انقذني من انتقامي

بارت 28

#أّنِقِذّيِّنِيِّ_مَنِ_أّنِتّقِأّمَيِّ
#بِقِلَمَ أّوِتّأّر حٌزِّيِّنِهِ
#أّلَجِزِّء أّلَثّأّمَنِ وِأّلَعٌشٍروِنِ
،،،،،،،،،،،،،،،،،،،،،،،،،،،،،،،،،،،،،،،
،،،،،،،،،،،،،،،،،،،،،،،،،،،،،،،،،،،،،،،،،،،
،،،،،،،،،،،،،،،،،،،،،،،،،،،،،،،،،،،،،،،،،،،،،،
كمت كوه،،،،،، من امي كومتني  ومشيت،،،واني اسمعه
يصيح،،،بخبال
« ولج دلال والله من غيرتي عليج
ماظل عقل براسي،،،واذيتج
« عقيييل كافي العالم التمت
مؤيد صاح بي،،،،وهو
صاح بخبال،،،
«وللللج اطلعي وخليني اشوفج
موو راح اموت من وره
السويته بيج،،،،
ماطلعت،،،،،وهو جروا بالكوه من
بيتنا،،،وطلعوا،،
كعدت بالصاله،،،،واني ابجي
واشهك،،،،بصوت قوي
ولازمه بطني،،،الي
جانت توجعني،،،،بالم يروح
ويجي،،،
« ولج كاافي راح هسه يلزمج
گلبج وتموتين،،،
امي حجت هيج وراحت جابت
مي وغسلت وجهي،،،
« اااشربي مي،،،وجهج
صار اصفر
امي حجت وابويه طب،،،ووراه
غسان وهاله الي جانوا
يم الدكتوره،،،
« يابه جان خليته يطب،،ويحجي
العنده بهدؤ بلا هاي الفضايح
والناس الي التمت
« هوو هذا يعرف يحجي
بهدؤ،،،،،ماشفته شلون فقد
وكام يضرب بالسياره،،،وكسر الجامه
بايده
شهكت وملت على امي،،
وهي صاحت وهي تبجي
« كاافي وسدوا للموضوع بنتي راح
تروح من ايدي،،،شحصل
ذيج الساعه من ابن اخوك حقي
شحصل منكم،،،،ساعه السوده
من اخذها ولكم نهار الاكشر
من وافقت انطيها،،،،اله
هاله محجت شي،،،،وراحت لغرفتها
وهي تبجي،،
« يممه عقييل تندم،،،شبيكم
انتو اي رجال بمكانه،،جان سوه هيج
واكثرر
« كااافي وسدوا للموضوع،،،
ابويه صاح،،،وامي كامت وكومتني
وياها،،،
«يابه،،،تره عقيل مراح يسكت
وراح يظل يجي لبيتنا
وهسه تشوف،،،،
ابويه سكت،،،،والكل سكت
وعقيل ماسكت،،،،وظل كل فتره
يجي ويسويله هوسه،،،
وي ابويه،،،،،،،واخوتي،،،،
وكام يهدد بس اجيب ياخذ
ولدي،،،خوف صار بگلبي وكلت
يسويها ،،،،،اعرفه من يتخبل
كلشي يسوي،،،،ومحد يوكف
بعيونه،،،،
اهلي مداروا بال اله لان القانون
وياي،،،وهو من شاف ماكو رد
تخبل واجه ،،،،ساعه
وحده بليل،،،،،وهو سكران
وفاقد،،،،،لبيتنا
دك الباب بخبال وغسان
طلع اله،،،وابويه وهاله وراهم
وامي،،،،
اني جنت واكفه يم،،الشباج
واباوع علي وسمعته صاح
« هاله امشي وياي،،،انتي
بعد،،،،،، ماتصيرين مره لغسان
انتوو،،،،،،،، مو تريدوني اطلك،
دلال،،،،راح اطلكها ،،،بس
غسان،،،،،،،يطلك هاله بالاول
« ولك امشي ولي منا راح
اجرم بيك
غسان هد علي،،،وابويه وهاله وامي
لزموا،،،
« تعالي ولج ااامشي وياي
بالقران ماتظلين يمهم
عقيل حجه هيج،،،،وجر هاله
علي،،،ومن سوه هيج
غسان نفض ابويه وامي،،،وراح
علي وضربه،،،،،
من شفت المنظر
طلعت بسرعه وصحت بخبال
« كااافي ،، كااافي،،،،عقيل،،،
وروح، ،،روح الله يخليك
اني،، بعد مااكدر ارجعلك
اموتها لروحي ولا ارجعلك،،،
« ترررجعين ولج ترجعين
غصبا ماعليج،،،لان انتي مرتي
وام ولدي،،،،
حجه هيج،،،واجه عليه بسرعه
وعيونه ماتتفسر،،،
وابويه لزمه هو وغسان وواحد
من جيرانه
اني رجعت ليوره ورحت
للمطبخ اخذ سجين،،،،وطلعت
علي،،،وصحته من شفته يتصايح
وي ابويه،،،وغسان الي لزموا
كم واحد من العالم الي التمت
« عقييل والله اذا بعد اجيت
الا اذبحه لروحي
اندار علي،،،وهم لازمي،،
وصاح
« اذبيحها ولج،،،،لان اذا مارجعتي
اني راح ،،،،اذبحج بالقران
هسه اذبح منكم واحد
جنت فاقده ،،،وعقل ماكو براسي
من وره الضغط مالته
من وره تهديداته،،،،الي تعبت
نفسيتي
ومشاكله الي فضحتنا بالمنطقه
مافكرت بولدي ولا فكرت بغضب
ربي،،،،،،،جنت اريد اخلص
منه ومن الدنيا الي هو بيها
وبس سمعته حجه هيج،،،
خليت السجينه على ايدي،،،
وكمت اذبح بيها،، واصيح
« مايخلصني منك بس الموت
وراح اروح اله حتى
اخلص منك
امي عاطت واجتي،،تركض عليه
هي وهاله وغسان،،،الي جر
السجين من ايدي،،،
« عقيييل اطلع لخاااطر الله روح
وكافي الصار
هاله صاحت وهي تبجي
ولزمت ايدي الكامت تنزف ،،،،
انهاريت،،،بحظن اخويه
وصحت واني مغمضه عيوني
« روووح ماااريد اشوفك
رووح،،،،
وعقيل بعد ماشافني سويت
هيج طلع،،،،،،،وضرب الباب
بقوه،،،،،
ايدي،،،صار بيها ندوب انضافت
لجروح گلبي وجسمي،،،
والجروح ماخلصت،،،،لان من وراي
حياه اخويه،،،،، وي هاله تدمرت
وكمت ،،،،اشوف مشاكلهم بعيوني
واسمع صياحهن باذاني
كم مره ضعفت وكلت خلي ارجع
حتى حياه اخويه ماتنهار،،،مثل
ماانهارت حياتي اني وعقيل
التضحيه رجعت مره ثاني،تدور
براسي،،،،،
وجنت من اريد اروح لابويه
حتي احجي واكوله اني اريد
ارجع لعقيل
اتراجع باخر لحظه،،،،
جنت خايفه لا هم يجي يوم
واشوف الوجهه الي شفته
بذاك اليوم
قسوه وظلم وظلام،،،،،
ماردت اشوفها
ولا ردت اختبر الم اللحظه وشعورها
مره ثانيه،،،،
سكتت ،،،وظليت اسمع وابلع
والجرح كام يگبر شويه شويه
وحسيت بگلبي مراح يتحمل
الي ديصير بي،،
وعمي حميد،،،وعمه علاهن
كعدوا. يمهم ومارجعوا من وره
مشاكله،،،،ويانا
وجان يتصل،،،على هاله
ويتوسل احاجي،،،اسمعه صوتي
رفضت،،،،لان مجرد اسمع صوته
جان يخليني اتعب،،،،،وانهار
بالبجي
وجنت اعرف محد راح
يكدر يسكتني،،،
الا حظنه
داء ودواء،،،،هو نار وجنه
حياه وموت،،،،وقربه اذاني وبعده
اذاني بعد اكثر،،،،،
جنت اكول خلي مااسمع صوته
ولا اشوفه
بلكي اكدر انساه،،،
والنسيان مااجاني،،،،،ولا العشته
ويا خلاني انسه،،،،والذكريات
جانت
مثل ،،،،اوراق الشجر من توكع
وتملي المكان.،،،،الواكفه انتي بي
ورقه ،،،،،،بيها ذكرى سعيده
وورقه بيها ذكرى مليانه
وجع ودموع،،،،،
شكد حاولت ابعده عن افكاري،،،
وارجع افكر بي بدون وعي
جنت الزم بطني واحاجي ولدي
واعتب على ابوهم،،،شلون
صدگ اني اكدر اسوي هيج،،
شلون اذاني،،،
جنت احجي،،،وبدون وعي ارفع
ايدي والزم جرح راسي،،،،،،
واصفن بجمود،،،،،،،ودمعتي
تنزل،،،،،،،حاره وتجوي گلبي
وياها،،،
الحب الي بلا ثقه،،،
مو حب هذا دمار،،،
ووي الايام،،،،راح يموووت
غصبا ماعلى الكل
،،،،،،،،
جان المفروض اسوي عمليه،،،،
وتحدد الموعد،،،،،بعد اربعه ايام
بس الصار
المغرب ،،حسيت بوجع قوي يروح
ويجي رحت لامي،،،
وهي بس شافتني،،،رأسن
سالتني
«هااا دلال بيج شي
من اجاني الوجع وجهي انعصر
وصحت
« اااخ بطني
« دلال شبيج عندج وجع
هزيت راسي باي لان مكدرت
احجي
وهي فزت،،،،،وكامت
« ولج  خاف عندج ولاده
حجت هيج،،،وراحت
كمت وراها،،،،ورحت للحمام لان
حسيت بروحي بعد مااكدر
اني بالحمام،،،حسيت شي طك
وفيضني،،،،
خفت وعطت،،،وكمت ارجف
من الوجع والخوف
« ولج دلال. شبيج افتحي الباب
باوعت لروحي وشفته دم
صافي دخت،،،ولزمت الحايط
ورحت فتحت الباب واني
ابجي وارجف
« ولللج هاي شنووو
امي عاطت من شافت الدم،،،
وهاله انصدمت،،،،وابويه صاح
« ولجن شبيجن وكفتن مثل الصنم ااامشن بدلن الها خلي نوديها
بدلت ملابسي،،،واخذوني للمستشفى
واني انزف وحتي السياره مالت
غسان انترست دم،،،،
نزلت واني مااشوف دربي
من الدوخه،،،،وهناك بالصاله
من فحصوني،،،،،،،،كالوا ولاده
ومانلحك،،،،، نسويلها عمليه،،،،
وصعدوني،،جنت تعبانه ونازفه
دم هوايه،،،،واي حيل للولاده
ماعندي،،،،،،ووره وين وبعد تعب
جبت مسلم،،،ومؤمن وراه
بس جبته،،،،
فقدت الوعي،،،،من وره التعب
والخفقان الي لزمني
،،،،،،
« ابو زياد دلال تاخرت جوه،،،
وظل بالي عليها
« كولي الله يامره وادعيلها،،،،
ام زياد  شغرت لله وحجت
« يارب اريدها منك اريد بنتي
تطلع سالمه من هاي الشده
وماطلعت سالمه،،،،والي عرفته
بعدين
اني بعد ماجبت
دخلت بغيبوبه من وره النزف
والخفقان،،حالتي جانت خطره
وحولني رأسن،،،،،،،للانعاش
امي،،،،،،، من شافتني هيج
ملخت ،،،،،روحها وابويه انهار
هو واخويه غسان،،،،،،
الدكتوره استعدت دكتور قلبيه
وطلبوا دم الي،،،،
اخوتي مجانوا موجدين،،،،
بغداد،،،،زياد وعائلته بتركيا،،،
وحسام جان ديجيب بضاع لمحلاته
غسان خابر مؤيد وكله
جيب عقيل وتعالوا تبرعوا بالدم،،،
لدلال،،
جنت،،،،،افتر بالمعرض مالتي
وشفت مؤيد،،،،،،من اجاه اتصال
وكف وحجه ،،،،،وباوع عليه بوجه
مخطوف،،،،
مشيت اله بسرعه وگلبي نغزني
وهو رأسن حجه من سد الخط
« عقيل دلال جابت،،،،وغسان
خابرني وكال
تعال انته وعقيل اختي محتاجه
دم
رجلي بادن،،،،والدنيا
افترت بيه
وردت اوكع وهو لزمني رأسن
« عقييل،،،يمعود شبيك
« خلي نروح، ،،،ااامشي
سندت طولي كوه وحجيت وصوتي
رجف من طلع
طلعنا اني ومؤيد هو ساق السياره
ورحنا للمستشفى الي
دلال بيها ،،،،،
وصلنا ومؤيد خابر غسان،،،الي
دلانا هم وين،،،
رحنا ومؤيد يكول
« مابيها شي ان شاء الله هسه
نتبرع الها بالدم وتصير زينه
حجه هيج وغسان من شافنا اجه
علينا بسرعه،،،وكال وجهه اصفر
« تعالوا بسرعه،،،للمختبر
« دلال وينها اريد اشوفها
سالته وهو،،،حجه بتوتر
« المن تشوف عقيل،،،اختي
فقدت الوعي ،،،وحولها للانعاش
من وره الخفقان والنزف
جمدت بمكاني،،،،والدنيا افترت بيه
لزمت الحايط بسرعه وصحت
بغسان،،،
« لييييش محد كلي،،،لييش
محد خابرني
« عقيل مو وكته هذا الحجي،،
اامشي خلي نطي دم ،،،هسه
« ولك وينها اااريد اشوفها
صحت،،،واني ادور بعيوني،،
علي شي يدلني عليها
« عقيل اهدا لخاطر وامشي
انطي دم،،،،، اني تبرعت بواحد
وبعد
مااكدر انطي الخ وهي
محتاجه بعد
اربعه ،،،،،
« يالله،،،،
صخت ولزمت راسي ومشيت وراه
ومؤيد خابر رسول،، حتى يجي
هم ينطي دم
تبرعت ،،،،،ومؤيد هم
وبس كملت،،،كمت ورحت وي
غسان
للردهه الانعاش،،، طبيت
وعيوني راحت رأسن،،،لدلال
جانت نايمه وخالين الها اوكسجين
وبطل مغذي بايد وبطل دم
بأيد الخ،،،،
رجلي ماشالني،،،وقوتي كرجل
انهارت بذيج اللحظه،،،
مشيت الها واني اريدها تكوم وتفتح عيونها الحلوه ردت دلالي
تكعد وتباوع علي حتى بو بزعل
راضي والله راضي هي بعيده
عني بس عايشه،،،،
وكفت يمها،،،،ولزمت ايدها
ومن شفتها كلها دم،،،،،انهاريت،،،
وكمت ابجي بصوت
وامها صاحت
« راحت عقيل دلال راحت، 
ولكم بنتي لو ادكوم من هاي الشده
لو ماادكوم،،،،
« كااافي سحر واذكري الله
بنتي مابيها شي وهسه ادكوم
وتفرح بولدها،،،،
عمي،،،،، كمل كلامه بغصه
وكام يبجي،،،،،
مكدرت احجي شي،،،،لان ماكو
صوت،،،ماكو حيل للكلام
وحجيت هناك بگلبي،،،،هناك
ناجيت الروح الي تريد تفارگني
« دلال لاتسويها تره اموت وراج
باوعي عليه وفتحي عيونج،،
فتحيهن لخاطري،،،
ولج امووت وراج والله اموت
وانتهي،،،،
جنت احجي واني لازم ايدها بقوه
ردتها تحس بيه،،،،بامها ابوها
ولدها ،،،،،،ردت كسره گلبها علينا
تكعدها،،،،
ماكوو نايمه،،،،وبغير عالم
وجان وجهها اصفر والشفه الروح
مسحوبه منها،،،،وبياضعا زاد
وصار يخووف
بذيج الساعه حسيت من صدگ
ملك الموت يفتر بالغرفه ويريد
ياخذ روحها،،،
حجيت بصوت،،،والكل سمعني
حجيت واني ابجي واشهك
« اذا تريد تاخذها اخذني وياها
لاتخليني عايش ،،،
اخذني ياربي قبلها،،،،ولاتخلين
اشوف
هاي اللحظه
« عقييل،،،،اذكر الله ،،
مؤيد حجه ولزمني ،،،واني
صحت من جريح،،،،گلبي
« يالله،،  يارحمن الطف بينا
احنا يمها الدكتوره اجتي،،
،هي ودكتور القلبيه،،،،فحصوها
والي عرفنا،، بعدين
دلال من وره النزف
والخفقان دخلت بغيبوبه،،،،
الدكتور كال دكات گلبها
مو منتظمه
واسرع
من الطبيعي،،،وهي هسه تحت
المراقبه،،،ومنا لكم ساعه نشوف
بلكي تصحى،،،،
جنت اسمعه وگلبي يريد يريد
يوكف من الخوف والتوتر،،،،
ومن،،،راح كعدت. بره واني مهدود
حيلي،،،،وخلو بس امها يمها
،،،،
الليل كله ظليت اروح واجي
عليها،،،،، وولدي رحت عليهم
جانوا خاليهم بالخدج،،،ويمهم
هديل الي اجتي ،،،،
صفنت عليهم وعيوني غوركت
وكمت اردد
« يارب لاتحرمهم من امهم
لاتحرمني منها،،،،،،ربي اني غلطت
چثير وقصرت بحقگ بعد اكثر
غصيت بالبجي وكملت واني
اريد رحمته اريد لطفه بيه
وبولدي
« ربي بس دلال ادكوم من
هاي الشده
يحرم عليه،،،،اضوگ العرگ
يحرم عليه الطريق المشيت
بي، ،،،،،يحرم علي اي شي
يغضبك
روحي
ماهدأت،،،،،
ولا كاع لمتني،،،،الا من سمعت
والحمد لله النزف
وقف الفجر،،،،،،،،،،وساعه
عشره الصبح،،،،،،،،كعدت
،،،،،
اني مغمضه حسيت وعي
رجعلي وكمت اسمع اصوات
واحس
بوجع بكل جسمي،،،،وريگي جان
يابس،،،،وشفتي ويا سمعت
صوت من بعيد
« كعدت حقي دلال كعدت
« يالله ،،،،غسان بسرعه صيح
الدكتوره
« دلال
لزمه ايد قويه،،،وصوت
رجف من حجه خلاني،،،افتح
عيوني،،،بتعب،،،
واني اون،،،
«  تفضلوا بره خلي الدكتور
يفحص المريضه
الكل طلع وظليت بس
اني وامها يمها
جنت انتظر كلمه تحييني
من الدكتور،،،،وهو بعد الفحص
حجه
« الحمد لله عدت مرحله الخطر
مادام،،،كعدت ودگات گلبها
رجعت طبيعيه،،،
بذيج الساعه،،،،جسمي المتشنج
فگ،،،،وكدرت اخذ
نفس طويل واذبه براحه،،،
وامها بس طلع الدكتور
راحت لعمي ولغسان
حتى تبشرهم
مشيت الها،،،،وهي حجت بتعب
وهي تدور بعيونها بالغرفه
« ولدي وينهم ،،،،،
« بالخدج لاتخافين ،،،گلبي
حجيت هيج،،،وماتحملت بعد
اكثر،،،حظنتها وكل البجي
نزل عليه بذيج اللحظه
بجيت بحظنه،،،،واني مغمضه
عيوني،،،جنت تعبانه واحس
بضعف مو طبيعي ويمكن
هذا الي
خلاني اهدا بين ايده وماارفضه
وهو وخر من طبوا اهلي
وطلع بره،،،
،،،،،،،،
رجعت للبيت،،،بعد ايام
ووياي،،،،،،،، مسلم ومؤمن
الدكتور انطه لابويه اسم،،،دكتور
مختص بامراض القلب وكله
خلي تراجعه،،،
عمه كوثر وره يومين،،،من طلعتي
اجتي وجانت مبين عليها الفرح
بشوفه ولد عقيل،،بس
نفس طبعها
وياي،،،اني مدرت بال الها
لان علي كوله بيبي
اليكره عام الاول مايحب
السنه،،،،،
هديل وهاله،،،،فرحتهم جانت
مبينه بعيونهن ،،،وتصرفاتهن،،،،
وعقيل،،،اجه مره
وماشفته لان ماطلعت اله
وهو ماطول،،،اجه شاف ولده
وراح،،،
وبنفس يوم طلعتي من المستشفى
دز ذبحيتين لبيتنا ذبحوهن
علمود سلامتي،،،،،
ودز مسواك كامل،،،،وويا فلوس
بايد مؤيد،،،،
ولدي،،،،شويه شويه
كامت تبين
ملامحهم،،،،شعرهم اشكر
وعيون مسلم عسليه،،،،ومؤمن
سود ،،،،وجانوا سمر مثل عقيل
عمي حميد رجع وره ايام،،،
وحجه وي اهلي
بموضوعنا
اني جنت كاعده واسمع الحجي ،،،،
ومن كمل عمي ابويه رفض،،،
واني سكتت وشفت بعيوني
اخويه ضاج وكام،،،،،وهاله
لحكته،،،
عقيل من سمع بالرفض،،،دز
على ابويه استاذ كريم،،،
الي حجه وي ابويه وكله لخاطري
رجعها، ،،،،
ابويه خجل منه وانطاه
كلمه برجوعي،،،لعقيل
اني سكتت لان شفت الراحه
بعيون غسان،،،وهاله
وحتى امي،،، لان من شافت
عقيل شصار بي،،،،من وراي،،
كالت لو شايفته شصار بي
وشلون ،،،،كعد يبجي عليج
جان انتي طلبتي ترجعين اله
،،،،،
ورجعت بعد ماطلبت بيت
وحدي،،،،وهو من فرحته
اجر مشتمل يم اهلي،،،واثثه
بسرعه،،،،وجهزه من كلشي
اني ،،،،،،مااختاريت اي شي
لان رفضت اشوفه،،،،او اثثه
جنت احس روحي مغصوبه علي
مثل اول مره،،،،،
وهم السبب اخويه وهاله
وانضاف الهم سبب ثاني
هم ولدي،،،،
يِّتّبِعٌ