
يجيب الاذيه لروحه وياخذ وحده
ماتحبه ومو طايقه تشوفه
سكتت من شفتها طلعت،،،،
وهي لابسه عبايه مفصله عليها
اول ماشافتني،،،دنكت راسها
ومادارت بال
« اقبض وشوفها شلون مادارت
بال الك
سكتت وعيوني ظلت عليها،،،
وهي مشت بخطوات سريعه
« وين رايحه
حجيت بلهجه امر وياها من شفتها
تريد تطلع
مادرت بال اله،،،ومشيت للباب
وهو بخطوات سريعه صار كدامي
وكال
« سالتج وين رايحه
مارفعت راسي وجاوبته بضوجه
واني كاتمه دموعي كوه
« للبيتنا،،،،،
« ارجعي ماكو روحه،،،،من اهلج
يروحون ارجعي وياهم،،،
وخرت منه  وفتت من غير جهه
هو صاح
« دلال لاتختبرين صبري وياج
كتلج ارجعي،،،يعني ارجعي
« عقيل،،،
رسول جرني منها،،،،وهي
بس وخرت فتحت الباب وطلعت
تخبلت ودفعت رسول
وطلعت وراها
« ولك ارجع شبيك انته تخبلت
مادرت بال اله من طلع وراي
وحجه ورحت لسيارتي
شغلتها ولحكت دلال
وصلت بسرعه يمها،،،،ونزلت
« اوكفي ولج
صحت بصوت مكتوم وجريتها
من زندها،،،
« عووفني،،
صحت بي ودفعته،،،وابن خاله
اجه ولزمه
«  رسول عوفني احسنلك
صحت بابن خالي،،،ودفعته ومن
رادت تنهزم لزمتها مره ثانيه،،
« هاي شكووو عقيل شصاير
وشبيك وي البنيه
اثنيين من الجوارين اجوي واني
صحت،،بيهم
« مرتي لاحد يدخل،،،
رسول راح عليهم،،،
واني جريتها بقوه وركبتها
« بالقران هسه اذبحج هنا
اذا ماركبتي،،. ،،،
دفعتها،،،،وبس كعدت،،
رحت بسرعه ركبت وسقت
واني اتنفس بقوه،،،
درت وجهي،،،منه وبذيج الساعه
كل دموعي نزلت وكمت اشهك
بصوت،،،قوي،،،
لزمت الستيرن قوي،،،من سمعتها
تبجي وتشهك وظليت اباوع
للطريق بعيون جامده،،،
وحجيت من علا صوتها
وبكل كلمه گلبي يأكد عليها،،،
بدكات كتبت عذابي وذلي،،،الها
« ولج كافي وافهميني عاد افهميها
لخاطر الله
سكتت وباوعت عليها،،،وكملت
« افهمي اني احبج،،،وميت
عليج ،،،واغار عليج من عيوني
قبل نفسي،،،،
دلال،،،عمري ماحبيت
ولاعرفت الحب
الا وياج ولج هذا گلبي،،،من يشوفج
يكوم يرجف عليج هو وجسمي
سكتت واخذت نفس طويل وذبيته
نار حرگ روحي حرگ،،وكملت
واني صافن على الشارع
« دلال اني ماعشت مثل الغير
طفولتي جانت مرار وعذاب،،،
من وره ابويه واجدادي وابوج
ومن عفتهم،،،،عشت بتعب،،،
وماشفت الراحه،،،
عمري،،،،كله قضيته اشتغل
واكون بنفسي حتى مااحتاج احد
لااني
ولا اهلي. ،،،
سمعته كال احبج وميت عليج
وگلبي ماحس بشي
بروده نزلت عليه مو طبيعيه
ولو جنت احب عقيل،،،ولو كبرت
عقلي
بذاك الوكت،،،،،،  جان افتهمت علي
جان وكفت ويا وحاولت
اخفف من
عذابه،،،بس كرهي اله والسمعته عنه
وتصرفاته وياي
خلاه گلبي يقسى وماادير بال
اله،،،،،،
طلعت الي بگلبي وهي مادارت
بال،،،،وظلت ساكته،،
ودايره وجهها مني
عضيت شفتي بقهر ومردت
الستيرن،،،،،بقوه وفركته بأيدي
بقوه اكبر،،،،،ومن وصلنا جنت افور
لان فتحت گلبي  الها وماسمعت
منها كلمه تبردني،،،
جانت الدنيا مغرب،،،،،وبس وكفت
يم باب بيتهم هي نزلت
بسرعه وطبت
نزلت وراها وطبيت،،،
ورحت للمطبخ من شفتها فتحت
الباب وطبت
« اووكفي،،،
صحت بيها وهي ماوكفت
مشيت بسرعه الها،،،،ولزمتها
« عوووفني واطلع 
« ولللج شنوو انتي حجر قالب ثلج
ماتحسين صارلي ساعه احجي
واكول احبج وميت عليج
وانتي ماكوو اي شعور
منج،،،
دفعته من صدره،،  وطردته
« اطلع بررره مااريد اشوف خلقتك
ااااكرهك
بس نطقت هاي الكلمه
شگيت عبايتها،،،،وشلتها بسرعه
ورحت بيها لغرفه قريبه على
المطبخ
تخبلت من سوه هيج وكمت
اضرب بي واصيح واني فاقده
« ولك عووفني عقيل عوفني
بذيج الساعه ماظل عقل براسي
وجنت اريد اخذها واكسر خشمها
وبس طبيت الغرفه
ذبيتها وقفلت الباب،،،
رجعت ليوره من اندار عليه
وبعيون شر،،،،
جان عقيل المجرم،،،،الي
تقدم عليه،،، وكال
« انتي جبيتها لروحج واتحملي
الراح يصير
لميت العبايه على روحي
ورجعت ليوره وحجيت بخووف
واني ارجف وابجي
« شترريد تسوي،،،
«راح اخذج وبيت ابوج،،،
راح اخذج دلال واذلج مثل
ماذليتني
حجه هيج وهجم عليه،،
« لاااا
صحت وهو كتم صوتي،،،
بايده،،،،وجرني للكاع
ونام عليه
عقيل ضخم اني صح عندي
  جسم
بس انعم منه واجي لكتفه
ومن لزمني جان فاقد ،،،لان
بوساته جانت بقوه ،،،
وايده نزعتني بسرعه فستاني
السواه خلاني ،،،،،، انفض
بروحي جواه
حاولت اصرخ مكدرت
لان جان
خانكني ببوسات اخذت النفس
مني ،،،
جسمي كله بين كدامه ،،،
وهو من شافه كام يبوس بي
وهو كاتم صوتي بايد،،،
وحاصر ايدي ليفوك بايده
الثانيه
جنت اسمعه يكول وبنفس
سريع ووجهه احمر
« احبج دلال ولج احبج
حسي بي،،،،، لخاطر الله
حجها ورفع روحه،،،،نظراته تغيرت
وحس على روحه،،،باخر لحظه
من شاف دموعي،،،،وجسمي
المتشنج،،،
وخرت من دلال من
حسيت بروحي،،،،شراح اسوي
وغمضت عيوني وعفتها
وكمت
اضرب بروحي
وكمت وره لحظه وراسي ثكيل
وفاصل عن الدنيا
من لمت روحها وهي خجلانه
ضربت راسي،،،، وصحت
« ااااخ ولك شسويت عقيل
اخذت العبايه من الكاع
وذبيتها عليها ،،،،، وطلعت بسرعه،،،
ركبت سيارتي وطلعت بيها
بشحطه،،،
،،،،،،
كمت وره دقائق واني ابجي
واشهك،،، واحس
بجسمي مكسر،،،،وكبل رحت
للحمام ذبيت العبايه،،،
ووكفت جوه الدوش،،،واني لامه
ايدي على صدري،،،
شهاكتي ملت الحمام،،،
والمشهد تكرر كدامي،،،
لمساته وانفاسه،،،جسمه الشفته
انطبع بدماغي وسوه بيه
رجفه،،،،،،خلتني ابرد بالحمام
كعدت بالكاع،،،،،،،وكمت اتقيأ
بقوه،،،حسيت بروحي راح تطلع،،،
وكلما جنت اغمض عيوني،،
اشوفه كدامي هو السواه بيه
وره دقائق،،،،،، سمعت الباب اندك
فزيت،،،،،،،، وعبالي رجع عليه
« دلال بيج شي
سمعت صوت ماما ومجاوبتها
وهي رجعت دكت وحجت
« دلال جاوبني،،،بيج شي
ظل بالي عليج ليش طلعتي
قبلنا
تماسكت كوه وجاوبتها بصوت
يرجف ،،،،
« مابي شي راسي كام يوجعني
من الهوسه ورجعت
امي سكتت وكالت
« كملي سبح بسرعه الدنيا
مغرب موزين عليج
« ايي
جاوبتها ورحت لبست برنصي
وطلعت،،،وره دقائق،،
وصعدت بسرعه لغرفتي،،،
،،،،،،
مانزلت للعشه وطلعت حجه اني
تعبانه
وامي من شافتني نايمه ومطفيه
الضوه عافتني براحتي
ونزلت
بنص الليل ،،،،،صخنت
وارتفعت
حرارتي كلش،،،،وكمت اهذي
باسم عقيل ،،،،،،، ،والسواه شفته
كابوس خنكني وخلاني ابرد
واحتر بنفس الوقت،،،
جنت اصيح بصوت مكتوم،،
واني احس بأيده تتلمس بجسمي
« عوفني،،،لاتلزمني،،،
عقيل مااريدك،،،،،عوفني،،،لاااا
تاخذني
اكثر من مره فزيت
من فراشي من اوصل لهاي
النقطه،،،،، وارجع اوكع بتعب،،،
واني ابجي،،،،واشهك
للفجر يله فكتني الصخونه،،،،،
ونمت بتعب واني اون،،،،،
بذاك اليوم
حسيت بروحي وصخه وصرت
مو بنيه،،،، رغم عقيل مااخذني
هذا الاحساس،،،والسواه
ومن سمعت
بعرسي الخميس الجاي
اثر عليه وخله نفسيتي تسؤ بعد اكثر ،،،،،،وخلاني اعزل روحي
وشهيتي ،،،،، قلت وكمت مااكل،،،
ردت احجي،،،واكول لماما على
السواه وماكدرت،،،،
لان عرفتها  راح ادكول
وانتي شطلعج ويا،،،وشلون
خليتي يطب وياج للبيت
واسكتي لايسمع ابوج وتخرب
خطوبه اخووج
سكتت وبلعتها مثل غيرها
وهو،،،،،،، ماشفته بعد وبيوم الحنه
اجه وجاب ويا كلام،،،خلاني
ارتاح ،،،
بيوم حنتي لبست بدله رماني
طووخ
وسويتلي ام الصالون
تسريحه بسيطه،،طلعت لعابه
على كوله هديل وامي
وصدك جنت هيج ،،،،،
لان حسيت باحساسها،،،،الجامد
لان جان كله بايد امي وهديل
وهاله،،،،،،هن لبسن وهن اختارن
المكياج،،،اني جنت
بغير عالم،،،جنت خايفه منه
وعايشه برعب،،،،
وجان يجي كدامي،،،،السواه
وجنت اكول،،، بغصه مخنوكه
راح يكمله باجر،،،الراد يسوي،،،
بيتنا،،،،
وصلت للبيت،،،،وجان متروس
نسوان،،،من اقرباء عمه كوثر
واقربائنا،،،،
طبيت وسط الهلاهل،،،والجكليت
وعمه كوثر اجتي وبوستني من
طرف خشمها وماحجت شي
وامي انتبهت وصفنت عليها،،،
بس غلست،،،وظلت تباوع عليها
بانزعاج،،،،
كعدت واني اسمع كلامات الاعجاب
بجمالي،،،
جنت مدنكه ولازمه قرأن انطتنيا
بيبي لطوفه،،،الي كعدت يمي
وكامت تنشر الي بأيات
قرآنيه
هديل وهاله جان مبين
عليهن الفرح
وركصن الي هنا وكم وحده
من اقربائنا وصديقاتي
وياهن،،،،
بس كم وحده من بنات
خوالهن وكفن صفح وظلن
يباوعن عليه بحقد،،،بين بوجههن
ساعتين مرت وكالوا،،عقيل
اجه
گلبي هبط،،،،وجسمي كله تشنج
وردت اكوم بس ماكدرت لان
رجلي
صارن خيوط،،،
عرفته طب من اشتغلت الهلاهل
ومارفعت راسي،،،
وهو اجه وكعد يمي،،، ،،وظل
يتشكر من الي،،،، جان يبارك النا
خواته شغلن الديجي وكامن يركصن
ووياهن عمه علاهن وبنات خاله
الي ذبحن روحه وهن يهزن،،،
بروحهن كدامه،،،
باوعت علي بطرف عيوني
وشفته مدنك ويهز برجلي،،،
وره لحظه اشر لهديل،،،الي اجتي
وحنته وحنتني ويا
بس كملت كام،،،يريد يطلع
بس عمه علاهن،،،لزمته وكامت
تهوس
« بوسها وبك بوسها ولاتخاف من
امها ،،،
راد يروح بس هي وكفت كدامه
ودارته عليه،،،وامي كومتني،، وكالت
بضحك
« شوفها لدلال شلون طالعه حلوه
وعبالك لعابه،،،
« اييي عيني وباجر هذا كله
يصير الك
عمه سعديه صاحت بضحك
وهلهلت،،،وكامت تهوس النا
طول بوكفته وصار هدؤ وسمعت
همسات،،خلتني ارفع راسي،،،
وشفته لعقيل صافن عليه،،،،
بنظرات نفس نظراتي ،،،
كسره خاطر وحزن ،،،،،
عيونه والحزن البيهن،،،خلاني
اصفن عليهن،،،،للحظه
« بوسها عقيل ،،،
سمعنا صياح البنات،،،
واني نزلت راسي،،،،ولزمت القرآن
بقوه. وهو دنك بسرعه باسني
من راسي
وووخر وخله التصفيق والهلاهل
تشتغل
ماانتظر احد يحجي ويا وطلع
بسرعه،،،،
كعدت وغمضت عيوني بتعب
وجسمي حسيته كام يوجعني،،،،
« يمه دلال  بيج شي  
جاوبت بيبي بصوت مخنوك،،،
«  بعد مااكدر بيبي اريد اكوم ،،،
بيبي لطوفه صاحت امي واشرت
الها
« ها يمه
« اخذي بنتج وخليها ترتاح،،،
بيبي غمزت لامي،،،الي افتهمت
وكالت
« كومي ماما،،،ارتاحي شويه
اليوم تعبتي،،،
كمت وياها ورحت لغرفتها،،،
طبينا،،،وهي كالت
« دلال ارتاحي،،،هنا اني راح اطلع
للخطار ميصير اعوفهم
هزيت راسي،،،،باي
وهي صفنت علي وبعدين ابتسمت
بعيون مغوركه وكالت
« بنتي الصغيره صارت عروس
وشلون عروس عبالك لعابه
روسيه
حجت هيج وباستني،،،،
واني بذيج الساعه طگيت بالبجي
« اش ماما لاتبجين،،،هسه يخرب
مكياجج،،،،،،وتصيرين سعلوه
رغم البيه ابتسمت لتشبيه
امي الي حظتني وكالت بصوت
مخنوگ
« فراگج صعب والبيت راح
يفرغ عليه 
وفرحتي راح تروح لغير بيت
سكتت ومسحت دموعها وكملت
« بس
هاي سنه الحياه ولازم نقبل بيها
ومحد ظل يم اهله
حجت هيج ومسحت دموعي
والباب اندك وصاحوها
باستني وراحت،،،
اني من ظليت وحدي،،،،،رحت
للميز التواليت ،،،،ووكفت اكبال
المرايه وصفنت على نفسي
وتذكرت كلام عمه سعديه
  من كالت
« باجر هذا كله راح يصير الك
لزمت بدلتي بقوه،،،،،،وهزيت
راسي بلااا،،
وتذكرت شسوه بيه وشلون
اذه جسمي
من راد ياخذني الكدمات ظلت
ايام زركه،،،،،،،،وحالي تغير
وكمت ماانام ولا اكل،،،،
تمنيت الموت بذيج الساعه
واني عروس
تمنيت يصير شي يخلصني
من عقيل ،،،
تمنيت ماوافقت ولا كلت ايي
اني بافكاري الباب انفتح وسمعت
ويا صوت ماما
« فوت عقيل
جمدت بمكاني،،،،وباوعت علي
بالمرايه من طب
جان لابس بذاك اليوم،،،
قاط رصاصي طوخ،،،وويا قميص
ابيض وهم مفصل على جسمه
وبارز ضخامته
لون القميص وي بشرته السمره
طووخ جانت حلوه وتجذب
العين،،،،،،هو كله جان شخصيه
وبارز بين الكل،،،، هوايه اشياء
عرفتها
بعدين وخلتني انتبه اله ولكل
شي يخصه ،،،
بذيج اللحظه عيوني تتبعت
امي بخوف  شلون طلعت وسدت
الباب خفت والرعب بين
عليه وهو من شافني
هيج راح وفتح الباب شويه
وتقدم خطوه وكال
« دلال عندي حجي وياج لاتخافين
سكتت وهو حجه بتعب
« انداري واسمعيني زين،،،
انداريت وهو صفن عليه،،،،بنظرات
خلت گلبي يدك بسرعه
نظراته الي  جانت مفضوحه
هي وتصرفاته،،،،
حب ،،اعجاب ،،لهفه،، شووگ،،عشگ
كلهن بعقيل،،،،الي ذب حسره
بصوت سمعتها من قوتها
ومن حجه وهو يباوع لغير جهه
حسيته صارع نفسه وعيوونه
حتى مايباوع عليه،،،
« دلال اطمني اني مراح المسج
ولا راح
سكت وبلع ريكه وكمل
« اني مراح اخذج باجر،،،،وبعد سنه
راح اطلكج،،،،،
تفاجأت من سمعت كلامه،،،
وهو كمل
« الي اريده منج ماتحجين شي
لاحد واذا سالج احد باجر كولي
اخذني وشغلتنا تمت
سكت واني سالته
« لييش مو بعد شهر،،،اطلكني
درت وجهي عليها،،،وصفنت بعيوونها
الحلوه ونزلت لصدرها الي جان
يصعد وينزل،،،وويا دكات
گلبي المشتاگ يتساوى
وي دكات
گلبها
مشتاگ اني
كلي انام هناك وارتاح
بس وااااخ من هاي الكلمه الي
ضيعت گلوب وحركت ارواح،،،
جاوبتها، ،،واني صافن عليها
بجمود
« ميصير نطلك بعد شهر
لازم نتنضر
فتره وبعدين بحجه انتي ماتحبيني
وماكدرتي تتحملين تعيشين وياي
نطلك ،،،،
سكتت وبعدين كملت بغصه
« تحملي وعيشي
وياي  سنه وبعدين،،،نطلك
وجع الم كلام بغصه مخنوكه،،،حسيته
بعقيل الي من كمل سالته
« وشنو الي يظمن الي انته
ماترجع بكلامك،،،،سويتها مره
ويجوز من اصير بيتك وبغرفتك
ترجع تعيدها، ،،،
ثقتي بيك انعدمت،،،عقيل
لان بيت ابويه ردت تعتدي
عليه
سكتت وكلامها وجعني كلش
وذبيت حسره وجاوبتها
نفس جوابها واني جاذب
« دلال انتي ماسالتي نفسج
ليش اني مااريد اخذج
ليش  اجيت
برجلي،،،، الج وبهذا اليوم
حتى احجي وياج  بهذا الشي
سكتت للحظه وبعدين سالته
بتردد
« لييييش
جاوبتها ،،،،،واني احاول ابين
القسوه بعيوني وملامحي
وبصوت قوي،،،،
« لان اني. هم اكتشفت انتي
مو على قياسي
جوابه صدمني،،،،،وووجع الكلمه
حسيت بي،،،وخلاني اسكت
وهو كمل
« اكتشفت يبنت عمي
حبي الج جان نزوه،،،،وجان مجرد
اعجاب راح من شفتج بين ايدي
وبرد
عيوني قست،، وجاوبت بحقد
« ظني بيك ابد مجان غلط
وصدك طلعت واحد حقير
سكتت وانداريت،،،،وقبل لااوصل
الباب حجيت
« اذا تريدين تطلكين وره سنه
لسانج هذا ضمي،،،واحترميني
لاتشوفين وجهي الثاني،،
واعتقد انتي شفتي،،،وماعجبج
سكتت وبلعت ريگي،،،
وهو طلع وسد الباب وراه
بذيج الساعه ماصدكت هو كال
ماالمسج،،،وكلت ديجذب
وظليت خايفه منه،،،
،،،،
عرسي صار بقاعه،،،،وبس النسوان
حظرن لان الولد سوه الحفله
بالبيت، ،،،،
وره ساعات اجه عقيل،،،
والزفه،،،،نزلوا وطبوا بهوسه
اهل الغربيه ودبكاتهم،،،،،،
عقيل جان لابس قاط المهر الاسود
وقميصه هم ،،،مجان لابس رباط
وجان فاتح كم دكمه ومبين صدره
الكله شعر، ،،
اخوته وولد خاله وعماتي
سولوا
بنص القاعه جوبي وكامو يدبجون
بقوه
الجو جان حلو،،،وهو رغم
الصار بيني وبينه،،،،،،ركص
وياهم،،،مؤيد عافهم وطلع شده
وذبها علي،،،،،،،وهو باسه
وره ماكملوا اجه علي،،،بنص الهلاهل
وكومني وكال يم اذني
« غطي شعرج زين،،،ولفي روحج
لايطلع شي منج،،،وتصرفي
طبيعي مااريد احد ينتبه لشي
نفسه من طخ يم وجهي،،
خله جسمي يكزبر،،،،،
ومن لزم ايدي لزمها بقوه،،،
خفت منه وكلت راح يرجع بكلامه،،
زفونا،،،وايدي بأيده،،ومن طلعت
تفاجأت بنفس السياره الحمره
الي شفتها مرتين وعرفته هو الي جان يراقبني ،،،رفعت راسي
اله،،،،وصفنت علي
هو مجان منتبه الي،،،وجان يحجي
وي مؤيد ويوصي على
خواته والبنات،،،عيونه جانت
مثل عيون الفهد تفتر، ،،،على
الشباب
الي ترسوا الشارع وعلى البنات
من اقربائهم واقربائنا،،،
بعد ماحجه وي اخوته،،،،اندار
عليه وكال
« اصعدي
مكدرت اصعد لان السياره جانت
عاليه وهو من شافني هيج
شالني بسهوله وكعدني
ليكدام،،،،
سد الباب وراح صعد ليكدام
وساق هو السياره،،،،
عمه كوثر كعدت وي. محمد
وشهد ومؤيد وي شباب علكوا الجو
ورسول اخذ هاله وهديل ويا
طلعنا بزفه حلوه،،،وجانت هوايه
سيارات ويانا،،،واصدقائه
علكوا الجو بالركص والهوسات
جنت اشوفه يباوع عليه،،للحظه
وبعدين يرجع يباوع للطريق
ويضحك،،،لربعه من يهوسون
قريب علي
ظلينا نفتر ساعتين ووره اذان
العشه بساعات
رجعنا للبيت،،،،
جنت متوتر وخايفه،،،وريگي
يبس وبطني كامت تلويني،،،
وجنت اهدأ بروحي واكول
« دلال اطمني هو كال ماالمسج
وراح اطلگج وره سنه،،،
تحملي ووراها اطلكي واخلصي
كلام رددته وي روحي
ومن وصلنا اجه عليه،،،ونزلني
ولف الكاب،،،، عليه زين
نزلت واني لازمه ايده،،،وشفت
عمه كوثر طلعت كدامنا،،،،ومدارت
بال
وهديل هي الي استقبلتني
ووياها عمه علاهن وعمه سهى
هو ظل بره وسمعت
ربعه يصيحون،،،
« الليله ليلتك والعب بيها يبو
سميره،،،
طبيت للاستقبال وكعدت، ،،
وصدگ بذيج اللحظه حسيت
بالغربه،،،،،،وحنيت بغصه لامي
ولاهلي كلهم،،،،،
بابا ماقبل امي تجي وياي
وكال راح تسونها مناحه،، اذا امج
راحت وياج
وكعد وصاني على عقيل وشلون
لازم اسمع كلامه واحترمه،،،،
ووصاني،،، اي شي اسمعه بيتهم
مااحجي بيتنا،،،،
وامي كالت،،،
« دلال اي شي يصير بينج وبين
عقيل
لاتحجي وضمي بينكم وبغرفتكم
ولاتحجين من يحجي وي احد
اسمعي،ومن يكمل كلامه احجي
ولاتعاندي ،،،،ولا تفرضين رأيج
علي، ،،،،
هذا اكبر احترام اله،،،،
ومن يعصب اسكتي،،،وخلي
يحجي الما يتعب وبعدين،،،
من يهدأ ،،،،،،عاتبي باسلوب حلو
وبهدؤ
نصايح حلوه،،،،بس مو الي لان
اني مراح استمر ويا،،،
وره ساعه،،،،عقيل طب بزفه
وجان وجهه متغير،،،وحسيته
مثل المخنوك،،،لان جان وجهه احمر
دم،،،وعيوونه ماتتفسر
خفت منه من لزمني وكومني،،،
ومشيت ويا واني اطكك من
الخوف
جانت غرفتنا فووك
اني ماشفتها لان مااجيت،،،
ولا اختاريت شي بيها
صعدنا،،،،،وورانا امه وعمه
علاهن
وطبينا، ،،،عمتي حجت لان امه
جانت ساكته خلت ايدي بايده
وكالت
« منك المال ومنها العيال،،،
حجت هيج وكملت بدعاء
حلو
هو كال امين واني،،،،،، سكتت
وامه هم،،،
طلعوا وهو راح سد الباب،،،
ووكف يمه وظهره عليه،،،
طلعت امي وعمتي وااني ظليت
يم الباب للحظات استجمعت
قوتي وگويت گلبي
وانداريت،،،
ماباوعت عليها حتى لااضعف
وحجيت من وره خشمي
« بدلي وفلي التسريحه،،،
وامسحي المكياج،،،،،حتى اطلع
بعد ساعه واكول الهم اخذتها
سكتت ومجاوبته
احنا ماعدنا هذا الشي بس
عرفت هو
يريد يقنع،،،، اهلنا هوو
اخذني،،،ارتاحيت لهذا الشي
وتطمنت هو ظل عند
كلمته
انداريت وذبيت الكاب،،،
ورحت للكنتور ،،،حتى اخذ ملابس
واطب للحمام
صفنت عليها وجسمي رجف
من شفتها بالبدله
جانت طالعه حلوه كلش،،،،
جمالها ونزاكتها خلوني،،،اضيع
بتفاصيلها كلها،،،
دلال جانت لابسه،،،بدله
تورها خفيفي من الخصر والظهر
وجان جسمها مبين كله،،،
اني لفت انتباهي خصرها،،،الي
جان مرسوم،،،رسم
رشيقه هناك،،،،بس عدها ملامح
انثويه قاتله،،
درت روحي منها،،،من شفت
نفسي
ضعفت وحجيت وي روحي
« عقيل لاتذل روحك،،،
لاتفرض نفسك على وحده
ماتحبك
وماتطيق لمستك،،،عوفها اكو غيرها
عندك سهر
سكتت من تذكرت سهر
وابتسمت بالم وكملت
« شيجيب ذيج لدلال،،،
سكتت وكملت وره لحظه
«عقيل  سهر تحبك،،،،وتسوي
المستحيل حتى ترضى عليها
مو مثل دلال الي ذلتك لان عرفت
انته تحبها
اختنگت ونزعت الستره وفتحت
القميص وذبيته،،،ووراه
البنطلون،،،جنت اريد اسبح
حتى اطفي النار البيه،،،
ردت ابرد راسي المشتعل من
وره الافكار ،،،
رحت للباب ودكيته،،،،
جنت مكمله ولابسه دشاشه
قصيره
ربع ردن،،،بيضه وبيها ورد
ناعم احمر وصدرها تور ودلعه
هاي استر شي عندي،،،،،
لان هديل ماخذه  شكو شي
فاضح الي
سمعت الباب من اندك،،،ورحت
فتحته تفاجأت بعقيل
واكف وبس بالشورت
تخربط وضعي،،،ولزمت صدر
الدشداشه بقوه
« اريد اسبح كملتي
هزيت راسي، ،،وخرت منه بسرعه
وهو طب،،،
رحت علكت البدله بالكنتور ،،
ووكفت كدام المرايه،،،وفليت
شعري من فوك لان جانت
التسريحه
على طوله،،،
مسحت المكياج بكلينس مرطب
ووارتاحيت من راح لان
اني مااحب المكياج
لان احسه ثكيل على وجهي
من كملت عقيل طلع
وهو لابس
دشاشه بيضه وينشف براسه
وخرت الخاولي وشفت دلال
واكفه كدام المرايه،،،والمكياج
ماكو
شكلها بدونه احلى،،،،
والكحل جان كافي يبرز جمالها
حجيت بدون وعي واني صافن
عليها
« انتي بلا مكياج احلى،،،
بلعت ريكي من تغير وجهه وحجه
هيج ودرت وجهي
حسيت على رووحي شحجيت
وسكتت وبعدين غيرت الموضوع
وحجيت
« شغلاتي كلها انتي راح تكونين
مسؤله عليها اكلي شربي
ملابسي كلها عليج،،،واريدج
تساعدني
امي بالشغل ومااريد قال وقلت
شتسمعين منها ابلعي
سكتت وبعدين كملت بصوت
رجف
«اتحملي سنه واني اطلكج
وكلمن  يروح
بطريقه
هزيت راسي،،،باي،،
وهو صفن عليه وعيونه نزلت
لرجلي،،،
حجول رجليها جانن يخبلن،،،
ويضون
وانتبهت اكو شامه
بوحده منهن،،،،،،
ذبيت حسره وحجيت وي روحي
«كلشي بيج حلو ومابيج لوله
سكتت ودرت وجهي وكمت
رحت للشباج وطلعت جكاره وبديت  ادخن،،،
وكملت بحسره
« لا بيها لوله عقيل دلال خشم
وشايفه روحها عليك،،،دلال
نسخه من ابوها ،،،
غرور قاتل وذبحتني بي
انداريت عليها من كملت الجگاره
وحجيت
« راح اطلع بس،،،
كمت من مكاني وجاوبته،،،
« شنووو
« سووي روحج موجوعه
من يجون عليج،،،ومن يساالوج
على بياضج كولي يم عقيل
سكتت وخجلت من كلامه
ودنكت راسي
صفنت عليها شلون صارت حمره
وماكدرت اظل،،،
طلعت بسرعه ورحت لعمتي
وكتلها تمت شغلتنا
هي كامت تهلهل عكس امي
الي
ماحسيتها فرحت الي،،،
يِّتّبِعٌ