انقذني من انتقامي

بارت 12

#أّنِقِذّيِّنيِّ_مَنِ_أّنِتّقِأّمَيِّ
#بِقِلَمَ أّوِتّأّر حٌزِّيِّنِهِ
#أّلَجِزِّء أّلَثّأّنِيِّ عٌشٍر
،،،،،،،،،،،،،،،،،،،،،،،،،،،،،،،،،،،،
،،،،،،،،،،،،،،،،،،،،،،،،،،،،،،،،،،،،،،،،،
،،،،،،،،،،،،،،،،،،،،،،،،،،،،،،،،،،،،،،،،،،،،،،
ظليت يومين وي
استاذ كريم،،،بغير محافظه لان
جان عدنه مؤتمر ،،،،
وباليوم الثالث،،،،من دنطلع
من مدخل المحافظه
الموكب مالتنا تعرض،،،لاطلاق نار
من سياره،،،ضربوا وانهزموا
سياره استاذ كريم مصار شي
بيها لان بالنص جانت
وبس سيارتنا اني وعامر
انضربت،،،
الجام تكسر علينا وتجرح
وجهي وايدي، ،،،،وعامر اجتي
طلقه بجتفه،،،
نزلت بسرعه،،،،،وكمت ارمي عليهم
والولد وراي،،،
بس هم انهزموا،،،بسرعه مثل ما
ضربونا بسرعه
ناديت العمليات،،،،،وانطيت
موصفات
السياره وموديلها،،،
وصحت بالولد
« أمنو استاذ كريم ولك مصعب
اركب بسرعه
جنت خايف لايكون كمين ونروح
بيها كلنا
ركبنا بسرعه،،،ورجعنا كلنا
لمركز المحافظه
ومناك اخذوا عامر،،،،،للمستشفى
لثاني يوم اخذته ورجعنا لبغداد
بحمايه قوه من المحافظ،،،
طول الطريق جنت متوتر
وعيوني
على الشارع وايدي على سلاحي
وكل ساع انادي واكول
وصلنا لفلان مكان،،،،
جهازي من ضربونا وكع مني
وبعد ماادري وين صار
اخذت جهاز مصعب
وخابرت محمد اني بالطريق
، وبس وصلت
بغداد وامنت استاذ كريم
نزلت لبيت اهلي،،،،
،،،،،،،،
بيت اهل عقيل جانت الدنيا
مكلوبه علي،،
« ولك محمد اخوك مااجه، ،،،
ولا بين
« ماادري يمه داخابر
علي ومايجاوب
ام عقيل كعدت وكامت
تضرب على رجليها وحجت
وهي تبجي
« اووو وف يمه عقيل وين صرت
وليش متجاوب
حجت هيج وكامت وكالت
«اخوك صار بي شي ولجن اخوجن
مايغيب هاي الغيبه
الا صار بي شي
هديل لزمتها وهي. تبجي
وجاوبتها
« يمه كولي الله اخويه مابي شي
وهسه يجي لايظل بالج
ر
« رسول خابر كاظم
محمد سال هديل بتوتر وهي جاوبته
« لااا رقمه ممسوح من جهازه
« خرب بالحظ هوو وينه
« راح علي ديشوفهم وين صاروا
« اااش هذا رقم غريب دك عليه
محمد حجه هيج وجاوب
« الو ،،،،،عقيل وينك يمعود
نشفت دمنا،،،،هااااا صدگ تحجي
هاي وين،،،،،خوما بيك شي
بس وجهك وايدك،،،،،تاذوا
« يمه سوده بوجهي شبي وليدي
محمد اشر لامه بايده وكمل
وي عقيل
« ديربالك على روحك والحمد لله
على السلامه
حجه هيج وسد الخط
« ولك ماتحجي شبي اخوك
« مابي شي يمه،،،،هسه جاي
بالطريق  بس يوصل نفتهم
منه شصار
« ولك احجي تره گلبي خلص
« يمه اكعدي واهداي،،،الله يخليج
عقيل مابي شي. بس
صاير حادث بيهم  وايده ووجهه
متأذين شويه
« عليك الله بس ايده ووجهه
يعني مابي شي
« يمه لايظل بالج هو هسه جاي
وتشوفي بعيونج
« اوووف يمه گلبي علمني هوو
بي شي،،،،روحي لابت علي
وكلت عقيل صاير بي شي
وخرت من  يم امي من دك جهازي
وفتحت الخط من شفت دلال
وجاوبتها
« هلو دلال
« هلو هاله هاي شبي صوتج
صاير شي
حجيت الها الصار وهي سكتت للحظه
وبعدين كالت
« الحمد لله عل سلامته وهو
هسه وينه
« جاي بالطريق ،،،
« هااا يله اخذي راحتج اني اترخص
« باي دلال
حجيت هيج وسديت الخط
ورحت كتلها لماما ولجده لطوفه
الجانت جايه من بيت خالو
منير
« صدگ تحجين،،،،ولج خوما
متاذي
« هاله ادكول وجهه وايده متأذين
« وهو وينه هسه
« جاي عليهم،،،،،
« خلي اروح اكوله لابوج ولغسان
هزيت راسي الها وهي راحت
واني طلعت،،،للحديقه
كعدت على المرجوحه وكمت اهز
بروحي،،،،
شعوري بذاك اليوم جان جامد
وماحسيت باي خوف على عقيل
ومن امي كالت،،،،، ثاني يوم
امشي ويانا ،،،،لبيتهم
ماقبلت
« مااروح  انتي روحي،،،
« مايصير ماما هاله تجي عليج
على طول
ومن عزمنها اجتي وقدرت،،،
« اي دلال كومي يمه،،،خاف تزعل
عليج،،،
سكتت من حجت امي
وبيبي وكمت
بدلت ورحت وياهم
وصلنا وشفنا سياره زياد اخويه
يم بيتهم،،،،
« زياد يمهم
« اي يمه هو كال راح اروح قبلكم
دكينا الجرس،،،،ومؤيد طلع
النا،،،
« الحمد لله على سلامه عقيل
« الله يسلمج جده
مؤيد حجه هيج،،،،،وعمه كوثر
اجتي
« شلونج ام محمد الحمد لله على
سلامه عقيل
« الله يسلمج ام زياد
امي بوستها ووراها بيبي الي كالت
بضحك
« الي مايجينا احنا نجي
عمه كوثر ارتبكت وجاوبتها،،،
« حقج عمه لطوفه بس تعرفين
الظروف
سكتت ،،،،،وبعدين كملت
« تفضلوا جوه
طبيت وره امي للاستقبال
وشفت اخويه ،،،،،زياد كاعد وي
عقيل،،،،ومحمد
« الحمد لله على السلامه
عقيل
هو شاف امي وبيبي كام،،،
واجه عليها
« الله يسلمج عمه،،،
بوس امي وعيونه صارت عليه،،،
انتبهت علي وجهه،،،،مجرح وايده
كلها خدوش،،،،،وجان حنجه
هم مجروح،،،،،
« اسم الله عليكم يمه ماتشوف
شر
« تسلمين جده
« الحمد لله على السلامه
حجيت بصوت ناصي،،،وهو
صفن عليه،،،للحظه
شفت عيونه
تغيرت وملامح وجهه وياهن
بس بعدين رجعت القسوه بيهن
وجاوب وهو يباوع لغير جهه
« الله يسلمج
كعدنا، ،،،،وهاله اجتي سلمت هي
وهديل
غسان من شافها ارتبك،،
وظل صافن عليها، ،،وهي هم
سلمت وجانت خجلانه وتتهزم
بعيونها
منه
ظليت كاعده ومدنكه وملتهيه بجهازي
واسمع شلون صار عليهم
الهجوم
« خوما راح احد منكم
« لا الحمد لله  بس عامر صاحبي
تصوب بكتفه،،،،وهسه
نايم بالمستشفى
« جان وياك موو عقيل بنفس السياره
« اي محمد  وياي،،،،من ضربونا
« يمه همزين مصار بيك شي
رفعت راسي من حجت امي،،،وباوعت
علي وشفته ساكت ويباوع عليه
درت راسي منه ورجعت اباوع
بجهازي
« الحمد لله والشكر قدر ولطف
وان شاء الله تنذكر ماتنعاد
بيبي حجت والكل كال
امين،،،،
احنا كاعدين بابا خابر، ،،،على
اخويه زياد
« عقيل هذا ابويه يريد يحجي
وياك
بعيوني شفت وجهه شلون تغير
وحسيته ضاج،،،
عكدت حواجبي من شفت تصرفه
وظليت اباوع علي
كلامه وي بابا جان مختصر،،،
ومابي اي مجامله،،،،،،،
وماطول ويا،،،دقائق وسده
تصرفه وبرودته وي ابويه،،،،
خلاني اباوع علي بحقد،،،،،،
وهو من انطه الجهاز لاخويه،،،،ودار
وجهه انتبه عليه شلون اباوع علي
هو مدار بال وصد مني
جنت اتمنى اوكف واصيح
بوجهه
« انتو منو وشكوو شايف نفسك
هيج ،،،،وليش تحجي وي بابا
هيج
بس سكتت وماكدرت احجي شي  وسكوتي جان دمار الي
والتوتر خلاني،،،اكوم
« هاا ماما وين،،،رايحه
امي حجت،،،وهو باوع عليه
« اختنكت راح اطلع اشتم هوه
تقصدت احجي هيج واني اباوع
علي،،،وهو عگد حواجبه والقسوه
بينت من وجهه صار احمر دم
طلعت للحديقه يدون ماانتظر
امي تحجي شي  ووكفت ،،،،
واخذت هوه وذبيته،،،
وراي بلحظات طلع زياد، ،،،وهو
ويا،،،،
من فات من يمي باوعت علي بطرف
عيوني،،،
ردت اطب بس مؤيد اجه عليه
وكال
« تعالي شوفي طيور الحب
مالتنا
ابتسمت اله وجاوبته
« الله عدكم طيور حب
« ايي،،،وعدهن فروخ،،
« اوي فدوه
حجيت هيج ورحت ويا
جان القفص، ،،جبير ومسوي
بزوايه ماتنشاف اني شفتهن
صحت
« الله شلون حلوات،،،ويخبلن
« تردين زوج
رفعت حواجبي وجاوبته
« شنوو
« هههههه شبيج طيور اثنيين
سكتت واني فشلانه وهو ضحك
«  خرب عقلج وين رحتي
سكتت ومجاوبته وخدودي
صارن حمر
دم
اني بشرتي وشفايفي من اخجل
او ابجي او اضحك تصير
حمره دم،،، وجسمي من
اقل طخه يصير ازرك
وهو من شافني صرت حمره
ابتسم وكال
« بيش كيلو الطماطه،،،اريد
اشتري منها عبنها حلوه
« مؤييد،،،تعال
سمعت صوت عقيل وماانداريت
ومؤيد راح علي
« روح لمحمد شوفه شيريد من
الاسواق
« اي رايح،،،
انداريت،،،،من حسيت بمؤيد راح
ومااعرف ليش،،،،من شفت نفسي
وي عقيل وحدنا جسمي گزبر
ووضعي تخربط،،،
جان شكله ضايج ،،،ودمارات
ركبته وكصته ظاهرات،،،،،،
سكوته جان،،،يخوف
ونظراته بعد اكثر بذيج الساعه
حسيت بروحي اني واكفه وي
مجرم،،،،
مشيت. خطوه ووكفت من كال
« عاجبج ،،،،ممم
سكت وماكمل
عكدت حواجبي،،،وسالته
« شنوو،،،
سكتت ومكدرت اكمل وظليت اباوع
عليها واني بداخلي اعصار
عكس هدؤي الظاهر
وهي صفنت علي بنظرات خلتني
احس الموت الشفته اهون من
منها،،،واااخ من سحر العيون
الي خلتني اسكت واضيع
بيهن
« وخر اريد افوت
صوتها وهي تحجي بامر فززني
من افكاري،،،،
« شبيك ماتسمع وخر اريد افوت
مديت ايدي بسرعه وجريتها بقوه
من زندها وعبرتها للجهه الثانيه
وحجيت واني جاز على،
سنوني
« انتبهي لكلامج وياي،،،تره مرت
الخ تشوفين غير وجهه
وهي تفاجأت بحركتي بس
جاوبتني بتحدي والعيون تلمع
« شراح اشوف يعني بعد ماكو
اقبح من هلوجه
الدشوفه
جاوبته باستفزاز ومشيت بسرعه
واني افرك بزندي
بس راحت ضربت القفص برجلي
وكسرت الخشبه،،،
وكلمتها وجعتني،،،،وخلتني اصيح
بصوت مكتوم
« بنت الكلب كلمه بكلمه ابد
ماتفوتها ،،
من النار الصعدت براسي
رحت غسلته جوه البوري ،،،،،
وماطبيت،،، بعد يمهم لان ماردت
اشوفها،،،،وعبالك الدنيا تمشي
وياي بالعكس،،،لان كلما ابتعد
عنها الكيها گدامي
وبموقف يخليني
افقد السيطره على روحي وياها
،،،،،،،،،،،
من رجعنا من بيتهم وطبينا
لبيتنا بيبي كالت
« اللهم صلي على محمد
وآل محمد كوثر صبرت والله
عوضها بعقيل، ،،،
« اي يمه شفتي بيتهم يخبل
وجبير كلش،،،،،،،واثاثه راقيه
وكله من خيره،،،
« الله يخلي الها ويحفظه لشبابه
« امين،،،
عوجت حلكي، ،،من سمعتهن
وكمت من يمهن وصعدت لغرفتي
طبيت وسديت الباب
اني دابدل  ملابسي انتبهت
لزندي صاير ازرك
حجيت بضوجه وكمت افرك
بي
« الله ياخذك ايد لو جلابتين
زندي صاير ازرك من
وره لزمته،،
جسمي مره ثاني كزبر وشعره وكف
لان اجه كدامي من عصب
وجرني بقوه وحجيت
بضوجه وقهر
« عبالك مجرم،،،،لااا شنو عبالك
هو مجرم،،،،،وفاقد السيطره
وشايف نفسه ومغرور
ومكروه
عددت وي روحي واني اطحن
بنفسي وكملت
« وابو حاجب مطبور ،،،
سكتت بعد مابرد گلبي شويه
ورحت غسلت وجهي الصاير نار
من عصبيتي،،،
ماحجيت شي لماما لان راح
ادكولي
وانتي شحجيت حتى
يتصرف هيج وياج،،،
امي تحب عقيل وتموت علي
لان جانت ادكول. علي
هو رجال وسبع
وانسان عصامي،،،كون نفسه بنفسه
وياريت كل الشباب مثله
عكسي اني الي جنت اشوف
الموت ولا اشوفه،،،،،
ايام مشت بي وتكررت شوفتي
اله،،،وجان ابد ماكو سلام بينا
بس ،،،،،،،،جنت اشوفه يصفن علي
للحظه. ،،،،وبعدين يدير وجهه
،،،
مااعرف ليش جان عندي احساس
هو معجب بي. ،،،حدس انثى
مايخطأ ابد،،،،
خلاني افهم
من نظراته وصفناته
علي هو يحبني،،،،،،،وهذا الشي
تأكدت منه بيوم،،،من
هديل،،،،عزمتنا على عيد ميلاد
مروشه،،،السوته بيت اهلها
لان جبير،،،،
ماما ماراحت،،،،لان بيبي
جان ضغطها صاعد
دكيت الجرس وووره دقائق
طلعت هاله الي
« هلو دلال
« هلو هاله،،،،
« فووتتي شكو واكفه ووين عمه
سحر ليش مااجيتي وياج
« مكدرت لان بيبي مالها خلگ
«لا سلامتها ماتشوف شر
مشيت وي هاله الي باوعت ليوره
وحجت بأعجاب
« ولج شعرج من تكوي يصيير
شطوله
« ايي يوصل لنهايه ظهري
حجيت هيج وطبيت واني اسمع
صوت الدجي،،،،وشفت بيتهم
صاير هوسه ماعرفت احد
لان،،،،،،، كلهم اقرباء عمه كوثر
الي ظلن يباعن علي
ويتهامسن بيناتهن، ،،
سلمت على. عمه كوثر
من كامت بوجهي،،،
جان وجهها ثكيل ،،،،وراحت
بدون ،،،،،،،،ماتسأل عل امي
اني اعرف شبيها وجنت
مااريد اجي
بس ماما ماقبلت وكالت روحي
عيب من هديل وهاله،،،
الي فشلت من وره تصرفها
وظلت تباوع عليها،،،،
« هلو دلال،،،
« هلو هديل
سلمت عليها وانطيتها هديه بنتها
« تسلمين گلبي ليش كلفتي
نفسج
« لا حبي احنا كم مروشه عدنا
هي وحده
هديل باستني وترخصت
« هاله اريد اذب العبايه واخلي
مكياج
جنت لابسه عبايه اسلاميه
لان جنت لابسه بدله، ،،
قصيره،،،،،وكلوش
« تعالي لغرفتي
هاله حجت هيج وكملت
«اجيتي وحدج
« لاا غسان جابني،،،
« هااا
ابتسمت من شفت هاله ارتبكت
لان اخويه ،،،،هم من اذكر اسمها
يبتسم ويصفن،،،ويروح بغير عالم
ورحت وراها للدرج توني صعدت
وهديل صاحتها
« روحي دلال انتي مو غريبه
غرفتي اول وحده على اليسره
هاله حجت هيج،،،وراحت
صعدت الدرج.
ومن كملته وكفت بنص
الصاله وباوعت لغرفه على اليمنه
والخ عل اليسره
« هي شكالت يمينه لو يسره
للحظه ظليت افكر وبعدين
كلت
« يمكن كالت على اليمنه
حجيت هيج ،،،،،،ورحت للغرفه 
من فتحت الباب  ذبيت العبايه
وطبيت جانت ظلمه
مديت ايدي،،اريد افتح الضوه
بس مالكيته قريب على الباب
تقدمت خطوتين، ،،وماحسيت الا
بشي كدامي عثرني ووكعت
عل الكاع وعطت لان رجلي
جلبت بشي وانلوت
،،،،،
رجعت من الدوام،،،،وجنت تعبان
كلش،،،ومن شفت الهوسه
مال عيد ميلاد بنت هديل مريم
كلت لامي
« يمه اني صاعد انام
لاتخلين احد يكعدني،،
« عقيل يمه روح لبيت اختك هناك
احسنلك لان خاف ماتكدر تنام
من الهوسه
« لا يمه هسه بس اتمدد اغفى
من التعب ،،وبعد مااحس بشي
حجيت هيج ،،،ورحت للدرج
صعدت وكبل للغرفه،،،
طبيت وسديت الباب وذبيت
الجنطه،،،قريب على الباب
نزعت ملابسي وظليت بالشورت
ورحت تمددت،،،بس جسمي
طخ الفراش غفيت
مااعرف شكد نمت وحسيت
عيطه يمي كومتني بفزه
« اييييي
« منووو شكوو
« ايي رجلي،،،،
كمت بسرعه ورحت
فتحت الضوه
وتفاجأت بدلال متكومه بالكاع
ولازمه رجليها وتبجي،،،
هي شافتني. شهكت ودارت وجهها
ومن رادت ادكوم  مكدرت
ورجعت وكعت بالكاع
« اااخ
مكدرت كلشي احجي وظليت
صافن عليها
جانت  لابسه بدله حمره وسوده
وقصيره
شكلها جان مغري كلش،،،
ونفسي ضاگ من شفت رجليها،،
البيضه وزنودها ،،،،
كوه تمالكت روحي
وتقدمت عليها وجسمي
احس راح يخوني ويسوي شي
اندم علي بعدين
« شبيها رجلج وشجابج بغرفتي
وجاوبته بعصبيه واني اتهزم
بعيوني منه لان جان لابس
بس شورت
« جنت اريد اروح لغرفه هاله بس
حظي المصخم خلاني اطب
لغرفتك
صفنت بعيونها التلمع مثل الخرزه  وعصبيتها خلت وجهها يصير
احمر دم هو والشفايف
« كوومي
مديت ايدي الها،، وهي دفعتها
وصاحت
« عوفني اني اكووم
حجيت هيج وكمت بس لان رجلي انفصخت ومكدرت اتوازن وملت
وهو سندني بجسمه
جمدت بمكاني من حسيت بدفو
جسمه لامس خدي،،،
وخرت بسرعه وهو لزمني
وحصرني لصدره
حسيت بي مو طبيعي ونفسه
جان سريع،،،خفت منه
وجيت بتوسل
« عوفني،،،
مكدرت اعوفها،،،،،وصبري
خلص ودنكت بسرعه
وبستها
تخبلت من سوه هيج،،وكمت
اضرب بي،،،بس هو حصرني
بقوه وكام يجر بشفتي
بحركات مقززه
اشمئزيت منه ،،،ودموعي نزلت
وبس وخر مني ضربته
راجدي
« حيوان حقير،،،،
تصرفي خلاني اشوف وجهه عقيل
المجرم،،،،،من تقدم عليه
رجعت ليوره بسرعه
ووكعت لان
رجلي ماشالتني
ووي وكعتي طبت هاله
« هاي شكوو،،
بجيت من وره الوجع ومن وره
تصرفه وياي،،،وحجيت بصوت
مخنوك
« هاله اريد ارجع للبيت خابري
اخويه غسان
« عقيل شصاير
حسيت،،،،،، على روحي شسويت
من شفت دموع دلال ونظرات
اختي
« اخذيها واطلعي،،،
مديت ايدي لهاله وكمت واني
لازمتها
وطلعت واني ابجي،،
،،،،،
بذاك اليوم ماحجيت شي
وخليته بگلبي،،،،،،وهاله رادت بس
تعرف شصار،،،
سكتت ونزلت والي شافني
افتهم بجي من وره وجع رجلي
وهاله خابرت غسان،،،بعد ماشافتني
ماسكتت،،،
اخويه وامي اجوي عليه،،
واخذوني للبيتنا وبيبي لطوفه
رجعت رجلي،،،،
شكو بجي بالدنيا نزل عليه
بذاك اليوم ،،،،،،،وعزلت روحي
بغرفتي ،،،،،،ومن السواه عقيل
كرهي،،،،،، زاد اله اضعاف
وجنت كلما اتخيل شلون
لزمني
وباسني غصبا ماعليه
اصيح بصوت مكتوم
« حيوان حقير ،،،ناقص غيره
كلام جنت اردده واني افرك
بشفتي بقوه ،،،،،،
اثاره حسيتها بعدها بي رغم
اني غسلت وجهي اكثر من مره
اثار خلاها بروحي،،،الي حسيتها
توصخت لان لزمني
ومجرد تخيل اللحظه الجمعتنه
جان
يفززني
ويخلي جسمي يكزبر،،،،
وبذاك اليوم ومن تصرفه وفرض
نفسه عليه وبالقوه
اتأكدت ،،،هو يحبني
حب جنت مستحيل ابادله بنفسه
لان المعادله جانت بين
حبه وكرهي ومستحيل هيج
معادله تتوازن
،،،،،،،،،،
بعد ماصار الصار،،،،كرهت نفسي
لان خنت ولد عمي وسويت
شي اني مااقبله يصير بأختي
وكرهتها بعد اكثر ،،،،،
لان ضعفت وسويت شي اني
جنت انهزم منه،،،،،،
سويت شي خله دلال تعرف اني
احبها وميت عليها،،،،
فضحت روحي،،چدامها،،،،
وخليتها تعرف هي غلبتني
وخلتني احبها رغم كرهها الي
طلعت من البيت بدون شعور
واني احس راسي راح ينفجر من
وره الصار ،،،
رحت لسهر وهناك شربت واني اريد
انسه،،،،،،،
بس هيهات وعبالك العرگ خلاني
اشتاگ للسويته وياها
الموقف كله تكرر اكثر من مره
چدامي،،،وطعم
شفايفها حسيته بعده بشفتي،،،
جنت مثل المنوم مغناطيسيه وكل
ساع ارفع ايدي والزم شفتي
واردد اسمها  بهوس
« دلال، ،،،،دلالي
وظليت هيج،،،لا الشرب ولا سهر
كدروا يخلوني انسه اللحظه
العشتها وياها ،،،
وبذيج الساعه انكتبت قصتي
وياها انكتب علي احب وحده
ماتحبني، ،،،
،،،،،،،،،،،،،،
دوامت،،،  وبكل مره هاله
تسالني،،،شصار بيني وبين عقيل
واني بكل مره اجاوبها
نفس الجواب
«  هاله مصار شي،،،انتي ليش لحيتي
بهذا الموضوع
« دلال اخويه من ذاك اليوم
تغير واحسه مو طبيعي
جاوبتها بضوجه ونرفزه
« اخوج من يومه مو طبيعي ،،،
وبعدين اني شعليه بي
و شكوو دتحجين هذا الحجي
الي
« دلال اني شفتكم وشفت وضعكم
جان مو تمام احجي وصارحني
اكو شي بينج وبين اخويه
« شنووو شتقصدين
هي سكتت للحظه وبعدين جاوبتني
« انتي تحبي وهو هم
تخبلت من سمعتها حجت هيج
والسواه بيه اجه كدامي
« المن احب. ،،،،
سكتت وماذكرت اسمه وكملت
« ولج. اني حتى اسمه  كارهته
ومااكدر انطقه شلون
تريديني احبه ،،،
هاله سكتت،،،واني كملت
بقهر وضوجه
«هاله الله يخليج سدي الموضوع
وبعد لاتحجين بي
وسكتت وبعد ماحجت شي
والتهت بشي عرفته وره فتره
من اخويه،،،،،،، كال لبابا
من جنا كاعدين بليل
« يابه اريد احجي وياك بموضوع
« اي احجي غسان اسمعك
اخويه ارتبك وماما اشرتله
وهو كمل
« يابه اني اريد. اخطب
بنت عمي ساجد
هاله ،،،،،
بابا سكت للحظه وهو متفاجأ
وبعدين ابتسم وجاوب اخويه
« اي يابه بيها الخير وين نلكي
احسن منها ،،،بس هي موافقه
« اي يابه موافقه لااا
غسان سكت،،،،من حس على
روحه وبابا جاوبه بضحك
« ها ولك ملعون  لازم مضبط
امورك وياها
غسان سكت وهو مبتسم،،،
واني الجنت اعرف بيهم،،،فرحت
الهم،،،بذاك اليوم مجنه نعرف
فرحه اخويه راح تصير
عقبه بطريقها
والعقبه جانت عقيل وامه
،،،،،،،،
هاله من نجحت واني وياها
وقبل لاتقدم على الكليه،،،
اخويه تقدم الها والجواب جان
الرفض
والي خله غسان يتخبل
« يعني شنو ماينطون اني ابن عمها
ورايدها وهي رايدتني بعد شكو
هلرفض ولييش
« عقيل رفض هو وعمه كوثر
وحتى قدر لجيه ابويه عليه
ماخله
زياد جاوبه وبابا كمل
« عوفنا من هذا الحجي ابني
وخابر
عمك حميد هو وعمتك خلي
يجون باجر بلكي هم يكدرون
يقنعوهم
ينطون هاله لغسان
عفت الكل يحجي ورحت لغرفتي
وخابرت هاله الي جاوبتني
وهي تبجي
« ولج دلال عقيل
مايقبل لا هو ولا امي ينطوني
لغسان
« ليش شنوو السبب
هاله سكتت وطولت واني عدت
السؤال
« ولج هاله شنوو السبب احجي
« يكولون راح تذلوني مثل
ماابويه ذل امي هو وابوج
فكيت عيوني،،،،،،،من سمعت
كلامها وجاوبتها
« صدگ تحجين
« اي والله،،،ومحمد مارضى لا هو
ولا مؤيد وصارت مشكله بينهم
وبين عقيل الي تخبل وكسر
الميز مال المطبخ
« خبال، ،،الخبلك ابد مو صاحي
حجيت بگلبي وهي شهكت بالبجي
وكملت
« ولج دلال راح اموت، ،،
عقيل قفل وامي ويا وتحلف بي
وكال اذبحج وماتروحين لبيت
حقي
« هذا شبي هو حقي منوو مو عمه
شلون يحجي علي هيج
هاله سكتت وظلت تشهك وتبجي
اني حجيت حت اطمنها
« كافي تبجين راح يجي
عمو حميد هو وعمه علاهن وبلكي هم يقنعوا
« مااعتقد ولج انتي ماتعرفين عقيل
هذا من يكول لااا انتهى بعد
كلمته وحده،،،وماتصير اثنيين
سكتت وهي كملت
« دلال راح اروح لان  امي تعاركت
وي.  محمد ،،،،
سدت الخط وراحت،،،وثاني يوم
عمو حميد مكدر يجي،،،لان عمه سهى
جانت مريضه ونايمه بالمستشفى
والموضوع تإجل الما يجي
المدرسه بدت وره يومين
وداومت بعد
ماخلصت،،،،
العطله وجنت اروح وحدي وارجع
وحدي،،،،
بيوم
من رجعت،،،،،،من المدرسه
رحت للدكان،،،الي براس شارعنا
حتى اشتري حلويات
اشتريت وطلعت،،،،بنص الطريق
جنطتي انكطع حزامها
ووكعت بالكاع
دنكت اريد اشيلها وماحسيت الا
صوت
قوي وبلهجه امر
« عوفيها
عرفته عقيل من صوته الي خله
كل خليه بجسمي تحجي وادكول
اكرهك
ظليت واكفه بمكاني،،،،
وماانداريت لان ماردت اشوف خلقته
وهو اجه
وشال الجنطه وانطنيها،،،
ايده شفتها وماشفت وجهه،،،
ومجرد قربه مني،،،خلاني احس
بالخطر،،،،،
« دلال اخذي الجنطه
رفعت راسي وباوعت علي
وجاوبته واني ارجف من عصبيتي
« لادكول اسمي ،،،ومعليك بي
ولو تشوفني
بنص النار لاتطلعيني،،،،منها
النار ارحم الي من شوفه
وجهك،،،
جزيت على سنوني، ،،من سمعت
كلامها وشمرت الجنطه عليها
ومجاوبتها
ومشيت من يمها واني اسد
وافتح بايدي،،،،
صعدت لسيارتي،،، شغلتها
وشحطتها بسرعه
جنت اريد انهزم منها لان
خفت لااسوي فضيحه بالشارع
وهم كمت الوم بروحي،،،،
واردد
« ابتعد عنها عقيل انساها
هاي بنت حقي هاي بنت الذل امك
شلون تحبها،،،
شلون خليت گلبك يدك الها
سكتت وهزيت راسي بضياع
وجاوبت نفسي الحاير وياي
« مالي سلطان علي ولكم
گلبي خاني،،،وخلاني احب بنت
واحد كاره كره الموت
اااخ يمه حبيت وحده تموت مني
وتشوف النار ارحم من
شوفه وجهي
ضربت الستيرن بقوه،،،وصحت
« انعل ابو الحب انعل اليوم الي
شفتج بي خرب بگلبي
الي حبج،،،خرب بالساعه السوده
من بستج،،،،اااخ ياربي عذاب
دنيا هذا لو اخره
ارحمني وطلعها من گلبي مثل
ماخليتها
،،،،
يِّتّبِعٌ
مََّسأّء أّلَخَيِّر وِربِيِّ
يَِّّسعٌدِ أّيِّأّمَګمَ
أّعٌتّذّر عٌلَى أّلَتّأّخَيِّر لَأّنِ خَطّأّريِّ
رأّحٌوِأّ قِبِلَ شٍوِيِّهِ  ،،،،،،،
تّحٌيِّأّتّيِّ لَګمَ