انقذني من انتقامي

بارت 21

‎#أّنِقِذّيِّنِيِّ_مَنِ_أّنِتّقِأّمَيِّ
‎#بِقِلَمَ أّوِتّأّر حٌزِّيِّنِهِ
‎#أّلَجِزِّء أّلَوِأّحٌدِ وِأّلَعٌشٍروِنِ
،،،،،،،،،،،،،،،،،،،،،،،،،،،،،،،،،،،،،،،،
،،،،،،،،،،،،،،،،،،،،،،،،،،،،،،،،،،،،،،،،،،،،،،،
،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،
‎كمت انام وي دلال
بالقوه،،،،،،،،،،،وغصبا
ماعليها،،،،مكدرت امنع نفسي منها
لان ادمنت
كلشي بيها ،،،،،،جسمها ريحتها بيضاها،،،شفايفها الحلوه
وجنت اريدها تتفاعل
وياي وتخبلني مثل ماهي
مخبلتني ،،،،،،،بس
ماكو،،،لان هي جانت
بارده مثل الثلج وجثه بين ايدي،،
لحظات من المتعه الحلوه،،،،
جانت تتبخر ،،،،بسرعه
لان من  اكمل،،،،،،،،واكوم منها
اشوفها ،،،شلون تلم
روحها جوه الجرجف،،،وتغطي راسها
وهي تشهك وتبجي،،،،،،
كم مره كرهت نفسي
وكرهت ضعفي وياها،،،،،،واكول
بعد هاهيه مااتقرب
منها،،،والعكس يصير بس اشوفها
كدامي
اضعف،،،واسوي الشي
التكرها هي وبمووت واني
احبه بمووت
الايام مشت بيه واني
نفس وضعي،،،،
وماتغير بي شي
‎،،،،
حياتي مااستقرت وي عقيل
لان ظل يريد شي اني مااكدر
انطيها ،،،،،راد مشاعر
حب،،،واني جنت بخيله بيه
بارده ،،،،،،جنت ويا وهو جان
من يشوفني هيج
يتخبل ويبدي يعتب
بقهر وباعصاب ترجف
‎مره. بليله جبرني،،،وهم
صرت جثه
بين ايده،،،، وهو وخر مني
وكام يضرب بالفراش بعصبيه
ويصيح بصوت مكتوم
‎«ولج شبيج دحسي
شبيج ،،،،،اني نار وانتي ثلج
ولج شبي اني وماتحبيني،،،
‎خليت ايدي على وجهي وكمت
ابجي بصوت وهو
‎اجه وحظني وكال بصوت
مخنوك
‎« دلال لاتبجين اموت من اشوف دموعج ،،،ولج باوعي
عليه مو راح اموت ويظل
بنفسي تكولين احبك
‎حجه هيج وكام يبوس بيه
جان يطبع البوسات بقوه على
جسمي وهو يهمس
‎« احبج واموت عليج،،،
عمري يروحلج فدوه بس
كولي،،،،، احبك كولي اسمي
انطقي ،،،
‎مجنت احجي شي،،،وهو جان
مرات ياخذ الشي الي يريده
ومرات يكوم وهو يصيح،،
ويغلط عليه وعلى
روحه ،،،
تصرفي دمره وخلاه يرجع
يشرب،،،
‎سهراته كثرت بره وكام
من يجي سكران ،،،، اول
مايشوفني
يبدي يغلط عليه ويسبني،،
‎مره اجه شبه فاقد،،،ومكدر
يفتح باب الكراج،،،،
هجم الباب وهو يدك،،،
مؤيد طلع يركض،،،،وطببه
وامه استلمته
‎« ولك عقيل تالي وياك،،،
تالي وي هذا السم الدتشربه
ولك عوووفه راح تموت من وراه،،
‎اني جنت واكفه ،،،يم باب
الاستقبال،،،،،،،واباوع عليه
وهو كام وهو يترنح وعيوونه
حمره دم وشكله هم احمر ،،،،،
اجه عليه
من خوفي رجعت ليوره،،،،وهو
وكف
وباوع عليه،،،وحجه بلسان
ثگيل
‎« ظلي هيج ظلي دلال  انتي
الخسرانه. مووو اني،،،
‎حجه هيج وباوع لامه وكال
‎« كله منج انتي الي خليتني
اشرب،،كله منكم انتي
وابويه،،،،من وره ساجد الكووواد
وحقي،،،،، من وره ذلهم الج
من وراج يمه انتي
الي مخليتني انسه
وهاي النتيجه،،،،شوووفي
شوووفيني يمه
حبيت وحده منهم،،،
دار الوكت وحبيت بنت حقي
وهي ماتحبني
‎عقيل سكت واخذ نفس طويل
وكمل وهو يضرب على صدره
‎«يمممه اني طلعت عليج
ومثلج
شلوون انتي
حبيتي ابويه وهو ماحبج
‎عمه كوثر صاااااحت وهي
تبجي
‎« كااافي ولك كااافي وسده
لحلكك،،،،شدتخربط انته
‎مدار بال وكعد بالكاع
وكمل وهو يباوع عليه بنظرات
قهرتني وخلتني ابجي من
وره الالم الشفته بكلامه
‎« وانتي هم كله منج،،،خطيتي
بركبتكم كلكم، ،،حركتوني الله
يحركم
ذليتني دلال،،،ذليتني
وخليتني ماارتاح،،،،دمرتوني
الله ياخذگم
‎كلمه رددها اكثر من مره
وتمدد بالكاع،،،،،
‎« كووم عقيل
‎مؤيد كومه وهو يسب
بروحه
وبيه واخذه للاستقبال
وهناك بهدومه تمدد،،،وهو
يخربط
بالحجي،،،،،
عفته هناك وصعدت لغرفتي،،
الفجر اني نايمه حسيت بلمساته
وبوساته
عقيل من ذ،،،،يجي سكران يغلط
ويسب  ،،،،،وبعدين من يصحى
يبدي يعتذر ويتقرب مني
دفعت ايده،،،وصحت بي
‎«  وخررر وعووفني،،،لاتلزمني،،،
‎بلحظه صار فوكايه وكال
وبعيون تلمع ووجه احمر
‎« اوخر ،،،بس بعد مااخذ الي
اريده ،، دلالي مشتاگ الج
وحلمت بيج
‎سكت وفرك خده بخدي وكمل
بصوت مخنوگ،،،
«يولي اجيتي
عليه ،،،،وكتلي احبك عقيل
وجنت مو هيج بارده
جنتي نار وحركتيني
‎دفعته من صدره ووخرت وجهي
من راد يبوسني وصحت
‎« شنوو انته ماتحس،،،،
بابا اني اكرهك،،،امووت منك
حس ووخر مني،،،
‎حجيت هيج وهو لزمني
من وجهي،،،
‎وداره عليه بالقوه وكال
وهو جاز على سنونه
«حبيتني ولا ماحبيتني
هذا حقي واريده،،،،،
انتي كلج مالتي صرتي،،،
من رجليج هاي لشعراتج هاي،
‎« الله ياخذني واخلص منك
‎صحت واني ابجي،،،،وهو
جاوبني وهو يبوس بيه
‎« اموت وراج صدگي اموت
ولج،،،،،اني وياج بس نتفارك
نموت
انتي بس تفاركيني تموتين
‎دفعته بقوه وسحبت روحي
منه وكمت بسرعه
ورحت وكفت يم الكنتور،،،
وصحت بي
‎«وليش اموت،،، على شنوو
هوو اني اصلا احبك حتى اموت
من افاركك
‎حجيت بضوجه وكره وهو كام
ووكف وصفن عليه،،،،وطول
شكله جان متأثر كلش،،،،
‎ووجهه تغير،،،وطعن
من القهر 
خفت منه وكلت هسه
ياذيني
بس لاااا هو ماحجه شي،،،،
وطلع وركع الباب وراه
بقوه،،،
‎كلامي هذا جان يذبح عقيل
ويخلي،،،،،،،، يزيد بالشرب
وكمت اسمع الملامه
من هديل
وهاله الي جانن يكولون
‎« راح يجي يوم وتخسرين،،
عقيل راح تندمين دلال،،
‎كلام مدرت بال اله
واستمريت
هيج ويا،،،، نار هو واني ثلج
‎،،،،
وره مراح مكدرت انام
جانت الساعه،،،بالسبع الصبح
رحت غسلت وجهي،،،ورجعت
رتبت الغرفه،،،ولبست شالي
ونزلت جوه،،،
‎جان باب المطبخ مفتوح،،،
عرفته هو طلع،،، اخذت الدخن
من الكاونتر ورحت للطيور
خليت الهن،،،،،،وبدلت المي،،،
مالتهن وكعدت يمهن،،،
جان الجو بدايه،،،،،،،،شتا
وبي بروده حلوه ومو مزعجه،،
ظليت كاعده وحدي،،،وافكار
تدور براسي،،،،،
‎كمت وره دقائق، ،،وبديت
انظف الحديقه،،،
كملت وفتحت المي، ،،،عليها
رجعت للمطبخ غسلت
ايدي ووجهي،،،وبديت احظر
بالريوك، ،،سلگت بيضتين لعمه كوثر
وفورت حليب،،،،وخدرت جاي
محمد كعد واجه مبدل
‎« صباح الخير،،،
كالها من وره خشمه وكعد
تريگ وهو ساكت
وطلع،،،،
‎ومؤيد اجه وراه وهو مطفي
وكال
‎« صباح الخير عسوله،،
‎« صباح النور،،،،،مؤيد
تريد گهوه،،،
‎« اي والله لان راسي مصدع
وهذا رجلج مااادري،،،شبي
خابرني ،،،،،،من السبعه يصيح
ويكول تعال للمعرض،، ولاتتأخر
تره احركهم لاهلك
‎سكتت،،،،وهو كمل
‎« تعالي اتريگي،وياي،،
مااعرف،،،،، اكل وحدي
‎كعدت وكمت اكل ويا بدون نفس
وهو انتبه الي وكال
« دلال اكلي ولاتهتمين للصار
البارحه
تره حتى امي ماسلمت منه
‎سكتت مثل كل مره من يحجون
وياي،،،لان الموضوع مايهمني
والتهيت بالشغل،،،،،
يوم وره يوم واحنا نفس الوضع
وماتغير شي،،،،
‎عمه كوثر بيها طبع كل فتره
تعزم
خواتها ونسوان اخوتها،،،
‎البيت ينترس،،،بيهم وجانت
عزيمتهم
توكع براسي،،،، اني وهديل
هاله مجانت تجي هوايه لان
غسان مايقبل عبن حامل ،،،
ويخاف عليها
‎اني جنت ماارتاح الهم،،،لان
نظراتهم
مو مريحه،،،وجنت اسمع
حجي وبسامير
من بعضهم،،،وشهد جانت
خطار
وياهم لان ماتمد ايدها على
شغله من داغسل امواعين الغده
مرت خالهم مرتضى كالت
‎« اكول دلال ماكو شي،بالطريق
‎ماافتهمت وهديل جاوبتها
‎« لا عمه بهيجه مصار عدهم
شي
‎هي دارت وجهها وكالت
‎« خاف بيها شي لييش ماتودها
للدكتوره اخوج مابي شي
ومثل الورد هسه يطلع
منها السبب
‎ضجت من حركاتها من تحجي
وتدخلها. وجاوبتها
‎« لازم فحصتني وعرفتي مني
السبب
‎سكتت وهي تخوزر بيه  وهديل،،
حجت وياها
‎« عمه بهيجه،،،،، امي تصيحج
وادكول تعالي اشربي الجاي
‎كامت وطلعت وهي تدردم، ،
وهديل
كتمت ضحكه  وكالت
« خرب عرضج انطتيها
بالكصه
‎سكتت واني مبتسمه،،
كملت شغل وصعدت
لغرفتي،،
‎شفت الباب مفتوح،،،،،،
وتعجبت اني سديته يله نزلت
طبيت وتفاجأت بثريا بنت،،،،،بهيجه
واميره بنت رقيه اخت عمه كوثر
بيها
‎ وحده كاعد على جربايتي
وتباوع للغرفه،،،، والخ
دتخلي من  عطري 
عكدت حواجبي بضوجه
وثريا من
شافتني كامت بهدؤ وكالت
‎« اسفه اذا طبينا لغرفتج،،،
بدون استأذن
بس والله تعبنا من الهوسه
وعمه كوثر كالت روحن
ارتاحن بغرفه دلال
‎اني بطبعي نحسه يعني
مااحب
واحد يطب لغرفتي بدون اذني،،
ويلعب بحاجتي،،،وهم لان
عقيل يضم مبالغ هوايه بيها
وهاي امانه ولازم احافظ
عليها
وكفتها وحركتها وتموعها بالحجي
خلوني
اجاوبها بضوجه
‎« ولييش بغرفتي،،مو اكو غرفتين
فارغات ماتروحن بيها،،،
‎« يااا تطردينا من غرفتج دلال
‎« لا بس تره
عيب تطبن وتلعبن
بغراضي واني ماادري ومو
موجوده
‎ثريا ضاجت وتنفرزت وجاوبتني
بعين صلفه
‎« مو كتلج اخذنا الاذن من عمه كوثر
شبيج ماسمعتني من حجيت ،،،
‎« سمعتج وانتي سمعتيني شحجيت
وكلامي جان واضح
‎سكتت،،،، وهي تباوع لاميره
اني  سويت درب واشرت
للباب
‎« وهسه من رخصتج اطلعي من
غرفتي حتى
اسبح وارتاح شويه ،،،،
‎ماطلعت،،،،واجتي عليه ووكفت
كدامي
وحجت بكلام مسموم
‎«عيني  ام غرفه
  تدرين هذا كله جان لازم يصير
الي ،،،هو وعقيل
‎رفعت حواجبي ،،،وجاوبتها
بأستهزء
‎« ايي ومجان تاخذي شنو
الوكفج
‎  « الوكفني انتي،،،،انتي ماادري
شسويتله ،،،وخليتي ياخذج
‎عوجت حلكها وباوعت لاميره
وكملت وهي لازمه قميصها
من الصدر  وتهز بي
‎« استغفر الله ياربي
‎مافكرت بكلامي راح يوصل اله
وجاوبتها،،
‎« اطمني اني كلشي ماسويتله
لان،،، اصلا اني مجنت رايدته
وروحي،،،،، اخذي اذا ميته علي
لان الطيور على اشكالها تقع،،،
هو ابو نسوان وانتي ام رجال
وتليفونات،،،،
‎تخبلت ورادت تضربني،،،بس
اميره لزمتها
‎«  انجبي ادبسسز
‎رجعت ليوره من هدت عليه
واميره حجت
‎« كاافي ثريا،،،وامشي خلي نطلع
العتب مو عليها العتب علينا
الي طبينا لغرفه وحده
مو شايفه
‎« الحمد لله والشكر اني شايفه
وعايفه،،،والعتب مو عليه
العتب على،،،،الي مخليه
عيونها على رجل غيرها
‎« هاي شكو،،،
‎هديل اجتي،،،وثريا سوتها
هوسه واني طردتها،،،من غرفتي
بدون سبب واميره
شهدت الها
‎هديل باوعت عليه بعتب،،
وعرفتها ضاجت لان حجيت
هيج ،،،،،،وكدامهن على عقيل
هي مابينت شي ووكفت وياي
وكالت
‎«ثريا كافي تصيحين ولاتكبرين
السالفه غرفتها ومتريد احد
يطبها مابيها،،،مابيها شي
حجايتها
‎« ايي اوكفي وياها هديل مو
جديده عليج ،،،سويتيها بامج
وشهد،،،ومااتعجب اذا سويتي
بيا
‎« بس كاافي شنوو هذا الصوت
عيب عليج احترمي
البيت واهله،،،
‎« امشي اميره الظاهر احنا
اثكال عليهم وماندري
بروحنا
‎ثريا راحت ووياها اميره
وهديل سدت الباب واجتي
عليه وحجت بعصبيه
‎« دلال انتي شلون تحجين
هيجي على عقيل ويم منو يم
هاي العكرب المسمومه،،الي تتمنى
خراب بيتج
‎« هديل اذا اخوج جان رايدها
لهاي شكو عافها،،،،،،
واجه عليه مجان ياخذها
ويخلصني
‎« ولج اخويه مرادها وهاي
دتجذب
عليج حتى تسوي مشاكل
بينج وبين عقيل،،،
‎« وعلى شنو اسوي مشاكل
ومن وره منوو من وره
هاي
‎هديل صفنت عليه،،،
وجاوبتني
‎« من وره عقيل دلال
اي مره تغار على رجلها
من تسمع هذا الحجي راحز
تسوي مشكله ويا
‎سكتت وهي تعرف شنو البيه
وكملت والحزن بين بوجهها
‎« ظلي هيج دلال،،ظلي
ماتحسين بي،،،ولا بحبه الج
بس من  يكع الفاس بالراس
لاتجين تبجين يمي،،،
‎حجت هيج وفتحت الباب
وطلعت
‎مدرت بال لكلامها مثل كل
مره، ،،ورحت طبيت للحمام
سبحت وتمددت،،،،ولزمت
جهازي،،
وكمت اقره بي قصه
من التعب،،،غفيت وره دقائق
كعدت وره ساعات،،،،
‎وفزيت،،،من شفت عقيل كاعد
على الكرسي وصافن عليه
نظراته جانت مو طبيعيه،،،،
وحسيت بي تعبان،،،حزين،،
مقهور
كام واجه وكف كدامي
وكال
‎« راح اسالج واريدج اجاوبني
باي او لا
‎سكت ومن خوفي،منه
غطيت روحي لصدري،،،
شكله جان يخوف وعكده حواجبه
وشكله المطعون خلاني اعرف
هو عرف بكلامي وي
ثريا
‎« انتي كايله لثريا ،،روحي
اخذي عقيل هوو ابو نسوان
وانتي ام زلم،،،والطيور على
اشكالها تقع
‎سكتت ودنكت راسي وهو صاح
‎« ااااحجي،،،انطقي
‎« هي الي بدت
‎جاوبته وهو ضرب الجربايه
برجلي  ،،،وصاح
‎« ااااي لو لااااا،
‎« اييي حجيت هيج،،،
وماجذبت لان هذا صدگ
‎جاوبته بصياح وهو وجهه انطعن
بعد اكثر وبين الالم بي
وحجه،،،، وره دقائق جان
الصمت بيهن يذبح
‎« ايي صدگ اني ابو نسوان
بس تدرين ليييش،،
‎وخرت وجهي منه وهو اجه
بسرعه،،،ولزمه وداره علي
وحجه وهو يكزكز من
العصبيه
‎« لان العندي بارده وثلج
وحده ،،ماعدها احساس،،،
مو مره ،،،،،انتي مو مره دلال
وانتي الي خليتني
اروح الهن
‎سكت وعصر وجهي بايده. بقوه
ووقرب وجهه عليه وكمل
وهو يتنفس قوي
‎« هناك يمهن احس بالراحه
ومزاجي يصير فووول
العرگ وهنا يخلني انسه الي
داشوفه منج،،،،،
انسه اني لازم وحده ميته
‎حجه هيج ودفعني وسكت
وهو يتنفس بقوه
وكمل وره دقائق
‎« مره ثانيه احجي هيج،،
وشوفي شلون مااكص لسانج
والي كاله ابوج اسوي وبدون ندم
‎بذاك اليوم مكدرت احجي شي
ويا لان جان بركان،،وخفت منه
لايأذيني ويطلع صوتنا ويشمتن
بيه الجوه،،،
سكتت ومن صاح،،،
‎« كوومي حظرلي الحمام
‎كمت بدون نقاش ورحت حظرته
سبح وطلع بدل وكشخ،،
وراح ،،،،، للكنتور اخذ فلوس،،،
وطلع
‎نزلت جوه،،،،وهناك هم امه
سوتلي
مشكله وكامت تسمعني حجي
هي وشهد،،،،،من شفتهن
لحن عفت الشغل وصعدت فووك
لغرفتي،،،سديت الباب
ورحت خابرت هاله وحجيت
الها الصار واني ابجي
‎« دلال شبيج اتخبلتي انتي،،
شلون تحجين هيج علي
ولج مو زين،،،، من عنده
ماكسر راسج،،،،
‎سكتت وهي ظلت تحجي
وترزل بيه
‎« دلال محد راح يخسر غيرج
انتي،،،عقيل تحملج هوايه
وراح يجي يوم وينفجر،،
ويعوفج
وذيج الساعه مراح يفيدج
لا ندم ولا دموع،،،
‎حجت هيج وظلت تنصح بيه،،
وسدته وره ربع ساعه
‎ايام مرت وعقيل
ماتقرب مني بعد،،،
كدام اهله ،،،،،جان طبيعي وياي
بس بالغرفه عصبي
ويصيح
بيه،،،، اذا قصرت بشي ويا
اني رغم عصبيته
ارتاحيت لبعده
عني ونفسيتي شويه ارتاحت
بس الراحه جانت
مؤقته لان
بيوم رجع كلشي مثل الاول
‎،،،،،،،،،،،،،،،
جنت،،،،،، كاعد بالبلكونه مال
غرفتي اني ودلال
وادخن جكاره
‎وافكار تتلاطم براسي الصاير
مثل البحر الهايج،،،،بليله سوده
سمعت. الباب انفتح
‎ودلال طبت وكفت اريد اطلع،،
بس من شفتها كامت تنزع
بهدومها
جمدت بمكاني وظليت صافن
عليها
وبدون شعور فتحت الباب
وطبيت،،،
نسيت الحجته، ،،،،،،ونسيت،،
كرهها الي،،مثل كل مره،،،
وجنت اريد احس بذاك
الاحساس
الي عمري مراح احسه الا
وياها
‎احساس يخليني،،،اغرك واني
مو غركان،،،،احساس
بالنشوه والفرح
والاشباع لحد الجنون، ،،،من اصير
وياها،،،
‎عيونها من شافتني وشهكتها
خلتني اروح عليها بسرعه،،،،
واحظنها
واكوم ابوس بيها بجنون،،،
واحجي بهذيان،،،،
‎«احبج دلال،،،،احبج وعمري
ماحبيت
ولا راح احب غير انتي،،،،
‎« عقيل عوفني،،،
‎« لادكوليها ولج كولي مووت
ولا ادكولين
عوفني،،،،دلال حسي بي اني احبج
وميت عليج،،،،ولج جسمي
من يشوفج يكوم يرجف عليج،،،،
اسمعي دكات قلبي السريعه،،،
اسمعي صوتي شلون يرجف
من احجي وياج اسمعيني
الله يخليج وحبيني
مثل مااني احبج
‎كلمه رددتها اكثر من مره
وما سمعت مقابيلها الكلمه الي
اريد اسمعها
‎كلمه جان ممكن تخلصني من عذابي
وتطيب جروحي،،،،،،
وهم نمت وياها ،،،وهي ماتريدني
لا توسل فاد ولا تهديد
فاد وظلت ثلج،،،وبس وخرت
كامت تبجي،،،، وتضرب
بروحها
غمضت عيوني،،،وحجيت
ويها بروحي
‎« بس الموت يخلصج مني
ادعي عليه دلال بلكي تخلصين
مني وترتاحين،،،،
‎سكتت،،،،، وكملت بغصه
‎«واني هم ارتاح،،،
‎،،،،،
عقيل نسه الكلام الي كلته،،،
ورجع وياي مثل الاول،،،
والايام الي اجتي،،،عليه
جانت اصعب من الراحت،،،
وتقرب ،،،،،عقيل مني
خلاني اخاف من الحمل،،،
رفضت يصير عدي
طفل منه
‎مجنت افكر زين ولا انطيت
لروحي
‎ولروحه فرصه حتى الايام
تدواي،،،جروحي وتخليني
انسه،،،، تفكيري جان مشوش
وقراري جان خطأ وحرام،،،
بيوم ،،،
‎حجيت ويا،،،من راد يطلع
العصر
طلبت منه اروح لامي
حتى توديني للدكتوره،،،
‎« بيج شي تحسين بشي
‎حجه بلهفه وخووف،،،،واجه
عليه
‎وخرت منه ورحت ارتب
بالفراش بدون ماأباوع علي
وهو كمل
‎« بيج شي احجي
‎ارتبكت وجاوبته واني اتهزم منه
بعيوني
‎« عندي وجع بكليتي واريد
افحص واسوي تحليل
‎« اني اوديج،،،امشي بدلي
خلي نروح
‎« لااا مو
اني كلت لماما وهي كالت
تعالي اني اوديج
‎« لا يابه اني اوديج واجيبج
بايدي امشي بدلي
‎سكتت وظليت واكفه بمكاني
وهو حجه
« شبيج دلال امشي بدلي
خلي نروح من وكت
‎هزيت راسي،،،،وكلت بعد
احسن لان خفت لا ماما تطب
وياي
‎وتسمع شأريد من الدكتوره
بدلت وخليت بس كحل
وطلعت ويا،،،،
بعدنا دنمشي بالصاله، ،وامه
حجت
‎« جيب عشه وياك. من ترجعون
شهد ماتكدر
تسوي ،،،،،
‎« ايي شتريدون،،
‎« جيب كيلو كباب مال غنم
وويا صمون
‎« عدكم سفن،،
‎« ماادري والله
‎« اي عدنا بالمخزن وطلعت،،
وخليت بالمجمده ،،،
جاوبته وطلعت امشي كدامه
وهو لحكني،،،وراح فتح السياره
وكال
‎« اركبي
‎ركبت وهو راح فتح باب
الكراج واجه ركب وطلع بالسياره
من وكف بالشارع
نزل وسد الباب ووكف وي
ولد جوارينه من اجوي علي
جان يحجي وياهم وعيوونه عليه
كمل واجه صعد وكال
‎« نورس راح يزوج،،هذا
الخميس واجه حتى
يعزمنا
‎سكتت وهو شغل اغنيه
مياده حناوي،،،،،،انا بعشقك
كلمات حلوه لو اني ويا مو هيج
وضعنا،،،،
‎« شدكولين وره مانرجع من
العياده نروح للمول حتى تشترين
الج ملابس
‎جنت محتاجه،،، اطلع واغير جو
هزيت راسي باي،،،وهو
ابتسم،،،
جان فرحان،،،، لان اني ويا
عكسي الي جنت متوتره
وخايفه
‎وصلنا للعياده،،،وطبيت
بعد مااجه سراي،،، وهناك
كتلها للدكتوره،،،،
‎ماريد اطفال وياريت
تنطيني مانع وهم عندي وجع
بكليتي
‎هي فحصتني،،،وسوتلي تحليل
مال التهاب مجاري،،،
وكالت،،،، من شافته
‎« ماما انتي عندج التهاب
قوي والا اتعالجي يله يصير
حمل
‎« اني مااريد هسه دكتوره
انطيني مانع
‎هي ماحجت شي
وانطتني حبوب مانع،،،ووياه
مقوي،،،،،،،،وادويه للالتهاب
طلعت من يمها ورحت
للصيدليه
ووياي عقيل، ،الي ظل
يسالني
شكالت الدكتوره وخوما التهابج
قوي
طمنته وطبينا
‎جانت بنيه واكفه اخذتها
على صفحه وانطيتها الكشفيه
وكتلها بهدؤ من عقيل راح
وكف يم العطور
‎« اريد خمسه اشرطه حب
مانع
‎« ايي هسه اخليهن وي الدوه
البنيه كملت الدوه واخذته
منها وهو دفع
وطلعنا،،،،،،
‎طول الطريق جان يضحك
ويسولف،،،،، واني اجاوبه،باي
او اهز راسي
‎وصلنا للمول،،،وهناك افتريت ويا
واشتريت شغلات حلوه وغاليه
وهو اخذله هدوم جديده
واحذيه وعطور
‎اني دامشي شفت محل مال
هدوم بيبي ،،،،
‎گلبي رف وتحرگ،،،، ولزمت الجنطه
بقوه ،،،وهو حس بيه
« دلال بيج شي
‎عيوني غوركت وباوعت علي
وشفت صافن عليه
بقلق
‎« تعبت خلي نرجع،،،
‎عقيل لزمني من ايدي وكال
‎« تعالي اكعدي ارتاحي واشربي
عصير وجهج اصفر
‎مشيت ويا بدون شعور ورحنا
كعدنا وطلبنا عصير وكيك
‎« اكلي دلال
‎مديت ايدي،،،واكلت شويه
وشربت العصير كله،،،
‎« اجيبلج بعد
‎« لا بس مي،،،اريد،،
‎الولد راح جاب مي وعقيل اخذه
وفتحه وانطنيا
شربت نصه وخليته،،،
وهو اخذه وشرب الباقي
كملنا وكمنا،،،،وره نص ساعه
وتمشيت ويا،،،،وهو حاصر
ايدي بايده
‎مااعرف ليش، ،،حسيت بشعور
الامان ويا،،،،عقيل هيبه من يمشي
وعنده خزره ومايضحك،،
وبس وياي جان. من يباوع عليه
وجهه يضحك وعيونه هم،،،
‎رجعنا للبيت وهو جان موصي
المطعم
الناخذ منه على الكباب
اخذه ورحنا للفرن اشترينا
صمون
‎ورجعنا للبيت بنص الطريق
نزل يم مكينه حب،،،وجبس
اشترالي واجه،،،،،،
‎خلهن بحظني وكام ياكل جبس
ويسوق
طلع وحده جبيره وكال
‎« هاج هاي
‎اخذتها منه وهو جان يكرف
من العلاكه وياكل ،،،،
‎من وصلنا جان نص الجبس
طاير
نزلنا ،،،ومن ردت اشيل
العشه ماقبل واشرلي روحي
ارتاحي
‎عفته يسد بالسياره وطبيت
وشفت شهد،،،،،، كاعده وتحجي
بجهازها،،،،،ويمها عمه كوثر
وكالعاده سكتن من شافني، ،،
مادرت بال وسلمت وصعدت
لغرفتي
‎كبل ضميت المانع بجرارتي،،،
وخليت عليهن القصص مالاتي
سديت الجرار بسرعه من سمعت
خطوات عقيل
طب وذب العلاليك،،،،،يمي
وكال
‎« محتاجه شي،،،رايح للسوك
‎« لا مااريد
سكتت وبعدين
تذكرت
‎« بس جيب وياك،،،اكل للطيور
مؤيد نسه يجيبلهن،،،
‎« ايي ،،
جاوبني،،،وراح
‎،،،،،،،،
شهر مر  ،،،واني اشرب
مانع،،،
بدون محد يدري،،،،
وبهذا الشهر ،،،عقيل عاف
الشرب،،،،،،،،وظل ملتهي
بشغله ودوامه،،،
وجان من يتصلون علي الشله
التعبانه ينطيهم رفض،،،
‎اشياء هوايه صارت،،،،ورجعت
ذاك الاحساس القديم،،،،
وگلبي كام يميل اله
اهتمامه بي زاد،،،،ووجهه تغير
من عاف الشرب،،وحتى عصبيته
قلت ويانا،،،،،
‎هدؤ سيطر علي،،،،،،،وخله
حياتنا تتغير واني وياه وبدون
شعور مني،،،
‎رحعت اتابعه بعيوني،،،وبگلبي
رجعت احس بي وبوجعه
مرات،،،،،، جنت اروح للبلكون
واباوع علي شلون كاعد،،،،وصافن
والجكاره ماتوكع من ايده،،،
جنت اراقبه،،،،،من بعيد
واني ،،،،،،،،،احس بأحاسيس
عجيبه غريبه،،،،،
‎احاسيس جانت
بعيده ،،،،عنه وضميتها
لان مجنت متأكده منها،،،
ظليت هيج اراقبه من بعيد
مرات بقصد ومرات بدون
قصد
مره. عرفته بره كاعد بالحديقه
هو واصدقائه،،، وغسان اخويه
الي جان جاي علينا
هو وهاله
‎رحت للاستقبال
ووكفت يم الشباج وخرت البرده
بهدؤ وشفته
واكف ويدخن،،،ويحجي
ويضحك وي اصدقائه ،،
قربت راسي
‎وصفنت على جسمه وگلبي
يدك سريع من ضحك
بصوت
ابتسمت لان،،،،دائما جان يكول
ضحكتي تفشل من وره
سنوني،،
‎ميلت راسي ،،،،واني ضايعه
بتفاصيله كلها،،،
من شفته وكف وكام
يفتح ويسد
بايده ويحرك بعضلات جتفه،،،
وفجاه اندار على الشباج
رجعت ليوره بسرعه،،،،وختلت
وره البرده
‎للحظه ومديت راسي
بخووف وخجل وباوعت علي
وشفته مركز على الشباج
رجعت،،، بسرعه،،،،،
وقلبي يدك سريع،،،ومشيت
وطلعت من الاستقبال،،،
ومن وصلت للمطبخ هو طب،،،،
وكفت وصفنت علي،،،،
وهو هم
‎عكدت حواجبي من شفت خدود
دلال،،،، الحمر وركزت بنظراتي عليها،،،
ومن دنكت،،،وهي تتهزم بعيونها مني
عرفتها هي جانت وره الشباج
وتوني اريد اسالها ،،،
وامي حجت
‎« يمه هاله سديتي الشباج مال
الاستقبال،،، ،،،
‎« اي يمه سديته ،،،
‎سكتت،،،وعيوني تتبعتها
شلون مشت ،،،،ونظراتي ضاعت
بخصرها
المخصر وتفاصيل جسمها الحلو
وحجيت بصوت واني متقصد
تسمعه
‎«خصِرج من صُغرة ينلبس بي
خلخال»
‎وكفت،،من سمعته حجه هيج
وخجلت من امه وهاله الي
ضحكت وكالت
‎« واني شالبس،،،بله
‎« هيلا هوب،،،،،ام بطن
‎غزله خلاني،،،،امشي بدون
وعي وافتر بالبيت،،،مثل المخدره
رجليه اخذتني  لنفس المكان
وخرت البرده بهدؤ
وصفنت علي،،،،،
‎جان كاعد وصافن،،،لغير جهه
گلبي،،،،،،، زادت دكاته من
شفت كعدته وصفنته
كلش حلوه
‎جان عبالك بغير عالم،،،
عالم جنت ،،،،،اني هم بي
رجعت ليوره من حسيت بروحي
افكاري راحت لبعيد
رفضتها مثل كل مره بس
جانت بتردد،،،،، ومو باصرار
والرفض كام شويه شويه
طوقه ينكسر،،،،وحبه الي جنت
رافضته
كمت ادوره بدون وعي
مني
‎واول خطوه سويتها عفت المانع
لان ردت ابدي ويا من الاول بس
بالطريقه الي هو جان
يريدها
‎،،،،،،
عقيل هو الي خلاني احبه
اهتمامه خوفه حبه،،غيرته
جنونه
همساته،،،،، من اصير بحظنه
تحمله لكلامي الجارح وذلي
اله
خلاني اعرف اني مستحيل
الكي واحد راح يحبني مثل
ماحبني
هوو
تغيرت بس جان بخجل وتردد
وهو ماانتبه لان مجان
متواجد
بالبيت،،،،،لان دوامه اخذ كل
وقته،،،،من كام يبات اسبوع
هناك وينزل يوم او يومين

يتبع،،،