انقذني من انتقامي

بارت 13

#أّنِقِذّيِّنِيِّ_مَنِ_أّنِتّقِأّمَيِّ
#بِقِلَمَ أّوِتّأّر حٌزِّيِّنِهِ،،،
#أّلَجِزِّء أّلَثّأّلَثّ عٌشٍر
،،،،،،،،،،،،،،،،،،،،،،،،،،،،،،،،،،،،،،
،،،،،،،،،،،،،،،،،،،،،،،،،،،،،،،،،،،،،،،،،،،،
،،،،،،،،،،،،،،،،،،،،،،،،،،،،،،،،،،،،،،،،،،،،،،،
عم حميد التهى وي عمه سهى
الي جانت محتاجه عمليه لقلبها
والا بسوريا يله تصير
اخذها هو وامي وابويه وسافروا
وموضوع اخويه تأجل الما
يرجعون
وهاله قدمت على كليه الصيدله
وبدت تدوام،،واني ظليت
وحدي بالبيت  ووياي بيبي لطوفه
بيوم الجمعه كعدت من وكت ونظفت البيت ورحت سويت ريوگ لغسان
ولبيبي
« بيبي راح اسوي دولمه اليوم
شتكولين
« اي سوي دولمتج طيبه
« ههه بس الدولمه بيبي
ضحكت وغمزتلها وهي،،،هم ضحكت
وجاوبتني
« لا والله انتي  كل اكلج طيب ،،،
سكتت واخذت حب الضغط وكملت
« دلال يمه انتي عندج نفس طيب
بالاكل
مثلي اني وامج
« ايي بابا هم يكول
« نادره يمه وبكلشي معدله
ابتسمت وكملت غسل المواعين
وطلعت كيس الوصخ حتى
اذبه، ،،،،جانت الدنيا ضحى
رحت للباب فتحته وذبيت الكيس
بالحاويه،،،
من درت راسي شفت سياره حديثه
لونها احمر طوخ،،وعاليه اني
بالسيارات مااعرف جانت مضلله
وواكفه بعد كم بيت
مااعرف ليش،،،،،،،
احساسي كال اكو واحد بيها
ديباوع علي،،،،،ظليت صافنه
عليها ،،،،،،،،واني احس اكو عيون
دتباوع بعيوني جسمي كزبر
وخفت
وطبيت بسرعه وسديت الباب
،،،،،،،
بدون شعور جنت اروح
للمدرستها
كل فتره، ،،،،
اوكف بعيد واظل صافن عليها
عرفت حركاتها كلها،،،،،من تمشي
مدنگه وماترفع راسها الا من
تعبر الشارع،،،،،
مشيتها جانت بهدؤ ،،،وبيها فهاوه
حلوه،،،،،،،تعلمت كل فتره افوت
من يم بيتهم او اوكف بعيد
واظل صافن على بابهم
شعور جنت كاره وحابه بنفس
الوقت
شعور غير مفهوم وتعبني كلش
احبها وبنفس الوقت لازم اكرهها،،
هذا هو اصعب شعور،،،،
والاصعب منه هو اني حبيت
حب من طرف واحد، ،،،،
بيوم اخذت برادو حمره، ،،،ورحت
لبيتهم ،،،،،،ووكفت بعد خطوات
جان گلبي يكولي انته راح
تشوفها،،،،وصدگ شفتها
طلعت وخلت الجسم يتخربط
والگلب فز لشوفه هلوجهه الحلو
عيوني تتبعت خطواتها بلهفه
اندارت وباوعت علي،،،وشفتها
صفنت ،،،،،،وعيونها جذبت عيوني
وخلتني اكطع النفس،،،،،
تيار مشه بجسمي،،،،وخلاني الزم
الستيرن بقوه،،،،
لحظه هي من الزمن جمعتنا
ومن على بعد ،،،،بس خلتني احس
هي يمي ونايمه عل صدري
وشفتي ضاكت شفايفها،،،،،،
وبس طبت طار كلشي من عقلي
وصفنت على بابهم،،،،صفنه طويله
وبعدين
حركت السياره وطلعت بيها
للشارع
،،،،،،،
طبيت للمطبخ،،،والتهيت
بالدولمه،،، جنت اشتغل واحجي
وي بيبي واضحك
« دلال امج ماخابرت ،،،حتى
تطمن
على مرت عمج حميد
« لا بيبي،،،،هي كالت بس يسولها
العمليه اخابر واطمنكم
« يارب ادكوم بالسلامه
وترجع لبيتها،،،،
« امين يارب،،،،
بيبي سكتت ،،،وبعدين دك جهازها
« هذا منو يمه
اخذته من ايدها وجاوبتها من شفت
خالي متصل
« بيبي هذا خالو منير
فتحت الخط وانطيته الها وهي كامت تحجي ويا
« الو هلا يمه ،،،اني زينه
لا والله بعدها مااجتي
لا يمه مااجي لان دلال وحدها
هيانها يمي دسوي دولمه
بيبي اشرت الي وكالت
« خالج يسلم عليج
« سلميلي علي،،،وعلى عمه نوال
« تسلم عليك وعلى ام عماد
بيبي سكتت وظلت تسمع خالي
وتباوع عليه وبعدين جاوبته
« مابيها شي يمه خلي تجي اختك
واني احجي وياها، ،،،
يصير خير،،،
لا يمه مامحتاجه شي،،،،
الله وياك وسلملي على مرتك
وولدك
بيبي سدت الخط،،،واني خليت
النومي كدامها
« اشربي هذا بيبي حتى ضغطج
مايصعد
« اي والله جيبي احس راسي
كام يوجعني،،،
كعدت يمها وكمت احشي بالدولمه
وهي حجت وره فتره
« دلال شنو رايج بعماد
صفنت على بيبي وجاوبتها
واني احس راح اسمع موضوع
جبير
« من ناحيه شنوو بيبي
هي سكتت وبعدين حجت
« خالج هسه حجه وياي،،وكال
« اريد دلال لعماد ،،،
دنكت راسي،،،ومجاوبت
وفكري راح لعماد،،،،
ابن خالي جان يدرس بالكليه
العسكريه،،،،
شكله جان حنطاوي وعيوونه
جوزيه
حلو ومعضل لان يلعب حديد،،،،
موصفاته تتمناها اي بنيه الا اني
جنت اشوفه مغرور،،،
وشايف روحه،،،وي الكل الا اني
جان يتقرب الي ويحجي ويضحك
وجانن بنات خالاتي متخبلات
شلون وياهن خشم ووياي
لا،،،،
اني جنت اريد احب،،،اريد اعيش
قصه حب مثل هاي الاشوفها
بالافلام والمسلسلات
واقرها بالقصص
ماردت زواج تقليدي،،،،لا ردت
زواج عن حب،،،