انقذني من انتقامي

بارت 17

#أّنِقِذّيِّنِيِّ_مَنِ_أّنِتّقِأّمَيِّ
#بِقِلَمَ أّوِتّأّر حٌزِّيِّنِهِ
#أّلَجِزِّء أّلََّسأّبِعٌ عٌشٍر
،،،،،،،،،،،،،،،،،،،،،،،،،،،،،،،،،،
،،،،،،،،،،،،،،،،،،،،،،،،،،،،،،،،،،،،،،
،،،،،،،،،،،،،،،،،،،،،،،،،،،،،،،،،،،،،،،،،،،،،
وكفت بمكاني واني جامده من
الخوف
وشفت عقيل شلون تغير وجهه
قسوه عتب خذلان شفتها بي
ملامح وجهه خلتني ادنك واني
مرتبكه
وضايجه من ضعفي وخوفي الي
خلاني
الجأ واله والزك بي
رفعت راسي من سمعته طلع
وسد الباب بقوه
مشيت برجل ترجف
وكعدت واني صافنه على
الباب،،،
گلبي جان يدك بسرعه من وره
الخوف
كمت وره دقيقه ورحت سديت
باب البلكون ،،،وعيوني تفتر
بالغرفه ،،،من خوفي
فتحت باب غرفتي، ،شويه
ورحت للحمام سبحت بسرعه وبدلت،،،،
ونزلت جوه،،،
دورت علي بعيوني،،،،وهاله حست
وكالت
« عقيل طلع،،،،
سكتت وشهد حجت بنغزه
«اكول شعجب طلع وعافج،،،
بهذا اليوم،،،
« يجوز عنده شغل،،،
هاله جاوبتها بضوجه وهي
كملت
« ياشغل هذا الي يخلي
عريس يعوف عروسته بالسبعه مالتهم،،،،،،،ويطلع بدون مايباوع
بوجهه احد
والله اني احس صاير بيناتكم
شي وانتو ماتحجون
« كلشي ماكو اطمني ،،شهد
عنده شغل مثل ماكالت
هاله
« هاااا شغله،،،،،،وشلون لعد
اجيتي تدورين علي
بعيونج،،،
شهد حجت هيج،،،وراحت وهي
تفر بأيدها
« عابت وخفت شكد حشريه،،
هاله حجت هيج واندارت عليه
وكملت بضوجه
« دلال لاتنطين مجال لشهد،،
ولاتخليها
تتدخل بحايتج،،،ورديها اذا حجت
بعد وياج هيج،،،هاي وحده
ماتستحي ولسانها فالت
« عوفيها هاله هيج بشر الواحد
يتجاهله احسن
«باوع هاي شتحجي،،اتجاهل
غير اموت، ،،،والله اذا
مااردها حجايه
بحجايه مااطيب واظل اكل
بروحي من قهري
« هههه هاي انتي مو اني
« اااخ منج اني ادري ليش لسانج
بس وي اخويه يطلع
سكتت وتذكرت الصار فووك
وهي كملت،،
« صار شي بينكم دلال عقيل من
طلع جان مو على بعضه لان
هو من يجي من الدوام،،،
مايطلع بعد لثاني يوم
هزيت راسي بلااا،،،وجاوبتها
بجذب
«لا هاله مصار شي،،،،
سكتت وهي هم
ولهيت روحي،،،بالشغل
عمه كوثر جانت بغرفتها،،،ومن
ردت اصعد شفت
شهد طلعت من
يمها،،،،من شافتني عوجت حلكها
وراحت لغرفتها،،،
مادرت بال الها ،،،،لان
اني اصلا اعرف
عمه كوثر ماتحبني،،،لا هي وبنت
اخوها،،،
صعدت،،،،ورحت للثلاجه الموجوده
بالصاله الفوك،،،اخذت بطل مي
وقوطيه ببسي ورحت
لغرفتي،،،
طبيت واني خايفه واتلفت،،
يمنه ويسرى
ماسديت الباب وخليته شويه
مفتوح من وره خوفي،،،،
رحت وكعدت على الجربايه،،،
وشفت الساعه بال12، ،،
بذيج الساعه ومن وره خوفي
تمنيت
عقيل يمي،،،
امان جان رغم خوفي منه
شلون حسيت هيج مااعرف،،،
مجرد وجوده وياي بالغرفه،
،،،ونفسه
وياي جان يخليني مااحس
بالغربه،،،ولا بالخوف
ردت الهي روحي بشي،،،،
فتحت القوطيه وطلعت
حب مصري
وبديت اكرط بي واقره قصص
جنت اصفن واطول بصفنتي
وبعدين اكتب بدفتري
خاطره،،،او بيت شعر
،،،،،،
طلعت من بيت اهلي ورحت
لسهر،،طبيت وهي جانت
كاعده ،،،ولازمه جهازها من
شافتني
كامت بوجهي واجتي حظتني
وكامت تبوس بي
غمضت عيوني بتعب وتمنيتها
دلال تمنيت هذا حظنها
وبوساتها،،،
هي ماحجت شي،،،لان تعرف
طبعي
وتعرف على شنو اتفقنا،،،
واستقبلتني،، مثل كل
مره
« هلا گلبي نورت بيتك
حجت هيج وورفعت روحها
وباستني
من شفايفي ،،،،
اني ردت انسه الصار،،،ردت
ابرد ناري،،، وي سهر
بستها بقوه وهي كامت تتلمس
بصدري،،،،،،وتتنهد
« احبك عقيل واموت عليك
ماجاوبتها،،،،واخذتها للغرفه،،
وهناك سويت الي جنت اريد
اسوي وي دلال
فقدت وكمت اهمس باسم
وحده واني نايم وي
وحده ثانيه
سهر ماحجت شي،، كملت
ووخرت منها وتمددت واني كاره
نفسي،،،والسويته
حسيت بروحي خنت، ،،دلال
خنت حبي الها ومشيت وره شهوتي
ونزوتي،،
للحظه شعور الندم ظل وبعدين راح
وتبخر
حجيت بصوت وبدون وعي
« انتي الي خليتني هيج اسوي
برودج رفضج صدج الي
خلاني اسوي هيج
سكتت من حسيت بسهر كامت
وهي تبجي
كمت وراها،،،ولبست ملابسي
وحجيت وياها واني افتر يمها
وامسح براسي
« سهر اني اسف بسس
« ادري گلبك موو الي وادري انته
تحب بنت عمك وهي ماتحبك
وادري اني بعد مالي مكان
بحياتك
حجت هيج وغصت بالبجي
صفنت عليها بقهر ورحت
كعدت
يمها ولزمت ايدها وجاوبتها
« مو بايدي سهر،،،،گلبي هذا خاني
وحب وحده ذلته
سكتت وبعدين جاوبتني والالم
بوجهها مايتفسر
« عقيل،،،،
جنت اريد اكرهك وادعي عليك
لان انته عفتني بس مكدرت
سكتت وهي كملت بقهر
« تدري ليش مكدرت ادعي
عليك
باوعت بعيونها وهي جاوبتني
« لان انته هسه مثلي
تحب من طرف واحد،،،،،وهذا
يكفيني
انته تحس
بنفس احساسي ويكفيني وجع گلبك
نفس وجعي،،،،
دنكت راسي ولزمته بأيدي
الاثنيين
وكمت وره دقائق ،،
وحجيت واني اباوع لغير جهه
« حقوقج كلها راح تجيج
ونفقتج ومصرفج وايجار الشقه
كلها اني اتكفل بيها،،وو
سكتت من شفتها كامت تشهك
وتبجي،،،وكملت واني كاره
روحي
« سهر انتي طالك
حجيت هيج وهي ضم وجهها
بايدها وكامت تشهك
وجعها صدگ نفس وجعي
لان هي تحبني واني لاااا
واني احب دلال وهي،،،لااا
،،،،،،،
طلعت وره ساعه ورحت لسيارتي
كعدت
وصفنت،،،بضياع على
الشارع ،،،
كمت ادك براسي بالكشن
بدون شعور،،،،،،واني اردد
« شنوو ذنبها لسهر شنوو
ذنبي اني
حبيت وحده تشمئز من لمسه
ايدي
شنووو ذنبي ياربي،،، وليييش
هيجي ديصير بي
لييش ياربي،،،،
اسئله مالها جاوب مثل كل
مره، ،،،والصار خلاني
اغمض عيوني بتعب،،،
شغلت سيارتي وره دقائق،،،،،
مارحت للبيت وطلعت للمكان
الي. نشرب
بي اني وربعي
هناك شربت الما انتهيت،،،،
مكدرت ارجع وحدي للبيت
وصاحبي خابر
رسول الي اجه ورجعني
للبيت
،،،
عقيل تأخر وهاله اجتي
عليه ب3
اني جنت نايمه ومن كعدتني
فزيت
« اسم الله شبيج يمعوده
وكعتي گلبي
« شبيج هاله صاير شي
« دلال عقيل ماخابرج،،مكال
هو وينه
باوعت لمكانه وشفته ماكو
جاوبتها،،،بتردد وعيوني
على مكانه
« لا مخابر ليش هوو وينه
وليش اتاخر هلكد
« ولج ماادري ظل بالنا علي
الولد شكد دكوا علي
وماكو مايجاوب
وامي ظل بالها،،،،علي
كمت من مكاني من راحت تمشي
وتحجي،،،لبست شالي
ونزلنا سوه،،،
بالصاله شفت امه كاعده تبجي
وتدعي اول ماشافتني
صاحت بيه
«نايمه يالمسعده وماتدرين
برجلج وينه،،،،،مادكولين هذا وين
صار وليش تأخر
سكتت ومؤيد جاوبها
« يمه رحمه لاهلج اسكتي وخلينا
نشوفه وين صار ،،
ظلينا،،،ربع ساعه اندك علي وهو ماكو
القلق اكلنا اكل وره ساعه
سمعنا الباب انفتح،،،،
الكل راح يركض،،،للكراج
واني وراهم،،،،،
وكفت وصفنت بذهول
من شفت،،رسول طب وساند عقيل بصعوبه
والي جان يحجي كلام مخربط
ومو مفهوم،،،
عرفته شارب،،،
« هاج اقبضي ابنج رجع يشرب،،،،
وراح يرجع يجينا تالي الليل
وهو يطوطح،،،ويفضحنا
بالمنطقه
محمد حجه بضوجه وهو يفر بأيده وسنده هو ومؤيد ،،،
عيوني راحن لرسول وشفته
يباوع عليه بضوجه
من نظراته
عرفت عقيل رجع يشرب من وراي،،،،،
شعور بالذنب صار عندي ،،،،
وامه صاحت بي
«ولك عقيل،،، هم رجعت تشرب
ليييش ولك ومو عفته للسم
شكو رجعت علي
« يمممه لاتصيحين وفوتي جوه
احجي كااافي فضايح منا
الناس
محمد صاح بيها بصوت عالي ،،
وعقيل دفعه
وصاح بي
« لاتصيح عليها ولك،،،تره ادفنك
هنا
ترنح من وخر ومؤيد لزمه،،
وهم دفعه،،،
« اويلي راح امووت من وراك
ومن وره قهرك
عمه كوثر حجت وهي تبجي
وصاحت بيه
« تعالي الزمي رجلج خاتون شكو
واكفه بعيد
مارحت وهو صاح بيه
« ولج طز بيج ان اجيتي ولا
مااجيتي
طز بيج دلال وبحبي الج،،،
عبالج بعد اهتم،،،،لاااا
يابه
حجه هيج وكام يضرب ايد
بأيد،،،وكمل وهو لازم روحه
كوه
« مراح اهتم الج لان انتي مو
مزاجي
العرك مزاجي وبس،،،
من صارت العيون عليه عفته
ومشيت بسرعه،،،وسمعته
صاح
« اووووكفي ولج
الولد لزموا من اجه وراي
وهو ظل يصيح ويغلط عليه،،
اني داصعد لغرفتي سمعته
يصيح ووكفت
« انعل ابوج لابو الحب
انعل ابو الساعه الي حجيت
وكتلج احبج خرب بصفحه،،اهلج
ذليتني هوايه بنت القندره وردتج
بس ترضين وانتي ماكووو
ماكووو
« كااافي عقيل اسكت تره
فضحتنا ،،،
« ولك هاي تاليها كتلك وحجيت
وياك وانته ماسمعت كلمتي
« يمه رحمه لاهلج هوو هذا
وكته
مؤيد جاوبها
وهاله اجتي وراي
كملت الدرج واني ابجي،،،
وطبيت لغرفتنا،،،وهاله طبت
وراي وسدت الباب
وكالت،،،
« دلال شصاير،،،بينج وبين
عقيل
هزيت راسي وجاوبتها واني اشهك
بالبجي
« ماكو شي هاله
« شنووو ماكو شي انتي ماشفتي
شلون رجع للشرب وشلون
كام يغلط عليج،،،ولج احجي
صاير شي واحنا ماندري
كمت بفزه وجاوبتها باعصاب
«هاله كتلج ماكوو شي صاير
اخوووج حن للشرب ورجع علي
وكام يخربط بالحجي لان
سكران
هاله سكتت وبعدين اجتي يمي
وكالت
« دلال اني ادري انتي ماتحبين
عقيل وادري انتي قبلتي بي
لخاطرنا اني وغسان،،،
هاله سكتت وكامت تبجي،،،
وكملت بتوسل وهي لازمه
ايدي
« عقيل گلبه طيب ويحبج
كلش
لاتخسري وافتحي گلبج
اله احتوي دلال واسمعي
ولاتخلي يرجع لهذا السم الله
يخليج لاتظلمي،،اخويه تعبان
ويريد الراحه وياج
سكتت ومجاوبتها،،،وهي طلعت
وعافتني،،،،
كلامها بذاك اليوم جان
المفروض
افكر بي وافهمه،،،بس مثل
كل مره مادرت بال
وكعدت واني مقهوره من
الكلام
والغلط السمعته منه
وكدام اهله
اني مو متعلمه واحد
يغلط عليه
واهلي من جنت اغلط يكعدون
ويفهموني باسلوب
هادء وحلو،،،
عز عليه انهان وبيوم السبعه
مالتي
حقدت علي بعد اكثر
وضجت منه
وتمنيت اليوم قبل باجر
اخلص منه
هو ماشفته،،،وظليت الليل كله
ابجي ،،،،،وللفجر يله كدرت
اغفى شويه، ،،،،
كعدت بالعشره،،،وكمت بلا واهس
رتبت الفراش،،،ومكدرت افتح
البلكون
خاف تفوت البزون ،،،
جنت مااكدر افتح عيوني من وره
وجع راسي وعيوني الورامه
غسلت وجهي اكثر من مره
ونفس الشي الوجهه احمر دم
والخشم والشفايف هم
والعيون وارمه،،،،،،
رجعت ليوره وغصيت بالبجي
على حالي ،،،
جنت ماااريد انزل،،،،ولا اشوف احد
خابرت ماما وكتلها
« اريد اجي عليكم لان ضايجه
امي حست بيه وحجت بقلق
« شبيج ماما احس صوتج
مو طبيعي
عضيت شفتي بقهر وجاوبتها
« ماكو شي بس اني ضايجه
واريد اجي يمكم
« لا ماما مايصير البارحه طلعت
السبعه مالتج لازم تمر فتره
يله تجين علينا
سكتت وهي عادت كلامها
« دلال صاير شي احد سمعج
حجايه
« لا ماما مصار شي
« اكيد
« اييي، ،،سكتت وبعدين
كملت
« يله اني لازم اروح سلميلي
على بابا وببيبي وغسان
« يوصل ماما
جاوبتها وسديت الخط،،
وذبيت حسره من گلبي،،،
اخذت الشال ولبسته ونزلت،،
جوه رحت للمطبخ اني طبيت
عمه كوثر وشهد سكتن
مادرت بال وكلت
« صباح الخير
عمه كوثر باوعت عليه
بضوجه وجاوبتني
« كولي مساء الخير، ،،
جان ظليتي نايمه،،،،للظهر
شكو كلفتي نفسج وكعدتي
هسه،،،
باوعت للريوك الكدامها
وجاوبتها
« انتو هم كاعدين قبل شويه
قابل بس اني جنت نايمه
للعشر
عمه كوثر سكتت وباوعت لشهد
الي عوجت حلكها وراحت تغسل
لعبت نفسي من شفتها تغسل
فووك المواعين وتتمضمم
عليهن،،،
« كملي الريوك ورحي نظفي
البيت من فووك لليجوه،،،ومن
تكملين اطبخي باميه لان احنا
طالعين بشغله اني وشهد
ماحجيت شي،،،ولا اكلت
رحت اخذت غراض التنظيف
وبديت انظف،،،،
عمه كوثر ماسالتني شبي
عقيل وياي وحسيتها فرحانه
لان
هو تعامل هيج وياي
شي اتأكدت منه وي الايام
كملت تنظيف غرفتها وغرفه شهد
ورحت للصاله عزلتها
وفتحت الشبابيج،،،،،،ولميت
النفضات الكلها جكاير
ذبيت وصخهن وغسلتهن بالتايت
ورجعتهن بمكانهن،،،
اني بالشغل سريعه،،،
عكس فهاوتي بالاكل والمشي
كملت ورحت للاستقبال،،،
فتحت
الباب وطبيت
هناك تفاجأت بعقيل
نايم،،،
جان مو طالع، ،،،للشغل
ردت ارجع بس،،،هوو كام
ووكف
وباوع عليه،،،،
انتبهت لركبته ولصدره كلها
اثار حمر، ،،،
مشيت خطوه واني صافنه
عليهن
بعيون مفتوحه ومذهوله
عرفتهن اثار نووم لان هذا الشي
سامعته. ،،،،،،من نسوان اخوتي
من يحجن بيناتهن بضحك
حجيت باستهزاء،،،من صرت
قريبه علي
« وادكول احبج وميت عليج
واضح عقيل كلش واضح
من هي الاثار ،،،الي بصدرك
وركبتگ،،،
رفعت راسي وجاوبتها بجمود
« هذا شي مايخصج انتي راح
تتطلكين وره سنه بعد
شكو دتحاسبيني
عيوني افترت علي ورجعت
ليوره
واني مشمئزه منه وجاوبته
« يوم على يوم اتأكد انته
مثل مكال ابويه، ،،
واحد سكير وابو
نسوان،،،
حجيت هيج وهو وجهه تغير
واجه بسرعه ولزمني من
شعري وصاح
« انعل ابوج لابو الجابج
بالقران اذا عدتيها الا افرك حلگج
فرك
« عووفني،،،
صرخت بي، ،،ودفعته وهو
لزمني بقوه اكبر
وصاح بوجههي
« وللللج انتي
مالج حق تحاسبيني،،،
افتهمتي ،،،انتي راح تتطلكين
وتولين لاهلج بعد سنه
شاريد اسوي اسوي اني رجال
ومحتاج مره بحياتي
وابوج انطاج،،،لهذا السكير
وابو النسوان لان شافه
عنده فلوس وصار اله
مركز
حجيت هيج وعفتها ورحت
لبست
تشيرتي ،،،،
سمعت الباب انفتح وانسد
بقوه عرفتها راحت
كعدت ولزمت راسي،،،اليوجعني
جريت جگاره وكمت ادخن
واني صافن ،،،،،
وره ماكملتها طلعت
للورشه،،،بيت صار جحيم
وكلما اظل وي دلال لازم نتعارك
وهي بعدنا باولنا
،،،،،
بذاك اليوم كملت شغلي
كوه
مشاعر مخربطه صارت
بيه ضوجه
كره حقد خنكه روح ووجع جسد
كلها صارت بيه،،
جنت عبالي عقيل ديسوي
هيج حتى يخليني انغار،،،واخطوا
الخطوه الي هو يريدها
هذا جان ظني،،،،الي طلع غلط
لان هو مجان يريد هيج،،
لااااا هو انهزم مني لحظن وحده
لكه بيها الي اني ماانطيتيها
حب احترام دلال، ،،،،
لكه وحده تشاركه همومه
وتسمعه
وتحاول تخفف عنه عكسي
اني
الي جنت احس عدو ولازم اخذ
حذري منه
وحياتي ويا استمرت بحدود،،،،
شغلاته اني اسويها، ،،،ووين
مايروح معليه بي،،،،
واي شي جنت اشوفه بجسمه
جنت اتحاشه النظر اله،،،
واكوم من يمه واني نفسي لعبانه
منه
ومن سوالفه،،،
يريدني احبه عقيل افندي وهو
يوميه جايني مطبع وكله اثار
وفوكاها سكران،،،
،،،،،،،،،
قبل زواج اخويه بيومين
الي تأجل اسبوعين من وره
اجازه غسان
حجيت ويا قبل لايروح
للمعرض العصر
« عقيل اريد اروح لبيت اهلي
انته تعرف زواج غسان قرب
وماما وحدها وتحتاجني
مجاوبتها
لبست ساعتي،،،،وعدلت
قميصي،،،،،،، كدام المرايه
وبعدين رحت فتحت الخزنه
وطلعت
شده فلوس،،وخليتها. بجيب
الستره،،،،
« عقيل سمعتني،،،
انداريت عليها،،،،وجاوبتها
ببروده
« بدلي خلي اخذج بطريقي
لاهلج،،،،
« ايي هسه،،،
جنت محظره جنطتي،،،لبست
عبايه
لان مالي خلك ابدل
وشلت جنطتي ام البزون وجنطه
هدومي وكتله
« يله،،،
باوعت عليها شلون بسرعه
بدلت ولمت غراضها وحجيت
وي روحي
« مثل العصفوره وبقفص وتريد
بس تشرد من سجانها
تنهدت واخذت السويج،،،
وطلعت اني وياها
وامي بس شافتها وياي وكفت
وكالت
« وين رايحه ان شاء الله
سكتت وهو جاوبها
« لبيت عمي حقي عمه سحر
تريدها حتى تساعدها
بعرس غسان وهاله،،،
« اي واحنا هنا ماعدنا شغل
مادكول خاف نحتاجها،،،
« عندج شهد وهديل،،،وبنات
خوالي
وخالاتي راح يجن ومايقصرن
عقيل سكت واشر الي امشي
طلعت وراه وهو يحجي
« عدلي الحجاب نزلي شويه
على صدرج،،،اركبي بسرعه
خبلني وماخلصت الا ركبت
صعد،،،، وحجه بجهازه
من دك
« الو مهند، ،،اي جاي
ههههه لا ماتفوتني السهره وياكم
لا يمعود لا بنفس المكان
البي يلعبن النفس،،،،
درت وجهي منه وكمت
افرك بأيدي
بتوتر وعصبيه،،،،،،وباوعت
علي
من ضحك بصوت عالي
« ههههه خرب عقلك ،،،
على هاي الدگه،،،،
باوع روح هسه،، عندي شغله
اكملها واجي عليكم،،،وره مااكمل
شغل المعرض
سد الخط وهو مبتسم،،،
وشغل السياره،،،،،،
ماحجيت شي وظليت اغلي
وافور من القهر يعني
كاعده بصفه.
وهو يحجي ويتفق وي
السكارى مالته،،،حتى يروح
لنسوان اضرب،،،،، منهم بالفساد
ضجت وظليت ساكته
وافرك بايدي بقوه،،،
« شبيج تفرگين بايدج
جنت عبالك منتظرته يحجي
لان بس سمعت صوته
صحت بي
« معليك بيه والتهي بكحابك
شلون طلعت مني هاي الكلمه
ماادري
وهو بس سمعها رفع ايده
ونزلها من صحت
« لاتضربني
« خررررب اهلج،،،، نعل والديج،،،
ولج منيين متعلمه هذا
الحجي
« منك انته منين قابل اني دروح
لملاهي لو لشقق
مشبوهه،،
« بكيييفي ومزاجي هذا واذا
عندج،،،، اعتراض طخي راسج
بالحايط،،،،
سكتت وكمل وهو قريب عليه
كلش
« وعلى شنو تعترضين هاااا
،،انتي
بعد سنه،،،،راح اطلكج واخلص منج
وتخلصين مني،،هم
سكتت ودرت وجهي منه
من شفت وصلنا لبيت اهلي،،،،
ردت
انزل بسرعه
مكدرت لان الباب ماانفتح
« اووووكفي
صاح ونزل وفتح الباب من بره
ومن نزلت لزمني،،،وحج
وهو جاز على سنونه
« ولج بالقران اذا بعد سمعتج
تحجين. وياي هيج الا اكسرج
ومااخلي
عظم صاحي بيج،،،
حجه هيج وسد الباب بقوه
اني جنت خاله ايدي على الحافه
من سده عطت
« اااااخ يمه
روحي فرفرحت،،،،،ولزمت
ايدي المحصوره. ،،
وهو انصدم
ووفتح الباب بسرعه
من وجع ايدي وكعت بالكاع
وصوتي اريده يطلع ماكو،،،
اختفى
باب اهلي انفتح وطلع
ابويه وغسان
« دلال شبيج،،،شصاير
روحي ماعت
وفقدت الوعي من وره الوجع القوي
والدم الشفته
« ولك غسان شيلها
« وووخرر
صحت باعصاب ودفعت اخوها
وشلتها بسرعه،، وطببتها للبيت
امها من طلعت وشافتها كامت
تعيط
« يمممه ،،،،، بنتي شبيها
مشت وراي وهي تلطم،،،على
وجهها
وصاحت من شافت الدم
« ولكم ايدها دتنزف،،،
غسان راح يركض،وجاب خاولي
ولف ايدها بي ،،،
هوسه وانخبصنا بيها ومن كعدت
جانت حمره دم وتبجي بحركه
وتصيح ايدي راحت
« كوووم غسان خلي ناخذها
للطبيب
غسان كام وامها راحت
لبست عبايه
واجتي ورانا من اخذنها
جنت بحظن عقيل الي لازمني
بقوه. لان رجلي ماشالتني والوجع
موتني،،،الباب من سده
حصر،،،،،، اصابعي الخمسه
وسحكهن،،،بقوه،،
هو ماساق لان سمعته كال
« غسان سووق انته اني
مااكدر
كعدت ليوره وذبيت ثگلي على ماما
من ركبت وكعدت يمي وهو
ظل لازم ايدي،،،
طول الطريق جنت اسمعه
يحجي على روحه،، ويهز برجلي
من توتره، ،،
سحبت ايدي منه وهو صاح
« عوفيها لخاطر الله مراح
اسويلها اكثر من الصار
عفتها وظليت ابجي من الوجع
وهناك ويم الطبيب خيط اثنيين
وجبر واحد مكسور
ضمدهن،،،، وانطاني مسكنات،،
ورجعنا للبيت،،،
اول ماوصلت ونزلت هوووو اجه
عليه وراد ينزلني
باوعت علي بنظرات كره حقد
وحجيت بصوت رجف من
الوجع
« كلها خلي تلزمني الا انته
كلامي خلاه يرجع
ليوره ويباوع عليه بنظرات
عتب
زعل قهر ومرار،،،،،،
ماحجه شي،،،،وطب وراي
اني رحت كبل لغرفه امي وهناك
بجيت الما كلت بس
« اذيه كله اذيه من شفتك ولحد
هاي اللحظه،،،انته كلك
عباره ان اذيه
الي
حجيت هيج،،،،،،وماما
اجتي وهي جايبه عصير
« دلال اكعدي،،،واشربي
شويه عصير
« مااريد شي خليني ارتاح
« كومي ماما واشربي تره هبطتي
وخاف يصير بيج
شي
كمت، ،،،واخذت الكلاص شربت
منه شويه،،،
جنت نعسانه لان ضربت
ابره مهدأه
الباب اندك وعقيل طب
اني شفته وجهي تغير ودنكت
راسي
« تعال عقيل طب
طبيت واني افرك براسي،،ووكفت
يم عمه سحر من كامت
« قدر ولطف بس مره ثانيه
انتبه من تسد الباب ،،،
هزيت راسي ووعيوني تتبعت
امها الما طلعت وسدت الباب
انداريت،،،وشفت عيون
خضر تلمع بغضب وحقد
تباوع عليه
« اني اسف مجنت متقصد
اذيج
سكتت ومجاوبته ودرت وجهي
منه
« دلال انتي ليش تستفزيني
فهميني ليش،،،،افتهمت
انتي ماتحبيني
وتقبلت هذا الشي وكتلج راح
اطلكج
وره سنه بعد شكو هلتدخل
بحياتي
« انته ماتهمني والدسوي مراح
يجيب نتيجه وياي
ركزت بنظري عليها،،وماافتهمت
شتقصد سالتها
« شتقصدين ماافتهمت
« اقصد الصار والي سمعته
بالسياره وقبلها، ،،من اجيت
سكران
افتهمت وعكدت حواجبي
ووجع گلبي
محد يدري بي بس الي خلق
« باوعي عليه،،،،
مادرت وجهي علي،،،وهو اجه
ولزم وجهي وداره علي بقوه،،،
وحجه وهو جاز على سنونه
« ولج انتي منووو ،،،،
منووو انتي فهميني،،،،
عقلج هذا بشنو يفكر،،،،هااا
عبالج من دحجي چدامج،،،دخليج
تنغارين لااااا يابه
اني داحجي چدامج حتى تعرفين
اني مو بحالج،،،،مووو بحالج
دلال تعرررفين ليييش
سكت واني غمضت عيوني
وكمت ابجي،،،
سكتت وعيوني افترت عليها،،،،،
وگلبي راد يخوني بذيج اللحظه
من فكر يبوسها
هزيت راسي،،،،وصحت بصوت
مكتوم
« لان الي مايحبني بعد مااحبه
لو يصوغوا ذهب،،،
حجيت هيج ودفعتها وبس وصلت
للباب حجت
« الذهب للذهب وانته مو
ذهب عقيل
وگلبي هذا غالي ويريد غالي
ومايدور رخيص ،،،
بذيج اللحظه عرفت اني تزوجت
وحده،،،،، عقلها اكبر من عمرها
وحده صريحه صراحه قاتله
وماتعرف تجامل،،،الي بگلبها
ادكوله
ولو بي اذيه الها او للمقابل
غمضت عيوني وضربت الحايط
بايدي اكثر من مره وطلعت
بسرعه
،،،،،،
اخويه تزوج هاله وجان
عرسهم. يخبل ،،،،،
فرحتهم،،،،،،جانت بلسم لگلبي
وللايام الي عشتها وي عقيل
الي ابتعد عني،،،،ورجع
لوضعه القديم
شرب ونسوان اشكال والوان
جسمه من جان ينام جنت اشوف
بي اثار،،،تخلي نفسي تلعب
منه جنت اعد الايام،،،،واكول بقى
هلكد واخلص منه،،،،
هوايه راح يكولون لييش ماحبيتي
وليش هلرفض،،،،،
ليش ماانطيتي فرصه،،وسمعتي
والجواب هوو
عقيل هو بنفسه مجان يساعد
نفسه،،،تصرفاته كلها غلط
بغلط
من اول يوم فرض نفسه عليه،،،
وخلاني اكرهه،،،
طفله جنت اسمع ابويه يحجي
علي ويكول مايحترم احد
ويوكف بعيني ومايحترمني
ومن كبر سمعت بي ،،،كام يشرب
ويطب ملاهي وباك من
صار السقوط
هذا الشي عرفنا جذب بعدين
من عم حميد وضح وكال هو انطاه
الورث مالته وعمه علاهن باعت
بيتها وانطته الفلوس وهو
شغلهن
ونجح بشغله،،،،
اشياء هوايه بي،،،خلتني ابتعد عنه
واكرهه غروره تسلطه
شوفته لنفسه،،،،كبريائه وي ابويه
ونظرات الحقد والكره اله
من يشوفه
والي ماحاول يخفيها
او يضمها،،،،
معامله القاسيه الي من ارده
وغلطه،،،الي جان اكثره
على اهلي
خلاني ماافكر احب ابد
هو زرع شووك بداخلي وخلي
يحصده. بأيده
اذا كدر
يِّتّبِعٌ