انقذني من انتقامي

بارت 27

#أّنِقِذّيِّنِيِّ_مَنِ_أّنِتّقِأّمَيِّ
#بِقِلَمَ أّوِتّأّر حٌزِّيِّنِهِ
#أّلَجِزِّء أّلََّسأّبِعٌ وِأّلَعٌشٍروِنِ
،،،،،،،،،،،،،،،،،،،،،،،،،،،،،،،،،،،،،،،،،،،
،،،،،،،،،،،،،،،،،،،،،،،،،،،،،،،،،،،،،،،،،،،،،،،،
،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،
ذلك الطريق الذي،،،،سلكته
كان كالدائره،،،،ادور وادور
فيه واعود اليك،،
بدون،،،،،، قيد او شرط،،،،
نصفي ،،،،،انته،،،قيدي
سواء رضيت ام رفضت
مكبله انا،،،،، بك بحبل
وقيد من ذهب،،،
مكبله بك،،،،،،ولا استطيع
رفضا او هرب
وكنت لي،،،، وطن ومنفى
في نفس الوقت
،،،،،،،،،،،،،،،
جانت عمه علاهن يمنا،،،واني
نايمه وخاله راسي
بحظنها وهي تقره على راسي
ايات،،،،غفيت بحظنها،،،وبين
النايمه والكاعده
سمعتها حجت
« يولي سحر هاي نامت،،،
« عوفيها علاهن وخليها ترتاح
الليله كله مدتنام،،،وكل ساع تكعد
وهي تعيط وتبجي
« سوده عليه،،،من عساها بحظه
وبخته السوه بيها هيج
عمتي سكتت،،،وبعدين
شغرت لله،،،وهي فاتحه صدرها
«وينك ياالعباس يبو راس الحاره
اريد شورتك وينك ياجدي
موسي الكاظم اريد شورتكم
وفزعتكم لدلال،،،،
اريد برائتها تطلع،،،اليوم قبل
باجر،،،،واني اجيكم
عمتي،،،، دكت الكاع بايدها
وبجت وصاحت
« نذر اجيكم ،،،بس يطلع حق
دلال،،،
بجيت بحظنها وامي اجتي
وهي تبجي،،،،وكومتني
وحجت بقهر
« كاافي ماما تره راح اموت
من وره قهرج
سكتت،،،،،وكمت واني اشهك
وابجي،،،،،،،ورحت لغرفتها
تمددت هناك ،،،وهي لحكتني
« دلال
« مابيه شي ماما وعوفيني
اريد انام،،،،
« لاتظلين تبجين،،،موزين
على كلبج
سكتت وهي راحت،،
جنت مغمضه عيوني من طلعت
فتحتهن وباوعت لبتوتي
وهمست،،،،، اسم مانسيته
الي جان،،،،،، وطن لي
صار منفى،،،،،،،،بظلمه
« عقيل،،،،اااخ
كمت من مكاني،،،،ورحت
لجنطتي ڪــڔٰا̍ڕ
فتحتها ،،،،،وطلعت دفتري
فتحته،،،،،، وطلعت صورته
صفنت بعيون مغورگه علي،،،
جان لابس قاط المهر
الاسود،،،،ورافع رجل ومرتجي
بيها على السياره وخاله ايده عليها
جان يضحك لان عقد عليه
غمضت عيوني ورجعت بالزمن
ليوره،،،،
جنا كاعدين بغرفتنا
واني جنت مرتجيه،،،بظهري
على صدره واباوع بصور
سفراته،،،،،،وطلعاته وي اصدقائه
بالمولات وبالشغل
شفت صوره وسالته
واني صافنه عليها باعجاب
واضحك
« اهنا ليش تضحك عبن عقدت
عليه موو،،،،
« اي جنت فرحان لان عقدت
عليج
وعبالي كسرت خشمج من
سويت هيج بس من شفتج بالبدله
عرفت اني الي انكسر
خشمي
ابتسمت بالم،،،،من تذكرت
شلون دارني علي،،،،
وحجه بصوت يرجف وبوجهه
متغير
« رغم كلامج وياي ورغم قسوتج
مكدرت اكرهج،،،،وحبج
مشه بدمي،،،، مثل المرض
وخلاني اريد الدوه ،،،وهو جان
غالي ويتعزز عليه
ابتسمت،،،،، ورفعت كتفي اله
بغرور وهو،،،،
ابتسم ودنك،،،،،،، وهمس
يم شفايفي
« مغروره ويلوك الج الغرور
حجه هيج وباسني
فتحت عيوني،،،، من حسيته
يمي وحراره جسمه ،،،،حسيت
بيها ،،،،،وخلت گلبي يدگ بسرعه
انهاريت وبجيت بحركه گلب
واني اضرب على رجلي
من قهري،،،،واردد
« ذبحتني عقيل،،،انته قبل الكل
ذبحتني وظلمتني،،،،
ظلمتوني كلكم،،،،،،حسبي الله
عليكم،،،،
سكتت ورفعت راسي ليفوك
وناجيت الي مابيني وبينه
حجاب،،
« يالله انصرني،،،يارب
ماعندي غيرك،،،،،واكفه ببابك
لاتردني،،، طلع حگي من كل
واحد ظلمني،،،،،،
ربي اني مغلوبه فأنتصر،،،
والنصر اجاني،،،،وزلزل الكل
وخله راسي ينرفع،،،،،،،كدام
الكل بعد ،،،مافضحوني
بالبيوت،،
قبل ،،،،،زاوج عقيل باسبوع
جنت بغرفتي،،،،فجأه
حسيت بخنكه مو طبيعيه،،،
وروحي فرفحت،،،،دموعي نزلت
لاراديا وعقيل شفته كدامي
گلبي نغزني،،،ولزمته بخووف
وحجيت بصوت مخنوك
« عقيل بي شي،،،،،
حجيت هيج،،،ونزلت
جوه،،،،باوعت بالوجوه وشفت
امي وهاله مابيهم شي،،،
الامور طبيعيه وجانن ديسون بورك
بالمطبخ،،،
« هاا ماما بيج شي
هزيت راسي بلااا واني متوتره
كلش،،،ورحت
للاستقبال،،،،
ابويه،،،عنده مكتبه بيها
ويكعد يقره كتب،،،،
باوعت علي،،،،وشفته مندمج
بالقرأه،،،عفته،،،،
وطلعت للحديقه واني اردد
بس بدون اقتناع،،،
«ماكو شي،،،،،،،ايي هو مابي
شي ،،،
كلمه ردت اطمن بيها روحي الي
فرفحت مثل الطير من يلزموا
وروحي واحساسي
ماطلعوا غلط،،،لان وره ساعتين
سمعنا عيطه هاله،،،،من الغرفه
امي راحت عليها ،،،،،، هي وابويه
وعمه علاهن وراهم وهي
ادكول
« استر يارب،،شصاير
اني رجلي بادن ومتت بمكاني
من الخووف ،،،،دموعي نزلت
وكلت عقيل راح،،،كمت وره
دقائق،،،واني احس گلبي
صار ،،،،طبل من دكاته السريعه
والقويه مشيت كوه
ورحت لغرفه اخويه، ،،،وكفت
يم الباب وشفت هاله املخ
روحها وتكمز ،،،،وتصيح
« كتله ولكم عقيل كتله راااح
اخويه انتهى،،،،،، ولج شهد ثريا
من عساها،،،،،،، بحظجن وبختج
ضيعتن اخويه وهجمتن بيته
« ولج كاافي وخلي نفتهم
شصاير،،
غسان صاح بيها وكعدها بالكوه
وامي شربتها مي. ، وغسلت
وجهها،،،وعمه علاهن
صاحت بيها
« ولج يالمعزايه شبي عقيل
والمن كتل
هاله حجت بشهكه وهي تضرب
على رجليها،،،،
« عمه علاهن هديل خابرتني،،،،
وكالت عقيل كتل الولد،،الي
سكت وكامت تضرب
على وجهها
وغسان لزمها،،،وحجه بهدؤ
وياها
« هاله گلبي كاافي تسوين
بروحج هيج،،،وفهمينه شصاير
بعقيل والمن كتل،،،
« ولج شدتحجين انتي
ومنو الكتله
« ولكم كتل الي فضح دلال
ولكم عرف هي الدازته
يبووو عليه،،،،يبووو
اخويه راح،،،،
« يبووو عزه العزانا اذا صدگ
عمه علاهن كعدت بالكاع وكامت
تضرب
على وجهها
وهاله ملخت روحها،،وغسان
لزمها وهي باوعت
عليه وصاحت
« ولج دلال عقيل راح
اخويه،،،ضاع من وره كحاب
ابويه طلع من يمها،، وهو يخابر
وامي حجت وياها وهي تبجي
« كولي الله يمه وخلينا نفتهم
الصار،،،،
« غسان وديني لاهلي،،،،
اريد اروح واشوف شصار،،،
هاله حجت هيج وفزت وكامت
وغسان لزمها وحجه
« وللج وين اوديج،،،اكعدي هسه
خلي بس نفتهم السالفه
هاله لطمت وجهها وصاحت
بانهيار
« اخويه راح،،،ولك اخويه كتل
واحد،،،من وره دلال ،،،،،
والصار بيها،،،،ولج كتله للي جان
يراسلج لان عرفه من طرف شهد
وثريا،،،،وهن الدزنه عليج
صدمتي بعقيل ،،،،والي سمعته
مسوي،،،،،جانت اكبر من
ظهور برائتي،،،،
وابويه،،،،بعد ماافتهم من مؤيد
اجه وحجه
بعيون مغوركه
وهو ياشر
للسما
« يابه دلال طلعت برائتج،،
وربج نصرج من عالي السما
طلعت برائه بنتي وهاي اللحيه
ظلت بيضه ومحد وصخها،،،،
ثوبج ابيض يابه،،،،
وراح يظل هيج طول العمر
سمعته،،،،،،واني ابجي،،،وجسمي
كله يرجف،،،
من الصدمه ووالخفقان القوي
وكعت يم باب غرفه اخويه
اني بوعي حسيت امي خلت الحبايه
بحلگي،،،وشربتني مي
« ولجن ساقطات شحصلتن
من وره
عملتجن هاااي من الله لاينطيجن
،،هجمتن
بيت بنتي ،،،،،،ومرضتهن
وفوكاها الولد راح من وراجن،،،
بجيت بحظن امي،،،،على حظي
وحظه بجيت بقهر وروحي انمردت
علي،،،،،،لان عرفته
هو هسه حاله اتعس من حالي
وعرفت هو يتمنى الموت ،،،
ولا سوه السواه
عقلي مااستوعب،،،،خيانه دلال
الي،،،،وماتحملها،،،،
وحسيته باي لحظه راح
يروح مني،،،
ضربتها وقسيت عليها،،،
وبكل ضربه جنت اضرب روحي
اني وياها
الضربه جانت بيه اني ،،،وخلتني
اصيح من كل گلبي واني كاعد
وحدي بجوله مابيها بشر
« ليييييش ولج لييش،،
ليش سويتي هيج،،،،،
وشنوو الصار ،،،
جنت اسكت واني ارجف
من عصبيتي
وارجع اصيح واني اضرب
بروحي
بقوه،،،واكمل بجنون
«وين حبج وين الشفته منج
جااان ،،،،،جذب يولي
جنتي،،،،، اجذبين عليه،،
دلال كلتيها وسويتيها،،،بيه
ولللج سويتيها،، وحركتي گلبي
سكتت والدم الطلع منها
شفته بعيوني،،،،،وخلاني اصيح
من جريح گلبي
« اذيتج،،،،،وووولج اذيتج
واني حلفت،،،مااذيج،،،
اذيتج دلالي،،،من انكسرت
ايدي
سكتت واني اهز بروحي،مثل
المخبل
وكملت وره لحظه من
صورها مرن بسرعه بخيالي
واني اجز على سنوني
« تستاهلين يولي،،،،تستاهلين
الموووت دلال،،،
تستااااهلين
صحت بصوت،،،،واني اضرب
على گلبي،،،
الليل كله،،،، ظليت كاعد هناك
ووجه الفجر رجعت،،،للبيت
اني بغرفتنا،،،سمعت جهاز
دك،،،،دورت علي بالكنتور
ولكيته بجنطتها،،،،
فتحته،، من دك وماجاوبت
وهو كال
« الو دلال وينج حبيبي
صارله شكد ادك عليج،،،
تخبلت وكمت افشر علي،،
وهو جاوبني تدفع هيج مبلغ
ماانشر صورها،،،ماتدفع صورها
راح تشوفها بالفيس
انهاريت،،،،وهو سد الخط
بعيون جامده وايد ترجف،،،
شفت محادثاتها وصورها ويا
كلمه ظلت لازكه بشفتي
ورددتها بجنون
«عرضي راح،،وراح اصير
علج بالحلوك
جنوني وخبالي،،،،طلعته بالغرفه
كسرتها واني اصيح
واغلط وافشر،،،،واخوتي
كوه لزموني، ،وطلعوني منها
الصبح،،،اجتي قوه اخذتني
من وره ضربي لدلال والي
عرفتها
هي ،،،،بين الحياه والموت
بالسجن كعدت وصفنت،،،
بجمود واني اضرب براسي، ،
بالحايط،،،، واردد بهذيان
«المووت اجاها عقيل،،،
دلال دتموت،،،، وانته السبب
حاجيت الموت بتوسل،،،،
« اخذني وياها تعال اخذني
وخلصني،،،،،، من هاي الدنيا
يااارب،،،،موتني وياها
لاتخليني،،،،، عايش
تره راح اكتلها لروحي،،،
،،
اني بالسجن،،،عم حميد اجاني
هو ورسول ومؤيد،،،،،
وعرفت منهم دلال دخلت
بغيبوبه
جنت اسمع واني ساكت،،،
وصافن لغير جهه
عشت بصمت،،،،لان الصار
ضربني براسي ضربه
خلتني،،،،افقد الشعور بالحياه
ووره وين ومن كلي عم حميد
طلگ وعوف ولدك الها
هزيت راسي،،،باي
وطلعت واني مو اني،،،،،
وجان اليحجي وياي
اهز براسي
باي بدون ماافهم شيحجي
عالمي انهار،،،بين ليله ويوم
وكرهت روحي والدنيا،،،طلعت من
عيني،،،،،بعد الشفته
فقدت الوعي والادراك،،،،
وضعت،،،،ورجعت لنقطه الصفر
رجعت اشرب حتى انسه
وكمت اطووخ بالشرب الما افقد
وانام بمكاني،،،،
وامي من كالت اخذ ثريا
بعد اسبوعين،، وافقت بهزه راس
وانتهى الموضوع،،،،
انهزمت من بيتنا،،،ومن كلشي
وظليت بالدوام وماانزل،،،
قبل زواجي،،،باسبوع
رسول خابرني وكال تعال
عندي حجي وياك،،،
بالاول ماقبلت،،،،بس من كلي
« عقيل تعال لبيتي،،،الموضوع
يخص دلال والصار بيكم
« رسول سد الموضوع رحمه لاهلك
وخلوني انسه
« ولك دلال طلعت بريئه وهذا ملعوب
من
رسول سكت واني فزيت من مكاني
وصحت بي
« ملعوب شنوو ومن منوو
ااااحجي ولك
صحت باعصاب ترجف
وهو حجه بهدؤ
« عقيل الحجي مو بالتليفون
تعال،،لبيتنا وانته تعرف كلشي
« جاااي ولك جاي
صحت،،،وطلعت بسرعه بدون
مااخذ اجازه
طول الطريق احجي واردد
بذهول
«شنو ملعوب،،ومن منو ولييش
عقلي ضرب،، وردت بس اوصل
واعرف شنو الفلم
ووصلت وطبيت لبيت اختي
وشفت هديل كاعده وبحظنها جهاز
وهي تبجي ومؤيد
يفتر يمهم وينافخ بعصبيه
« اااحجي شنوو ملعوب
ومن منو
« عقيل اكعد واهدأ وخلينا نفهمك
الصار
« واللك ماتحجي،،،مو راح
اتخبل
« ااانطي الجهاز مال هاي
الساقطه
وخلي يشوف شلون ظلمها لدلال
واحنا وياااا
مؤيد صاح وطفرت الدمعه
من عيونه وهديل باوعت لرسول
الي اشر براسه وكال
« انطي جهاز ثريا
هديل كامت وانطتني الجهاز
وكالت
« روح للفايبر وشوف برائه
دلال بعيونك
حجت هيج وشهكت بالبجي
صفنت عليها وكلبي رجف
وجسمي كزبر من حجت
هيج
فتحته، بايد ترجف،،،،ورحت
للفايبر ،،،،وهناك شفت
محادثات،،،بين ثريا،،
وواحد اسمه علاء
وصور دلال جانت هي
راسلتهن اله
وطالبه منه يراسلها ويهددها
بيهن،،،،،
عيوني ركزت بجمود،،،على
محادثه بينها وبينه
« اختي خلت الجهاز بغرفتها من
اكولك دك،،،دك حتى عقيل
يسمعه،، وانته لاتسده من
يحجي وافضحها للخاتون،،،
وبس تكمل هذا الرقم اكسره
حتى محد يگدر يوصل الك
« اوكي ياام عقل الاجرام
« هههه اعجبك اني،،،
« ايي واني شحصلت
من هذا كله
« بس اصير مرته وبيته ادلل
اغرگك بالفلوس وهسه
تشوف
« ديله خلي نشوف ،،،،،
ظليت اقره بعيون مغوشه
وراس ثكيل،،،،،
ووره وين
رفعت راسي واني مصدوم
ولساني انعكد،، ،،،ومؤيد
حجه
« شفت يابه،،،شفت بعيونك
برائه دلال،،، ولك امدانه من شكينا
بيها وصدكن هي تكدر هيج
تسوي
وهديل حجت وراه
« غاده مرت عمار،،بنتها سامعه
ثريا ادكول لشهد شفتي
سوينها،،،،،، وطلعن
دلال بفضيحه،،،سوده
وهسه عقيل صار الي ،،
هي،،،من سمعت هذا الحجي
من بنتها عرفت هن،،،وره الصار
واخذت جهاز ثريا بدون ماتدري
لان كل اسرارها بي
وجابت الي وحجت
الصار وامنت امانه
ماانكول
هي الي حجت العرفنا منها
ولا هي الجابت الجهاز
« اني اخذت عقيل وفتحته
وشفت بي بلاوي،،،،
الساقطه،،،منطي رقم دلال لاكثر
من واحد،،،،،،وصورها لهذا
صاحبها حتى يهددها
بيهن
« اااااويلي يابه،،،ولك
عقيل شسويت،،،
صحت من جريح گلبي
وطلعت بسرعه،،،،
« يبووو ولكم الحكوا راح على
ثريا
رسول طلعوا وره عقيل
ركض،،الي ركب وراح لبيت
خاله ووره،، همه
فقدت وكمت اشوف
دم بعيوني
وعقلي،،،،يسترجع
بالمحادثات من كالت
«اجي بحجه الرصيد حتى
اشوفك
صوره الولد الشفتها
بجهاز ثريا انطبعت براسي،،،
وعرفته،،،،،،،،،واحد براس
الشارع ،،،،،مالتهم عنده محل
مال موبيلات،،،
وصلت،،،،،، براس شارعهم
ونزلت،، ودورت بعيوني،،
علي،،،وشفته واكف،،
ويضحك وي واحد
تقدمت بسرعه،،،،وصحت
واني جاز على سنوني،،،
« علااااء
هو بس شافني ارتبك،،
ماانتظرت كلام ولا تفاهم، ،لزمت
من صدره وشلت وركعته بالكاع
اصدقائه التمو عليه
ووخروني،،،منه،،،وهو كام
واني صحت
« ولك عاااار اليوم اذبحك
« اامشي ولك وروح لم مرتك
احسنلك،،،لا افضحكم
هو حجه هيج،،،انتهى كلشي
نفضت الي لزموني،،،
وجريت سلاحي من وراي
وسحبت اقسام،،،وووجهته
علي
بهاي اللحظه ،،،،،،رسول لزمني
والطلگه،،،،،، ثارت وضربت
الولد بصفحته،،،،،، ووكع بالكاع
رسول سحب السلاح مني
واني دفعته ورحت
تفلت علي الولد وكمت اضرب
بي وااصيح
« مووت ياعار يادون،،،مووت
ياساقط
مؤيد سحبني منه،،،،
وهو يصيح
« ولك عقيل شسويت،،،،
دفعت اخوي ورحت اركض لبيت
خالي
وصلت دفرت الباب
وطبيت،،امها جانت بالكراج
من شافتني فزت وصاحت
« عقيل شبيك،،شصاير
« وين ثريا وين بنتج الساقطه،،،
« شنوو ساقطه،،، عيب
عليك هذا الحجي ،،هاي مرتك
« انعل ابو مرتي لابو الجابها
وووينها،،،ووولج
عمار طلع،،،وحجه
« عقيل شصاير،،،،
مجاوبته،،،لان شفتها طلعت
رحت عليها بسرعه،،،ودفعت
اخوها من صار بوجهي ،،
لزمتها من شعرها ،،،وكمت
اضرب بيها بوكسات
فقدت عليها،،،وملختها
جنت عبالك داضرب
رجال مره
كلما يجروني منها ارجع
عليها
واضرب بخبال،،،واني اصيح
« ولكم عوفوني خلي اگتلها
لهاي الساقطه،،،
«شكووو شصاير
خالي طب وهو يصيح،،،
ومتفاجأ ،،،،،بالشافه
بالناس الي التمت،،،
علينا،،،
،،،،،،
الصار بعدين،،،عقيل سلم
نفسه للقوه الي اجتي،،
،،،والولد نقلوا للمستشفى
،،،،،،،،
مؤيد لحك اخوه،،،
من اخذوا،،،
ورسول فهم عمه مرتضي الصار،،،،
وعمار من شاف جهاز اخته
وشاف المحادثات،،،،وصورها
هي الدازتهن لكم واحد،،،،تخبل
وراح هد عليها،،،،
ابوها حيله انهد ونزل راسه
وكال
« لو كاتلها هوايه احسن
سكت وبجى وكمل
«ولكم ليش ماخليتوا يكتلها،،،
لهاي العار،،، لو ذابحيها ولا
شفت الشفته،،،،،
البنيه مثل الثوب الابيض،،،،
اذا وكعت علي،،،نقطه سوده
شوهته،،،،،،،،،،وخلت بي
اثر يبقى طول العمر
السمعه الطيبه والشريفه
انتي تبنيها،،،بنفسج مو ورث
يجيج من اهلج،،،او زوجج
وغض البصر والحياء، ،،،زينه
البنت والمرأه،،،،وتاج راسها
عفتها،،،،
،،،،،،،،،،
بيت عقيل انگلب وهاله
راحت الهم،،،وعمي حميد اجه
من سمع،،،بالصار
الولد مامات،،،،،،،،لان الاصابه
جانت مو قويه،،،،وره كم يوم
كعدوا كعده مال
عشاير ،،،،، الولد طلعت عنده سوابق
ومن،،،،،، سمعوا بي صاير
بي هيج طلعت سوالفه وكلها
اشتكت علي
اهله ،،،،رادوا يسدون الموضوع
لان كبر،،،،وانفضحوا،،، بالمنطقه
وكعدوا كعده عشايري
شيخهم وشيخنا وكعوا حگ علي
لان شهر بسمعتي وعرضي
وابويه من عرضوا علي فلوس
ماقبل،،،وكال
« هذا عرض واحنا ماناخذ
فلوس بدل عرضنا ناخذ دم بداله
وابنا اخذ حگنا ووكفى ووفى،،،،
والي اريده ابن اخويه
يطلع،،،وبعد مالنا حگ يمكم
وعقيل طلع، ،،،والسالفه انسدت
والي عرفته بعدين
اهل الولد شالوا من المنطقه
لان عمار،،هم هد عليهم
من وره اخته ،،،الي انفضحت
بالمنطقه وعقيل طلكها
وره ما طلع
وشهد من واجهوا
نكرت وكالت جذب هاي هي
خلته مو اني ،،،وحالفه بالقران
جذب، ،،،،
حوبه القران تطلع،،،ولو بعد
حيين
،قصتهم انتهت
وبقت قصتي،، الي مالها
نهايه
من فضت الهوسه عمي حميد
حجه وي ابويه وكله
« ابو زياد،،،، عقيل
بس كال اسمه ابويه فز وكام
وكال
« حميد لاتجيب طاريه چدامي
وسده للموضوع،،،دلال
مالها رجعه اله
« حقي لخاطري،،،،تره هو هم
انلعب عليه،،،
« ااابد والله ورح لابويه يحلم
بعد يشوف اظفرها. ،،
« استغفر الله ياربي اخوويه
تعوذ من الشيطان،،،واسمع
من اخوك
عمه علاهن حجت،،،،وابويه
جاوبها بصياح،،
« علاهن مااسمع شي،،،وكلامي
نهائي بنتي ماترجع لعقيل
«حقي اسألها ولاتشيل خطيتها
جنت كاعده بالصاله واسمع
الحجي،،،،،،،ومن صاحني
ابويه كمت ومسحت دموعي
ورحت
علي وهاله وراي
تتوسل بيه ارجع لاخوها
طبيت،،،،ورحت كعدت يم امي
من اشرت الي
« يابه دلال عقيل يريد يرجعج
شدكولين،،،
سكتت وعيوني راحت لهاله
الواكفه بالباب وتبجي
وتهز براسها،،باي
« اااحجي بابا ولاتستحين
سمعت صوت ابويه،،،
ولميت ايدي بقوه بحظني
واشرت براسي بلااا،،،
« ها حميد شفتها بعيونك هي
ماتريد ترجع،،،اله
« دلال بنتي باوعي عليه
رفعت راسي لعمي،،،،وهو حجه
« بنتي هو تندم ويكول شيرودون
اني حاظر وحتى لو تريد تطلع
بيت وحدها اشتري واسجله
باسمها بس هي ترضى
دنكت راسي ،،،ودموعي نزلت
وهزيته بلاااا
« ابو غايب بنتي ماترجعله بعد
وخلي فلوسه اله هي مجانت
محتاجه
منه غير الاحترام والثقه،،،
عمي سكت وهاله حجت
« عم حقي هو جان ضحيه
وانلعب علي حاله من حال دلال
«يابه هاله اكو عقل اكو
شي اسمه ينتظر ويدقق بالموضوع
مو يحكم وينفذ حكمه
« هاله بداعه بنتج
احجي الصدگ ابني لو ضاربج
هيج ومسوي بيج مرض بالگلب
تشربيله حبايتين باليوم
ترجعليه،،،،
هاله سكتت من امي
حجت هيج،،،واني كمت
« دلال ارجعي بداعه ولدج
تره عقيل راح يمووت
من وراج
صفنت بعيون هاله من حجت
هيج،،،وجاوبتها بغصه
بگلبي وروحي
« جذب يموت وراي هاله
لان،،،وره كم اسبوع
راد يتزوج،،،،
هاله سكتت وباوعت عليه بتوسل
واني انداريت على عمي
وحجيت ويا
« عمو،، حميد
عقيل لو يعادلني
بالذهب ،،،،بعد ماارجع اله
لو يخلي،،،،، بايدي هاي روحه
بعد مااصيرله مره ،،،
روح كله دلال ادكول هيج
،،،،،
مو غرور اني مو مغروره
ولا شايفه،،،نفسي
جمالي مجنت اريده لان جنت
اشوفه نقمه مو نعمه،،
جمالي خله الكل
يبتعد عني،،،ويكولون
عليه مغروره،،،وشايفه نفسها
من اني صغيره،،،حسيت بروحي
منبوذه من البنات،،،،،،وكبرت
واني ماعندي صديقات،،،وجانن
بس على كده الدراسه
جنت اريد وحده احسها اختي
احجي الها،،،البيه واسمعها
ماكو هذا الشي،،،،
عالمي جان بسيط،،،،بين
البيت والمدرسه،،،واكثر وقتي
جنت اقره قصص او الهي روحي
بشغلات المطبخ او بالحديقه
والحب ماعرفته الا
وي عقيل،،،،
شنو شعور بنيه،،،،حبت
لاول مره،،،
الگلب مو هو،،،، ولا دكاته نفسها
والجسم ،،،،،يخذلج من تشوفين
حبيبج ويكوم يرجف،،،والعيون
تفضحج من تروح بشوگ ولهفه
اله ،،،الحب هوو حبيبج
هو تؤم روحج ،،،نصفج الثاني
دگ گلب،،،،، تنهيده عشگ
لهفه مجنونه،،،،،شووگ
يظل طول ،،،،،العمر وللموت
لووجه انحفظ بذاكره
الگلب والعقل ،،،وصار
اسمج الثاني،،،
اني، ،،عمري ماحبيت ولا حسيت
بگلبي دگ الا لعقيل،،،،،
حبيته بعد كره هذا اذا جان
كرهته اصلا،،،،،،
عالمي صار،،،،واحتويته
بكل البي،،،،،،
قبلت ،،،، بلكشي لخاطره
وتحملت،،،،هوايه
شغلات حتى اعيش
ويا مثل مارسمت بمخيلتي
وماردت منه غير الاحترام والثقه
وهو بلحظه،،،،،عدمها للثقه
من صدگ بعد الشافه مني
اني اگدر اخوونه،،،،،
ضربني،، واذاني ومرضني
وخلاني انازع 3 ايام بالمستشفى
وراح يريد يزوج،،،،
كل هذا يريدني انسى،،،،
وارجع اله،،،،،،،،
المره الي تنظرب مره وتسامح
راح الرجل يتعلم يضربها
مره ثانيه ،،،،
مجتعنا ظالم،،،،بحق المرأه
ودائما،،،،يضع اللوم،، عليها
واسمعي وتحملي لخاطر اطفالج
ووين تروحين،،، المراه
مالها غير رجلها
وبيتها،،، واسكتي الغلط منج
كلام كثير،،،، وافعال تبرر للرجل
افعاله، ،،،،حتى يستبد بعد
اكثر،،،،،
والله يكون في عون ،،،من
لا عون
لها،،،
،،،،،،
سمعت رد،،،،دلال واهلها من عمي
حميد وكمت بسرعه
« ووين،،،عقيل
طلعت واني اسمع صياح
عمي واخوتي وراي،،،،،
ركبت وهم ركبوا،،،، وياي
« ولك انته شتريد،،،تعلگها
وي عمك وولده،،،ارجع وكافي
فضايح
شغلت السياره،،،،وطلعت
واخوتي يحجون ويهدون، بيه
وعمي يصفك ايد بايد
ويكول
« استغفر الله ياربي العگل ضاع
والچبير بعد ماله كلمه عليكم
وصلت بسرعه ونزلت،،،
دكيت الباب، ،،وعمي حميد
طب چدامي
اني واكف،،،،شفت عمي
حقي اجه،،،وهو بس شافني تغير
وجهه وعمي حميد حجه
« ابو زياد عقيل يريد يحجي
وياك
« ماعندي كلام ويا والدرب
الجابه خلي يرجعه
طبيت ،،، واني احجي
« عم حقي اسمعني الله
يخليك
« مااسمعك وامشي اطلع بره
« ماااطلع،،،الا تسمعني،،،
صحت ومؤيد ومحمد لزموني
واني صحت
« ولكم عوفني مااسوي شي،،،،
اااريده يسمعني اريده يفتهم
اني هم انلعب عليه،،
ولكم اني رجال،،،،وغيرتي هي
الي خلتني اسوي هيج
سمعت صوته، ،ورحت للشباك
وخرت البرده،،،،شويه وباوعت
علي،،،
جان ضعفان وصافي النص
ولحيته عاليه،،،ووشعره هم
گلبي وجعني،،، ،،ودكاته زادت
ودموعي،،، الي مانشفت نزلت
بهدؤ عكس العاصفه
الي داشوفها كدامي،،،
جانو اخوته يجروا وهو يصيح
ويريد بس ابويه يسمعه
ومن صاح اسمي
« دلال ولج دلال والله ضحكن
عليه ،،،،،وخلني اذيج
ولج لو ميت بذاك اليوم ولا
سويت السويته،،،،
عضيت ايدي من قهري وكتمت
صرخه رادت روحي
تطلع وياها،،،
« عقيل ااامشي،،،
مؤيد جره من شاف ابويه كام
يصيح علي،،،،،
« دلال اطلعي ااريد اشوفج
ووولج دلال، ،،ووينج
اطلعي راح احركها لروحي،،،
من وره السويته بيج
ماطلعت، وكعدت بمكاني وكمت
ابجي بصوت قوي،،،وامي اجتي
عليه من بره وهي تحجي
علي،،،،
يِّتّبِعٌ