انقذني من انتقامي

بارت 22

‎#أّنِقِذّيِّنِيِّ_مَنِ_أّنِتّقِأّمَيِّ
‎#بِقِلَمَ أّوِتّأّر حٌزِّيِّنِهِ
‎#أّلَجِزِّء أّلَثّأّنِيِّ وِأّلَعٌشٍروِنِ
،،،،،،،،،،،،،،،،،،،،،،،،،،،،،،،،،،،،،،،،
،،،،،،،،،،،،،،،،،،،،،،،،،،،،،،،،،،،،،،،،،،،،
،،،،،،،،،،،،،،،،،،،،،،،،،،،،،،،،،،،،،،،،،،،،،،،
‎اسبوع مر
هاله جابت بنوته،،،تخبل
الكل فرح بيها،،،وامي من خلتها
بحظني،،،مااعرف شصار بيه
عيوني غورگت،،،،،،ولزمت
ايدها بهدؤ وبستها
جانت اكو ريحه مميزه
بيها حلوه وتخلي الواحده يحس
بالامومه
‎ريحتها خلتني اتذكر كلام عقيل
من جان يكول
من يحظني ويشمني انتي ريحتج
ريحه الاطفال،،،،،،
‎باوعت علي،،،وشفته صافن
عليه وهو مبتسم،،

دنكت بسرعه،،،،وانهزمت بعيوني
منه،،،وحمدت الله اني
عفت المانع
‎باوعت علي،،،وشفته صافن
عليه وهو مبتسم،،

دنكت بسرعه،،،،وانهزمت بعيوني
منه،،،وحمدت الله اني
عفت المانع
‎لان السويته بي ،،،،،،،مو قليل
وهو،،،، مايستحق احرمه من
الاطفال،،،،،
‎وره ساعه طلعت
وعفنا عمه كوثر يم هاله،،،لان
محمد كال اني اجيبها وياي
من ارجع
‎رجعنا واني بغير عالم
جان يحجي وياي،،،ومبين
علي فرحان،،،،،
‎بشوفه شيرين بنت غسان،،،
فرحه خلتني اكره،،،نفسي لان
فكرت هذا التفكير الاناني،،،،
‎من وصلنا للبيت،،،،،نزلت
وهو اجه ولف ايده على خصري
وصعدنا سوه،،
‎اول ماطبينا للغرفه،،سد
الباب واجه عليه،،وعيوونه تلمع
حظني وقربني علي
خليت ايدي على صدره
وحسيت
بدكات گلبه سريعه ونفسه
هم وجسمه رغم الملابس
جان حار،،،،
رفعت راسي اله من لزم حنجي
وشفته صافن عليه
‎« مشتاگ الج،،،
‎كلمه كالها  وراها صار فعل
بشوگ،،،اني جنت
خجلانه منه،،،، وتصرفاتي
ويا جانت بتردد ،،،،
والصار  تكرر اكثر من مره،،،من
شافني مااحجي مثل قبل
ولا ارفضه،،،
‎بيوم الشهريه مااجتني،،،وتأخرت
عليه
‎فرحت لان عرفت بروحي يمكن
اطلع حامل،،،بس وره يومين
نزل عليه دم جوزي ظل
3 ايام
وكطع اني كلت هاي نزلت
ونسيت
الموضوع،،،وماحجيت لاحد
وبداخلي انقهرت لان ماطلع
حمل،،،،،،،
‎عفت الموضوع للايام وكلت
بلكي هي تفرحني وتفرحه،،،
ومجنت اتصور العكس راح يصير
وراح انصدم
صدمه تخليني اشوف الذل الي
شوفته لعقيل
بيوم،،،من جنا دنتعشه
عقيل كال لامه،،،
‎« مشتهين تكه شدكولين باجر
اجيبلكم،،،،. لحم شرح
حتى نشوي
بالعشه
‎« اي براحتك،،،جيب
وجيب هم معلاك،،،،اني
مشتهيته
‎« ادللي حجيه ،،،،
‎دنك عليه وهمس يم اذني
وخله جسمي يميل علي
لاراديا
‎« وانتي مامشتهيه شي
‎« لا سلامتك مو محتاجه شي
جاوبته وكمت وكلت
‎« الحمد لله،،،
‎« دلال لاتصعدين لغرفتج
اغسلي المواعين شهد ماتكدر
ظهرها ديوجعها
‎اني جنت انظف البيت الصبح
والعصر لان هذا طبعي،،،
واسوي الغده لان ام عقيل
شالت
ايدها منه واغسل امواعين الغده
وانظف المطبخ وحدي ،،،
‎« مشتهين تكه شدكولين باجر
اجيبلكم،،،،. لحم شرح
حتى نشوي
بالعشه
‎« اي براحتك،،،جيب
وجيب هم معلاك،،،،اني
مشتهيته
‎« ادللي حجيه ،،،،
‎دنك عليه وهمس يم اذني
وخله جسمي يميل علي
لاراديا
‎« وانتي مامشتهيه شي
‎« لا سلامتك مو محتاجه شي
جاوبته وكمت وكلت
‎« الحمد لله،،،
‎« دلال لاتصعدين لغرفتج
اغسلي المواعين شهد ماتكدر
ظهرها ديوجعها
‎اني جنت انظف البيت الصبح
والعصر لان هذا طبعي،،،
واسوي الغده لان ام عقيل
شالت
ايدها منه واغسل امواعين الغده
وانظف المطبخ وحدي ،،،
‎وبس العشه على شهد ومواعينه
وتتهزم منه
‎مااعرف ليش عيوني راحن لعقيل
الي اشر الي وحجه
‎« روحي بدلي حتى اوديج
لاهلج تعللي يمهم ومن ارجع
من شغلتي ارجعج وياي
‎گلبي طار من الفرح من حجه
هيج ابتسمت اله
ورحت بسرعه بدلت،،
وهو اجه وراي وهو مبتسم
وكال
‎« الوجهه ورد من سمع بالطلعه
‎انهزمت بعيوني منه
واني مبتسمه
ولفيت الحجاب ومن كملت
وخرت ورحت اخذت جزداني
من الكنتور،،
‎سديت الباب ودرت روحي
هو  اجه وحصرني علي
رفعت عيوني اله،،،، وصفنت
بعيونه
‎لللحظه ودنكت لان خجلت
يشوف بيهن الي جنت ضامته
هو دنك وشمني بنفس طويل
وكال
‎« اوووف ريحتج مااشبع منها
ادمان صار بي عليها،،
‎حجه هيج،،،،، ومد ايده وضم
شعرات طالعات،،،وكمل
‎« احبج دلال وروحي هاي ماتهدأ
الا وياج انتي جنتي وناري
انتي،،،،، هنا وهنا
‎لزم ايدي واشر  بيها على كلبه
وعقله وكمل
‎« اني كلي الج،،،ومااقبل واحد
يغثج،،،، او يمسج بكلمه
احركهم كلهم اذا مسوج بكلمه
او نزلوا دمعه من عينج
‎رفعت راسي وصفنت بعيونه
وهو هم صفن بنظرات خلت گلبي
يدگ دكات سريعه،،،،،
حجه بس مو صوته لااا عبالك
جاي من بير من وره كميه
المشاعر الجانت بي
‎« روحي تضيع ،،،، ومن ادور
عليها الكيها هنا بهاي العيون،،،
الكي روحي جاهل يولي ويريد
حظن امه وياج
شسويتي بيه وليش،هيج احبج
لييش دلال
‎سكتت وظليت صافنه بعيوونه
وهو سند كصته على راسي
وظل هيج للحظات وبعدين باسه
وكمل بتنهيده
‎« يله امشي خلي نطلع،،،،
‎،،،،،،
رحت لاهلي،،،وهناك
امي ظلت
تسال بيه شلون عقيل وياي،
گلبي فتحته الها وحجيت كلشي
وهي من سمعتني فرحت
وباستني وكالت
‎« مو كتلج ماما هو ورده
مال الله ويستاهل ،،،،،،،،تحبي
‎سكتت وكملت وهي رافعه
ايدها للسما
‎« وين ربي واسمع بيج حامل
وكاسره خشومهن
للذني الديحفرن وراج
والي يريدن يخرب بيتج
‎وهاله هم. من عرفت
بتغير مشاعري تجاه اخوها
فرحت ودعت النا
‎للساعه 12 ظليت يمهم ومن اجه
عقيل ،،،،،ماقبل يطب،،
سلم وطلعنا،،،بالطريق
كال
‎« اشتريتلج،،جبس وحب
مصري
‎حجه هيج وشاله،،،،
وخلاه بحظني
فتحته وكمت اكل لان جنت
احس عندي هبوط
وهو هم بده ياكل وياي،،،
‎« خلي نفتر شويه،،،باجر
ماعندي شي
‎هزيت راسي باي
وجاوبته،،،
‎« ايي براحتك
‎افترينا،،،وهو يحجي ويضحك
من،،،،،، وره مؤيد
وسوالفه ،،،مره ومره ثانيه
على شغله
‎من جو السياره وبرودتها،،،
غفيت بدون مااحس،،،
‎انداريت وره دقائق من
حسيت
بدلال سكتت وباوعت عليها
وشفتها غافيه
‎ابتسمت لمنظرها الحلو
جانت خاله الجبس بحظنها مثل
الطفله وراسها مايل على جهه،،
درت سيارتي ورجعت للبيت
وعيوني عليها،،،،
‎فرحه جانت بگلبي من حسيت
بيها بدت شويه شويه تتأقلم
وياي، ،،،فرحه حتى لو جانت
ناقصه
قابل بيها راضي بالقليل منها
بس هي تظل يمي
‎وصلنا وطببت السياره وشفت
مؤيد كاعد بالحديقه ويشرب
اركيله
‎« الله يساعدهم
‎« هلا مؤيد
‎جاوبته واشرت على دلال بضحك
‎« خرررب هاي شنو نايمه
‎حجه هيج واجه بسرعه وصاح
يمها
‎« عاااااا
‎« خرب اهلك
‎كفخته من شفتها فزت، ،،
وصاحت
‎« شكووو منوو
‎« هههه سالمين عيوني،،،جان
ظليتي نايمه للصبح،،،
‎مؤيد حجه بضحك واني
صحت بي
‎« طاح حظك يول،،،،
‎من ردت اضربه مره الخ شرد
وهو يضحك،،،
‎كعدت وهي مطفيه،،،ونزلت
شايله كيس الجبس ويايها وراحت
تمشي وتتمايل
‎« ولك دشوفها لام بطن مطفيه
وشايلهِ الجبس وياها
‎من صدك ضحكت على دلال
الي ،،،،،،،،،،مشت بدون وعي
وهي شايله الجبس وطبت
جوه،،،
مشيت وراها وذاك خرب ضحك
ويكول
‎« ولك شمشرب البنيه خاف من
البلنگو مالتك
‎« انجب  ولك طاح حظك
‎جاوبته ورحت وراها  بسرعه
لان خفت لاتوكع من الدرج،،،،
صعدت ورحت للغرفه وشفتها
بالحمام،،،وره دقائق طلعت
وهي ،،،،،مغسله وجهه وايدها
ومبدله،،،،،، ملابسها بدشاشه
قصيره وربع ردن،،،،
‎محجت شي وراحت تمددت
على الفراش   ،،
‎بدلت ملابسي،،،ورحت
تمددت يمها،،،،،جريتها عليه
وحصرت رجليها بين
رجلي ،،،وخليت راسها على
ايدي هاي نومتي وياها
وتعلمت عليها
وجنت مااكدر انام الي هيج
اسوي ،،،،
‎،،،،،،
ثاني يوم خابرت هديل وكتلها
تعالي على العشه،،،انتي ورسول
وهي كالت ايي اجي
وخابرت هاله واعتذرت لان
بنتها جانت ملقحه
وبس تبجي
‎عفتها براحتها،،،،،والتهيت
احظر مقبلات،،،،،،،،للعشه
شهد سوتلها فلم
وعافت الشغل. عليه كالعاده
‎اني مدرت بال الها
وحظرت كلشي،،،،
مؤيد طلع المنقله من المخزن
وخله فحم،،،عقيل من شافه
كله
‎« يول هذا مايكفي روح
اشمر چم خشبه من فووك،،حتى
النار تكفي الشوي
‎جنت ملتهيه بالحجي،،،
وي هديل وما سمعته،،،
من كملت صينيه التكه كتلها
‎«هديل هسه اجي بس اشوف الولد
علكوا النار
‎طلعت ومااحس الا صوت
عقيل يصيح
‎« ولك مؤيد اااوكف،،،
‎صاح،،،وعيونه عليه
واجه بسرعه
ودفعني،،،وكعت ليوره وشفت
الخشبه
‎وكعت على راسه كاز
وهو وكع بالكاع والدم كام
يفلت من راسه
عطت ورحت ازحف عليه
‎« وووولك مؤيد شسويت
‎فقدت وشلت راسه
وحظنته وكمت امسح
بالدم من وجهه واصيح
‎« ولكم الحكوني ،،،عقيل تاذه
راااسه انشگ
‎كعدت وحسيت بروحي بحظن
دلال وهي تعيط وتبجي
وتمسح بالدم،،،
‎نسيت الوجع نسيت كلشي
وظليت مغمض عيوني واني
احس باحساس حلو
خوفها عليه،،،،جان شعور اول
مره اجربه،،،منها
‎« يبووو سوده بوجهج كوثر
الدم اخذ الولد،،
‎« رسوول لييش مديكعد
شبي ولكم شبببيي
كوموا  ودوا للمستشفى،،،
‎فكيت عيوني،،،،،،،من حسيت
بامي ودلال،،،،، راح يصير بيهن
شي،،،، ورفعت روحي من رسول
ومؤيد كوموني
كعدت ودلال انخبصت
وكامت تمسح
بالدم من وجهي بدشاشتها
وشالها
‎« ودوا مؤيد لايصير بي
شي ولكم ودوا ماشفتوا شلون
فقد
‎« ولج كافي هيانه مابي شي
وكام لحيله
‎هديل صاحت بيها وكامت تغسل
بوجهي
‎وهي حجت بشهكه وياي ،،،
‎« عقيل باوع عليه بيك
شي ،،،،،نوديك للمستشفى
‎صفنت بعيونها، ،،وشفتها
صايره حمره دم من وره البجي
والخوف وحجيت واني
ضايع ومتيه روحي
‎« لا مابي شي كافي تبجين
راح يصير بيج شي
‎« يمه عقيل خاف جرحك غميج
خلي يودوك للمستشفى
‎« لا يمه مايحتاج ،،،
‎حجيت هيج ورحت اغسل،،،،
‎بعد ماشفته كام وراح للبوري
وكعد يغسل
انهزمت من الصار انهزمت
من روحي
من نفسي من الشي الي عرفته
وتأكدت منه،،،
‎طبيت للغرفه واني اشهك
وابجي،،،ورحت كعدت،،،،واني
لازمه هدومي الكلها دم بقوه
وحجيت وجسمي يرجف،،
‎« لييش هيج دسوي ليش
فديتني بروحك،،،فهمني ليش
‎سكتت من غصيت بالبجي
وكملت
‎« هيج تحبني عقيل لهلدرجه
ماهمتك روحك،،،،دفعتني
وتاذيت انته حتى اني مايصير
بي شي
‎سكتت ومسحت دموعي
وعصرت هدومي بقوه
وكملت
‎« اني مااستاهلك عقيل
والله
مااستاهلك لان عذبتك وياي
واذيتك هوايه
‎بذيج الساعه انهاريت، ،،وكمت
واني كارهه نفسي والسويته
بي وكمت احجي بصوت
مخنوك
‎« اسفه عقيل اسفه لكل كلمه
كلتها وجرحتك بيها
اسفه والله مجنت اعرف قيمتك
جنت غبيه وثوله
غبيه من فكرت مااجيب
منك طفل
‎حجيت هيج ورحت للجراره
طلعت حب المانع
وذبيته بالسله ،،،،،
‎الباب اندك وهديل طبت
ومن شافتني ابجي
كالت
‎« دلال لاتبجين تره عقيل مابي
شي وذاك كعد بالحديقه
وي الولد
‎سكتت واجتي يمي وكملت
‎«ولج الله سترج لوما يدفعج
جان اتذيتي انتي اكثر منه
‎شهكت بالبجي،،،وجاوبتها
‎«  هديل فداني بروحه ولج
دفعني وصارت بي،،،
هو تاذه حتى مايصير بيه
شي
‎« سوه هيج لان
يحبج ويخاف عليج
‎« دلال طلعيلي غير هاي الهدوم
صارت كلها دم،،،،
‎عقيل طب واني
مسحت دموعي بسرعه،،وهو
اخذ،،،،،،، كلينس ومسح الدم
من الجرح وراح ذبه بالسله
‎وكف.
للحظه يمها وهو صافن
وبعدين مد ايده عليها وطلع
الحب ،،،،،،وجابه عليه
اني جمدت بمكاني من شفته
صفن عليه وطول وبعدين
باوع عليه بنظرات تخوف
وسألني
‎« انتي تشربين مانع
‎سكتت ورجعت ليوره من
تقدم عليه
وهديل من شافته انصدمت
وباوعت عليه، ،،وسالته
‎«شنوو شدتحجي انته
‎سكتت وهو تقدم وخله
الشريط كدام وجهي ،،،وكال
وهو يكزكز من
عصبيته
‎« لاخر مره راح اسالج هذا المانع
مالتج
‎هزيت راسي باي وهو رأسن
رفع ايده وضربني راجدي،،
ومن راد يضربني الخ
هديل وكفت بوجهه وصاحت
‎« لاااا عقيل لاتضربها
‎دفعها ولزمني من شعري
ووقرب وجهي علي وصاح وهديل
لازمته
‎« ليييش ولج لييييش،
‎« عقيل والله عفته من زمان وداعتك
انته عفته من عرفت بروحي
اريد استمر وياك
‎حجيت هيج وهو رجع ضربني
راجدي الخ وصاح
‎« جذابه ولج انتي جذابه
وماتستاهلين
حبي الج ولج انتي ماتستاهليني
اني حرامات بيج حرررامات بيج
دلااال
‎« عقيل الله يخليك اهدأ وخلينا
نفتهم،،، السالفه
‎هديل وخرته مني،،،،،وهو
صاح
‎« ولج شنتفهم هيانها واضحه مثل الشمس الخاتون ماتريد جاهل مني
وللللج دتشرب مانع من وراي
وبدون مادري،،،
‎حجه هيج وشال الكرسي مال
الميز وضربه بالجامه،،،
وسواها طشار
‎عطت من خوفي وهديل هم،،،،،
الكل صعد بلحظه،،،وتفأجاو من
شافوا المنظر
‎« هاي شكو شصاير،،،،،،
‎امه سالت وهي تباوع للمشهد
‎« عقيل شبيك شصاير
‎رسول سأله ولزمه من تقدم عليه
وهو وكف وباوع عليه،،،بنظرات
قهر حزن وخذلان،،،وحجه بصوت
يرجف وره دقائق،،،وهو لازم
شاربه
‎« دلال هذا الشارب مو عليه اذا
مااتزوج عليج واكسر خشمج
ولج اني مو رجال اذا
ماسويتها
‎رغم البيه ورغم كل الواكفين
يباوعون علينا
صحت،،،
‎« لااا عقيل والله عفته للمانع
من زمان،،
وداعتك انته عفته لان عرفت
بروحي حبيتك،،،
‎صفن عليه بعيون مغوركه،،،
وجاوبني باستهزاء
‎« خلي الج هذا الحب،،،لان
بعد مايفيدني،،،،احنا لهنا خلصنا
قصتنا خلصت دلال  وانتي
السبب
‎فكيت عيوني،،،من سمعته هيج
حجه وهو كمل وهو جاز على
سنونه
‎« انتي طالك دلال، ،،،
‎« عقيل لاااا، ،،
‎هديل عاطت واجتي حظتني
واني جمدت بمكاني،،،، وحجيت
بصدمه واني صافنه عليه
‎«  طلكني. ،عقيل طلكني
‎« ولك شسويت،،،
‎مؤيد لزمه وهو نفضه وطلع،ووراه
رسول
‎« ولج حيل،،،،، وابو زايد
بيج تاخذين مانع يولي
ولج ليييش تحرمي
من الخلفه من الله لاينطيج
‎امه حجت ودعت عليه
وطلعت وهي تغلط عليه ووراها
شهد
‎« ودوني لاهلي،،،اريد اهلي
‎تهسترت وكمت ارجف،،،،،وصوتي
كام يطلع متقطع،،،،،،
‎« ماتطلعين دلال وطلاكج باطل
لان هو كاله  بحاله  عصبيه
‎مؤيد حجه وهديل جاوبته
وهي تبجي
‎« ولك مؤيد شلون هذا طلكها
‎مؤيد سكت وظل يفتر بالغرفه
وبعدين هديل حجت
‎« مؤيد اخذها لبيت عمي،،،
الما ،،،،،،نشوف شلون نتصرف،،
ولك ،،،،خاف يسويلها شي اذا
ظلت هنا
‎،،،
ومؤيد اخذني،،،واني
ابجي واشهك
وهو يسكت بيه ويلوم،،،
بنفس الوقت
‎وصلت ونزلت،،،ويم باب بيتنا
من دموعي ووضعي،،،،انثولت
وماشفت طريقي،،،
يم الرصيف عثرت  
وكعت على وجهي بقوه
حنجي تاذه كلش وكام يذب دم ،،،،،،وايدي
وركبي تجرحت ،،،
‎« الله دلال،،،،
‎مؤيد صاح واجه كومني،،،
دخت ولزمته واني ارجف،،
واردد
‎« عقيل طلكني كالها مؤيد
اخوك طلكني،،،
‎طبيت لبيت اهلي واني اردد
هذا الكلام،،،،،،جنت مصدومه
وبس اهذي بهاي الكلمات،،،،،
‎« هاي شكو مؤيد شبيها دلال
‎ابويه طلع ولزمني من انهاريت،
يم الباب
‎« ام زيااااد.،،تعالي
امي اجتي ووراها هاله ،،،وغسان
،
« يممه شبيها بنتي ،،،
‎امي صاحت وكومتني،،،هي وهاله
الي حجت وهي مذهوله
‎« مؤيد شكو شصاير
‎طبينا لجوه وكعدوني بالاستقبال
وهاله رجعت سالته
هو سكت ومجاوب اخته وابويه
صاح بي
‎« ماتحجي يول شصاير
وليش بنتي جايتني بليل مدمايه
‎« ماتحجي يول شبيك ساااكت
‎غسان صاح وهو جاوبه
‎« عقيل طلكها
‎« يبووو عزه العزاني ولك ليش
طلكها
‎امي حجت وهاله راحت لاخوها
وحجت وهي مصدومه
‎« مؤيد انته صدگ تحجي
‎هو سكت وابويه باوع عليه
وساله بصوت مخنوك
‎« ليش طلكها
‎مؤيد مجاوبه ودنك راسه،،،وابويه
صاح بي صيحه فززتنا
‎« ووولك ماتحجي ليش اخوك
طلكها لبنتي
‎مؤيد حجه الصار لابويه،،
وهو بس سمع تخبل،،،،وراد يكتلني
بس غسان لزمه ومؤيد
هم،،،وامي كومتني هي وهاله
الي سدت الباب وراها
‎طبيت لغرفه امي وهناك،،
امي كامت تحجي وتغلط
عليه
‎« غبيه ثوله هاي الردتيها انهجم
بيتج وتطلكتي ،،،ولج ليييش بس
فهميني شنوو الصار مو انتي
اجيتي قبل فتره وكلتي
امورنا زينه وكمت احبه واميل
اله فهمني شصار وليش كمتي
تاخذين مانع
‎« عمه كاافي هسه عمي يذبحها
‎هاله صاحت وراحت جابت
خاولي بي مي وكامت تمسح
بوجهي وايدي،،،
‎« دلال عقيل السوه بيج هيج
‎حجت بخووف واني جاوبتها
براسي بلاا
‎« ولج لعد منو مسوي بيج
هيج ماتحجين
‎مجاوبت امي ،وتمددت ولميت
رجلي لصدري،،،وشهكاتي زرفت
صدري من قوتها
‎« اووويلي عليج وعلى عنادج
شحصلتي هااا ولج ولد مثل الذهب
ويحبج وميت عليج ضيعتي
من ايدج ليييش،،،،
‎امي ظلت تفتر يمي
وتحجي عليه،،وتبجي
‎وهاله رغم السويته ماحجت شي
وجانت تبجي عليه
وادكول
‎« اذا هذا حالج حال اخويه
شلونه هسه
‎جنت عبالي راح يروح يشرب
حتى ينسه الشافه،،والسمعه
بس لااا عقيل ماشرب،،،،
والتزم الصمت،،،،،وثاني يوم
دز خبر اني طلكت وبعد مااريد
دلال وحقوقها راح توصلها كامله 
ابويه حجه ويا،،،
‎واخوتي ادخلوا ورادوا يصلحون 
الموقف وماكو قفل ورفض،،
ارجعله،،،،
‎زياد تخبل وذب اللوم كله براسي
وكام يصيح
‎« ولج والله  اني لو منه اسوي
اكثر من هذا،،،،ادبسسز شلون
تصرفين هيج من وراه هاااا
باي حق تحرمين رجال
من الخلفه،،
‎« ولج خزيتينا كدامه،،،،وخليتينا
مانكدر نحجي كلمه ويا،،
نزلتي راسنا من الله لاينطيج
‎سكتت اني ودموعي وذلي ،،،
وحسام  تقدم عليه وامي وغسان،،
وكفوا بوجهه
‎« عوفها زياد مادشوفها شصاير
بيها ،،،
‎غسان. دفعه وحجه
‎« ولك حيل بيها وابو زايد، ،
من عساها ماتطيب،،،،،
‎حسام سكت،، وكام يصفگ بايده
وكمل
‎« هاي الردتيها دلال خاتون
عقيل طلگج ،،،وخلصتي منه
‎« لا هو خلص مني،،،،،لان ماشاف
يوم راحه وياي
‎حجيت وي روحي ومشيت من
يمهم واني اضرب بروحي
واشهك وابجي
‎عمي حميد من سمع  تدخل
هو وعمه علاهن
وهم نفس الجواب،،،
طلكت وبعد مااريدها واني
مو مجبور احب وحده ماتحبني
وماتريد طفل مني،،،،،
‎رد تكرر اكثر من مره،،،ولافاد بي
توسل خواته ولا كلام مؤيد
وظل على رأيه،،
‎اني دكيت علي اكثر من مره وبكل
مره ينطيني رفض،،،وبالاخير
سوالي حظر ،،،
‎جنت اريد اكله اني اسفه
غلطت بحقك هوايه واني
احبك واموت عليك
كلام هوايه جان بگلبي
وخلاني اروح واخذ جهاز هاله
واخابره منه
‎دكيت،،،مره ومجاوب ومره ثانيه
دكيت وجان يفتح الخط ويجاوب
بصوت تعبان
‎« الو هاله
‎بجيت اول ماسمعت صوته
وجاوبته،،،
‎« اني دلال عقيل
‎سكت ،،واني حجيت بسرعه
‎« عقيل بداعه امك بداعه
عمو حميد
اسمعني ولاتسد الخط،،،،
‎سكت وسمعته ذب حسره واني
حجيت واني ابجي
‎« انته حقك بالسويته ومو زعلانه
منك لان اني استاهل،،،
الصار بيه
‎سكتت واخذت نفس
طويل لان
اختنكت من البجي وكملت
‎« عقيل صدگ وغلاتك انته
اني عفته
من زمان للمانع وتغيرت وياك
انته ماحسيت بيه ماشفتني
شلون،،،،
‎سكتت لان خجلت وكملت وره
لحظه
‎« ماشفتني شلون كمت
ارتاح،،،،،، الك ماحسيت عقيل
كلي ماحسيت واني اسكت
‎ظل ساكت ،،،
اني ،،عصرت دشاشتي
بايدي بقوه،،،وكملت
بشهكه
‎« عقيل سامحني لان عذبتك
سامحني ابن عمي لكل غلطه
غلطتها بحقگ،،،كول سامحتج
كولها عقيل،،،، الله يخليك
‎سكت واني حجيت بتوسل
‎« عقيل احجي اي شي،،،سمعني
صوتك اشتاگيت اله اشتاگيت
الك ،،انته مااشتاگيت الي
احجي الله يخليك،،،
اعتب  ازعل اغلط عليه،،،
والله ماازعل منك،،،لان اني
احبك
والله احبك. وداعتك
انته حبيتك وفراگك
تعبني،،
‎حجيت هيج وهو سد الخط
تخبلت ودكيت علي مره ثانيه
ومافتحه وهم دكيت،،
وطلع مغلق
‎انهاريت،،، وكمت ابجي بحركه
وصحت بدون وعي واني اضرب
على وجهي وبروحي
‎« اااااخ عقيل  ولكم اااخ خسرته
واني السبب
‎امي اجتي تركض هي وهاله
ولزموني من شافوني املخ
بشعري واضرب بروحي
‎وبيبي لطوفه اجتي وراهن وهي
تمشي كوه وحظتني وكامت تقره
بوجهي ايات،،،
‎« سلام قولا من رب رحيم
اسكتي يمه واذكري الله
‎« بيبي اني السبب اني الي ضيعته
من ايدي
‎حجيت هيج ولزمت هاله
وحجيت واني متهستره
‎« هاله عقيل كرهني،،،وبعد
مايحبني ولج ماقبل يحجي
وياي وسد الخط بوجهي،،، ،،،
‎« ولج كافي راح تموتين،،،
‎امي كامت تبجي،،،وهاله هم
‎انهياري تكرر،،،،اكثر من مره
وجنت اظل ابجي،،الما انصطر
وانام بمكاني،،
‎وره عشرين يوم،،،،عقيل دز
غراضي كلها،،،،ذهبي هدومي
كلشي،،،،،يخصني دزه بأيد مؤيد
وهديل،،،
‎« عمه سحر اعذريني،،
والله مجنت اريد اجي واجيب
غراض دلال بس تعرفين،،انتي
‎هديل سكتت وكامت تبجي،،
جنت اعرف هديل راح تجي
وتجيب
الغراض من سمعت كلام بين
امي وهاله
‎« يعني هاهيه كلشي انتهى
‎حجيت واني ابجي وهي سكتت
وهاله حجت
‎« هديل احجي ويا وفهمي
هي عافته من زمان،،،وبدت ويا
صفحه جديده
‎« مايفيد هاله والله شكد حجيت
اني ورسول ومؤيد ماكو قفل
وكام اليحجي ويا يفقد
ويكوم يكسر بالغراض
‎شهكت بصوت قوي،،،وكمت
بسرعه وطلعت،،،من يمهم
‎،،،،
طلاكي جان سجين اني
خليتها
بگلبي اني الي ذبحت روحي
بايدي،،،جان المفروض اسمعه
افهمه
اعامله مثل ماهو يعاملني،،،،
اسكت واسمعه واحس بالمشاعر
الي جان محاوطني بيها،،،والي
راد مقابلهن،،،،،  حب
راد اهتمام ،،،واني تأخرت
هوايه،،،، يله بادلته بنفس
المشاعر
‎،،،،،
انتهيت ومتت بذاك اليوم،،،
دلال ذبحتني،،،وخلتني احس
اني مالي قيمه بحياتها،،،،
شنو شعور الواحد من من يعرف
زوجته الي يحبها لحد الجنون
ماتريد منه طفل،،،،
‎فراغ ،،قهر،، مراره ،،،خذلان
وجع ،،،مايتصوره الواحد ولا يشيله
العقل،،،،،
‎اول ماطلعت بره وركبت سيارتي
رسول ركب بصفي ولزمني
وكال
‎« عقيل لاتسوق لايصير بيك شي
واهدأ
‎صفنت علي،،،بجمود ،،وحركت
السياره وطلعت بيها
من شفت روحي مو بوعي
وكفت ،،،بعد شارعيين
وحجيت بصوت مخنوك
وبهذيان
‎« رسول جانت تشرب مانع
ولك ماتريد جاهل مني،،،،
بعد كل السويته الها،،،،،بعد
ماذليت روحي اكثر من مره الها
ظلت كارهتني وماتريد
خلفه مني،،،
‎« عقيل اسمعني زين انته مو كلت
هي تغيرت وياك،،،وكمت تحس
بيها كامت تحبك،،،يجوز
صدك عايفته،،
‎هزيت راسي بلاااا
وضربت الستيرن اكثر من مره
وجاوبته
بقهر
‎«ولك منوو يكول كلامها
صدگ ،،منووو يكول
رسول اني فقدت الثقه بيها
وبعد مااريدها لان تعبت منها
تعبت،،،ولكم تعبت ياربي
من هاي الدنيا،،
‎حجيت هيج وكمت اضرب
براسي بالستيرن بقوه
ورسول لزمني وصاح،،
‎« كافي عقيل لاتسوي بروحك
هيج وعوفها هي الخسرتك
‎رجعت ليوره واني اضرب
براسي بالكشن وجاوبته بقهر
‎« ولك بعديش بعد مادمرتني
بعد ماذلتني،،،،،
‎اختنكت ،،،،،ونزلت من
السياره وكعدت بره بالكاع
وكمت ابجي،،،
‎القهر الي بگلبي طلعته كله
بذيج الساعه ببجي قوي
جنت اريد اصيح
بصوت عالي
‎« ااااااخ ولكم اااخ،،،الدنيا
لعبت بيه طوبه وتعبتني
وزودتها دلال عليه
بعذاب وذل وخذلان
‎كتمتها وعضيت ايدي وكمت
اصيح من جريح گلبي
‎جنت اريد اروح اشرب،،مثل
كل مره،،،بس لااا عفت الشرب
لان يخليني اضعف ،،يخليني
مو بوعي،،،،واني جنت اريد اظل
بوعي حتى اتصرف التصرف
الي يرجعلي،،،،، كرامتي كدامها
وكدام الكل،،،،،
‎قراري صممت علي،،،وجنت اسمع
من امي وشهد ومحمد
تأيد لقراري،،،،بس مؤيد
وهديل وهاله رفضوا وحجوا وياي
وتوسلوا بيه ارجعها لدلال
رفضت،،،،،ومن تدخل عمي
حميد وعمه علاهن هم رفضت،،
وبيوم واني بالدوام
‎دك جهازي،،،وشفت هاله المتصله
مجاوبت اول مره لان كلت
هسه تحجي نفس الكلام
دكت مره ثانيه،،، وجاوبتها
وبس سمعت صوتها
گلبي وجعني،،،،وغمضت عيوني
بتعب
سكتت وهي حجت وهي تبجي
وتتوسل
‎حجت وكالت هي حبتني،،،
كلمه جنت اريد اسمعها من زمان
جنت اريدها ادكولها حتى احس
بذاك الاحساس المنتظره
والي گلبي ملهوف علي ،،
كلمه،،،احبك،،،
‎بسيطه الحروف،،،بس عميقه
الاثر وتترك اثر طول العمر ،،،
اذا سمعته
من الي تحبه من صدگ
تدخل الگلب وتخليك،،،،تصير
انسان ثاني ،،،،،
‎ماحجيت شي،،،ولا فاد توسلها
وبجيها وياي،،،سكتت وسديت
اذني،،،،،،،ودست على گلبي
من دگ،،،، بذيج الدكه القديمه،،،
والي،،،،، ماشفت من وراها غير
بس العذاب
‎يِّتّبِعٌ
‎صباح الخير
وكل عام وانتو بخير،،،،
وربي يسعد ايامكم،،،،،
‎تنويه لاخوتي من الشباب،،،
اسفه اذا ماارد عليكم على الخاص
لان
اني مااحجي وي ولد،،،وهذا الشي
نبهت اله اكثر من مره
الي يريد انشرله حسابه
خلي يكتب هذا الشي واني
حاظره وادللو، ،،،
‎ولمتابعيني طلب بسيط،،
قصتي انقذيني من انتقامي
المشاهده مالتها دتنزل ومادتصعد
للمراتب الاولى لان الظاهر اكو من
ديبلغ عليها،،،،،
طلبي هو تصويت وتعليق ،،
حتى تصعد ومايضيع تعبي،،،
‎وشكرا لكم
‎اوتار حزينه