انقذني من انتقامي

بارت 16

#أّنِقِذّيِّنِيِّ_مَنِ_أّنِتّقِأّمَيِّ
#بِقِلَمَ أّوِتّأّر حٌزِّيِّنِهِ
#أّلَجِزِّء أّلََّسأّدَِّس عٌشٍر
،،،،،،،،،،،،،،،،،،،،،،،،،،،،،،،،،،
،،،،،،،،،،،،،،،،،،،،،،،،،،،،،،،،،،،،،،،
،،،،،،،،،،،،،،،،،،،،،،،،،،،،،،،،،،،،،،،،،،،
هديل رجعت لبيتها
نيمت
جهالها وراحت كعدت يم رسول
وحجت
« رسول مااعرف ليش
احس بعقيل مو فرحان،،،اليوم
رسول سكت وهي كملت
« انته تعرف هوو شكد
يحب دلال
وتعب يله اخذها وجان المفروض
بهيج
اليوم اشوفه فرحان،،،
ويضحك،،،
« مابي شي،،،لايظل بالج
هديل تربعت على الجربايه،،،
وحجت بهم،،
« رسول امي مراح تعديها على خير
وي دلال وراح تسويلها مشاكل
« ايي،،،،، والله لان عمتي ماتحبها
وتصرفاتها وياها مو حلوه
وهذا شفته اكثر من مره،،،،
منها ،،،
هديل سكتت،،،،ودنكت راسها
وجاوبته بعد لحظه
« اي واني خايفه من تاليها،،، 
« خليها على الله وان شاء
الله مايصير شي،،،
« امين،،،الله يسمع من حلكك
رسول سكت،،،وصفن على هديل
بنظرات خباثه  خلتها تساله
وهي تضحك
« هاي شبيك ليش تباوع عليه
هيج
رسول تقدم عليها،،،وجر خصله
من شعرها وباسها وكال
« اليوم شسويتي علگتي الجوه
علك وخليتني فاگ حلكي عليج،،،
بنت الاودام،،،شنو هلركص
خبلتني بي،،،اليكول شاكيرا
وتهز
« هههههه
هديل طكتها بضحكه،،،بصوت قوي
ورسول صاح
« لا عمي مرتي صايره كاوليه واني
ماادري،،،
هديل ضربته على صدره،،
وجاوبته
« عابت لاتشبهني بالكاوليه،،،
رسول تقدم بعد اكثر ،،،وكام يبوس
بهديل الي كامت تضحك
« بروح ابوج كوومي اركصي
الي مثل مارگصتي بعرس
عقيل
« هههه هاي شبيك شارب نفط
شنوو بروح ابوج،،،ابويه عايش
«دعوفيني منه هسه وكومي ارگصي
اريد اعلگها اليوم
هديل كرصته من خده وحجت
وهي مبتسمه
« هااا انغاريت من عقيل
  « ايي والله وانتي اليوم تسوين
واهس ،،،،انتي وليراتج الي جنتي
تهزين بيها
« ههههههه،،،شاكيرا شاكيرا
« خرب دتعالي حتى ركص
مااريد
ناس عن ناس تختلف
وقصه عن قصه
هم تختلف،،، صفحه تنكتب بيها
انته تعيش سعيد
وبصفحه ثاني،،،يكتب غير شخص
تعيس
وعقيل جان،،،بين هذا وهذا
فرحان لان دلال يمه،،،واگبال عينه
وتعيس ،،،،،،،لان حبه الها بادلته
بكره وصد ،،،
،،،،،،،،،،
اخذت الصينيه من هاله اختي
وسديت الباب،،،
خليتها بالكاع،،،لان اني متعود
اكل هيج،،،وصحت دلال
بدون مااباوع عليها
« تعالي تعشي،،،
جنت جوعانه كلش،،،وعطشانه
باوعت للصينيه،،،،وشفت اشكال
والوان،،،بيها،،
طمعت بالاكل وهو من صاحني
ترددت للحظه وبعدين كمت
لبست روب،،،خفيف فوگ دشاشتي
ورحت كعدت اكباله،،،،،
« هاج،،،
اخذت الخبز منه،،،،،وانتظرته
يمد ايده،،،
« اكلي شبيج،،،
« اكل انته بالاول،،،،،
رفعت راسي وصفنت للحظه
عليها وعكدت حواجبي،،،
وسالتها
« لييش،،،
« حنا هيج بيتنا الا ياكل بابا
يله نمد ايدينا على الاكل
ابتسمت رغم عني
ومديت ايدي على الاكل
شكله من ابتسم تغير،،،وبس
مد ايده ولف لفه،،،بديت اكل
ويا،،،،شي غريب صار
بذيج،،،،،،،،، الليله وعبالك
صارت هدنه بينا،،،،گلبي تطمن
اله من شفته بارد ومايباوع عليه
وتصرفاته جانت بحذر وياي
وخلتنا ناكل
بهدؤ
اخذت قطعه تكه وملحتها
  وغمستها
بالخل وخليتها بحلكي،،،
انتبهت علي،،،باوع عليه وبعدين
دنك
« مااعرف اكل اللحم الا حامض
كلش،،،ومالح
« انتي من جماعه الملح موو
دنكت راسي وكمت اكل بهدؤ
وجاوبته
« اي اني مااحب الحلاه،،،،
وقليل اكل، ،،حلويات
« اني عكسج احب الحلويات
وهم اكل موالح
سكتت وهو هم،،،وانتبهت علي
يلف اللكمه جبيره وياكلها بسهوله
وعلى السريع،،،عكسي اني
الي اكل على كيفي واظل
ارتب بيها يله اكلها
« حقج يضيع بالاكل  اذا
كعدتي ،،،،،،،،،وي ناس
جوعانه
ابتسمت رغم عني لان حجه الي
جنت افكر بي
وبس شفت صفن عليه راحت
ابتسامتي،،،بس هو عيونه قست
ورجع دنك وكام وكال
« الحمد لله والشكر ،،،كملي اكلج
براحتج اني طالع للبلكون،،
ادخن،،،
سكتت وظليت اكل براحتي
ومن كملت،،،شلت الصينيه،،
وخليتها على الميز ،،
طبيت وره ماكملت الجگاره وسديت
الباب وراي،،،وحجيت وي
دلال
« تريدين جاي
هزيت راسي بلااا وجاوبته
« لاا مااشربه،،،
« اني رايح اجيبلي جاي من جوه
تريدين شي اجيبه وياي
من ارجع
تذكرت جنطتي الصغيره الي بيها
فرشه اسناني وشغلات احتاجهن
وجاوبته
« اريد جنطتي،،،ورديه ومرسوم
عليها بزون، ،،ابيض موجوده يم
هاله
هزيت راسي،،،،،،، وطلعت
نزلت جوه،،،وشفت امي وعمتي
كاعدات،،،وهاله دتغسل مواعين
عمتي اول ماشفتني طكتها
بهلهوله
« هلا يمه هلااا بعريسنا الزين
هلا بسورها ونورها هلا
بابو سمره
كلام عمتي خلاني ابوسها
من راسها
واشر لهاله
« جايج يولي، ،،
« ماتصيح مرتك وهي تسويلك
الجاي اختك تعبت من الشغل
باوعت لامي من حجت ببروده
وعمتي جاوبتها
« كوثر لا من هسه تشتغل سالفه
العمه والجنه هدي بعدنا باولها
امي سكتت،،،وهاله انطتني الجاي
واني حجيت بضوجه
« هاله دلال تريد،،،جنطتها
« ايي عقيل هسه اجيبها الك
اختي راحت،،،واني وراها طلعت
وسمعت عمتي انهدت بامي،،
عفتهم ،،،يحجون
واخذت الجنطه من هاله
ورحت للدرج،،،صعدت اني وكلاصي
والجنطه،،،وطبيت للغرفه
وشفت دلال ماكو،،،باوعت للحمام
ومن شفت مسدود عرفتها
دتسبح،،،
ذبيت الجنطه على الجربايه
وصفنت عليها،،،
صار عندي فضول شنوو بيها
وفضولي جان هوس بكلشي
يخصها
خليت الكلاص على الميز
وفتحت الجنطه،،،،،وشفت
دفتر اسود وبي ورد احمر،،،،
قلم حمره شفاف،،،،،كحل
كلينس مرطب،،،،،،،وعلج،،
وجبس بتيته،،،،،،ماكله نصه،،،
طلعته واخذت وحده واكلتها،،،
ورجعته للجنطه،،،،
وشفت جزدان،،،فتحته وشفت
بي كم ورقه،،،،،عديتهن وشفتهن
خمس اوراق،،،
ووياهن ورقه،،فتحتها وقريت
خاطره مكتوبه بالايد
« لست لك ولم اكن لك
لا اليوم ولا غدا،،،ولا ابدا
لم احبك،،،ولن احبك،،،
لانك ببساطه لست،،،من عالمي
مختلف انته  ،،،،عني بكل شي
انت قصيده غير مفهومه،،،،قوافيها
وانا كتاب مفتوح ،،،،للغير
لست انا ولست انت، ،
ولن اكون نصفك الثاني حتى
لو وضعت قلبك بدل قلبي
لن اكون كما تريد
ولن انطق اسمك كما تحب
حدود رسمتها،،،وسأظل عليها
ابد الدهر،،،،
لانني ببساطه لا احبك
،،،،،
قريت وعرفت هي كاتبته
لان سمعت من هاله هي تكتب
خواطر،،،واشعار
عضيت شفتي بقهر وباوعت
للحمام بجمود ،،وگلبي
حسيته كام يوجعني،،
رجعت باوعت للورقه وقريت
المكتوب مره ثانيه،،،
بكل كلمه جنت اقرها جنت احس
عبالك،،،، سجين وخلتها
هي بايديها بگلبي،،،،
اخذتها وضميتها بجيبي،،،
وسديت الجنطه،،،ورحت اخذت
فراش من الكنتور
فرشته وطفيت الضوه
وتمددت وغمضت عيوني،،
واني اردد كلماتها
،،،
طلعت من الحمام،،،وشفت
عقيل مطفي الضوه،،،،،،ونايم
بالكاع
رحت علي بهدؤ ووكفت يمه
وشفته نايم،،،ومخلي ايده على
وجهه
تنفست براحه،،،ورحت لجنطتي
فتحتها وطلعت الفرشه والمعجون
فرشت سنوني ونشفت
شعري زين،،،ورجعت
للغرفه،،،تمددت وعيوني،،
علي،،،،غطيت روحي لركبتي
وكمت اغمض وافتح،،،،،،،
ومن الهوسه والتعب غفيت
بسرعه،،،،
،،،
جنت كاعد من اجتي عليه
واشتميت ريحتها الطيبه،،،الي
خلتني اغمض عيوني بقوه
جنت احجي وي روحي
« عقيل لاتضعف انته سمعتها
وشفت تصرفاتها وياك
وقريت الكاتبته،،،
عقيل كافي اتذل روحك،،كااافي
واصحى هاي مراح تحبك حتى
لو ذبحت روحك الها
ظليت احجي وي روحي،،،،،
واعتب عليها،،،،وهي مالها ذنب
ومن صارت الغرفه هدؤ،،،،،،
كمت ،،،، وباوعت عليها وشفتها
نايمه،،،،
تقدمت عليها،،،،وكعدت بالكاع
اكبالها،،،
وحجيت بهدؤ
« ياريت ماشفتج،،،ياريت
الدنيا ماجمعتنا،،،،ولا صرتي
چدامي
سكتت بغصه،،،وكملت واني
اجر بالنفس كوه،،،،،
« شلون راح اصبر علمني الصبر
علمني،،،،،، شلون اصير مثلج
بارده وثلج،،،حجر اريد اصير
ومااحس بشي،،من اشوفج
سكتت ولزمت راسي ،،وكمت اون
بصوت مكتوم،،،،
رجعت باوعت عليها
وعيوني غوركت،،،،،،،ولميت
ايدي بعصبيه وحجيت
وي نفسي
« عقيل شوفها نايمه ومرتاحه
ومو حاسه بيك،،،
شبيك انته صير مثلها
ولك قسي قلبك،،،وعيش،حياتك
بعيد عنها
سكتت وكمت واني صافن عليها
وكملت واني امشي لفراشي
« اي راح اعيش ،،،حياتي
وانعل ابو الحب لا بو الحب
وعشگ
طلعت الورقه ورحت
تمددت ودرت وجهي منها،،
وحجيت واني لازم الورقه بقوه
« تذكر هاي الكلمات عقيل وخلي
كرامه لنفسك. وعيش حياتك
غمضت عيوني واني اردد
هاي الكلمات،،،،ووره ساعات
يله كدرت انام،،،،
،،،،،،،
فتحت عيوني،،،من الباب اندك
وكمت بفزه،،،،،،،وشفت
عقيل،،،،،، واكف يم الكنتور
راح للباب،،،وحجه وي هاله
« ايي هسه نازلين،،،،،
سديت الباب وانداريت،،،على
دلال الكعدت
توني اريد احجي وانتبهت لشعرها
جان مهوس بهوسه حلوه،،
وشكلها هي،،،من كعدت
جان هم حلو،،،،
درت راسي بسرعه،،،،،،،وحجيت
وياها
« كومي بدلي وانزلي وراي
اهلج اجوي
باوعت للساعه وشفتها بال11
كمت ورحت للكنتور وهو كال
« دلال البسي حجاب من تنزلين
هزيت راسي باي وهو طلع
وسد الباب
هاي جانت شروط عقيل،،،
اتحجب وابطل من المدرسه
والبس لبس طويل،،،ومستور
وماالبس بنطلون او قميص،،،،قصير
رضيت بيهن،،،لان اني هم
جنت اريد اتحجب
والمدرسه اكدر ارجع الها
بس اتطلك،،،
حظرت ملابسي،،،ورتبت الغرفه
بسرعه لان اني بطبعي مااحب
الخربطه،،،فتحت باب البلكون،،،
حتى تتهوى الغرفه،،،
ورحت للحمام
غسلت وجهي،،،ورجعت
لبست فستان كريمي،،،مخصر
وكلوش،،وويا شال،،،
نفس اللون
خليت كحل وحمره وردي،،،
ورشيت عطر،،،،،
فتحت الباب وسديته وراي
نزلت جوه،،،
جنت امشي بخجل،،واريد هاله
تجي
« هلا والله بعروستنا،،،،
الي سرقت الاضواء. البارحه
وخلت الجكمات يموتن
بحسرتهن ويفلفن،،،
ابتسمت بخجل لمؤيد ،،
الي مشه وياي وهو يهوس
« جبنها واجت ويانا هلا هلا
وووسع
يولد عروستنا شرفت
الكل ضحك على مؤيد واني
بس شفت امي رحت الها،،
وحظنتها وخليت وجهي بصدرها
مثل الطفله
« شلون عياره،،،هي ليله
عفتيها شكوو هلافلام ،،،
سمعت امي،،،لان جنت كاعد
يمها ومكدرت،،،، احجي شي لان
عمي،،،،، حميد وغسان جانو
كاعدين واهلي كلهم وياهم
« شلونج گلبي ،،،الليل مانمته من
وراج ،،،وحتى ضغطي صعد
من وره فراگج،،
« ام زياد لاتشيلين همها تره
طلعت من اهلها وطبت يم اهلها
وعقيل ورده ومراح يقصر وياها
بشي
امي مسحت دموعها وجاوبت
عمي حميد
« اي والله ونعم الاهل،،،واني
من انطيتها لعقيل عرفته راح
يصونها لان يحبها،،،،
عيوني راحن لعقيل،،،،من سمعت
امي حجت هيج،،،وشفته
يباوع عليه،،،،وبس شافني
دار وجهه،،،لغير جهه
« ابوج يسلمج عليج،،،،ودزلج
هاي الهديه،،،،
امي حجت وطلعت علبه وطلعت
من
منها بتوت. اثنين
احلى من مالتي القديمات
واثكل منهن،،،
لبستهن الي،،وباستني
عيوني تتبعت ايد عمتي سحر
شلون لبست البتوت لدلال،،،،
عكدت حواجبي من تذكرت بتوتها
القديمات ،،،ماشفتهن بايدها
وره نص ساعه عمه سحر وغسان
ترخصوا،،،وطلعوا،،،
وصلتهم للباب،،،،،ورجعت للجوه
طبيت من المطبخ،،،
وهاله كالت
« عقيل تعال تريك،،،وي دلال
«  دلال كومي ،،،،انتي
جيبي ،،،،،الصينيه للصاله
ماحجيت شي،،،لان هوو فهمني
شيريد كمت
وشلتها ورحت للصاله،،،
كعدنا بالكاع،،،،وعمتي علاهن
اجتي وكعدت ويانا،،،وكالت
« صبيلي جاي بعد عمتج راسي
يوجعني
«ادللي عمه،،،
« واني هم وياج،، لان الگيمر
والصمون الحار،،،،،،، فتح نفسي
وراح اتريك ريوك ثاني من
وراهن
« ههه تعال ابو بطن
اني وي مؤيد فري يعني اشاقه
ويا واضحك،،،عادي لان
احسه مثل اخويه غسان،،
عكس محمد الي جان جامد وكلمته
وياي جانت بنغزه،،،
صبيت الجاي،،،وانطيته لعمتي
بالاول ومن ردت اصب لعقيل،،،
انتبهت هوو يشرب بكلاص
كمت
« وين رايحه،،،
« هسه اجي،،،عمه
رحت للمطبخ وشفت كلاصات
مغسوله علي السنك
اخذت واحد ورجعت،،،للصاله
كعدت وصبيت الجاي وانطيته
اله،،،،،وهو صفن عليه
وبعدين اخذه،،،وكال
« وين بتوتج القديمه،،،
تفاجأت بسؤاله،،،،وجاوبته من
دغتني عمتي
« هاا ماما اخذتهن قبل العرس
باسبوع
وكالت راح ابدلهن الج باثكل
سكتت وشربت جاي ورجعت
سالتها
« يم ياصايغ بدلتهن وووين مكانه
ذكرت اسم الصايغ وهو سكت
وكام وره دقائق،،،وطلع
بره
« اخويه صاير المحقق كونان
لااا ويسالها وهو عاكد حاجبه
بله هووو هذا شكل عريس
والبارحه ضايك العسل
مؤيد حجه وكمل بضحك
وهو يباوع عليه،،،ويلعب
بحواجبه
« وشلون عسل،،،يابه
اشكر وعيونه خضر وخله الربع
كلهم يحجون ويكولون
هاي،،،، النسوان التفتح النفس
والي،،،،، يصير مهرها
غالي
« ولك هم منيين شافوها
مو جانت لابسه البرنص
ولافه روحها بي مثل كماط
الجاهل
« شافوها يابه هذوله نغوله
ويفلسون المره تفلس،،،
« كره عينك ياحيد ،،،
عمتي ضربته وهو صاح
«ااخ يابه علاهن ايدج توجع
جنها ايد عقيل
«كووم ولك،،،وصير رجال
هذا لو اخوك سامعهم جان سحلهم
سحل وكص لسانهم
« ههههه شبيج عمه دنشاقه
اشو انتي ماتحبين شقه،،
مؤيد حجه هيج وكمل
بضحك
« ولج دلال اجه كم واحد وسالني
اذا عندج اخت ،،،وتدرين
شجاوبتهم،،
« اي بله احجي يالشفيه
« عمه جاوبتهم وبحسره
الدموع تنزل،،،سكايب
هي لو عدها اخت جان اني
اخذتها
بس شوسوي امها وقفت الانتاج
وخلتني،،،بحسرتي
خجلت منه وعمتي،،،جاوبته
« هههه اي والله لو جان عدها اخت
الخ جان خطبنها الك
« المن تريدين تخطبين،،،
عمه كوثر طبت وسالت عمتي
من سمعتها
« لو جان لدلال اخت جان خطبنها
لمؤيد
«همزين ماعدها،،،اخت،،،
وحتى لو عدها شنسوي،،،بيها
واني عندي بنات اخوتي
وخواتي ويترسون العين من
حلاتهم
كلامها جان بنغزه وضوجني
وجان صعبه عليه اسمعها تحجي
هيج وياي وبمصباح عرسي
سكتت وعمتي جاوبتها
بعتب
« ام محمد كلهن بناتنا،،،وماكو
فرق
عمتي سكتت وبعدين جاوبتها
بنغزه،،
« بس الگلب ومايهوى
واحنا مالنا سلطان على الگلوب
ام عقيل سكتت وماحجت شي
وراحت
ومؤيد ضحك ولزم گلبه
وكال
« اويلي شوكت يدك واحب من
صدك واكوم
احجي وي روحي مثل المخبل
« كووم ولك هو انته مخبل
من هسه،،، انوب من ادكوم اتحب
اشوفك تمشي على الحايط
« هههههه  شصرت ابو بريص
لو شنكبوت
« عوذه منك ومنه ،،،كووم
من يمي ،،،،
مؤيد كام وهو يضحك،،،واني
هم جنت اضحك رغم الكلام
السمعته
،،،
بذاك اليوم هاله ماخلتني اشتغل
وشهد من الصبح جانت رايحه
لاهلها ،،،وماشفتها الا
قبل السبعه مالتي بيوم
ومن اجتي سلمت من وره خشمها
وكالت
« شلونج دلال
« هلو شهد شلونهم اهلج
« الحمد لله يسلمون،،،
سكتت وبعدين،،،حجت وي محمد
« حمودي جيبلي الغراض من بره
لاتنساهن،،،،
« اي روحي ارتاحي انتي
هسه اجيبهن،،،
مشت وخلت هاله تتدردم
عليها،،،
« لاهلا بيج،،،اجتي وراح تبدي
المشاكل
جنت اشتغل وياها بالمطبخ 
لان ماقبلت
اعوفها وحدها،،،،،وسمعتها هيج
حجت
ماحجيت شي لان اني جنت اعرف
من هاله
شهد مرت محمد ام مشاكل
ولسان،،،
كملت الكباب،،،ورحت غسلت
المعجانه وخليتها فووك
السنك
« بعد عندج شي اسوي الج
« لا حبي،،،روحي ارتاحي
ومن يجون الولد اصيحج
حتى نصب العشه
« ايي امانه صيحي لاتخلي وحدج
«هههه لا مااخلي وحدي
لان زاد عدنا نفر وصار ثكيل
عليه
« عابت
جاوبتها بضحك،،،ورحت
للدرج صعدت لغرفتي وكبل
للحمام سبحت،،،،لان اكره ريحه
الدهن ،،كملت وطلعت
وحظرت هدوم عقيل، ،،،
تراكه،،،،،ومنشفته وخاوليه
علكتهن بالحمام ،،،
ورجعت سويت كم شغله، ،،بغرفتي
وكعدت امشط شعري
الي بس يبس يرجع يهوس
اني المصبرني عليه،،،،الاكثريه
جانت  ادكول  هوسته حلوه
واتلوك الج ،،،
جريت خصله ومن عفتها رجعت
لمكانها بسرعه
سبرنك عبالك،،،،هههه
ضحكت وي روحي،،،،ولميته
من سمعت خطوات بالصاله،،،
عرفته عقيل،،،
طب وسلم وهو مدنك
« الله يساعدج
« هلا عقيل
جاوبته وشفت هدومه كلها
دهن،،،وعرفته رايحه للورشه
مالته
عقيل مدمن سيارات ومحركات
وجان اي شي يصعب علي عماله
يخابروا وهو يروح الهم
« الحمام جاهز
« اي وهدومك بي
ذبيت السويج والمحفظه والجكاير
ومن ردت اطب دلال حجت
« جهازك نسيت اطلعه،،
مديت ايدي،،،وطلعت جهازي
وويا علبه هي انتبهت الها
واني رحت وضميتها بالخزنه
مالتي ،،،
طبيت للحمام نزعت ملابسي
بتعب ووكفت جوه الدوش
وسندت
روحي بأيدي على الحايط
واني مغمض،،،عيوني
فتحتهن وره لحظه،،،،وباوعت
للشامبو مالتها،،،والغسول
والصابونه،،،،
دووف جانت صابونتها،،، اخذتها
وشميتها واني جوه المي
ورجعتها لمكانها،،،،
ادمنت كلشي يخصها
ادمنت عذابي،،،،،الي
جان يفتر يمي ويتحرك وهو مو
حاس
بعذابه اليه
نار جنت وهي ثلج،،،
مي وجنت عطشان اله يرويني
وهو بخيل بگطره مو شربه
،،،،
كملت ونشفت نفسي،،،وطلعت
وهي طبت وراي،،،
عرفتها راح تغسل هدومي،،،
لان هذا الشي شفته
خلال اسبوع وانتبهت لهوايه
شغلات بيها
دلال مرتبه ونظيفه،،،،،،كلش
ونومها قليل،،،،وتكعد من الصبح
ومو من ذني الي ينامن للضحى
هادئه،،،وتضحك للهوى،،،
واكلها بفهاوه،،،وتصفن مرات
وتحسها تروح بغير عالم
واكثر وقتها من نصير وحدنا،،،
تكعد تكتب،،،بدفترها الشفته
بجنطتها،،،لو تقره قصص
اشياء خلتني احبها بعد اكثر
واتمنى نصير واحد
،،،،
شلت هدوم عقيل وخليتها
بالغساله وفتحت المي الحار عليهن
حتى يروح الدهن ضفت
تايت ومعطر ملابس
وشغلت الغساله،،،وطلعت
« محتاج شي راح انزل
اخلي العشه وي هاله
هزيت راس بلا،،،،وهي طلعت
وسدت الباب وراها
،،،،
بيوم السبعه مالتي،،،رحت للصالون
ولبست بدله،،،مكشوفه من فووك
وقصيره وكلوش،،،،،جان لونها
احمر فاتح،،،،
« ولج دلال هاي احلى بدله
لبستيها ،،،،
« اايي ام الصالون هم كالت
عليها حلوه،،،
جاوبت هديل،،،،،الي جانت
وياي بالغرفه مالتي
« خلي اخلي الج وشم على
ايدج
سكتت وهي خلت وشم ورده
على ايدي ووياي اسم
عقيل
« فدوه لاسم اخويه ،،
وفدوه لهل الايد البيضه
ابتسمت الها وعيوني راحت لاسمه
الي جان ظاهر ،،،وبارز للعيون
لزمته من راحت اجيب
الذهب من الكنتور،،،،،
الباب انفتح،،،وهو طب
جان جاي من الدوام،،،،،
جمدت بمكاني لان جنت لابسه
هيج ومكدرت اتحرك وهو
اول ماشافني
صفن عليه،،،عيونه تغيرت
بلحظه،،،وبنفس اللحظه
دار وجهه مني
واخته حجت
« عقيل
اجيتك بوكتك،،،شوفها لدلال
شلون طالعه هههه  على كوله
عمه سحر ،،،،،لعابه روسيه
عقيل سكت وهديل،،،كملت
بضحك
« اني راح اطلع اخذوا
راحتكم
هديل طلعت واني ظليت لازمه
اسمه بأيدي ،،،هو مشه من يمي
واني،،،، شلت الشال ولفيت روحي
بسرعه ،،،،
ذبيت الجنطه،،،بالكاع وتمددت
بهدومي على الفراش
غمضت عيوني وخليت ايدي
على وجهي وحجيت كوه
« اريد انام وارتاح
من تطلعين طفي الضوه وراج
وسدي الباب
« ايي هسه بس اكمل
لبست ذهبي
بسرعه،،،،،ومن اندك الباب
رحت طفيت الضوه،،،وفتحته
وطلعت وي هاله وهديل
،،،،
بس طلعت كمت من الفراش
ورحت لهدومها الذابتها
شميتهن واني مغمض،،،عيوني
معقوله الواحد،،،،،، يحس
بداخله بكومه مشاعر،،،
وجع الم قهر مرار ندم تعب،،
احباط عتب
كلهن جانن بيه،،،،
مشاعر تعبني،،،،وخلني امشي
بدون وعي،،،
صفناتي كثرت وعصبيتي جانت
قاتله وكمت مااتفهم
وبالورشه اصيح وبالدوام هم
اعصابي كامت تفلت مني،،،
والكل انتبه الي واولهم اخويه
مؤيد ورسول ويا
وكل منها،،،،
ذبيت هدومها بضوجه،،
ورجعت تمددت،،،،،سمعت الهوسه
وغمضت عيوني،،،
مو عرسي هذا هاي جانت
جنازتي
هذا حكم الاعدام الي
اني جبته لروحي ،،،،
مكدرت انام وظليت اتگلب
ووره وين غفيت
وكعدت من
سمعت الباب انفتح،،،وعرفتها
دلال طبت تمشي بهدؤ
وفجأه صاحت
،،،،،
كمت بعد اجتني هاله وهديل
ولحن ،،،،،عليه اركص وياهن
ركصت شويه وبخجل وبعدين
كعدت
بعيوني،،،،، شفت بالسبعه مالتي
كره ،،،،،،،وحسد بعيون بنات خال
عقيل وجانن يباوعن بسم عليه
وشهد جانت واكفه وياهن
وحسيتها تحجي عليه من نظراتها
وضحكتها الصفره
ساعه تسعه فضت السبعه
ودعت امي واقربائي،،،،وصعدت
وحدي لغرفتي
جنت اريد اذب البدله وارتاح
طبيت والغرفه ظلمه،،،،
ماعلكت الضوه لان عقيل جان
نايم ومشيت بالظلمه
جان ضوه الحمام،،،يضوي
اني دامشي فات شي من بين
رجلي وخلاني اعيط بصوت
عالي
« يمممممه
فزيت وگلبي هبط،،،
وعقيل رأسن حظني وصاح
« اسم الله شبيج
من خوفي جلبت بعقيل
وكمت ارفع رجل وانزل رجل،،،
« دلال شبيج
صوتي كوه طلع وحجيت
واني ابجي
« ماادري شنوو فات من يم رجلي
عقيل عفيه شنوو هذا
« لاااتخافين يجوز بزون
فاتت من باب البلكون
حجيت بنفس ثگيل ،،،وكمت انازع
لان هي جانت بحظني
ولازمتني بقوه
« كول والله
حجيت هيج واني افتر بعيوني
بالغرفه
« خلي اعلك الضوه واشوفه شنوو
عفتها وهي لزمتني من وره ومشت
وراي بخوف
علكت الضوه،،،وانداريت
عليها وحجيت بگلبي
«انتي  البزون،،،بعيونج الخضر
والمكحله بحكل جريتي
من تكحلتي بشخطه
بگلبي،،،،
ظليت ادور بعيوني،،،،على
البزون
ومن شفتها جوه الجربايه
صحت ولزكت بصدر عقيل
بدون وعي
« ذيج عقيل، ،،يمممه
صحت وهو لزمني بقوه
والبزون من خوفها ظلت تركض
منا ومنا،،،
غمضت عيوني بقوه،،،
ومن خوفي ردت اطب بضلوعه
البزونه طلعت وهي بعدها خاتله
بحظني،،،ايدي لاشعوريا
حظنتها،،،،،
دقائق مرت عليه واني اتنفسها،،،
واحس ببشرتها على وجهي
دقائق وحست ووخرت بسرعه
وخلتني جسد بلا روح
ردت احظنها
بس ماكدرت لان شفت نظراتها
شفتها شلون كرهت روحها
لان جانت بحظني واحتمت
بيه
رجعت خطوه واني اباوع عليها
بقسوه،،،وطلعت بسرعه
من الغرفه،،،
ورحت لسهر رحت للشرب
الي ينسيني،،،عذابي
عذاب اخر دورته حتى انسه عذاب
تحياتي لكم
اوتار حزينه