انقذني من انتقامي

بارت 30

#أّنِقِذّيِّنِيِّ_مَنِ_أّنِتّقِأّمَيِّ
#بِقِلَمَ أّوِتّأّر حٌزِّيِّنِهِ
#أّلَجِزِّء أّلَثّلَأّثّوِنِ
،،،،،،،،،،،،،،،،،،،،،،،،،،،،،،،،،،،،،،،،،،،،،،،
،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،
،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،
عرفت قبل فوات ان في
داخلك طفل
ذكرياته مشوهه،،،،وقلب
متعب
ازلت الحدود ومعها الحواجز
ورفعت ماكان بيننا،،،،وامسكت
يدك قبل ان تفلت،،،،
امسكتك،،،،، بقلبي قبل يدي
لاني،،،،لم اردك ان تسقط
في هاويه،،،كنت فيها
تصرخ وكانت لك انتقاما
اسود ،،،،،
ظلاما احاط بك،،،
ولفني معك
وآن،،،،الاوان ان يذهب،،،،
آن الاوان،،،ان تعرف ان ماعشته
كان ماضي،،،،ذهب واختفى
آن الاوان ،،،،يامن
احببته،،،،حبا لا يكتبه قلم
ولايكتب في دفتر
ان تعرف اني انا حاضرك
،،،،،،وحاضرك
ان شاء الله اجمل
،،،،،،،،،،،،،،،،،،،،،،،،،،،،،،،،،،،
مرت ايام طويله،،،
وحياتنا مشت،،،،،واحنا بعيدين
واحد عن الخ بالجسد،،،بس الروح
جانت وحده،،،
عقيل ينام بالصاله واني وولدي
بالغرفه،،،،،،
هو مافرض نفسه،،،عليه
ولا حاول يلمسني،،،،،،وعرفته
خايف من رده فعلي،،،،،
جنت اريده هو يخطوا الخطوه
الاولى ردته هو يبدي،،،،،حتى
افتح گلبي واطلع البي،،،،،
ردت احجيله،،،،الصار بيه من وراه
حتى لو جان يعرف،،،،وابجي بحظنه
الما يفرغ گلبي من القهر،،،
المرأه
تريد الرجل هو يجي ويبدي
بالصلح
حتى لو جانت هي الغلطانه،،،
هو بس يحظنها ،،،الحواجز تنرفع
والحدود تروح،،،والزعل ينسي
عقيل جان
راحتي  رغم السواه بيه
جنت انتظره يجي من الدوام
او الشغل،،،وبگلبي لهفه
لشوفه وجهه،،،،،،
حياتي ويا،،،من ابتعدنا عن اهله
تغيرت،،،، وصار بيها هدؤ
وهو ،،،،،،،،،،ظل ملازم البيت
ومايطلع،،،وكام يروح
للصلاه الجمعه
وي ابويه وغسان،،،،
الراحه والاستقرار
شفتها بينت بوجهه ورجع
سمن من جديد،،،،واني هم
حسيت بوزني رجع طبيعي،،،
وگلبي على الدوه مابي
اي مشكله
وجهي،،،،، ورد وكمت
شويه شويه
احجي ويا،،،،وارد علي من يسألني
« دلال هذا المسواك،،،وهذا الحليب
والحفاظات،،،
بله جبت الكلينس المعطر
سكت ودور بالعلاليك،،،
وكمل
« اي هيانه،،،،
جان مستعجل ويريد يروح للدوام
راح باس مؤمن الجان
متمدد بالكاع واجه ودنك
بدون شعور على مسلم
الجنت شايلته
وباسه ورفع وجهه وكال بسرعه
« اذا احتاجيتي شي اخذي
فلوس من الخزنه ودزي،،،
حجه ونفسه طخ بوجهي ،،،
ومن شاف روحه قريب كلش عليه
حس،،،،،،،،وصفن بعيوني،،
بلع ريك،،،،،وعيونه افترت
على وجهي وركزت على شفايفي،
تقرب والعيون ذبلانه ،،،،
للحظه حسيت بي ضعف،،،
واني هم،،،،ويا،،
نفسه عطره،،،،ريحته المميزه
مالت الجكاير،،،دوختني،،،
وخلتني اجمد بمكاني،،،،،للحظه
بس تبخر كلشي،،،من غمضت عيوني
وتذكرت الصار،،
رجعت خطوه،،، وهو حس بيه
وووخر بسرعه،،،
ماحجه شي،،،وشال الجنطه
وراح،،،،،
لحظات مثل هاي هوايه جمعتنا،،،
وخلتني احن اله،،،واريد حظنه
جنت من اغسل هدومه،،،
بدون شعور ،،،،،، ارفعها لخشمي
واشتمها واني صافنه،،،،بابتسامه
تخربط گلبي ،،،،خربطه حلوه
وجان من يكعد ويخلي ولدنا
بحظنه
وهو يباوع للتلفزيون،،،
اصفن علي،،،بدون مايدري
واني مرتاحه وفرحانه،، لشوفته
وياهم،،،،،
وابتسم بفرح من اسمعه
يحجي وياهم،،،،
حجي مال كبار
وعبالك هم يفتهمون الديحجي
حوار حلو،،،،،جنت اشوفه
بينهم،،،، وهم جانوا يناغون
اله ويسون
حركات تخلي يضحك
بصوت قوي
ويبدي يبوس بيهم،،،ويكول
« ولكم من اروح فدوه الكم
وللجابوكم،،،،،
عقيل يمووت على ولدنا
ودللهم،،،،،، دلال ماشفته مثله
وجان كلما يجي،،من الدوام
لو الشغل
يجيب شي ويا الهم
هدوم ملاعيب،،،،،وحتى جاب
الهم باسكلات،،،وضمهن
فووك،
،حبه اله،،،وحرصه،،،،عليهم
خلاني،،،، اعرف هو مايريدهم
يحسون بنقص،،،او تقصيير منه
مثل ماهو جان يحس بطفولته
عرفته هو مارادهم يعيشون،،،
مثل ماعاش،،،هوو،،،بالماضي
،،،
هو جان
من يروح للدوام،،،،غسان وهاله
يجون يمي لو اني اروح الهم
بذاك اليوم،،،مرحت،،،وظليت
بالبيت والتهيت بولدي
وسويت،،،،جدر دولمه لثاني يوم
لان هو يحبها،،،
العصر،،،من كعدت خبطت
كيكه وخليتها بالفرن،،،،ورحت
لولدي،،،الجانوا متمددين
بالصاله،،،، ويباوعون لطيور
الجنه،،،،،
كعدت يمهم. ومددت رجليه
ولزمت جهازي واخذت
كم صوره الهم،،،ودزيتها،،
لهديل،، واجاني الرد وره شويه
من خابرت
«يمه من فدوه اريد عضه من هاي الخدود مالت مؤمن  والحجول
التضوي
« ياحجول،،،
« عيني رجليج طالعه بالصوره،،
« هههه والله ماانتبهت هنه
طالعات،،،،
« اي عيني الدبس ماخذ عقلج
سكتت وهي كملت بضحك
«وينج عيني،،،وين انهزمتي
« هياني،،،،
« ولك گيمر اخبط روحك
وي الدبس
وجيبلنا راشيه صغيره
ابتسمت رغم عني،،،وهي ضحكت
وكالت
« هههه اشتغلت الاشاره الحمره
موو
« كاافي هديل صايره اضرب
من عقيل
ومؤيد بالحجي
« ههههه ااااخوتي غير ولازم اسحب
منهم
« ماتسحبين من رسول دشوفي
شلون ثگيل ورزن
هي خربت من الضحك ،،،
وجاوبتني،،،
« منووو رسول، ،،اااخ ولج
هذا اضرب منهم بس،،،،هو هيج
كدامكم يبيع ثگل
« ههه ايي ليش لااا من عاشر
القوم،،،،صار مثلهم
« ايي والله
« خلي اكوم اشوف الكيكه
لاتروح تحترگ
«مسويه كيكه،،،
« ايي،،،ووراح اسوي لحمه بعجينه
للعشه ،،،
« ولج راح اجي،،،،هجووم
« تعالي عقيل مو هنا
راح للدوام
« هسه اجيج اني والجهال ويجوز
ابات يمج
« هلا بيج تعالي،،،علواه
« لاتعبين نفسج،،،اني راح اجيب
دجاج شوي ومقبلات وصمون
حار
« ولج لاتجبين شي،،عندي
خير من الله، ،،،،انتو بس تعالوا
ضحكت وكامت تغني
« انتوو بس تعالوا،،،وفرحوا
روحي
« هههه
ضحكت وهي حجت
« يله اني رايحه احظر روحي
واكعد التنبل مالتي،،،حتى يجيبنا
عليكم
« هلا بيج گلبي
حجيت هيج وهي سدت الخط
واني،،،رحت موعت شكولاته
حتى اخليها على الكيكه من تبرد
وهديل اجتي وره ساعه
وظلت، ،،،يمي،،،وهاله هم اجتي
وصارت لمه حلوه
تعشينا سوه،،،وهاله رجعت لبيت
اهلي،،،وهديل باتت،،يمي
ومن الصبح رسول اخذهم لان
جان عنده شغله مستعجله ،،،
ومايكدر يرجع عليهم
جانت الساعه،،،8 الصبح
وولدي نايمين،،،باوعت للمطبخ
وكلت خلي اجلف الكاونتر،،،لان
شفته صاير بي دهن،،،
فرغت الغراض،،،،منه وخليتهن
على الميز، ،،،،ورحت
جبت الكرسي وصعدت علي
وكمت اجلف بي من فووك،،،
جنت مطمنه عقيل مايجي هيج
وكت،،،،،،، ،،،،لان هو دائما
يجي ساعه عشره ،،،،
جلفته زين ونزلت،،،جبت
الصونده
وصعدت بهدؤ وغسلته،،،،،
اني معلكه فووك سمعت صوت
عقيل الي فززني،،،
« ولللج هاي ،،،،شدسوين
رحت بسرعه عليها من شفتها
معلكه فووك والكاع كلها مي
وزاهي وحجيت بعصبيه
« انزلي بسرعه ،،،من انعل ابو
لابو الجابه. لابو هذا الواهس
الي راح يموتج،،،،،فهميني
شبي،،،وصاعده 
تنظفي ذاك اليوم جبته
وشديته
من لزمني حجيت ،،
« عقيل عوفني ماعليه شي
« اي كوليها من توكعين وينكسر بيج
شي انزلي يابه اني مو جايز منج
حجه هيج ودارني علي،،
« اني انزل بس وخر
« ولج دنزلي،،،هسه تزحلكين
بهل الزاهي وتوكعين
حجيت هيج ولزمتها من
خصرها
« عقيل عووفنيي ،،اني اكدر
انزل وحدي
حجيت بتوسل،،،وهو مدار بال
وظل لازمني، ،،،
نزلت بعد ماشفت الحاحه
وكعدت على الكاونتر وهو حجه
بضوجه
« بعد لاتصعدين ومن تريدين
تنظفين شي،،،عالي خلي الما اجي  افتهميتي
حجيت بنفس ثگيل،،
وسكتت من شفتها تتهزم بعيونها
مني،،،ووجهها صاير
احمر دم،،،هو والشفايف،،،،
عرفتها،،،شبيها لان نفس البيه،،،
المشهد مال البارحه انعاد
وخلاني اذب حسره بنفس حار
من صدري،،،،،
من رادت تنزل،،،لزمتها بقوه
ودنكت راسي بهدؤ واني خايف
من رده فعلها،،،،
وخليته على صدرها،، وفركت
وجهي بي،،،وحجيت
بصوت مخنوك،،،
« اني مامنتظر تسامحيني،،
لان السويته بيج،،،،،جبير وراح
يظل عذابه
طول العمر وللموت،،وياي،،،
حجه ورفع راسه، ،،وباوع عليه
بعيون مغوركه،،،
« دلالي،،،،هم نرجع مثل الاول
هم اشوفج،،،،تضحكين بوجهي
وتحجين،،،،،وياي بدون ماعيونج
تتهزم مني
فتحت عيوني،،،،،،وجاوبته
والوجع مال ذيج
اللحظه،،،،، رجع يدگ بكلبي
وروحي،،،،
« شلون،،،، صدكت اني اكدر
اخونك ،،،،،،شلوون عقيل
سكتت من غصيت بالبجي
وكملت بشهكه
« الي  حسيت
بي وياي،،،ماكلك اني مستحيل
اباوع لغيرك،،،،احساسك بيه
ليش خانك عقيل،،،،
گلبك هذا،،ليش صدگ اني
اكدر اخونه ،،،لييش بس
فهمني
« مجنت بوعي،،، غيرتي عليج
عمتني،،،دلال،، فقدت من شفت
صورج عنده.،،وتخبلت،،
وخرت منه وهو رجع لزمني
وحجه بتوسل،،،،
«دلال لاتروحين
مشتاگ الج ،،،،،مشتاگ
والشوگ مديخليني انام،،،،
والليل كله اني نايم واني صاحي
كمت اشوفج بي،،ومااميزه
خيال ،،، لو حقيقه، ،،من كثر
ماادشوفه
سكتت وشميتها بنفس طويل
خدر حواسي،،،،اكثر ماهي مخدره
وكملت بهذيان
« اريدج بس خايف من رده فعلج
اريدج بجنون،،،وخايف لاترفضني
وخايف عليج لاتتاذين من
وره مرضج
جنت ساكته واسمعه،،،
وللگلب مارجف من مرض،،،،لا
رجف من الشوگ، ،،،،
« عمري كله ماحسيت بالراحه
الا وياج،،،،الشفته من عذاب
نسيته وياج،،،نسيت التعب والقهر
من صرت وياج،،،ونمت بحظنج
سكتت وهو كال
« ااحجي شي،،،اعتبي ادعي
عليه،،،اقبل بكلشي منج
والله قابل،،،،،انطي العندي
وعمري كله
بس ترجعين الي مثل الاول
كولي اييي دلال كولي اي راح
نرجع مثل الاول
شكله وصوته،،،،، وهو كله جان
عذاب الي،،،،،توسله بيه
رجعني لذيج الايام من جان يتوسل
بيه واني رافضته،،،،،،،،تذكرت
شكد عذبته،،،، يله سمع مني
كلمه احبك عقيل،،،،
گلبي برد،،،من يمه وحسيت
الله سبحانه وتعالى،،،
نزل سكينه علي،،،وخلتني
اجاوبه
« ايي عقيل راح نرجع مثل
الاول،، ،،
هو سمع مني هاي الكلمه وبسرعه
باسني بقوه،،،وحظني بعد اقوه
وخر وره لحظه وصفن بعيوني
بضياع وحجه بعيون مغورك
وهو مبتسم،،،
« اووف يابه هسه يله
ردت روحي
هسه يله رجع الدم يمشي
بعروگي
ابتسمت،،وهو جرني علي وخله
رجلي
تحاوط خصره وكمل
وهو يفرگ بوجهه بركبتي،،
« اريد انام بحظنج مشتاگ،،،
الج،،،مشتاگ لهل الريحه
الحلوه
حجه هيج وظل للحظات
وهو يبوس،،،بيه
وبعدين  شالني من خصري
ونزلني،،،وكال بنفس ثگيل
وهو عبالك ديصارع روحه
« روحي بدلي،،،هدومج كلها
مي ،،،،واخاف تتمرضين
« خلي اكمل الكاونتر
« عوفي خرب اهله اني اكمله
حجه هيج واندار،،،،وانطاني
ظهره
صفنت علي،،،وحسيته مو
على بعضه،،،
عفته ورحت اخذت ملابس،،،
من غرفتي وقبل لااروح للحمام
مشيت بهدؤ للمطبخ،،
وشفته كاعد يدخن،،،وصافن
بجمود،،،
رجعت،،،للحمام،،،سبحت
واني افكر بي،،، واردد
وي روح
«شبي
وليش تصرف هيج،،،
سكتت وفكيت عيوني
وره دقائق ،،،وكلت
« يخاف عليه من وره گلبي
هذا السبب ماكو غيره،،،
حالتي،،،الدكتوره من شرحها الي
افتهمت منه العلاقه الزوجيه
مااتاثر عليه،،،،،،مادام اخذ
الحبه الصبح،،،
كملت سبح،،وبدلت
ورحت للمطبخ
وشفت غاسله،،،وويا المطبخ
وديمسحه بالماسحه
من طبيت باوع عليه وصفن
وطول،،،وبعدين ذب حسره
وكال
« كعدوا الولد
« لا نايمين بعدهم،،،
حجيت هيج وبديت ارجع بالغراض
كملنا ترتيبه سوه ،،،وسالته
« راح اسوي ريوك،،،تريد طماطه
وبيض،،،
« اييي،،وهذا گيمر جبته وياي
وصمون حار
« روح اسبح بين مااجهزه،،،
راح واني بديت احظر بالريوك
واني مبتسمه
جان اكوو موال براسي،،،
وكلت علي الريوك احجي ويا
علي،،،
كملت،،،، وره دقائق وشلت
الصينيه ووديتها للصاله،،
وخليتها كدامه،،،،من شفته كاعد
اكل واني وراه، ،،
وحجيت من صبيت الجاي
« اريد اروح للصالون،،،
« ايي ادللي
شوكت تريدين تروحين
« العصر،،، اذا عندك مجال
ابتسمت وجاوبتها
« اليوم اني متفرغ الج،،،شتريدين
اني حاظر،،،
،،،،
العصر عفت ولدي،،،يم اهلي
ورحت ويا للصالون،،،
حفيت،،،وخصلت شعري
ثلجي،،،وام الصالون سرحته
وسوته مثل المي،،،
شكلي طلع كلش حلو وعجبني
وام الصالون كالت
« لو اطوخين حواجبج بلون جوزي تطلعين بعد احلى،،،
هزيت راسي باي،،،وهي
سوتهن بشكل برز عيوني،،،
وبياضي
ابتسمت براحه،،،من شفت
شكلي تغير وخابرت عقيل من كملت
وهو اجه عليه وره ربع ساعه
طلعت ورحت علي،،،من دك عليه
جانن عيوني عليها من طلعت
الما ركبت بصفي،،،وكالت
وهي مبتسمه،،،
« الك خلك نفتر شويه
حجت واني،،،جنت صافن على
الحواجب،،،،، وعيوني راحت
لشال ،،من زحف ليوره وبين
الشعر،،،، ابتسمت
وحجيت
« وينهن السبرنكات ،،،،
« ههههه راحن،،،،سرحتهن وباجر
بس اسبح يرجعن
« راح اشتاگ الهن منا ليباجر
عيونه من ذبلن وحجه بصوت
حلو خلوني احمر،،،وهو
من شاف خدودي كال
« اااووف يابه من اشتعلوا
وين الواحد يولي هسه،،
عرفت البي،،،وسكتت وخليتها
مفاجاه،،،
« عدلي حجابج،،،،زين وخلينا
اليوم ننسه العصابه مالتنا
ونفتر براحتنا
هزيت راسي باي،،،،
وهو شغل اغنيه،،،،جورج
وسوف حلف القمر
خابرت امي وكلتها راح نتأخر
شويه وهي جاوبتني
اخذوا راحتكم،،،
تعشينا بره،،،وافتريت وايدي
بايده،،،واشتريت
للولد كم قطعه،،،عجبتني،،،
مااشتريت لروحي شي رغم الحاحه
لان غرفتي متروسه ملابس
احنا دنمشي،،شفت مكينه مال
جبس وشاميه
هزيت ايد عقيل واشرت عليها
اشترينا،،،ورجعنا
للسياره
الطريق كله ياخذ ويخلي
بحلكه،،،ابتسمت من رجعت
بالذاكره ليوره ،،،،
مره اشترالي وجابه نصه طاير
ومن كعدت اكل بي هو اجه
وشاركني،،،اني ضجت وضميته
بحظني وكتله
« عقيل هاي حصتي انته اكلت
اكثر من النص بعد شكو
جاي تشاركني بهذني
رفع حواجبه،،،،ومد ايده
حصرت الكيس بين رجلي
وصحت بي
« مااا ماانطيك
عض شفته وباوع بخبث للكيس
وفجأه هجم واخذ مني
من كل عقلي زعلت منه من شفته
فرغ الكيس ،،،،كل بحلكه
والحتات كله وكع منا ومنا
« داكلهن يبو نفس الدنيا
حجيت هيج،،،،وكمت من يمه
وهو كاعد يم حافه الجربايه
مد ايده وراد ،،،يلزمني
فلتت منه وهو وكع،، 
« ههههه حيل،،،،
ضحكت علي،،،وهو كام بفزه
وعيونه تضحك،،،وشكله جان
مهوس
بشكل حلو
رجعت ليوره من حسيت بالخطر
وهو اجه علي بسرعه
انهزمت منه،،،وهم من راد
يلزمني فلتت منه وهو صاح
« بنت الاودام زيبك خوما زيبك
كلما. اريد الزمج تفلتين مني
طلعت لساني اله وحركتي هاي
جانت القاضيه
اجه بسرعه،، واني صحت
«يمممه
انهزمت منه بس عثرت بالدوشك
وكعت علي وهو رأسن اجه فوكاي
وحصر ايدي ليفوك وكام
يعض بزنودي،،،وبصدري
ويكول
« منوو ابو نفس الدنيا ،،،،
« ااني بس عوفني،،،،
ماوخر،،،وكام يبوس،،بيه
بلهفه،،،،وهو يهذي هذيان حلو
جسمي رجف وغمضت
عيوني،،،من اجه بالي
شلون باس الشامه الي برجلي
وكال
« اووف ولج راح اموت من وراج
حبج راح يخبلني هو وهذا الجسم
الحلو،،،
بكل لمسه جان يترك اثر
واضح،،،،،،،،وهو يكزكز بخبال
ويخليني ارجف ،،جواه واني
احس بشعور،،،، عقلي جان
مايتحمله من حلاته،،،،،،،،،،
ومن خباله وياي،،،جان من يكعد
الصبح ويشوف علاماتي بركبته
وصدره،،،يبتسم بخبث
ويباوع عليه،،بنظرات تخليني
انهزم منه
اني ويا بالفراش جريئه
وانسه نفسي
بس بغير شي،،،ومن يعلق
على تصرفاتي،،،،اخجل منه
واستحي ،،،
ابتسمت وباوعت،،،لايده من
لزمت ايدي،،وحرارتها
خلتني الزمها بقوه
طول الطريق ظل لازم ايدي،،،
وصلنا وطبينا للبيت،،،،وقبل
لا اوصل،،للغرفه هو اجه
ولزمني،،،،من خصري وحظني
وبده يبوس بركبتي
ويفرك وجه بيها،،،،ويكول
« كل ذره بجسمي تريدج وميته
عليج بسس
وخرت منه واني مبتسمه وكتله
« شنوو بس
صفنت بعيونها ،،،،،وجاوبتها
بقهر
« خايف عليج مني،،،خاا
ماخليته يكمل لان بسته،،،بسرعه
وهو تخبل من سويت هيج
وكام يبوس بي بقوه
وره لحظه وخر وهو ياخذ
النفس كوه وبده يفتر يمي ويفرگ
براسه،،،
رحت علي وحظنته وهو كال
« ولج وخري،،،لايصير بيج
شي ،،،
دفنت وجهي بصدره وجاوبته
بخجل
« مايصير شي،،،،الدكتور كال
عادي مارسي حياتج بصوره
طبيعيه
ماصدگت كلامها،،،،،  ووخرتها
مني وسالتها بشك
« دلال لاتجذبين عليه،، اني سالت
غسان على حالتج وهو
مكال هيجي شي
ابتسمت رغم عني وجاوبته
واني اتهزم بعيوني منه
« تريد اخويه يكولك،،،،،روح
نام وي اختي تره ماعليها
شي
سكتت من شفتها تحجي وهي
مبتسمه بخجل
ردت اصدگ بس خوفي عليها
غلب شوگي الها،،،
وخرت منه من شفته متردد
وماصدگ كلامي ورحت
للغرفه ذبيت شالي ونزعت
الفستان،، اني بالاتك
حسيت بي صار وراي،،،،،،
حظني وكام يبوس بيه،،،
وحجه بصوت مخنوك،،
،،وبتردد
« دلال شلون مشتاگ الج
بس خايف عليج
انداريت وكمت افتح
بدكم قميصه
وهو مد ايده ووخر الكراصه
حركت راسي،،،وشعري من اهتز
ابتسمت وكتله لابو عيون
ذبلانه
« حلو اللون،،،
سكتت وظليت،،،صافن عليها
ووره لحظه طلع صوتي
يرجف
« اني شمسوي لله حتى ينطيني
هيج جمال ،،،،
دنكت وبست صدره وجاوبته،،
برفعه كتفي،،،، واني اضحك
وبذيج الساعه
الخوف راح ،،،،،،ورجعنا مثل
الاولى واحلى
رغم خوفه عليه،،،عقيل فقد
وتخبل عليه،،،، ومن شوگه
عضني من ركبتي،،،وخله اثر جبير
وره وين يله كدر يعوفني،،،
ومن وخر ظل يباوع عليه
بخووف،،،وقلق
ابتسمت اله،،،ورفعت حواجبي
اله،،،وهو ابتسم وخله راسه
يم گلبي
وراها رحنا لبيت اهلي،،،كعدنا
شويه يمهم،،،،وظليت اباوع لعقيل
الي جان يسولف ويضحك
وي ابويه،،،وغسان
ابتسمت من تذكرته اول مره
من طب لبيتنا شلون جاان ضايج
ويريد بس يطلع،،
دار وجهه،،،،وباوع عليه
ابتسم،،،وعض شفته واشر براسه
عرفته شيقصد ولفيت الشال
زين، واني مبتسمه،،،وره ساعه
كما واخذنا
العصابه،، مالتنا ورجعنا للبيتنا
بس نيمتهم،،،وتمددت يمه
اخدني لحظنه وحصرني
بايده ورجله
وكام يبوس بي ويهذي بكلام
خلاني انام مرتاحه،،،
،،،،،،،،،
ايام،،،،مرت واني ويا،،،
مثل طيور الحب،،،،،،
ورغم عنا،،،،
الماضي الي عقيل راد ينسه
اجه بيوم وگلب عالمنا،،،،،
بيوم عمي حميد خابر على ابويه
وكله عمي ساجد ضاربته جلطه
وموزين،،،، ولازم انزله لبغداد
اجه اليوم الي عمي ساجد
ماحسب اله حساب
اجه اليوم الي الولد
لازم يشيل ابوه،،،،
كل جمعه البنات يجن يمنا
ووياهن مؤيد وغسان ورسول
يتغدون ويروحون العصر
لبييت عمه كوثر  ،،،،،،
من كملنا الغده وصبينا الجاي
سمعنا الجرس دك
عقيل طلع،،،،وطب وره لحظات
ووراه ابويه،،
سلم وكعد،، وجان وجهه مايتفسر
ومبين مطعون من القهر
« بابا صاير شي
سالته واني شايله مؤمن،،،
وهو ذب حسره وكال،،،وهو يباوع
لعقيل
« عمك حميد خابرني قبل شويه
وكال ابوك ضاربته جلطه
وموزين، ،،ولازم ينزلوا لبغداد
« يممه عزه العزاني
هديل فزت وكامت تلطم
على وجهها
وهاله انهارت وكعدت وكامت تبجي 
ومؤيد كام،،،وكال
« ليييش وشلون ،،صار هيج
« امر الله يابه،،،،،وهسه
راح يجيبوا
بالاسعاف للمستشفى،،،،
اني من سمعت كلام ابويه عيوني
راحت لعقيل،،،
جان وجهه جامد ومابي اي تفسير
وعاكد حواجبه بقوه وحسيته
جاز على سنونه،،،،من توتره
« عقيل يابه خابر، ،،،محمد خلي
يجي حتى نطلع للمستشفى،،،،
« واحنا شعلينا بي ،،،،
جوابه فززني،، وخلاني افك
عيوني،،،واصيح باسمه
« عقيييل
« يابه هذااا ابوك شنوو
شعليك بي
مدارت بال من صاحت دلال
،وتقدمت خطوه،،
وحجيت وي عمي،،باعصاب
ترجف
« منووو ابويه،،،،وووينه
من عافنا،،،وينه عم حقي
وين ابويه،،،من خلنا بحسره اللكمه
وينه من احتاجينا
« هذا الحجي مو وكته ابني
ابوك محتاجكم هسه ،،،ولازم
توكفوله بشدته
« وليييش يابه لييش نوكفله
وهو ابد مااجه ولا سأل علينا
لييش عم حقي،،،
عرفته فقد انطيت ابني ،،،لهاله
ورحت علي ووكفت بوجهه
وحجيت بسرعه
« عقيل اهدأ وباوع ،،،،عليه
حجيت وشفت وجهه صاير دم
وعيوونه تخوف،،،من العصبيه
« محد يروح،،  بالقران الي
يوصله لا هو اخويه ولا اعرفه
وانتن هم،،،،،  التوصله منجن
اكسر رجليها،،،
حجه وهو ياشر على خواته الي
كامن يبجن،،،
لزمت وجهه بقوه ونزلته عليه
وحجيت بتوسل
« موو هيج الحجي
وحرررام،،،، الدسوي
عقيل،،،باوع عليه،،،بداعه ولدنا
اهدا وخليني احجي وياك
« دلال معلييج،،،انتي
حجه بعيون حمره
وجسم يرجف من العصبيه
واني جاوبته
« مو لخاطره. ،،،لخاطر الله
ارضي ربك،، ،،،، بي
ارررضي ولا تغضبه عليك،،،
« ولج دلال مااكدر،،،،،،،
مااكدر ولكم،،،ماخله طيب بگلبي
حتى اوكفله
« استغفر الله يارب،،،
ابويه حجه هيج،،،وكام وهو يصفك
ايد بايد وحجه وي غسان
« خابر اخوتك،،، خلي يجون
حتى نروح لعمك،،،،
سكت وكمل وهو يباوع
لعقيل،،،،
« انته حقگ،،،،حقكم كلكم،،،
واخويه قصر،،،وياكم من السما
للكاع،،،بس هذا اب، ،،،،
والله وصي بي،،،،
« واحنا الله ماوصى بينا،،،
لو كله خلف وذبهم،،،بالشارع
ابويه سكت،،، واشر لغسان
وطلعوا ولحكهم مؤيد،،،وهديل
ورسول،،
عقيل ماحجه شي وراح
كعد وهو لازم راسه،،،
هاله، ،،كامت وانطتني،،،مؤمن
واخذت شيرين ،،،،وطلعت وراهم
ذبيت،،،،، ابني يم اخوه على
المده،،،ورحت وكفت يمه،،،
« دلال عوفيني،،،،ولاتحجين شي
تره البيه كافيني،،،
«اااحجي اريد اشوف شنوو
البيك،،،
سكت واني كعدت يمه،،،،
وحجيت
« عقيل هذا ابوك،،،ان رضيت
او مارضيت،،،وانته ابنه وشايل
اسمه،،
سمعتها ورفعت راسي،،،بفزه
وصحت
« ولج لو يتغييير الا اغييره
والله بالقران اغيره بنار،،،،لو اعرفه
مدكوك بجسمي بوشم
صفنت بعيونه المغوركه
وشفت وجهه انطعن من القهر
وهو كمل،،،بصوت يرجف،،
«موو ابويه هذا اني ابويه مات
من زمان ،،،لاحد يكولي
ابوك محتاجك،،،،اني ماعندي اب
اني يتيم،،،،ولكم ااااني يتيم
حجه هيج وانهار بالبجي
حظنت راسه وهو لزمني،،،بقوه
وكام يبجي بصوت،،
ويردد
« اني يتيم يولي،،،وابويه
طيب،،،،ابويه يتمنه
وهو عاااايش،،،
حجه بصياح وانهار،،،
« ااش،،،كاافي
بجيت ويااا وهو ظل يبجي
ويشهك،،،مثل
الطفل الصغير ،،،وتعب سنيين
والعذاب الشافه
طلع بذيج اللحظه وانهار
بحظني،،،
وخر،،،وره دقائق وباوع بعيوني
وهو يبجي،،،
« لو بس جاي ولج لوبس سأل
علينا،،،ماااردت شي،،،منه
والله ماردت منه شي،،،بس يجي
ويسأل ،،،،ويكول عندي ولد
اريد اشوفهم ،،واسأل عليهم
مسحت دموعه بأيدي،،،وهو
رجع ودفن وجهه بصدري،،
وكمل بصوت مخنوك وكو يطلع
من البجي
« دلال،،،ردت ابويه يوكف
وياي،،،يصير حزام ظهر،،،الي
ردت اتباهه بي،،،كدام الكل
ردت يكعد ويحاسبني اذا سويت
غلط،،،ويكولي عفيه اذا
سويت شي زين
بالقران،،،جنت راضي،،،يكعد
وعينه علينا ،،،،،،،واني اشتغل
رااضي ياربي واالله راااضي
لزمت راسه بقوه من انهار
وكمت ابوس بي،،،،واحجي
كووه
« كاافي راح يصير بيك شي،،،
وخر،،،،،،،مني وباوع لغير جهه
وحجه وهو صافن بجمود
« تذكرين من جنت
احجي وياج واكول  خلصيني
دلال ريحيني. ،،،خليني انسه
من الماضي،،،
تدرين،، شجنت احس
سكت وكمل وهو لازم گلبه
« نار يولي،،،،نار وانتقام من كل
واحد ظلمني،،واذه امي
نار حركتني،،وماخلتني اهدأ
اشتغلت،،،،كلشي واتحملت
عذاب وتعب
الحديد مايتحمله
حفرت الصخر دلال حتى
اصير هيج،،،،حتى مااحتاج احد
ولا  اهلي يحتاجون ،،،يمدون
ايدهم اله ،،،،،،او لبيت جدي
وخوالي،،،،
ماحجيت شي وعفته يحجي
الي بگلبه،،،ردته يطلع الهم
والقهر الي بداخله
بلكي يرتاح،،،
وهو سكت،،،،وره دقائق
وتمدد على الفراش الي بالكاع
وكال
« اريد انام ،،، اطلعي
وعوفيني
كمت من يمه ،،،وشلت مؤمن
ورحت وديت للغرفه ورجعت
لمسلم اخذته،،،،،ورحت
نيمتهم،،،وطفيت الضوه
ورجعت علي،،،،
وشفته،، خال ايده على
وجهه. ،،
من تنفسه،،،،،عرفته مو نايم
وسمعته يذب حسرات،،،،ومن كتم
شهكه
رحت علي،،ولزمت كتفه
« عقيل كاافي
جنت محتاجها الها جنت اريد
حظنها،،،حتى اهدأ
مديت ايدي،،،وجريتها
لحظني وغمضت عيوني. وحجيت
« اخذيني لحظنج دلال تعبان
واريد ارتاح

حظنته،،،،
ولزمت راسه من خلاه يم صدري
وكمت امسح علي واقره
آيات،،من القرآن ودموعي تنزل
بهدؤ
بجه،،،بحظني وشهك اكثر من مره
ووره دقائق طويله سكت
ونفسه انتظم،،،
وخرت بهدؤ وشفته غفى،،،
صفنت علي،،،،ومنظره وهو
يبجي،،،،، والكلام السمعته منه
خله گلبي ينمرد علي،،،
وحجيت وي نفسي
« رحمتك ياربي،،،،هو گلب
وشصغره
بس شگد شايل هموم وقهر
عفته بنومته،،،وكمت رتبت المطبخ
واخذت ملابس وطبيت للحمام
سبحت بسرعه وطلعت،،،،
لان خفت لا ولدي يكعدون،،،
باوعت عليهم،،،وشفتهم نايمين
ورحت علي. ،،،،،وهم شفته نايم
،،،،،
الصار عمي ساجد،،،جابوه فاقد
لان ضاربته 3جلطات،،،،
الكل وكف ويا،،،ماعدى عقيل
الي رفض،،،،،،يروح اله
او يسمع شي عنه
حجيت وعتبت وزعلت علي
ومافاد وبيوم تعاركت ويااا
من سمعت صحى
وطالبه حتى
يشوفه
« عقيل روح علي هاي دنيا
خاف عمي يموت وتظل خطيته
بركبتك،،،
« دلال ،،،سدي الموضوع
مااروح،،،
رحت علي من شفته يريد يطلع
ولزمته من وره
وحجيت بتوسل
« عقيل باوع عليه
امك راحت،،  ولك امك نست كلشي
وراحت انته شنوو گلبك
مدكولي حجر صخر
هذا ابوك،،،لو شما صار
« دااالال،،،
صاح بيه،،،واني رجعت ليوره
وباوعت علي،،،بعتب وزعل
« والله وداعه ولدي وداعتك انته
اذا مارحت علي،،،الا اطلع
من البيت وبعد تحلم
تشوفني
«ااانتي،،،،،لييش ماتفتهمين
اني مااكدر اشوفه، ،،
ولج ماااكدر،،،افهموها عااد مو
خبلوتني
حجيت هيج وضربت الحايط
بأيدي
رجعت ليوره من شفته فقد،،،
ووجهه
تغير،،،وتقدم عليه
للحظه وحس على روحه
ووكف
عفته ورحت للغرفه،،،طبيت
وسديت
الباب وقفلته
كعدت واني ابجي،،،
سمعت الباب اندك وهو حجه
« دلال افتحي الباب،،،
مارديت علي،،،،
«ولج افتحي المهجوم واسمعيني
هم مجاوبته،،،وهو صاح
« بالقران اذا مافتحتي هسه
الا اكسره
كمت ورحت للباب وصحت
من وراه
« اكسره عقيل هوو هذا انته الفالح
بي بس،،،، اتصيح واتكسر  ،،،،
وتريد الدنيا تمشي برايك،،،
سكت وصار هدؤ،،،،
وره وين فتحت الباب، ،،وشفته
طالع،،،
الليل اجه وهو ماكو ادك علي
يطلع مغلق،،،،،،خابرت رسول
ومؤيد ،،،،وكالوا
ماكو يمهم ولا شافوا
لان هم،،،، جانوا بالمستشفى
روحي لابت علي،،وخابرت اهلي
وامي وابويه وغسان وهاله
اجوي
عليه ،،،وهم ظلوا يدكون علي
ويطلع مغلق،،،
تخبلت وكلت صار بي شي
واني السبب،،،،،،
ومن القلق والخوف،،،لزمني
الخفقان وتخربطت،،،
شربت الحبايه،،،،من جابوها الي
وتمددت على القنفه
وهاله ظلت تفتر يمي وادكول
وهي تبجي
« يارب استر وين راح اخويه
ساعه،،،ب2،،،،فتح خطه
وجاوب،،،،غسان من دك علي
وكله
اني جاي بالطريق،،،،
اول ماشفته طب رحت علي
وحظنته وكمت ابجي
وابويه كام يلوم،،،،وكله
مرتك تخربطت من وره القلق،،،،
هو سكت وامي من
شافت وجهه
اشرت لابويه وهو سكت،،
وترخصوا وره دقائق وطلعوا
،،،
يِّتّبِعٌ