انقذني من انتقامي

بارت 29

#أّنِقِذّيِّنِيِّ_مَنِ_أّنِتّقِأّمَيِّ
#بِقِلَمَ أّوِتّأّر حٌزِّيِّنِهِ
#أّلَجِزِّء أّلَتّأَّّسعٌ وِأّلَعٌشٍروِنِ،،،،
،،،،،،،،،،،،،،،،،،،،،،،،،،،،،،،،،،،،،،،،،،،،
،،،،،،،،،،،،،،،،،،،،،،،،،،،،،،،،،،،،،،،،،،،،،،،،،
،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،
امي تخبلت  من سمعت بي راح
اطلع ابيت اني ودلال وولدي،،،
وسوتلي مشكله
« ولك اني غسلت ايدي منك
من زمان ومن اخذتها
لدلال عرفت
راح يجي يوم وتاخذك وتطلع
« دلال ،،،،،معليها اني الي اريد
اطلع لان،، تعبت من
المشاكل
« عقيل شلون تطلع وتعوفنا
وشلون راح نكدر ندبر نفسنا
محمد حجه واني كمت،،،
وجاوبته بابتسامه
« قابل عايف جهال صغار،،،
انته الجبير،،،،محمد ومؤيد وياك
انته عندك راتبك الي هو خير من الله
ومؤيد هم راتبه زين
واثنينكم تكدرون،،،تصرفون
على البيت وماتقصرون
« وي وي،،،،هاي من اولها شلت
ايدك منه،،،وكمت ادكول
مااصرف عليكم،،،،،،،اي يمه
خلي يصيرن بخت بنت حقي
اني الربيت ولغيري يصيرون
« يمممه،،،،عوفي دلال وكافي الصار
بيها من وره بنات اخووج
« عقيل مرتي معليها لاتجيب
سيرتها هي حلفت بالقران
كدامك بعد شسويلك ،،،،
« حلفت جذب وحوبه القرآن
وخطيه دلال بركبتهن ليوم
الدين
« عووفه ولك هذا مغسول دماغه
وصار ابنهم مو ابنه،،اخووك صار
محبس بأيد ام عيون الخضر
وبعد مايشوف دربه،،،
هي جابت سيره دلال مره
ثانيه،،،،تخبلت وشلت
الطبله،، وركعتها بالبلازمه
« كاااافي مامليتي،،،،دمرتيني
خبلتني ،،،،،شنوو انتي
من بشر
مؤيد لزمني واني نفضته
وصحت،،،
« بالقران،،،اذا اسمع بعد واحد
حاجي علي دلال،، لو جايب
سيرتها بشي موزين الا اشوفه
شي مو شايفه ،،،،،،،،،
وانتووو ولكم
صيروا رجال واصرفوا على
رواحكم ،،،البيت وعفته الكم
بعد شتريدون ،،،اصرف عليكم
وانتو كل واحد رجال وشورابه
داكه بقندرته
صحت باخوتي،،،وامي
عاطت،،،
« عبالك  الله راح يوفقك
من  تعوف امك،،،واخوتك
« اييي راح يوفقني،،،،تدرين
ليييش
صحت وضربت التخم،،،برجليه
« لان عندي ملاك وجان بنص
شياطين ،،،ملاك ماعرفتي
قدره،، ولا حبيتها،،،لخاطري
ماعزيتها يمه،،،لخاطري
واذيتها،،،انتي وبنات اخوج
الساقطات
« ايييي روووح الحكها لللملاك
مالتك،،،روح يبن بطني
وانسه امك
مؤيد ومحمد طلعوني،،،واني
صحت
« رايح يمممه،،،رايح ولو تروح
للموت الحكها،،،،
وطلعت من بيتي،،،وعفته لامي
واخوتي،،،عفت كلشي،،الهم
وبديت اجهز بيت دلال وولدي
جنت ارتب بي واحجي
وي روحي
«عقيل هاي فرصتك الاخيره
وي دلال اي خطأ منك راح تخسرها
للابد،،،وبعد تحلم تشوفها
كلام رددته واني اكد علي روحي
وجنت فرحان لان داجهز
بالبيت الي راح يجمعني اني وولدي
ودلال،،،،
بسرعه بسرعه اشتريت
الغراض والاثاث،،،
ومؤيد وغسان ورسول ماقصروا
وكفوا وياي،  هم وخواتي
وهي ماشفتها ولا طلبت شي مني
وكله خواتي اختارنه وهن رتبن
على ذوقهن البيت ،،،،،
،،،،،،،،،،،،،،،،،،،،،،،،،،،،،،
قبل لااستقر بيتي،،،امي وغسان
اخذوني ،،،  لدكتور مختص
بالقلب،،،،،لان الخفقان رجع
وكمت اتخربط،،،
الدكتور من فحصني،،،،وسوالي
فحوصات،،كال نفس
كلام الدكتور الي اشرف
علي حالتي،،،،،،بالمستشفى
ضغطي،،،مره يصعد ومره ينزل
وهو الي مسبب الي وجع الراس
والخفقان،،،،،،،والي
راح يظل وياي طول العمر  ولازم
ماكو توتر او عصبيه،،،او قهر وتعب
وانطاني دوه،،،وكال
هذا استمري علي،،،،على طول
ولاتعوفي،،،،
سكتت ودمعتي نزلت،،،،وامي
من طلعنا وصعدنا،،بالسياره
حجت وهي تبجي
« گره عينهن للشريفات،،،خلي
يرتاحن هسه،،،،خلي يبرد گلبهن
هنه وكوثر،،،،هاي بنتي كامت
تشرب دوه للگلب وهي بعدها
بالعشرين ،،،،وكله من وراهن
ومن وره ،،، حقدهن وسمهن
الله عليجن،،،،،  لاشفتن عافيه
ولاشفتن الخير
وخطيه بنتي بركبتجن
ليوم الدين
سكتت وغسان ،،،حجه بضوجه
« حسبي الله عليهن،،،وعلى كل
واحد ظلمها
احنا بالسياره،،،،عقيل خابر
غسان،،،،وجاوبه
« الو ،،
ساله واخويه جاوبه
«ايي عقيل وديتها،،،
غسان سكت وذب حسره،،
،وكمل
«طلع ضغطها مو منتظم ،،،
مره يصعد ومره ينزل،،،وهو الي
مسبب الها الخفقان ووجع الراس
وكال موزين عليها
القهر والتوتر والعصبيه وانطاها
دوه راح تظل تشربه
على طول
غسان حجه هيج،،،وصار سكوت
غمضت عيوني،،،وتخيلت شكله
من سمع
هسه وجهه انطعن من القهر،،،
وغمض عيونه مثلي،،،وذب حسره
وهو يلوم بروحه،،،
« عقيل انته وياي،،،
غسان حجه هيج،،،،وبعدين
اندار،،وكال
« انته ورانا،،،،
گلبي زادت،،،دگاته من عرفته ورانا
ومكدرت اندار،،،،وظليت لامه ايدي
بحظني،،،،،،،، ومدنگه راسي
وحابسه دموعي،،،لان عرفته
مكدر الا يجي،،،وراي،،
امي اندارت،،،،وكالت
« اي ورانا ذيج،،،سيارته
غسان سد الخط وحجه،،،
« عقيل جان ورانا من طلعنا
الما كملنا،،،،
« ولييش مااجه علينا، ،،،
امي حجت،،،،،،،وغسان باوع
عليها،،،،وهي سكتت،،،وذبت
حسره
ردت اباوع ليوره،،،ردت اكوله
تعال اني محتاجتك
محتاجه حظنك يلمني وينسيني
الوجع،،،،،
بس مكدرت،،،،لان البيه
هو سببه
وصلت ونزلت،،،يم بيت اهلي،،
ووكفت يم الباب،،،
من شفت سيارته وكفت يمنا
عيوني،،،وگلبي
جانوا مشتاگين اله،،مشتاگه
اله رغم السواه بيه
رفعت راسي،،،وباوعت علي
وشفت واكف يم السياره مالته
،،،
شفت دلال نزلت،،،وقبل لاتفوت
لبيتهم ،،،وكفت
وترددت للحظه وبعدين،
رفعت راسها، ،،وباوعت عليه
عتب،،،،زعل،،،خذلان
شفته بعيونها،،،،،شفت دلالي
ووجعها،،،،،الي اني جنت سببه
صفنت بعيوني،،،واني ضعت بكلها
ضعت وتمنيت. بحرگه گلب
الصار مصار،،،
دنكت راسي،،،وطبيت واني ابجي
لان شوفته هيجت
جروح ماطابت،،،
وحجيت وي ماما من طبت
وراي
« ماما مااكدر ارجع اله ،،،
والله بس شفته گلبي كام
يوجعني
حجيت هيج وكعدت واني اشهك
وابجي،،،وهاله اجتي وهي
شايله مسلم ،،،،وحجت بخوف من
شافت وضعي،،،
« شكوو عمه شصاير،،
«شحجي والله تعبت،، والقهر
راح يموتني،،،،،،وهذا لساني
طلع علي شعر واني
احجي واعلم
حجت هيج وسكتت وبعدين
كعدت
يمي وكملت
«دلال صح
عقيل غلط بحقج،،،واذاج
واحنا مارضينا اله،،،
بس هم واحد لازم يحجي الحق
هو هم انلعب علي،،،،والشافه
خلاه يفقد عقله ويسوي
السواه
« ايي والله ياعمه،،،وانتي شفتي
شصاير بي من وره الندم
« اي هاله شفته شلون خلصان
وشفته،،،،،،،، بالمستشفى شسوه
واعرفه يحبها لبنتي،،ويعزها
بس شدعي،،،،، على
خرابات البيوت
الي خربن بيتهم وهجمنه
« ماما هوو جان المفروض،،
يعرف اني شنوو جان المفروض
يتأكد
سكتت وباوعت لهاله وكملت
بشهكه
« هاله عقيل جان المفروض يعرف
من حبي،،،،،، اله وتعلقي بي
اني مستحيل اخوونه
هاله سكتت،،،وامي حجت
« باوعي،،،عليه دلال،،،الصار
انسي،،،ولاتهجمين بيتج بايدج
وتشمتين بيج ،،،الي رادن يفرقنج
عن عقيل،،،،،والايام هي راح
تدواي جروحج وتنسيج
الشفتي منه
سكتت،،،وامي كملت
« ولج ماما لاتضعين الولد من ايدج
تره بعدين تتندمين،،،شوفي
شلون ماتحمل ينتظر
واجه ورانا،،،،
ماحجيت،،،شي وكمت
اخذت مسلم،،،ورحت
صعدت لغرفتي
جان مؤمن نايم،،،على جربايتي
خليت اخوه بصفه،،،
كعدت يمهم وصفنت عليهم بعيون
مغوركه،،،
ولدي نسخه من عقيل،، بس
شعرهم
جان اشگر،،،
وجع انضاف لگلبي من كمت اشوفه
بيهم،،،رغم البيه ابتسمت من
شفت مسلم خله ايده
على،،،،،وجهه وهو نايم،،حركه نفس،،، حرگه عقيل،،،
اني كاعده يمهم،،،،طلعت جهازي،،
وطگيت صوره الهم،،،
عقيل من جبت،،،جابلي جهاز
حديث وعرفت،،،من هاله هو
خله بي سيم كارت ورصيد،،ومنزل
كل التطبيقات الي جنت
استخدمها
هو بايدي
صفنت على،،،، برنامج للقصص
جنت اقره بي،،،،
ورجعت بالذاكره ليوره،،
مره جنت كاعده على القنفه
بغرفتنا ،،،،
مندمجه بقصه،،،رومنسيه
واضحك بدون شعور،،،وي روحي
هو جان كاعد ديباوع على فلم
اكشن،،،،،وماادري بي عايفه
ومنتبه الي،،،،
عضيت شفتي،،،وابتسمت
من قريت مشهد رومنسي،،
بين البطل والبطله،،،،،،،،،،جان
كلش حلو،،،وخله تعابير وجهي
تتغير،،،
« شبيج،،،تضحكين وي روحج
مثل الخبله
فزيت من حجه ومن شفته فوگ
راسي ارتبكت وجاوبت كرار صلاح
« هاا ماكو شي،،،هييج
حجيت بخجل وهو باوع بعيون
تضحك وبيها خبث حلو
« شدتقرين،،،
خليت الجهاز وراي،،،وحجيت
بفشله واني اهز براسي
« كلشي ،،،ماادقره
مد ايده وسحب جهازي من وراي
وفتحه،،،وبده يقره،،
من خجلي منه،،،كمت وهو لزمني
من خصري وحجه بضحك
« هو هذا المضحگج،،،،
ماحجيت شي،، وخليت وجهي
بصدره،،،من دارني علي
« اثاري گليبي ديقره مشهد فاهي
واني ،، صارلي ساعه
صافن عليج،،،واكول هاي شبيها
يمكن تخبلت،،
هزيت راسي وجاوبته بدون مااباوع
علي ،،،
« لاا حلو مو فاهي
وخر ولزم وجهي،،،وصفن بعيوني
وحجه بهمس
« والله فاهي اسالي استاذ وعنده
خبره
ابتسمت،،،وجاوبته بضحك
« شوفو منو يشهد لروحه
وهو بس حجي
حجيت باستفزاز،،،وهو رأسن شالني
وگبل للجربايه،،،
هناك عقيل نسه العقل ،،،،واني ويا
جنونه جان حلو،،،وشكله
من يهمس بكلماته الحلو تخليني
غصبا ماعلي،،،اتخبل علي
حركاته جانت تخليني اكزكز علي
واكوم ابوس بي بجنون،،،
وجنت اتعمد اترك اثر بركبته
وبصدره،،،،وهو جان يحب
هذا الشي.،،،
غمضت عيوني،،،بالم،،،
وتذكرت من وخر مني،،،وكال
بضحك وهو حاظني لصدره بقوه
« ولج التلميذ غلب استاذه،،
وصاير وكح
« هاي لان احبك بمووت،،،
غلبتك
فتحت عيوني،،وهمست
بضياع،،،واني ادور علي بعيوني
« وبعدني احبك عقيل،،،بعدني
امووت عليك،،،بس
سكتت ومسحت دموعي
وكملت بشهكه
« بس كمت اخاف منك،،،،،
منظرك وقسوتك
وضربك الي مديروحون من
عقلي،،،،،،ايدك الجانت تحظني
بلهفه وحنيه هي نفسها
الي ضربتني،،،وانته بنفسك
ظلمتني،،،،، انته قبل الكل
ورغم السويته مكدرت
اكرهك
مكدرت عقيل،،،وبعدني احبك
سكتت ورفعت راسي للسما
وحجيت وي ربي بتوسل
«يارب شنوو اريده ومااريده،،،
لييش هذا الشعور ليش هييج
يالله،،،،،
ردت اكول طلعه،،،من گلبي
مكدرت انطقها،،،لان هذا حبيبي
الاول والاخير،،،،
ولان
جنت اعرف بروحي،،،مراح احب احد ،،حتى لو افترقت
عن عقيل،،،،،
لان الحسيته ويا،،،،،عمري مراح
احسه وي غيره
عقيل، ،،
نار،،،وشوگ، ،عشگ،،،ولهفه
مجنونه وحلوه
وعيونه من جان يباوع بيها عليه
وبدون كلام،، جانت تحجي وادكول
احبج وامووت عليج،،
ونظرته،،،جانت تخليني ارجف
وگلبي يدك بفرح،،،،
اني بذكرياتي جهازي دك،،،،
وشفته عقيل،،،
صفنت على اسمه،،،،
وماجاوبت،،،،دك مره ثانيه،،
وهم مجاوبت ،،،،،
دز رساله
« دلال افتحي الخط الله يخليج
اريد احجي وياج،،،،
وره لحظه،،،،دك
فتحت الخط،،،وماحجيت
وهو ،،،،،حجه بصوت مخنوك
« دلال اني ماانتظر منج
تسامحيني
لان السويته ،،،،،بيج مو قليل
ومرضج هذا ،،،،صار عذابي
الما امووت
سكتت وكتمت شهكه
رادت تطلع
وهو كمل كوه وبصوت يرجف
« اني اعرف كلش زين
اني خسرتج
ومستحيل نكدر نرجع مثل
الاول
سكت من غص بالحجي،،،،وكمل
وره لحظه
« دلال،،،،والله وغلاتج انتي وولدي
اني ندمان والليل كله مداكدر انامه
من وراج،،،،ومن وره الصار
سكت للحظه وكمل بغصه
«رااحتي انتي جنتي
واني بايدي هاي الاذتج
خسرتها،،
شهكتي طلعت وكتمتها،،،بايدي
وهو من سمعها حجه
« لاتبجين،،،ولج لاتبجين
وتخبلني،،،،،
دلال سمعيني صوتج،،،
ولج احجي كلمه،،،بداعه ولدنا
احجي شي،،،وريحيني،،،
ادعي عليه ،،والله قابل باي
شي منج،،،، بس اسمع
صوتج
مجاوبته،،،،وسديت الخط،،
وتمددت يم ولدي،،،وكمت ابجي
بحرگه گلب،،،ظليت بمكاني،،،
اني ودموعي،،،وهو الي
لازمني مثل ظلي
بخيالي وواقعي،،
وواقعي جان لازم اقبل بي
وارجع
اله ،،،
،،،،،،،
وره يومين بيتي كمل كلشي
بي،،،وهو خابر ابويه
وكله راح اجي الصبح،،،حتى
اخذ دلال وولدي،،اله
واجه اليوم الي لازم،،،،اروح
بي لبيتي،،،،
جنت كاعده بالصاله،،،ومسلم
بحظني،،،ومؤمن شايلته هديل
وتبوس،،،،بي
جانت الفرحه بعيون الكل
لان الگلوب صفت،،،،وهدأت
عكس گلبي الي جان يدگ
بخوف،،،،،
سمعت الجرس دك،،،وغسان
راح اله،،،واجه وره
دقائق،،،طب
وسمعت صوته،،،للي،،هو النفس
وهو خنكه الروح،،،
« السلام عليكم،،،
سلم وابويه وامي ردوله،،،
واني سكتت،،وظليت مدنكه
راسي
«شلونج دلال،،،،
سمعت صوت مؤيد وشفته اجه
عليه ،،،
اني شفته مره بالمستشفى
وبعد ماشفته،،،،
رفعت راسي واتجنبت اباوع لعقيل
الجان واكف يم ابويه
وباوعت لمؤيد الي ابتسم
بخجل وكمل
« شلونج عسوله
كتمت غصتي،،،،،وهزيت راسي
وجاوبته
« الحمد لله
مد ايده لمسلم وكال
« هذا مؤمن موو،،،،
« لااا هذا مسلم،،،،
مؤمن عيونه سود ومسلم عيونه
عسليه مثل عع،،،،
سكتت وبلعته والكل حسوا بيه
دنكت وعضيت شفتي بقهر
وهو حجه بصوت مخنوك
« عم حقي اني طالع بره
« عقيل تعال للاستقبال عندي
حجي وياك
« مؤيد انته اخذهم للبيت،،
حجه وهو مدنك،،،وراح
وي ابويه
« يله ماما كومي،،،خلي نروح
لبيتج انتي وعقيل
كلام امي خلاني اصفن عليها
للحظه،،،وهي اشرت براسها
كوومي
كمت ومؤيد انطاني،،،،مسلم
وشال،،،،، جنطتي وطلع كدامنا
بيتي
جان بعد كم بيت عن بيت اهلي
مشتمل بنائه حديث،،،وخارطته
كلش حلوه،،،وبي حديقه صغيره
البنات وامي كالن
انتي طبي بالاول،،،،،وسمي
سميت اسم الله وطبيت،،،
ورحت لباب الاستقبال،،،
،
« هااا دلال شنو رايج بالتخم
هاله حجت بضحك واني،،،هزيت
راسي، وكتلها
« حلو ،،،
رجلي اخذتني،،،للصاله وكفت
وصفنت عليها جانت
واسعه ومريحه
وجان بيها نص تخم وشاشه
بلازما،،،،،،
« تعالي،،،شوفي غرفتج
انتي وعقيل،،،
هديل حجت،،،،واني وكفت بمكاني
وصفنت على بابها بجمود
« تعالي ماما،،،،،،
امي اخذتني من ايدي،،ورحنا
للغرفه،،،طبيت،،،
وشفت الاخشاب مغيرها،،،
ابتسمت بالم،،،، لان اني عرفت
هو كسرها للقديمه من صارت
السالفه
« دلال خلي مسلم ومؤمن
هنا،،،
هاله حجت،،،واني باوعت لسرير
مال بيبي كلش حلو
جانوا اثنين،،،وبينهم كومدي
نفس تصميمهم،،،
سمائي،،،وابيض لون ولادي
وحلو،،،،
رحت خليت مسلم،،،وهديل
خلت،،،مؤمن، ،،
« يله مادام. ولدج نايمين،،،،،شوفي
غراضج الجبنها ويانا
وين تخليهن
امي حجت هيج وهديل وهاله
راحن جابن الجنط،،،
من شيرين بنت هاله راحت
تريد تصعد
بسرير مؤمن.شلتها وبستها
وحجيت وياها،،،
« خلي نايم وهاج هاي
العبي بيها
انطيتها لعبه من مال ولدي الشفتها
علي الميز وهي اخذتها
وكعدت تلعب بيها
اني دارتب بغراضي
امي سالتني،،،،،،
« دلال شربتي الحبايه مالتج
« لا ماما ماشربتها،،،
« ولج امشي اشربيها،،،
لاتتخربطين
« مابيه شي ماما،،،،من اشوف نفسي
احتاجها اني اشربها
«اويلي من عنادج،،،
وراسج اليابس
عفت امي تحجي،،،ومادرت بال
لالحاحها بشرب الحبايه،،،وظليت
ارتب بهدايه ولدي بالكنتور
اني ،،،،،،داشتغل حسيت گلبي
زادت دگاته،،،مدرت بال
وعاندت نفسي
وكلت مااشرب،،،مابي شي
هسه هو يهدا،،،،،ماهدأ
وورره لحظات،،،حسيته كامت يدك
براسي ورجلي،،،بادن
« دلال بيج شي ،،،
هاله حجت،،،،واني رجعت ليوره
وكعدت بسرعه،،،
هي عافت الغراض،،،وصاحت
بخووف
« عمممه
مثل حاله الاغماء اجتني
كمت افتح واسد بعيوني ومن
هاله لزمتني،،،، انهاريت بحظنها
جنت واعيه،،،بس مابيه حيل احجي
او احرك جسمي
«ولج مو كتلج اشربي الحبايه
ااانتي ليش ماتسمعين الكلام
امي صاحت
وكامت تذب مي على وجهي
من جابته الها هديل،،،
« شكووو
سمعت عقيل من صاح وحسيت
بي من اخذني من حظن هاله
وكام يضرب علي وجهي
ويصيح بخبال
« شبيها شصارر
« عقيل خلي الحبايه بحلكها
فتح شفتي بايد ترجف
ودفع الحبايه وشربني المي
شربت شويه واني اريد الحبايه
تنزل حتى ترد روحي
« دلال فتحي عيونج،،،باوعي
عليه،،،ولج فتحيهن ولاتحركين
گلبي عليج
جنت بحظنه واسمعه يحجي
بخوف وتوسل،،
وايده جانت تمسح بوجهي
وره دقائق حسيت،،،حيلي شوي
رد والخفقان قل،،،،
فتحت عيوني،،،،،وشفته
وجهه مطعون من القهر وعيونه
مغوركه،،،،،،
رأسن باس راسي،،،وحظنه لصدره
وكال بغصه
« الحمد لله والشكر،،،الف
الحمد لله
ماوخرت منه ورجفه جسمه حسيت
بيها وخلتني ابجي،،،،
وهو من سمعني وخرني،،،،
وكام يمسح بدموعي،،،ويكول
« شسويلج،،ووين اوديج حتى
ترجعين مثل الاول،،،،
سكت وباوع لامي،،،وحجه بغصه
« عمه ،،،،شسوي كوللي ولكم
احجوا وكولو وين اوديها،،،
بالقران ابيع
الهدوم الي عليه بس هي
تطيب وترجع مثل الاول ،،،
حجه هيج ورجع يبوس براسي
ويكول
« خطيتج بركبتي،،اني السبب
دلال اني ااااني
ردد هاي الكلمه وامي
اجتي وكومته
من يمي ومؤيد الي طب
اخذه وطلعه،،،
جانت هاي اشاره، ،،الي
وخلتني اعرف اني حياتي،،،متعلقه
بحبايه ولازم مااعوفها
،،،،،،،،،،
بعد الصار عقيل طلع،،،
وعرفت من هاله هو راح للدوام
3 ايام،،، مروا وماشفته،،،،،
وجنت اسمع من هاله هو يخابر
حتى يطمن علينا
مخابر عليه،،،،وعرفت البي
لان نفس
البيه
هاله وغسان ظلوا يمي
واني التهيت،،،، ارتب بيتي
علي راحتي،،،غيرت
ترتيب بعض الاثاث،،،،والديكورات
وضفت نباتات زينه،،،،،بالمطبخ
والاستقبال،،،،،،،
جنت شاريد يجيبه الي ،،،لو
مؤيد لو غسان
رغم وضعي،،،اني ويا
البيت ارتاحيت بي،،،وحسيت
هدأ نفسيتي،،،
شعور بالانتماء اله صار عندي
وحبيت كل ركن بي،،،
« غسان ازرعها هنا ،،،
« ولج راح تصير قريبه على الباب
« ايي اني اريدها هيج،،،
حتى نسوي سقيفه
تسلق علي،،،
« هااا والله حلو ،،،
عفت اخويه يزرع بالورد والجهنمي
ورحت للمطبخ،،،حتى اشوف
اليخني والتاجينه،،،
« دلال غسلت لمؤمن ولمسلم
وراح ارضعهم حتى يناموون
غسلت ايدي وجاوبتها،،،،
« جيبي،،،مسلم خلي ارضعه
لان صدري ديوجعني
« لييش،،،،مو رضعتي لمؤمن
قبل شويه
« مااعرف،،،احسه متنك
من الحليب
حجيت هيج ومشيت وياها
لغرفتي
شلت مسلم من فراشه،،،،وكعدت
وخليته بحظني،، وكمت ابوس
بي واشم بريحته،،،
« فدوه لابو ريحه الحلوه،،
ابني ضحك الي واني بسته
مره ثانيه
وحجيت ويااا
«جوعان بعد ماما،،،،هسه
ارضعك
بديت ارضع،،،ابني، ،وهاله سوت
ممه لمؤمن الي مايشبع
وكعدت ترضع بي ،،وتحجي
وياي،،،
« دلال تدرين بمؤيد،،وكع
بالحب، ،
فكيت عيوني وجاوبتها
« جذذذب مااصدك
« هههه صدگي يولي،،،وبنت منوو
حب احزري
هزيت راسي،،،بمنوو
وهي جاوبتني،،،
« ولج تعرفين جيران اهلي،،،
بيت ام نوره
« اي اعرفهم،،،خوش ناس ذوله
وبنتهم نوره،،،شايفتها مره
من اجتي ضربت ابره
لعمه كوثر
« ايي هي هاي الي حبها مؤيد
« وشلون حبها
« ولج ،،،،تذكرين من تخربط،،
وضغطه هبط
« اي اذكر حجيتي هيج شي
« امي رايحه عليهم
وجايبتها هي
وابوها لبيت اهلي وهي قايسه
الضغط اله والاخ ظل
بس فاك ،،،،،،حلكه عليها وصافن
ووره ايام،،، من شافها تدوام
عرض عليها يوصلها وهي لابسته
وظل يحاول وياها
وبكل. مره تلبسه
وبالاخير مرزلته ومهددته
ادكول،،،،،،، لابوها وهو يكول
لعقيل علي،،،، وعلى تصرفاته
« جذذذب
« ههههه شبيج يولي،،كلمه احجي
وياج ادكولين جذب
« ولج مو مصدكه مؤيد بداله
يوكع بالحب
« ههههههه خرب عرضج
شلون لقب ،،،
« ولج انتي اخوتج كلهم زاحفيين
من الجبير للصغير
« وعقيل هم ،،،
سكتت وجاوبتها وره دقائق
واني اباوع لغير جهه
« جان بس،،،،
سكتت وكملت بگلبي
من عرف بحبي اله بطل كلشي
هي حست وكامت
خلت مؤمن من نام  بفراشه
وكالت،،
« اروح احظر الزلاطه،،،واللبن
هزيت راسي باي وهي راحت
،،،،،
انهزمت من من الصار،،،ورحت
للدوام،،
ظليت 3 هناك
اخابر،،،، واسال عليها
وفرحت،،،، من هاله كالت
بدت ترتب بالبيت ،،،
وتعال شوف شلون طلعته جنه
ويخبل،،،
راحه سكنت گلبي من سمعت
هذا الكلام
وباليوم الرابع ماتحملت
ونزلت لبيتي،،،،وصلت ونزلت
وبس طبيت للكراج،،اشتميت
ريحه التاجينه،،،
« اوووف انتي جنه،،وريحه
هلي وناسي
ابتسمت وحسيت بشعور حلو
حسيت عندي شي انتمي اله
ويلمني من اجي تعبان
« هلا بالشرد وعاف الكراب
براسي اني ومؤيد
ابتسمت وبوست غسان من
اجه عليه ،،
« شووف مرتك،،،رادت ورد
ورحت جبته وزرعته
باوعت للحديقه،،،وشفت
شتلات جوري،،،،وورد ماعرفته
وشجره جهنمي،،،،وياهن
« عاشت ايدك وايدها،،،
جاوبته،،،،وكملت وي روحي
« هو انتي ورد ومشتول بنص
روحي ،،،شسوي بغير ورد
طبيت وعفت غسان،، يرش
بالزرع،،،رجلي اخذني
للغرفتنا،،وكفت وسمعت حجي
هاله ودلال من كالت الها
اخوتج كلهم زاحفين من الجبير
للصغير وهاله من ردتها
وعقيل هم سكتت وجاوبتها
« جاااان،،،بس،،،
ماكملت وخلتني بحسره البس
رجعت ليوره من سمعت هاله
راح تطلع
ورحت للمطبخ،، فتحت الجدر
وشلت بالخاشوكه. تمن وكمت
اكل.،،
« هلو عقيل
انداريت على اختي،،،
وبوستها،،،من اجتي عليه
هي وبنتها،،
« شوكت اجيت
« توني،،،
« ديله اسبح،،،حتى نصب غده
هزيت براسي باي ورحت لغرفتنا
دكيت الباب وسمعت
صوتها
« فووتي هاله
طبيت بدون مااحجي شي
وشفتها دترضع بابني
« هااا هاله،،تت
حجيت ورفعت راسي،،،وتفاجأت
بعقيل واكف وصافن عليه
صحت
«عزه
وشهكت،،،ودرت روحي
من شفت رده فعلها انداريت
وكمت امسح بشعري من ارتباكي لان حسستني
اني غريب عليها
وحجيت
« اريد اسبح وهدومي،،بالكنتور
رحت علي بدون مااباوع عليها
وقبل لا افتحه،،هي حجت
« هدومك موو هنا
عكدت حواجبي،،واجه بالي هي
مطلعتهن،،،من غرفتنا بس
هي حجت وكالت
« حولت هدومك بالباب الاخير
الخانه الفوك تراكتك والوسط
ملابسك الداخليه،،،
انداريت،،،عليها وشفتها
كامت وخلت ابني،،،،بالجربايه مالته
وطلعت بدون ماتباوع عليه
ذبيت حسره من گلبي
ورحت لولدي،،،دنكت وبست
مسلم الي جان شعره،،اطوخ من
شعر مؤمن،،،
من شفته حرك راسه ابتسمت
لان عرفت شواربي بززنه،،
وخرت منه،،،وبست مؤمن الي
جان نايم وفاقد،،،،
« الله يخليكم الي،،،،ولايحرمني
منكم ولا من امكم
حجيت هيج،،،،وظليت واكف
وصافن عليهم،،،
بعدين رحت للكنتور،،،،وبس
فتحته كفخت بوجهي،،،ريحه
طيبه،،،ابتسمت
لان اعرف سوالف دلال
مدمنه مال معطرات ومنظفات،،،،وماتشتري
الا الشي البي ريحه طيبه وفواحه
مديت ايدي ولمست هدومي
المصفطات،،،بترتيب،،حلو
اخذت تراك،،،،وملابس،،،
داخليه،،،ورحت للحمام
سبحت وطولت جوه الدوش
لان جنت تعبان واريد
جسمي يفك،
،،،
غسان وهاله ماقبلوا يظلون وكالوا
اخذوا راحتكم،،،،
واخويه اكد عليه انسه وانطي
عقيل فرصه ثانيه،،،،
طلعوا،،،،،،،وخلوني وحدي
ويااا،،،،
حاولت اصير طبيعيه،،،
ورحت ثردت اله بماعون،،وطلعت
الزلاطه السوتها هاله من الثلاجه
واللبن،،،،،،،،،خليتهن،،،بصينيه
وبس سمعته طلع من الحمام
صبيت،،،الغده وشلته ووديته
للصاله،،،وكفت،،،،،،،،،بجمود
من شفته واكف ديصلي،،،
الصينيه رجفت بأيدي،،،وخليتها
بسرعه على الطبله،،،،
وباوعت،،،علي،،
كمت اردد بدون شعور
« عقيل ديصلي،،،،ايي ديصلي
جسمي رجف من الخشوع وعيوني
دمعت،،
اني اصلي،،،،ومن بيت اهلي ملتزمه
بيها،،،ومن تزوجت ظليت هيج
رغم الشفته منه ،،،،ومن تغيرت
حياتنا ،،،،،،،جنت اتوسل بي يصلي
وهو جان يكول عوفيني دلال
اني من تجي براسي اصلي بدون
محد يكلي،،،صلي
كمل وسلم،،،وشفته رفع ايده ودعى
بهمس
كمت وصفطت السجاده
ومن انداريت شفت دلال واكفه وراي
وصافنه عليه بعيون مغوركه
للحظه ودارت راسها،،وحجت
بصوت مخنوك
« صبيت الك الغده،،
من ردت اروح صاحني ،،،
« تعالي اتغدي وياي انتي تعرفين
اني مااكدر اكل لوحدي
وكفت،،،وهو شال الصينيه
وخلاها،،بالكاع،،،
ترددت للحظه،،،وبعدين
رحت،،،للمطبخ من تذكرت اللبن
والمي
جبتهن. ورجعت،،،للصاله
كعدت اكباله،،،،،ومامديت ايدي
ابتسمت وتذكرت بليله عرسنا
من مامدت ايدها،،،، ،،وكالت
هيج احنا الا بابا يمد ايده
يله ناكل
سميت ومديت ايدي،،،وبديت
اكل
عيوني جانت تراقب،،ايدها
شلون توخر الكشمش من التمن
وتخلي بماعوني،،،،
فلست صدر الدجاج،،وخليت
قطعه يمها،،،
نفس الشي،،،وتكرر
الي صار بليله عرسنا،،،،هدنه
وسكوت،،،وهو جان جوعان واكل
بسرعه،،،ومن كمل ماعون التمن
كال
« اكوو بعد
« ايي هسه اصبلك،،
جاوبته،،وكمت للمطبخ،،،،،
صبيتله بماعون،،،،وجبته اله
،،،،،
كمل قبلي،،،،وراح غسل،،،
اني كمت وشلت الصينيه،،
ورحت للمطبخ،،،فرغت المواعين
وغسلتهن،،،،وخدرت جاي
صبيته ورحت اودي اله
وشفته متمدد،،،،،،،بالصاله
ومخلي ايده على وجهه،،،،
ماكعدته لان عرفته تعبان،،،،
رجعت الجاي وقفلت باب المطبخ
ورحت لغرفتي،،،
جانت ظلمه وبارده وولدي نايمين
خليت الباب مفتوح شويه
حتى ،،، يفوت الضوه ورحت
تمددت،،
،،،،،،،،،،،،
للعصر كعدت من سمعت مسلم
كام يبجي،،،ووراه مؤمن
كمت وشلت مؤمن وحرت شلون
اشيل مسلم،،
اني بدوختي وياهم وبجيهم
سمعت صوت عقيل
« هاي شبيهم،،،
وخرت من اجه وشال مسلم
وجاوبته بدون مااباوع علي
« جوعانين،،،ولازم ارضعهم واغير
الهم الحفاظات ،،،
حجيت هيج ورحت ذبيت
مؤمن علي الجربايه وسويتله ممه
بسرعه وخليتها بحلكه
مسلم ظل يبجي وماسكت،،،
وعقيل حجه
« عوفي اني الزم الممه
وروحي سوي الخ لمسلم،،
عفته وهو اجه وكعد ولزم
الممه لابنه
سويت الممه ورحت اخذت
مسلم منه وكعدت ارضع،،،بي
« هذوله عبالك يكعدون سوه
ويبجون سوه ،،،
هزيت راسي باي،،،وهو ابتسم
وكال
« مؤمن جوعي مثلي وهسه يطلع
من جماعه العظامه،،،،ڪــڔٰا̍ڕ
ابتسمت رغم عني، ،،لان جنت
اني اكول علي،،
جوعي ومن جماعه العظامه،،،،
من تغير وجهها وابتسمت،،،
حسيت براحه،،،،،وبفرحه بگلبي
وحسيت الايام الجايه
راح اتكون احلى من الراحت
يِّتّبِعٌ