انقذني من انتقامي

بارت 25

‎#أّنِقِذّيِّنِيِّ_مَنِ_أّنِتّقِأّمَيِّ
‎#بِقِلَمَ أّوِتّأّر حٌزِّيِّنِهِ
‎#أّلَجِزِّء أّلَخَأّمََّس وِأّلَعٌشٍروِنِ
،،،،،،،،،،،،،،،،،،،،،،،،،،،،،،،،،،،،،،،،،،،،
،،،،،،،،،،،،،،،،،،،،،،،،،،،،،،،،،،،،،،،،،،،،،،،
،،،،،،،،،،،،،،،،،،،،،،،،،،،،،،،،،،،،،،،،،،،،،،،،،
‎رجعت واني عندي قناعه
البطني راح
يصلحون الامور الي بينا
وراح يخيطون الجرح المفتوح
بگلبي وبگلب عقيل،،،
جنت عبالي من راح يشوفني
ونصير وحدنا بغرفتنا
راح يجي بسرعه ويحظني،،،
ويكول الكلمه المشتاگه الها
‎« احبج دلالي واموت عليج
‎كلمه ماسمعتها ،،،وخلتني امشي
واني عيوني على الباب
والدمعه بيها،،،،
حجيت واني اشوفه كدامي
‎« عقيل مو كلت اسفه واعتذرت
منك مو كلت احبك،،بعد لييش
هاي البروده،،،ليش هذا الاستقبال
الجامد
سكتت ورحت كعدت،،،،على
الجربايه وكملت واني مو مصدگه
تصرفاته وياي
‎« معقوله نسيت حبك الي معقوله
نسيتني،،،نسيت دلالك
عقيل،،،،
‎سكتت وكمت واني اعض بايدي
من قهري،،،وكملت واني اشهك
‎« ايي ولج نساج وراح تزوج
واخذها لثريا،،،،
شعبالج دلال يظل عليج
يظل على برودج ويا على رفضج
اله هوو انتي يمه ومن يشوف
رفضج وكرهج اله جان
يعوفج ويروح لغيرج،،،،،حتى
يحس بلي انتي بخلتي بي
عليه،،،،
‎كمت ومشيت خطوه
والباب انفتح
وطبت هاله وبس شافت وضعي
اجتي
عليه،،بسرعه وكالت
‎« دلال شصاير وشبيج تبجين
حجيت بشهكه وبغصه
‎« هاله اااخوج بعد مايريدني
نساني ونسه حبه اليه،،،،وراح
خذها لثريا،،،،وحرگ گلبي
‎« دلال اهدأي ولاتسوين بروحج
هيج ،،،تره مو زين على ولدج
وثريا انتي تكدرين،،،،،تخلي
يعوفها من راح يشوفج شلون تحبي وتهتمين بي
‎« ولج مايكدر يعوفها لان اخذها
حجيت هيج وانهاريت بالبجي
وكملت واني اشهك بصوت
‎« ولج هاله اني رضيت بي
من كال اخذتها ورجعت لخاطره
رجعت واني عبالي راح نرجع مثل
الاول واكثر،،،،،،بس
‎اختنكت ومكدرت اكمل،،،وهي
كالت وهي مصدومه وفاكه
عيوونها
‎« ولج شنوو ماخذها،،،لاتخبليني
هااااي شوكت وشلون صار
هذا الشي
‎كعدت،،، لان بعد مابي حيل اوكف
وحجيت الها السمعته منه
واني غاصه بالبجي،،،،،،
‎وبس كملت هي كعدت يمي
وجاوبتني ،،،بتاكيد
‎« جذب والله ديجذب عليج،،
وهسه اتشوفين،،،
‎« ولج شلون يجذب بهيج
شي هاله عقيل اخذها،،،لان هي
اربعه وعشرين ساعه يمه
وبالبيت،،،،
‎هاله سكتت ووجاوبتني وره
دقائق،،،
‎«وداعتج انتي جذب وبس انزل
راح اكول لهديل وهي تگدر
تعرف هذا الكلام صدك لو
جذب،،،من تسأل رسول
‎سكتت ومسحت دموعي،،،
وهي كامت،،،،وكملت
‎« ارتاحي هسه وبس يجهز العشه
اجي اصيحج،،،
‎« هاله مااشتهي ،،،شي وحتى
لو اشتهيت اكل ،،هو مراح
يظل بمعدتي،،،انتي مو تعرفين
وضعي
‎« ايي ادري
وعمه دزت وياي الشوربه
مال الحليب وكالت خلي تأكل
منها ،،،
‎سكتت وهزيت راسي،،،،،بدون
واهس،،،
‎« يله اني رايحه لاتظلين تبجين
موزين عليج،،ولا على ولدج
‎حجت هيج وراحت،،،
من البجي والتعب والتفكير
تمددت ،،بمكان عقيل
وظليت اشم بمخدته واني مغمضه
عيوني الي مابطلت بجي
من حسيت بثكل بعيوني
‎نمت لان ردت ارتاح ردت اشوفه
هناك،،،،،،،،،،،، باحلامي بس مو هذا
الشفته قبل شويه،،،،لا ااااا
ردت عقيل الي كله
لهفه وحب
‎،،،،،،
كاعد بالصاله وعيوني على الدرج
شفت هاله،،،،،،، نزلت وباوعت
عليه بنظرات،،،،، خلتني اعكد
حواجبي وادير وجهي منها
عرفت دلال دتبجي،،،،،
عرفتها ماتحملت كلامي،،،،وانهارت
وحجته كله لاختي،،،،
رجعت راسي ليوره،،،،وذبيت
حسره من گلبي،،،،،وحجيت
وي روحي،،،
‎« مجنت اريد استقبلج هيج
جنت اريد اخذج بحظني
واضمج بين ضلوعي،،،
‎سكتت وغمضت عيوني ،،،
وتخيلتها چدامي،،،بثوبها
الاحمر ،،،،الضارب على بياضها
وشعرها المهوس بشكل
حلو ويلوك الها،،،،،،
‎بذيج اللحظه تذكرت اول مره
من شفتها،،،،ايدها والبتوت
اول شي وكعت عيوني علي ،،،،،،
والبتوت من عرفت بيهم
بايعيهن وماخذين،،
غيرهن الها،،،،
‎رحت اشتريتهن بدون محد يدري
وضميتهن،،،بالخزنه مالتي
جنت كلما ياخذني الشوگ الها
اطلعهن واظل صافن عليهن،،،
واني اتخيلهن بايدها
‎فتحت عيوني،،،وذبيت
حسره وحجيت بهمس
‎« والله
مشتاگ الج يولي والشوگ
تعبني وخلاني،،،
ماانام الليل،،،،وتمنيت گلبي
هذا يطاوعني وعقلي ويا،،،
ويخلوني انسه الشفته
منج،،،،،جذب اني اخذت
ثريا لان والله اني من بعد
ماطلكتج
مكدرت الزم مره،،،،،
‎افكاري سكتت من شفت
عم حميد صافن عليه،،،،،،
‎« هاي يابه اشو فگرك سارح
بيك شي
‎هزيت راسي بلااااا،،،وجاوبته
‎« لا يابه ماكو شي شغل براسي
‎هو ابتسم،،،وجاوبني وهو مركز
بعيونه بعيوني
‎« شغل لو فرحان برجعه دلال
‎مجاوبته وهو كمل
‎« الله يهدي سرك،،،ويجعل ايامكم
خير وبرگه
‎« امين
جاوبته،،،وهو ظل يحجي
على الكاع مالته،،،وعلى حوظ
السمج الي ديسوي
‎،،،
بالمطبخ هاله حجت السمعته
من دلال لهديل الي فكت
عيونها وصاحت بذهول
« ولللج شدتحجين انتي،،،
تخبلتي،،،عقيل مستحيل
يسويها
‎«هديل اني انضربت براسي
ودخت ،،،،
‎«وللج شوكت ووين هنا ابيتنا
اخذها وشلوون يبووو
صخام بوجهي اذا طلع كلام
دلال صدگ
عزه العزانه اذا صدگ ماخذها
‎« هديل اسكتي هسه
خاف امي تجي، ،،وتسمعنا
واسالي رسول ،،،سر عقيل
يمه
هديل راسها وهي تتحلف برسول
وجاوبت اختها
‎« ايي ابو الاسرار اني اله
‎« اسكتي امي اجتي،،،
هاله دغت اختها وراحت تغسل
الخضروات
‎،،،
العشه جهز ،،،،ودلال مانزلت
لان هاله من راحت عليها،،،
كالت نايمه ،،،،
‎اكلت شويه،،،وكمت طلعت بره
وكمت ادخن،،  وعيوني على
البلكونه مال غرفتي،،،
جانت ظلمه وبيها ضوه خفيف
ومااعرف ليش حسيت،،،بدلال
واكفه وتباوع عليه،،،
‎حسيت عيونها بعيوني،،،
حسيت بعتبها بزعلها،،،،،بنظرات
الخيبه الي شفتها من رفضت
اخذها لحظني
‎گلبي رجف،،،،عليها وتمنيت
اروح اخذها لحظني،،،
واطفي الشوگ ،،،الي ذبحني
‎نزلت راسي بسرعه من حسيت
بروحي راح اضعف 
وانهزمت منها،،،وحجيت
وياها
‎« كافي ياروحي تمشين
وره الذلج
كااافي،،،، وخليني اشوفها
السوته بيج،،،،، والسوته
بيه
‎مسحت وجهي بقوه  وشمرت
الجكاره بالكاع ودستها
برجليه،،،،
‎واني احس،،،،بروحي وي الايام
الجايه راح تخذلني
ومظهر القوه،،،، الي لبسته
راح تفضحه دكات گلبي
الترجف من تشوفها
راح عيوني وشوكها يفضحني
من يتتبعهن بلهفه بكل
مكان
عقلي ضرب،،،،وصحت
‎« ااااخ ياربي رحمتك
‎،،،،،
كعدت بنص الليل واني احس
بالجوع،،،،،كمت وشفت
عقيل نايم،،،،،بالكاع
‎جان مو لابس بس الشورت
صفنت على جسمه،،،الاسمر
وعيوني راحت لايده الخالها
على وجهه ونزلت
‎على صدره،،،وجسمي كزبر
من شفت،،،الشعر الي بصدره،،
منظره،،،خلاني امشي،،،بهدؤ
واوكف واني احس بمشاعر
عمري ماحسيتها،،،
‎نفسه،،،من يصعد وينزل بهدؤ
تابعته،،،بعيوني وبنفس سريع
وتمنيت اخلي راسي على
صدره،،،،واغفى وانسه كلشي
عشته،،،،
‎كعدت يمه،،،،
ومديت ايدي لصدره ورجعتها
بسرعه،،،،،لان خفت من رده
فعله،،،
جنت اريده اريد حظنه
اريد ذاك الاحساس من يحظني
ويبوس بيه ،،،،،والي جانت
بلهفه مجنونه
‎منظره وهو يبوس
بيه،،،،،،وهو يهمس بعيون ذبلانه
ونفس ثگيل ،،، مافاركني
وتعبني الشوگ اله
من بعيد،،،،،دنكت راسي
وشميته واني مغمضه،،،،،
ريحه الجگاير وي ريحه جسمه
دوختني،،،،وخلتني اوخر
واني اعض بشفتي،،،،،،من
قهري
‎كمت بهدؤ ووخرت منه وعيوني
علي،،،،وطلعت،،،
‎نزلت جوه،،،،ورحت للمطبخ
جان مؤيد بعده كاعد وديسوي
فحم للارگيله،،،،
‎« صحى النوم عسوله
اكوو وحده تنام،، ،،،بليله عرسها
وتخلي رجلها كاعد بنصنا
ووجهه وجه
اليتيم،،،،
‎ابتسمت اله وهو كمل
« توها طلعت الشمس،،، ونور
البيت
‎« اني مو شايفه شمس تطلع
بليل
‎«ههههه  ولج انتي من
حلاتج شمس وگمر
ونجوم،،،ياعسوله،،،
‎« هههه دوخر هو هيج الواحد
يسوي گهوه
‎وخرته ،،،،وذبيت السواها
وسويتله جديده ،،،،،،ورحت
دورت بالثلاجه
‎على الحافظه مال الشوربه
طلعتها ورحت اخذت صمون كهربائي
وكعدت اكل
‎« ولج هو هذا هم اكل،
امشي طلعي البقه،،،من العشه
وتعشي زين،،
‎« مااكدر مؤيد اذبه بس اكله
‎« ليييش يمه
خجلت ودنكت راسي وهو
ماافتهم
ورد سالني بقلق
‎« دلال بيج شي يوجعج شي
‎من شفته لح جاوبته بصوت
ناصي
‎« لااا بس، ،معدتي تخربطت
من وره الحمل
‎هووو صاح ببلاهه حلوه
‎« هاااا عبن حامل،،،،
سكت وسحب كرسي،،،وكعد كبالي
وكل بضحك
‎« اكول هم صدك توم،،،،
‎هزيت راسي باي وهو ضحك
وصفگ ايد بايد وكال
‎« خرب عرضك عقيل،،،
غير طلع فحل، ،،،
‎« ااانجب ولك ،،،
‎غصيت باللكلمه ومؤيد فز
من سمعنا صيحه عقيل
‎« اسم الله هاج مي
‎مؤيد كام من مكانه واجه بسرعه
وبده يضرب على ظهري
‎« مابي شي،،،
‎حجيت كوه ،،،وشربت المي
من انطانياه
‎« وووخر وكافي تضربها
‎عقيل حجه هيج،،،ووخره
من يمي
ومؤيد ضحك بوجهه بفشله
ومشه بدون مايحجي شي
اني جمدت بمكاني من انتبهت
اله نازل بالشورت
‎وجسمه قريب عليه كلش،،،،
بلعت ريگي كوه،،،،وسديت
الحافظه وكمت
‎« كملي عشاج شكوو كمتي
‎« شبعت،،،،
‎جاوبته وهو وكف للحظه وصفن
عليه وكال
‎« بعد لاتنزلين وانتي لابسه
هاي الدشاشه
‎رفعت حواجبي واني متفاجاه
وباوعت عليها،،،وجاوبته
‎« ليييش شبيها تره حلوه عليه
‎بلعت ريگي وحجيت وي نفسي
‎« هي لان حلوه عليج
مااريدج تلبسيها
‎وجاوبتها غير جاوب
‎« ضيگه وبارزه صدرج،،،وردنها
گصير
‎حجيت هيج وهي خجلت والوجهه
ورد وصار احمر
انهزمت بوجهي منها وهي
حجت بصوت ناصي
‎« ادلل بعد مالبسها
‎مجاوبتها وطلعت للحديقه
واني اريد هوه،،،لان حسيت
بروحي اختنگت
‎« هااا ياعريس شبيك
طالع تركض،،،گرصتك النحوله
‎باوعت لمؤيد من حجه
والي كمل بضحك وهو يطك
اصبعتين
‎« اليوم يومك يابطل ،،،العب
على الجربايه،،،،بس على كيفك
وياها
‎« منووو ولك
‎صحت بي بعصبيه
،،،،وهو ضحك وكال
‎« شبيك عقيل غير الجربايه
‎« نعل اهلك،،،،
‎صحت وشلت الصونده وركضت وراه
وهو شرد مني هو والاركيله
‎« اني اعلمك كووواد صاير
لسانك طويل،،،وتجفص
بالحجي ،،،،
‎« اااسف وداعتهم للتوم،،،بعد
مااجفص وداعه الجربايه
مااحجي شي بعد
‎« خرررب اهلك،،،
حجيت هيج ونزعت شحاطتي
وركعته بيها
‎« اااااخ استشهدت الاركيله
حداد ولكم،،،،مرتي ماتت
والكتلها اااخويه
‎رغم البيه ضحكت على اخويه
من كام يركص
ويحجي هيج
‎« ولللج عسوله ماتت مرتي
ورجلج الكتلها
‎باوعت ليوره وشفت دلال
واكفه وتباوع علينا وتضحك
من شافت،،،،، نظراتي الها
الضحكه راحت،،،وصفنت عليه
للحظه وبعدين طبت
جوه،،،
،،،
صعدت. لغرفتي ،،،
وبدلت هدومي بدشادشه
مال نوم،،، تمددت وغطيت روحي
للنص،،،
‎اني بعدني كاعده،،،هو طب
سد الباب بهدؤ،،،، وراح تمدد
بفراشه،،، بدون مايباوع عليه
غمضت عيوني
وحواسي صارت كلها سمع
وتخيلته راح يكووم ويجي يحظني
وينسه الحجاه،،،
‎ساعه وساعتين مروا وهو ماتحرك
عضيت شفتي بقهر
وكمت ابجي واني كاتمه شهكتي
ومن نفسي كامت تلعب،،،والمرار
وصلت لزردومي
كمت بسرعه ورحت للحمام
وبديت اذب من راسي
‎مجنت نايم ،،، لان مكدرت انام
وظليت افكر بالي يمي
ومو يمي،،،،
‎كم مره ضعفت وردت اكوم
واحظنها،،،واتماسك باخر
لحظه،واني اكول
‎«عقيل اذا هسه
تنازلت عن كرامتك راح تظل
طول العمر تغلط،،،،،وياك
وهي مطمنه انته راح
تسامحها لان تعرفك تحبها بجنون
عوفها عقيل خلي تضوك
الضگته،،،،
‎نارها الشعلتها بيك،،،خليها
تجويها شويه
‎اني بافكاري
سمعتها كامت تبجي
غمضت عيوني بقوه،،،،
وماكمت،،،،،اله من  كامت
وراحت للحمام،،،
وكفت يم الباب وسمعتها دتذب
من راسها،،،،وصحت
‎« دلال بيج شي
‎سمعته واني داذب من راسي
ومكدرت اجاوبه،،،وظليت اتقيأ
وماكو شي
‎فتحت الباب وطبيت،،،
وشفتها متخربطه ،،رحت
عليها ولزمتها من خصرها،،
وحجيت من شفت مديطلع شي
من معدتها
‎« كااافي ماكو شي بمعدتج
‎لزمت ايده بقوه،،،،،وظليت
اتقيأ  بقوه،،،،، جان ماكو شي
بس هاي تنساتي، ،،الي دمرتني
ثواني طويله مرت وهيج
حالتي وبس توقفت
مديت ايدي وغسلت وجهي
وايدي ورفعت نفسي
من دخت ملت  علي
واني مغمضه
عيوني ،،،وهو حظني
من خصري،،،،وطلعني
من الحمام
وحجه من كعدت على الفراش
‎« شبيج وليش زوعتي ،،،
‎اخذت نفس وذبيته وجاوبته
‎« معدتي توجعني ونفسي تكوم تلعب
من الاكل ،،،والا اذبه يله ارتاح
‎« هذا من وره الحمل
‎« ايي
‎جاوبته،،،،وهو سكت وظل
يباوع عليه وكمل وره ثواني
‎« رحتي للدكتوره
‎« ايي رحت وانطتني دوه بس
مافاد
‎حجيت هيج ورفعت راسي اله
وهو بس شاف وجهي دار وجهها
لغير جهه وحجه
‎« وجهج اصفر،،،،فحصتي دمج
نزلت راسي،،،،وجاوبته
‎« ايي وطلع دمي ناقص هوايه
والدكتوره انطتني ابر ومقويات
سكت وبعدين كمل
‎« نامي وارتاحي،،،،،،
‎حجه هيج وراح للبلكون وفتحه
وطلع بره،،،،
‎تمددت وعيوني علي،،،،وظليت
اراقبه ،،،وهو كاعد ويدخن
وعيوني غفت وهي تباوع
علي
،،،،،،،
‎الواحد،،،،،ما يحس بقيمه
الشي،،،، الجان عنده
الا من يفقده ،،،،
هذا جان احساسي بحب
عقيل،،،الي ثبتت الي الايام
هو اختار يبتعد عني،،،،،
بارادته،،،،،
‎الزمن انعكس وصرت اني الي
ادور رضاه وحبه،،،،،رغم جفاه
‎وشهد رجعت وبدت مشاكلها وياي
اني مدرت بال  لا،،،،،، الها ولا
لام عقيل
الي ،،،،،ماشفتها فرحت
من سمعت بيه حامل وبتوم
وجانت تذب الشغل عليه،،،لان
شهد كل شهر جانت
ادكول الشهريه
‎فايتتها ،،،،،وحامل وتروح تنام
على ظهرها،،،وثريا بحجه اداري
اختها تجي يمنا،،،،وهم من جانت
تجي تذب كلام وعمه كوثر
توكف وياها اذا اردها
‎هي واختها ،،،،كم مره صارت مشكله
بينا واني جنت مااوصلها
لعقيل،،،،، لان مردت اضيع
اللحظات القليله
التجمعنا سوه بالغرفه بامور
تافهه
‎اني لاحظت
عقيل مايدير بال لثريا من يشوفها
يمنا بس هي جانت لازكه اله
وجانت وين مايرووح
تلحكه وهي
‎تتموع وتضحك بسخافه ويا
جنت،،،،،،، اشوف واني اغلي
من قهري،،،،،،،،،واكل بروحي
مجرد اشوفها تخلي ايدها على
صدره وتضحك اله
يخليني اصفن بجمود،،،وجسمي
كله يكوم يرجف،،،،
ووجع يصير بگلبي. ،،،،
وهو رغم جفاه وياي جان،،،
يرفض،،،هاي التصرفات،،،ويوخزرها
ويعوفها ويمشي،،،
‎تصرفاته وياها جانت تخليني اسكت
وهم لان اعرف هو اخذها
حتى يحرگ دمي،،،
ولان صار شي خلاني اتأكد هو
بعده يحبني،،،،ويخاف عليه
‎بيوم جنت بالغرفه بليل
ودارتب
بالجنطه،،،مالته لان عنده دوام
ثاني يوم،،،،
‎كملت هدومه،،،وخليت
كلينس معطر،،،،وكلينس عادي
وباكيت جكاير احتياط وجداحه
وحافظه بيها حلويات وكرزات
كملت كلشي،،،،وسديتها
وخليتها يم الكنتور
نزلت جوه،،،حتى ابدي احظر
بالعشه،،،طبيت للمطبخ،،،
وسالته عمه كوثر،،،من شفته
كاعده وتباوع لمسلسل تركي
‎« عمه شنسوي عشه
‎« شسوين سوي ،،،،،كلشي اكوو
شكو دتساليني
سكتت وعفتها،،،ورحت للمجمده
طلعت كبه وهمبركر،،،
وسديتها ورحت خليتهن،،،
على الكاونتر
‎طلعت الطاوه. من الفرن
وخليتها على الطباخ
وبديت اكلي ،،،،،
‎بيت عقيل عظامه ويحبون الاكل
يعني لازم السفره متروسه،،اكل
ومقبلات،،،،ومايقتنعون بالعشه
الخفيف،،،،
‎سويت بتيته،،،
ووياهن طماطمه،،،،،لاجعه
لان اشتهيتها،،،،،وبيتنجانيه
لان مؤيد يحبها،،،،كملت وره ساع
وكلت خلي اكلي كباب
خاف مايكفي الاكل
طلعته،،،،من الثلاجه وبديت اكلي
اني واكفه سمعت
صوت الباب مال الكراج انفتح
عرفته عقيل اجه هو ومؤيد
ووره دقائق طب
وهو شايل علاليك،،،،
‎« الله يساعدهم
‎« هلا يمه،،،وين مؤيد
ذب العلاليك على الميز وجاوبها
‎« واكف وي نصير  هسه يجي
‎جاوبها ووخر علاكه وباوع عليه
وكال
‎«هاي من تصعدين اخذيها وياج
‎هزيت راسي باي وهو طلع
من يمنا ،،،،وشفت امه عوجت
حلكها وكامت،،،
‎مدرت بال ورجعت اكمل، ،،تكلاه
اني واكفه شهد اجتي
‎واخذت كبابه وكامت تاكل بيها
وحجت
‎« تره الكباب يابس،،،وفاهي
‎« لااا مو يابس لين وزين ملحه
‎«داكولج يابس
ومابي ملح،،،
شنوو اني مااعرف طعم
حلگي،،،
‎حجت بنعوصه واني جاوبتها
بضوجه
‎« الظاهر هيج،،
‎هي راحت للسنك،،،وكالت
‎«ولج ،،،،،بعدج عينج كويه
الظاهر السواه عقيل بيج
ماكسر خشمج،،،،
‎جنت مدنكه. على الطاوه
ومااباوع عليه
من  داخلي الكباب
فجأه وكع مي،،،،على
الدهن ،،،،،وطفر بسرعه ووكع
على ايدي،،،وخلاني اصيح
بصوت قوي،،،،
‎« ااااااااخ يمممه
‎« ولللج هاي شسويتي
‎مؤيد طب ،، وصاح
وعقيل وامه اجوي
ووراهم محمد
‎روحي فرفحت
ورحت بسرعه خليتها جوه المي
وكمت ابجي واكمز من الوجع
‎« شكووو شصار
‎عقيل صاح واجه بسرعه عليه
ولزم ايدي من شافني لازمتها
وابجي بصوت
‎« ولج انتي شنووو من بشر
شلون اذبين المي على الدهن
وهي دتكلي
‎مؤيد صاح بشهد الي ختلت
وره محمد وجاوبته بصياح
‎« لاتجذب ايدي مجان
بيها مي
‎« ولج شفتج بعيوني،،،هاي
تقصدتي تحركيها لدلال
‎« مؤيد سد حلكك ولاتظل تذب
تهم
براس مرتي
‎« باوع هذا شيحجي ولك
شفتها بعيوني لهاي الصفيره
اخذت مي،،،،،وشمرته بالطاوه
‎« انجب ولللك ،،،،
‎شهد صاحت وعقيل،،،،وخر مني
وراح عليها بسرعه الفهد
وضربها على حلكها
‎« عقيييل ،،
‎محمد صاح ووكف بوجهه اخوه
ودفعه منها،،،
‎« ااااادبسسز انعل ابوج لابو
المرباج،،،،،،،،،، حركتي دلال
ووتغلطين على مؤيد
كدامي،،،،،،
‎« عقييل  ،،،،اني مااسمحلك
تمد ايدك عليها هي كالت
ماذبيت مي
‎محمد صاح ودفع عقيل من صدره
الي دفعه بقوه وصاح بي
‎« اااي استرجل عليه يول
صير رجال براسي وعوفها لهاي
الي غلطت على اخوك كدامك
‎« ولللج كله من وراج ياراس
الفتنه،،،ولدي تذابحوا
‎« يمممه معليج بدلال تره هسه
اتخبل عليكم واسوي بيكم
شي تحجي بي الناس شهور
ولمي بنت اخووج تره
وصلت لهنا منها
‎حجه بصياح وهو ياشر لخشمه
وشهد صاحت
‎« والله لاروح اشتكي عليك
بالمركز،،،،،واخليهم يجون
ياخذوك
‎« انتي وهذا،،،
‎اشر على حذائه،،،،،،،وكمل
فشاررر،،،،،،
‎شهد راحت تبجي،،،،،وامه لحكتها
وهي تدعي وتغلط عليه ،،
‎« عقيل والله اذا بعد ،،،،
‎ماخله محمد يكمل كلامه و
صاح بي
‎« اااااي شسوي يااخو مريتك
تضربني هاااك صدري اضربه
تكطع عليه المصروف
ااااكطعه ،،،،،
‎محمد سكت،،،ومؤيد حجه
بقهر
‎« ياحيف انته تسمه اخ جبير
غلطت عليه كدامك وانته
وكفت وياها،،،وماسويت شي
الها
‎« عوووفه ولك،،،،طزززز بي
وبيها
‎كمت من يمهم ومشيت واني
مدنكه راسي صعدت الدرج
ورحت لغرفتي
واني ابجي واشهك،،،،
ايدي جانت توجعني،،،كلش
وبسرع بطبطت،،،،والحرك جان
جبير، ،،،
خليت معجون اسنان ومن حركني
كمت اكمز من الوجع رحت
غسلته، ،،،،واني اون من
الوجع
‎« هاي شخليتي ،،،،
باوعت لعقيل من طب للحمام
وجاوبته بشهكه
‎« معجون اسنان بس حركني
وغسلته،،،
‎« من اشتعلوا اهلها على هاي الدكه
شوفو الحرگ شكبره
حجه هيج وكام يغسل بالمعجون
على كيفه،،،
‎عضيت شفتي من الوجع،،،
ولزمت جتفه بقوه، ،،وصحت
‎« عقيل عفيييه ديوجعني